Bawˇtsahˬ 22:9 - Akha

⁹ Baˬlamˬ jawˇ gaˇ Miˬyehˇ oe-awˇ, “Nawˬ nehˬ-ehˇ jawˇ luꞈ-eu tsawˇ haˬ heu deuˬ aˬ suˇ gʼaˬ-a” lehˇ naˇ haˬ-euˬ meh.

Bawˇtsahˬ 22:9 ပူးပေါင်းရင်းမြစ်များ

Aˇ dahˬ 16:8

“Saˬlehˇ-euˬ zaˬ kʼaˆ Haˬgaˬlaˇ-oˇ, aˬ geu gaˇ neh oe-awˇ aˬ geu paw iˇ-eu gʼeh te” lehˇ naˇ haˬ ngeh, “Ngaˬ-euˬ nymˇ sahˇ aˬ ma-ahˇ maˬ ya mawˇ gaˇ cehˆ byoˆ-eu lehˇ gʼeh-eu ma” lehˇ, Haˬgaˬlaˇ ehˇ kʼoꞈ nehˬ-euˬ meh.

Aˇ dahˬ 20:3

Tiˬ miˇ keuˆ laˇ ngeh, Aˬbiˇmaˬlehˆ yuꞈ maˆ maˆ-eu laꞈ kʼoeˇ, aˬ yawꞈ jawˇ gaˇ Miˬyehˇ oe-awˇ, “Zaˬ miˬ zaˬ heu gʼaˬ-ahˇ sheuˬ-euˬ baˬ da neh nawˇ ya shiˇ tehꞈ-a. Aˬ yawꞈ aˬ cawˬ-euˬ miˬ zaˬ meh” lehˇ ehˇ nehˬ le-euˬ meh.

Aˇ dahˬ 31:24

Kʼoeˇ ngeh miˇ, yuꞈ maˆ laꞈ kʼoeˇ Laˬbaˬ jawˇ gaˇ Miˬyehˇ oe-awˇ, “Tiˬ jeˬ gʼeh-awˇ neh-iˬ Yaˬkoˆ-ahˇ maˬ ya laˆ guˆ-eu gʼaˇ duˬ, yaw kʼaˆ kʼaˆ-ehˇ yahˇ-awˬ” lehˇ ehˇ nehˬ le-euˬ meh.

Aˇ dahˬ 4:9

“Nawˬ-euˬ aˬ nyiˇ aˬ gaˇ iˇ taˬ” lehˇ, Gaˬiˇnaˆ-ahˇ Sahˬpaˬ Miˬyehˇ naˇ haˬ ngeh, “Ngaˇ maˬ siˬ. Ngaˇ ngaˬ-euˬ aˬ nyiˇ-ahˇ bo-eu tsawˇ haˬ nga loˇ” lehˇ, Gaˬiˇnaˆ ehˇ-eu meh.

Aˇ dahˬ 41:25

Sahˬ paˬ kʼoeˇ gʼaˬ-ahˇ Yoˇsehˆ ehˇ nehˬ-eu, “Yuꞈ maˆ nyiˬ hmˬ luꞈ dawˬ tsuiꞈ tiˬ kawˆ meh. Miˬyehˇ mˇ-eu lehˇ lehˬ hmˬ taˬ-euˬ jeˬ, nawˬ-ahˇ pah mehˬ nehˬ laꞈ-euˬ meh.

Doˆ-iˇ 4:2

“Nawˇ aˬ jeˬ tuˆ tehˬ luꞈ te” lehˇ, Moˇseˬ-ahˇ Sahˬpaˬ Miˬyehˇ naˇ haˬ ngeh, “Gawˬ yoeˬ tiˬ hmˬ tuˆ tehˬ luꞈ-eu ma” lehˇ, Moˇseˬ ehˇ kʼoꞈ nehˬ-euˬ meh.

Daˬyeˬlaˇ 2:45

Tsawˇ haˬ neh maˬ laˆ ciˆ-euˬ gaˇ, lo guˇ-ahˇ neh kʼaˬ lo tiˬ siˬ aˬ joˆ-ehˇ poˆ ka leꞈ-awˇ, shmˇ, guiˬ shuiˇ, miˇ tsaˬ, pyuˇ, shuiˇ heu deuˬ neh jahˇ taˬ-euˬ tsawˇ haˬ mawˇ kawˇ-ahˇ aˬ joˆ-ehˇ poˆ deh-euˬ nawˇ mawˇ-euˬ meh. Huiˬ-eu Miˬyehˇ-aˬ, mehˬ hu paw pyeuꞈ laˇ-eu gaˇ kawˆ nawˬ-ahˇ ehˇ mehˬ nehˬ-euˬ meh. Nawˬ neh yuꞈ maˆ kʼaˇ maˆ mawˇ-euˬ loꞈ-ehˇ nawˬ-ahˇ ngaˇ dzawˇ duˬ nehˬ gʼaˬ-awˇ, tsaˬ dui dui-eu dawˬ tsuiꞈ yuˇ doˆ nehˬ gʼaˬ-euˬ ma.”

