Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Bawˇtsahˬ 22:36 - Akha

36 Baˬlamˬ laˇ luꞈ-eu gaˇ kawˆ Baˬlehˇ ya gaˬ ngeh Mawˇbaˆ miˇ kʼahˬ-ahˇ yoeˇ-eu Aˬnoˬ lawˇ baˬ lawˇ deh jaˆ-eu Aˇlaˆ meuˬ-ahˇ iˇ-awˇ ha laˬ-iˇ-euˬ meh.

အခန်းကိုကြည့်ပါ။ ကော်ပီ




Bawˇtsahˬ 22:36
14 ပူးပေါင်းရင်းမြစ်များ  

Sahˬ paˬ Sheˬdawˇlawˇmaˬ hawˇ-eu aˬ yawꞈ-euˬ cawˬ sahˬ paˬ deuˬ-ahˇ Aˬbyaˬ guiˇ deuˆ gʼaˬ-awˇ gʼoꞈ laˇ ngeh, Sawˇdoˬ sahˬ paˬ gʼaˬ Shaˬbehˇ deh ga ga ma-ahˇ keuˆ ni oe keuˆ-awˇ ha laˬ le-euˬ meh. Deh ga kʼoeˇ ga-ahˇ sahˬ paˬ-euˬ deh ga lehˇ kʼawꞈ kuˇ-eu meh.


Aˬ yawꞈ haw gʼeh leꞈ ngeh, tsawˇ haˬ smˇ gʼaˬ yawꞈ luꞈ gaˇ ya mawˇ-euˬ meh. Tsawˇ haˬ kʼoeˇ smˇ gʼaˬ-ahˇ aˬ yawꞈ ya mawˇ ngeh, tiˬ poˆ tehꞈ-ehˇ coeˬ doˆ gʼeh-awˇ ha laˬ leˇ-euˬ meh. Aˬbyaˬhaˬ pawˬ tsuiꞈ pawˬ dmˬ dmˬ-awˇ, baˬ ba miˇ tsa tuˆ ni awˆ byaˆ-eu laꞈ kʼoeˇ, heu loꞈ-ehˇ ehˇ-eu meh.


Kʼoeˇ naˇ, Yoˇsehˆ mahˬ laˆ lawˬ dziˬ-awˇ, aˬ yawꞈ-euˬ aˬ da-ahˇ tahˬ puˬ leˇ-euˬ meh. Aˬ nyaꞈ da zaˬ tiˬ gʼaˬ tiˇ gʼaˬ tahˬ puˬ ngeh, aˬ yawꞈ aˬ da-euˬ kawˬ lahˇ-ahˇ Yoˇsehˆ byaˇ cuꞈ-awˇ, gʼawˬ myahˇ ni ngoeˇ-euˬ meh.


Kʼoeˇ ngeh, Moˇseˬ aˬ yawꞈ-ahˇ tahˬ puˬ leˇ-awˇ, aˬ yawꞈ-euˬ mehˬ shi uˬ duˬ tahˬ moꞈ-awˇ, aˬ yawꞈ-ahˇ mehˬ cuˇ cuˇ-euˬ meh. Aˬ yawꞈ nyaꞈ tiˬ gʼaˬ tiˇ gʼaˬ dawˬ cawˬ puˬ-awˇ, Moˇseˬ-euˬ sehˬ gʼawˆ laꞈ kʼoeˇ uˇ-iˇ-euˬ meh.


Bahˬ-ahˇ uˇ-eu bi teh doˆ-euˬ aˇ jiˇ loꞈ-ehˇ, Mawˇbaˆ tsawˇ haˬ deuˬ Aˬnoˬ lawˇ baˬ lawˇ dzeˇ, gʼoꞈ laˆ gʼoꞈ dmˇ-ehˇ cah-awˇ dawˬ luꞈ meh.


‘Mawˇbaˆ miˇ kʼahˬ bi deuˆ gʼaˬ-awˇ, shaꞈ dawˇ dui dui paˬ-ehˇ gʼeh-eu miˇ neh, tsawˇ ngoeˇ ngoeˇ-awˬ’ lehˇ ehˇ tehꞈ-a. ‘Mawˇbaˆ miˇ kʼahˬ cawˆ-iˇ gʼaˬ-euˬ gaˇ kawˆ, Aˬnoˬ lawˇ gawˆ gawˆ cawˬ tsaꞈ gaˬ-iˇ-awˬ’ lehˇ ehˇ tehