Bawˇtsahˬ 23:4 - Akha

⁴ Kʼoeˇ gaˇ, Miˬyehˇ aˬ yawꞈ-ahˇ tahˬ puˬ le-euˬ meh. Miˬyehˇ-ahˇ Baˬlamˬ ehˇ nehˬ-eu, “Lawˇ duˬ shiꞈ tsahˇ ngaˇ tsoˆ gʼaˬ-awˇ, aˬ yawꞈ tsahˇ yawꞈ kʼoeˇ taˆ, mawˇ neˇ mawˇ gaw tiˬ mawˇ hawˇ-eu yawˇ aˬ buˬ tiˬ mawˇ lawˇ-euˬ ma.”

Bawˇtsahˬ 23:4 ပူးပေါင်းရင်းမြစ်များ

Bawˇtsahˬ 22:20

Kʼoeˇ ngeh miˇ, Baˬlamˬ jawˇ gaˇ Miˬyehˇ oe-awˇ, “Aˬ yawꞈ maꞈ nehˬ-ehˇ laˇ-awˬ lehˇ tsawˇ haˬ heu deuˬ nawˬ-ahˇ kuˇ le-euˬ ngeuˇ naˇ, lehˬ hmˬ-awˇ le-awˬ. Ehˇ kʼawꞈ, ngaˇ kʼaˇ bi ehˇ-euˬ loꞈ-ehˇ tehꞈ-ehˇ ehˇ lawˬ.”

Bawˇtsahˬ 22:9

Baˬlamˬ jawˇ gaˇ Miˬyehˇ oe-awˇ, “Nawˬ nehˬ-ehˇ jawˇ luꞈ-eu tsawˇ haˬ heu deuˬ aˬ suˇ gʼaˬ-a” lehˇ naˇ haˬ-euˬ meh.

Bawˇtsahˬ 23:1

Baˬlehˇ-ahˇ Baˬlamˬ ehˇ nehˬ-eu, “Heu gaˇ lawˇ duˬ shiꞈ hmˬ tsoˆ-awˇ, Mawˇ neˇ mawˇ gaw shiꞈ mawˇ hawˇ-eu yawˇ aˬ buˬ shiꞈ mawˇ ngaˇ jawˇ gaˇ tsahˇ laꞈ-awˬ.”

Bawˇtsahˬ 23:16

Baˬlamˬ-ahˇ Sahˬpaˬ Miˬyehˇ tahˬ puˬ le-awˇ, aˬ joˆ-ehˇ ya ngehˬ ya tmˇ-eu gaˇ kawˆ mehˬ nehˬ gʼaˬ-awˇ, Baˬlehˇ-ahˇ bi dzawˇ nehˬ-iˇ-eu gʼaˇ duˬ bi gʼoꞈ-iˇ-euˬ meh.

Bawˇtsahˬ 23:3

Kʼoeˇ naˇ, Baˬlehˇ-ahˇ Baˬlamˬ ehˇ nehˬ-eu, “Nawˬ neh lawˇ-euˬ miˬ dzaˬ dzah puiˆ-awˇ lawˇ-eu jeˬ dawˬ peh yawꞈ tawˬ. Sahˬpaˬ Miˬyehˇ ngaˬ-ahˇ tahˬ puˬ le nga loˇ lehˇ ngaˇ haw leˇ la. Aˬ yawꞈ neh ngaˬ-ahˇ kʼaˇ pah mehˬ laꞈ-euˬ jeˬ nawˬ-ahˇ ngaˇ paˇ dzawˇ nehˬ le ma.” Kʼoeˇ naˇ, aˬ yawꞈ tiˬ gʼaˬ tehꞈ-ehˇ gawˬ duˇ uˬ du le-euˬ meh.

Bawˇtsahˬ 23:5

Kʼoeˇ ngeh, aˬ joˆ-ehˇ ya ngehˬ ya tmˇ-eu gaˇ kawˆ Sahˬpaˬ Miˬyehˇ neh Baˬlamˬ-ahˇ mehˬ nehˬ-awˇ, Baˬlehˇ-ahˇ bi dzawˇ nehˬ-iˇ-eu gʼaˇ duˬ bi gʼoꞈ-iˇ-euˬ meh.

Maꞈtehˬ 20:12

‘Jeˬ nah nah saˬ oe-awˇ mˇ le-euˬ deuˬ naˬ liˬ tiˬ laꞈ mˇ-euˬ tehꞈ meh. Nga maꞈ-aˬ, nah ga-ehˇ nahˇ tsaˇ lawꞈ lawꞈ-ehˇ mˇ-euˬ ma. Ehˇ kʼawꞈ, nawˇ gʼaˬ gaˇ poeˬ biꞈ laꞈ ngeh, tiˬ kawˆ myaˆ ni tehꞈ-ehˇ biꞈ laꞈ-eu nga’ lehˇ ehˇ-eu meh.

Luˇkaꞈ 18:12

Ngaˇ-aˬ, tiˬ jaw laꞈ kʼoeˇ nyiˬ nah maˬ dzaˬ-eu zahˇ tawˬ luꞈ-awˇ, ngaˇ kʼaˇ za-euˬ yawˬ jeˬ na luꞈ laꞈ kʼoeˇ, tseˇ bymˇ tiˬ bymˇ nawˬ-ahˇ damˬ luꞈ ma’ lehˇ shaˇ-euˬ meh.

Yoˇhaˬ 16:2

Naw maꞈ-ahˇ Yuˇdaˆ tawˇ haˬ-euˬ uˬ duˬ tahˬ nymˇ-ahˇ maˬ bi taꞈ ni teh dzeh nehˬ laꞈ tehꞈ-a. Naw maꞈ-ahˇ sehꞈ-eu kʼoeˇ-aˬ, Miˬyehˇ-euˬ nui kʼahˇ mˇ-eu jeˬ pyeuꞈ-eu ma lehˇ, naw maꞈ-ahˇ sehꞈ-eu tsawˇ haˬ deuˬ noe-eu aˇ nah keuˆ le tehꞈ-a.

Lormav 3:27

Toˆ-ehˇ ngeuˇ naˇ, aˬ dui nui ma huiˬ kʼaˇ aˬ gaˇ paˇ za ta. Tiˬ gaˇ-iˬ maˬ paˇ za meh. Aˬ jeˬ miˇ neh ehˇ naˇ, Zahˇ dawˬ kʼoꞈ dawˬ mehˬ nah caw teh-eu baˬ da neh Miˬyehˇ-ahˇ tsaˬ leˇ tsahˇ leˇ-eu tsawˇ haˬ pyeuꞈ laˇ nya-eu maˬ ngeuˇ-a. Jah-eu baˬ da neh tehꞈ-ehˇ pyeuꞈ laˇ nya-eu meh.

Eˇpeˇsu 2:9

Naw maꞈ mˇ-euˬ shaˇ-euˬ baˬ da neh za-euˬ maˬ ngeuˇ-a. Kʼoeˇ loꞈ-ehˇ ngeuˇ law nmˇ-aˬ, tsawˇ haˬ aˬ geu gʼaˬ maˬ kaˬ, kʼahˬ sehˇ jehˆ kʼaˇ za tehꞈ-a.