Bawˇtsahˬ 22:10

Baˬlamˬ ehˇ-eu, “Mawˇbaˆ sahˬ paˬ Baˬlehˇ neh aˬ yawꞈ maꞈ-ahˇ pyehˬ gʼeh leꞈ-awˇ, heu loꞈ-ehˇ bi tsaꞈ le-euˬ meh.

Bawˇtsahˬ 22:20

Kʼoeˇ ngeh miˇ, Baˬlamˬ jawˇ gaˇ Miˬyehˇ oe-awˇ, “Aˬ yawꞈ maꞈ nehˬ-ehˇ laˇ-awˬ lehˇ tsawˇ haˬ heu deuˬ nawˬ-ahˇ kuˇ le-euˬ ngeuˇ naˇ, lehˬ hmˬ-awˇ le-awˬ. Ehˇ kʼawꞈ, ngaˇ kʼaˇ bi ehˇ-euˬ loꞈ-ehˇ tehꞈ-ehˇ ehˇ lawˬ.”

Bawˇtsahˬ 22:8

Kʼoeˇ ngeh, aˬ yawꞈ maꞈ-ahˇ Baˬlamˬ ehˇ-eu, “Heu gaˇ tiˬ miˇ yaꞈ-awˬ. Sahˬpaˬ Miˬyehˇ neh ngaˬ-ahˇ kʼaˇ bi ehˇ-eu jeˬ ni shawˬ nah ngaˇ naw maꞈ-ahˇ ehˇ nehˬ ma.” Kʼoeˇ naˇ, Mawˇbaˆ tsawˇ haˬ aˬ yuiꞈ aˬ tsu kʼoeˇ deuˬ Baˬlamˬ jawˇ gaˇ yaꞈ-euˬ meh.

Maꞈtehˬ 24:24

Aˬ jeˬ miˇ neh ehˇ naˇ, Ka li jaˬ myawꞈ deuˬ hawˇ-eu, Miˬyehˇ gʼaˇ duˬ ngehˬ dah-eu jaˬ myawꞈ deuˬ doˆ le tehꞈ-a. Aˬ yawꞈ maꞈ zahˬ dui dui leˇ paˬ-ehˇ gʼeh-eu jeˬ hawˇ-eu, kʼaˆ jeˬ-ehˇ gʼeh-eu jeˬ mˇ mehˬ-eu laꞈ kʼoeˇ, gʼeh nya naˇ, Miˬyehˇ neh tseˇ doˆ-euˬ tsawˇ haˬ deuˬ-ahˇ kʼawꞈ mehˇ shuiˇ shuiˇ tawˆ-awˇ, gaˇ ma sheuˬ bahˬ gʼeh tehꞈ-a.

Maꞈtehˬ 7:22

Yaˇ kʼaˬ daˇ-eu aˇ nah keuˆ le ngeh, ‘Sahˬ paˬ-oˇ, Sahˬ paˬ-oˇ, nga maꞈ nawˬ-euˬ tsawˇ myahˇ-ahˇ gʼoe-awˇ Miˬyehˇ-euˬ dawˬ mehˬ-euˬ maˬ ngeuˇ-a loˇ. Nawˬ-euˬ tsawˇ myahˇ-ahˇ gʼoe-eu laꞈ kʼoeˇ nehꞈ teh doˆ-awˇ, zahˬ leˇ paˬ-ehˇ gʼeh-eu jeˬ kʼawꞈ mˇ-euˬ maˬ ngeuˇ-a loˇ’ lehˇ, tsawˇ haˬ gʼawˬ mya gʼaˬ ehˇ tehꞈ-a.

Yoˇhaˬ 11:51

Maˇ maˇ ni ehˇ leꞈ naˇ, aˬ yawꞈ kʼoeˇ loꞈ-ehˇ ehˇ-eu-aˬ, aˬ yawˇ yawꞈ noeˬ doˆ-awˇ ehˇ-eu maˬ ngeuˇ-a. Ehˇ kʼawꞈ, kʼoeˇ ngeh kʼoꞈ-ahˇ Piˇ ma Yaw huiˬ gʼaˬ geuꞈ luꞈ-eu miˇ neh, Yuˇdaˆ tsawˇ jeuˬ gʼaˇ duˬ Yeˬsuˇ shiˇ dah tehꞈ-a lehˇ, Miˬyehˇ-euˬ dawˬ ngehˬ dah-eu jeˬ pyeuꞈ-eu meh.