Bawˇtsahˬ 23:23 - Akha

²³ Mah loˬ jaˬ nehꞈ zmˬ-awˇ, Iˇsaˬleˬlaˆ tsawˇ haˬ-ahˇ maˬ laˆ deuˬ nya-a. ‘Haw sheˇ. Iˇsaˬleˬlaˆ tsawˇ haˬ deuˬ-ahˇ Miˬyehˇ aˬ joˆ-ehˇ jahˇ nehˬ-eu nga’ lehˇ, aˬ cawˬ ya ehˇ gaˇ keuˆ tehꞈ-a.

Bawˇtsahˬ 23:23 ပူးပေါင်းရင်းမြစ်များ

Aˇ dahˬ 3:15

Nawˇ hawˇ-eu zaˬ miˬ zaˬ naw nyaꞈ yaw kaˬ, tiˬ gʼaˬ tiˇ gʼaˬ muiˇ ni ngaˇ jahˇ ma. Aˬ yawꞈ-euˬ zaˬ deuˬ hawˇ-eu nawˬ-euˬ zaˬ deuˬ, aˬ myah luꞈ tiˬ gʼaˬ tiˇ gʼaˬ muiˇ tehꞈ-a. Aˬ yawꞈ-euˬ zaˬ deuˬ nawˬ-euˬ uˬ duˬ nawˬ pyehˆ-awˇ, aˬ yawꞈ maꞈ-euˬ aˬ kuiˇ kuiˇ nuiꞈ-ahˇ nawˇ toˆ tehꞈ-a” lehˇ ehˇ nehˬ-euˬ meh.

Jaceuq 31:19

Nawˬ-ahˇzeu-eu deuˬ-euˬkʼoeˇtaˆ, nawˬneh biꞈ-euˬguiˬlahˬkʼoeˇdeuˬ, aˇnaˆni byah-eu kuꞈ-eu nga. Nawˬ-ahˇgʼoe-eu tsawˇ haˬdeuˬ-ahˇ, nawˇaˇnaˆni muiˬ-eu gaˇkawˆ, miˇtsaˬzaˬdeuˬmawˇjiˇluꞈmeh.

Jaceuq 64:9

Tsawˇ haˬ dawˬ tawˆ luꞈ ya guˆ-iˇ tehꞈ-a. Miˬyehˇ nui ma pehˇ-eu gaˇ kawˆ aˬ yawꞈ maꞈ ja-awˇ, aˬ yawꞈ neh mˇ-euˬ gaˇ kawˆ shaˇ sawˇ tehꞈ-a.

Iˇsaˬyaˇ 41:4

Kʼoeˇ loꞈ-ehˇ bi pyeuꞈ laˇ-euˬ gʼaˬ aˬ suˇ gʼaˬ-a. Miˇ kʼahˬ shaˇ ka hawˇ-eu tsawˇ haˬ gaˇ kawˆ, dehˬ paˇ nehˬ-eu kʼoeˇ gʼaˬ aˬ suˇ gʼaˬ-a. Sahˬpaˬ Miˬyehˇ pyeuꞈ-eu ngaˇ-aˬ, aˇ dahˬ beh ngeh neh kʼoeˇ gaˇ jawˇ luꞈ-awˇ, aˇ saˬ saˬ ngeh keuˆ ni jawˇ ma.

Iˇsaˬyaˇ 44:25

Nyiˇ paˬ shaˆ ma deuˬ-ahˇ ngaˇ tsawˇ uˬ laˆ uˬ-awˇ, mah loˬ ja maw nya-eu deuˬ-ahˇ daˬ laˆ ga nehˬ-euˬ ma. Zaˬ siˬ tsawˇ gahˇ byah-eu deuˬ-euˬ dawˬ-ahˇ ngaˇ laˆ cawˆ-awˇ, aˬ yawꞈ maꞈ-euˬ zaˬ siˬ tsawˇ gahˇ yawꞈ ngehꞈ meh lehˇ bi siˬ-euˬ ma.

Yeˬsaˬgeˬlaˇ 21:21

Baˬbuˇloˬ sahˬ paˬ-aˬ, gaˇ ma gaˇ tsmˇ-ahˇ gaˇ ma toeˬ mehˬ-eu sahˬ boꞈ boꞈ myahˬ taˬ-euˬ mehˬ shi yawꞈ-awˇ, gaˇ ma aˬ geu kahˇ iˇ paˬ nga lehˇ, kaˆ myaˬ joˆ poˆ haw, aˬ yawꞈ-euˬ tahˬ pahˬ aˬ ma mawˇ kawˇ deuˬ-ahˇ naˇ haˬ haw, lawˇ-eu gʼaˇ duˬ sehꞈ-euˬ jeˬ zaˬ-euˬ shaˬ tsahˬ-ahˇ haw, lehˇ jahˇ luꞈ meh.

Daˬyeˬlaˇ 9:15

“Nawˬ-euˬ baoˬ-ahˇ gʼoe-awˇ nawˬ-euˬ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ laꞈ nehˬ-awˇ, kʼoeˇ baˬ da neh iˬ nah keuˆ ni tsawˇ myahˇ doˆ luꞈ-eu nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nga maꞈ iˬ baˇ mˇ-euˬ ma.

Miˇkaˬ 7:15

Sahˬpaˬ Miˬyehˇ-oˇ, Iˇjiˇtuˆ miˇ kʼahˬ laꞈ kʼoeˇ neh nga maꞈ-ahˇ nawˇ sheuˬ doˆ laꞈ ngeh loꞈ-ehˇ, nga maꞈ gʼaˇ duˬ zahˬ leˇ paˬ-ehˇ gʼeh-eu jeˬ mˇ nehˬ laꞈ-awˬ.

Bawˇtsahˬ 24:1

Nymˬ-mˇ poˆ jawˇ-aˬ, Sahˬpaˬ Miˬyehˇ aˬ yawꞈ-ahˇ Iˇsaˬleˬlaˆ tsawˇ haˬ deuˬ kʼoeˇ taˆ dawˬ bi ngehˬ gʼeh mawꞈ-eu Baˬlamˬ siˬ duˬ-euˬ miˇ neh, yaw beh loꞈ-ehˇ ja maw maw maw-ehˇ maˬ jawˇ ni, bawˇ tsahˬ bawˇ dahˇ paw haw ka gʼeh-euˬ meh.

Maꞈtehˬ 12:25

Aˬ yawꞈ maꞈ-euˬ nui ma laꞈ kʼoeˇ aˬ joˆ-ehˇ noeˬ luꞈ-eu gaˇ kawˆ Yeˬsuˇ siˬ nya-eu miˇ neh, heu loꞈ-ehˇ ehˇ nehˬ-euˬ meh. “Miˇ kʼahˬ aˬ geu kʼahˬ maˬ kaˬ, yawˬ ha yaw kaˬ aˇ muˇ muˇ paˆ-awˇ guiˇ deuˆ naˇ, gʼawˬ myahˇ ni maˬ ziꞈ-aˇ. Meuˬ maˬ ehˇ, nymˇ jiˇ maˬ ehˇ, yawˬ ha yaw kaˬ aˇ muˇ muˇ paˆ-awˇ ceh naˇ, pyaˆ-iˇ shaˆ-iˇ tehꞈ-a.

Maꞈtehˬ 12:27

Beˬlaˇzeˬbuˇlaˆ-euˬ baoˬ-ahˇ gʼoe-awˇ ngaˇ nehꞈ teh doˆ-eu ngeuˇ naˇ, naw maꞈ-euˬ zaˬ lahˇ deuˬ aˬ suˇ gʼaˬ-euˬ baoˬ-ahˇ gʼoe-awˇ nehꞈ teh doˆ ta. Naw maꞈ ngehˬ-euˬ dawˬ maˬ tsaˬ-eu gaˇ kawˆ, naw maꞈ-euˬ zaˬ lahˇ deuˬ neh mˇ-euˬ gaˇ kʼoeˇ deuˬ, saˇ kiˇ kamˬ luꞈ meh.

