Bawˇtsahˬ 23:14 - Akha

¹⁴ Piˇsaˬgaˬ gawˬ jawˬ uˬ du jaˆ-eu Zoˇpymˬ deh yaˇ-ahˇ, Baˬlamˬ-ahˇ Baˬlehˇ sheuˬ gʼeh-euˬ meh. Kʼoeˇ gaˇ kʼawꞈ, lawˇ duˬ shiꞈ hmˬ aˬ yawꞈ tsoˆ-awˇ, aˬ yawꞈ hmˬ yawꞈ kʼoeˇ taˆ, mawˇ neˇ mawˇ gaw tiˬ mawˇ hawˇ-eu yawˇ aˬ buˬ tiˬ mawˇ lawˇ-euˬ meh.

Bawˇtsahˬ 23:14 ပူးပေါင်းရင်းမြစ်များ

Iˇsaˬyaˇ 46:6

Tsawˇ haˬ tiˬ paˆ na deuˬ shuiˇ pehˇ zeuˇ tahˬ kʼaˇ-awˇ, pyuˇ-ahˇ paˆ yawˬ neh saˆ-eu meh. Shuiˇ kʼaˇ-eu tsawˇ haˬ-ahˇ aˇ poeˬ biꞈ-awˇ, tahˬ pahˬ aˬ ma mawˇ kawˇ bi kʼaˇ-awˇ uˬ duˬ tahˬ-eu meh.

Hawˇseˬ 12:11

Ehˇ kʼawꞈ, tahˬ pahˬ aˬ ma deuˬ-ahˇ, Giˇlaˆ meuˬ uˬ duˬ tahˬ-euˬ meh. Kʼaˇ tahˬ-euˬ deuˬ ya shiˇ tehꞈ-a. Giˇlaˇgaˬlaˇ meuˬ-euˬ laꞈ kʼoeˇ, mawˇ neˇ mawˇ gaw lawˇ nehˬ-euˬ meh. Kʼoeˇ gaˇ jaˆ-eu lawˇ duˬ kʼoeˇ deuˬ, deh liˬ gʼahˇ ceh gʼoˆ bymˇ taˬ-euˬ, kʼaˬ lo lo bymˇ-ahˇ duˇ tehꞈ-a.”

Bawˇtsahˬ 21:20

Baˬmo-ahˇ neh naˇ, Mawˇbaˆ miˇ kʼahˬ-ahˇ jaˆ-eu deh kʼawꞈ-ahˇ aˬ yawꞈ maꞈ iˇ-euˬ meh. Deh kʼawꞈ kʼoeˇ kʼawꞈ-aˬ, bawˇ tsahˬ bawˇ dahˇ dawˬ peh jaˆ-eu Piˇsaˬgaˬ gawˬ jawˬ uˬ du-euˬ laꞈ oˆ paw dzeˇ jaˆ-eu meh.

Bawˇtsahˬ 23:13

Baˬlamˬ-ahˇ Baˬlehˇ ehˇ nehˬ-eu, “Iˇsaˬleˬlaˆ tsawˇ haˬ tiˬ paˆ na deuˬ-ahˇ tehꞈ-ehˇ ya mawˇ-eu jawˇ duˬ-ahˇ ngaˬ nehˬ-ehˇ laˇ-awˬ. Kʼoeˇ gaˇ jawˇ-awˇ, ngaˬ-euˬ gʼaˇ duˬ aˬ yawꞈ maꞈ-ahˇ yaˬ kʼehˇ yaˬ-awˬ.”

Bawˇtsahˬ 23:15

Baˬlehˇ-ahˇ Baˬlamˬ ehˇ nehˬ-eu, “Heu gaˇ, nawˬ neh lawˇ-euˬ miˬ dzaˬ dzah puiˆ-awˇ lawˇ-eu jeˬ dawˬ peh yawꞈ tawˬ. Ngaˇ kʼoeˇ paw paˆ iˇ-awˇ Miˬyehˇ-ahˇ tahˬ puˬ leˇ la.”

Bawˇtsahˬ 23:29

Baˬlehˇ-ahˇ Baˬlamˬ ehˇ nehˬ-eu, “Heu gaˇ lawˇ duˬ shiꞈ hmˬ tsoˆ-awˇ, mawˇ neˇ mawˇ gaw shiꞈ mawˇ hawˇ-eu yawˇ aˬ buˬ shiꞈ mawˇ ngaˇ jawˇ gaˇ tsahˇ laꞈ-awˬ.”

Dawˬmehˬ 3:27

Piˇsaˬgaˬ gawˬ jawˬ uˬ du daˆ leˇ-awˇ, laꞈ taˆ paw pyawˬ-ahˇ maˬ ehˇ, laꞈ oˆ paw pyawˬ-ahˇ maˬ ehˇ, nahˇ ma doˆ kʼehˬ paw pyawˬ-ahˇ maˬ ehˇ, nahˇ ma ga kʼehˬ paw pyawˬ-ahˇ maˬ ehˇ, haw gʼeh-awˬ. Kʼaˇ ya mawˇ-eu jeˬ-ahˇ yaw duˬ duˬ-ehˇ haw-awˬ. Aˬ jeˬ miˇ neh ehˇ naˇ, Yawˇdaˬ lawˇ baˬ kʼoeˇ paw baˬ-ahˇ nawˇ maˬ paˇ ya le tsehˆ meh.

Dawˬmehˬ 34:1

Mawˇbaˆ miˇ kʼahˬ deh ga-ahˇ neh Neˬboˬ gawˬ jawˬ-ahˇ Moˇseˬ daˆ leˇ-awˇ, Yeˬliˇkoˇ meuˬ-euˬ nahˇ ma doˆ kʼehˬ paw jaˆ-eu Piˇsaˬgaˬ gawˬ jawˬ uˬ duˬ daˆ keuˆ leˇ-euˬ meh. Kʼoeˇ gaˇ jawˇ-awˇ, miˇ kʼahˬ kʼoeˇ kʼahˬ kʼahˬ lah ni, Sahˬpaˬ Miˬyehˇ aˬ yawꞈ-ahˇ mehˬ nehˬ-euˬ meh. Laꞈ taˆ paw Daˬ meuˬ-ahˇ keuˆ ni jaˆ-eu Giˇlaˆ miˇ kʼahˬ maˬ ehˇ,

Dawˬmehˬ 4:49

Laꞈ oˆ paw Shiˇ-eu Iˬ ma laˆ shaˆ-ahˇ neh aˇ dahˬ beh-awˇ, nahˇ ma doˆ kʼehˬ paw Piˇsaˬgaˬ gawˬ jawˬ-ahˇ keuˆ ni Yawˇdaˬ lawˇ baˬ-euˬ nahˇ ma doˆ kʼehˬ paw jaˆ-eu gahˬ kaˬ kʼoeˇ deuˬ kʼawꞈ, miˇ kʼahˬ kʼoeˇ kʼahˬ-ahˇ taꞈ-euˬ meh.