Maꞈtehˬ 16:18

Kʼoeˇ miˇ neh, ngaˇ nawˬ-ahˇ heu loꞈ-ehˇ ehˇ-eu ma. Beˬtuˆluˆ nawˇ-aˬ, kʼaˬ lo meh. Kʼaˬ lo heu kʼoeˇ taˆ dawˬ pehˬ taˬ-awˇ, ngaˬ-euˬ aˇ muˇ ngaˇ gawˇ daˆ leꞈ ma. Shiˇ-eu jeˬ-euˬ baoˬ, aˇ muˇ heu muˇ-ahˇ maˬ gʼa leˇ-a.

Yoˇhaˬ 11:47

Kʼoeˇ ngeh, Paˬliˬsehˇ deuˬ hawˇ-eu piˇ ma aˬ yuiꞈ deuˬ Baꞈdzah aˇ muˇ-ahˇ tahˬ puˬ-awˇ, heu loꞈ-ehˇ ehˇ-eu meh. “Aˬ dui aˬ joˆ-ehˇ jahˇ nmˇ. Tsawˇ haˬ kʼoeˇ gʼaˬ zahˬ leˇ paˬ-ehˇ gʼeh-eu gʼawˬ mya jeˬ mˇ luꞈ meh.

Gʼaˬkʼehˇ 10:38

Naˬzaˬlehˇ tsawˇ haˬ Yeˬsuˇ gaˇ kawˆ maˬ ehˇ, aˬ yawꞈ-euˬ kʼoeˇ taˆ Miˬyehˇ neh Muiˬ-eu shawˇ-eu Yaw sahˇ Miˬyehˇ hawˇ-eu baoˬ aˬ joˆ-ehˇ shehˆ daˆ nehˬ-euˬ gaˇ kawˆ maˬ ehˇ, naw maꞈ siˬ luꞈ meh. Miˬyehˇ aˬ yawꞈ nehˬ-ehˇ jawˇ-eu miˇ neh, aˬ yawꞈ yawˬ gaˇ na luꞈ iˇ doe-awˇ, yaw muiˬ jeˬ mˇ mˇ-ehˇ, Nehꞈ-euˬ baoˬ uˬ moˆ shaˬ luꞈ-eu tsawˇ haˬ deuˬ-ahˇ naˇ gawˇ laˆ taˬ nehˬ-euˬ meh.

Gʼaˬkʼehˇ 15:12

Baˬnaˬbaˇ hawˇ-eu Pawˇluˆ aˬ nyaꞈ, Miˬyehˇ neh aˬ yawꞈ nyaꞈ-ahˇ gʼoe-awˇ aˬ cawˬ tsawˇ jeuˬ-euˬ mehˬ shi mˇ mehˬ-euˬ zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ gaˇ kawˆ dzawˇ mehˬ ngeh, uiˬ laˇ taˬ-euˬ tsawˇ haˬ dawˬ tawˆ luꞈ ciˬ cuˇ ni jawˇ-awˇ naˇ haˬ-euˬ meh.

Gʼaˬkʼehˇ 4:16

Aˬ yawꞈ maꞈ ehˇ-eu, “Tsawˇ haˬ heu nyiˬ gʼaˬ-ahˇ aˬ joˆ-ehˇ jahˇ nehˬ paˬ nga. Tsawˇ haˬ zaˬ maˬ mˇ nya-eu zahˬ leˇ paˬ-ehˇ gʼeh-eu gaˇ heu hmˬ aˬ yawꞈ nyaꞈ neh mˇ-euˬ meh lehˇ Yeˬluˇsaˬlehˬ meuˬ meuˬ lah ni siˬ nya-euˬ miˇ neh, aˬ dui tsawˇ pyehˇ maˬ paˇ pyehˇ nya ngaˇ.

Gʼaˬkʼehˇ 5:12

Zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu gʼawˬ mya jeˬ, tsawˇ haˬ gʼawˬ mya ni-ahˇ gʼaˬ kʼehˇ deuˬ mˇ mehˬ-euˬ meh. Jah-eu tsawˇ haˬ dawˬ tawˆ luꞈ, Sawˇlaˬmoˬ-euˬ Guiˇ ga ceuˬ lehˇ kuˇ-eu jawˇ duˬ-ahˇ uiˬ leˇ-euˬ meh.

Gʼaˬkʼehˇ 5:14

Ehˇ kʼawꞈ, Sahˬpaˬ Yeˬsuˇ-ahˇ jah-eu kʼaˬ jeˇ zaˬ deuˬ hawˇ-eu zaˬ miˬ zaˬ deuˬ, aˇ muˇ laꞈ kʼoeˇ ngehˬ jawˇ ngehˬ lahˬ laˇ luꞈ-eu meh.

Lormav 16:20

Aˬ dui nui saˇ oꞈ duˬ pyeuꞈ-eu Miˬyehˇ-aˬ, gʼawˬ myahˇ maˬ gʼeh-ehˇ nehꞈ Saˬdaˬ-ahˇ laˆ cawˆ-awˇ naw maꞈ-euˬ aˬ kuiˇ pehˬ zaˬ uˬ moˆ bi jawˇ tehꞈ-a. Aˬ dui-euˬ Sahˬpaˬ Yeˬsuˇ-euˬ guiˬ lahˬ yaw dzahˇ naw maꞈ kʼoeˇ taˆ jaˆ luꞈ-uˇ.

Dawˬmehˬ 3:24

‘Dawˬ tawˆ luꞈ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˇ mˇ-eu lehˇ gʼeh-eu zahˬ leˇ paˬ-ehˇ gʼeh-eu huiˬ dui dui-eu gaˇ deuˬ laꞈ kʼoeˇ, aˇ dahˬ beh-eu deuˬ bi mawˇ laꞈ-euˬ tehꞈ-a siˬ. Nawˬ neh mˇ-euˬ huiˬ-eu gaˇ heu deuˬ-ahˇ mˇ nya-eu miˬ yehˇ, mˬ hawˇ-eu miˇ kʼoeˇ taˆ tiˬ gʼaˬ-iˬ maˬ jawˇ-a.

Yawˇshuˆ 13:22

Iˇsaˬleˬlaˆ tsawˇ jeuˬ neh sehꞈ-euˬ deuˬ laꞈ kʼoeˇ, Beˬyoˇ-euˬ aˬ li ja maw nya-eu Baˬlamˬ gʼaˬ kʼawꞈ ahˇ leˇ-euˬ meh.

Panmaeq 12:9

Aˇ hu ba-euˬ aˇ lawˇ kʼoeˇ mawˇ pyeuꞈ-eu, Nehꞈ sahˬ paˬ hawˇ-eu nehꞈ Saˬ daˬ lehˇ kuˇ-eu, miˇ tsaˬ zaˬ dawˬ tawˆ luꞈ-ahˇ sheuˬ bahˬ-euˬ byaˆ yahˬ yahˬ ma kʼoeˇ mawˇ miˇ tsaˬ kʼoeˇ taˆ bi biˬ ka leꞈ-awˇ, aˬ yawꞈ-euˬ mˬ taˆ gʼaˬ kʼehˇ dawˬ tawˆ luꞈ kʼawꞈ, aˬ yawꞈ nehˬ-ehˇ bi biˬ ka leꞈ-euˬ meh.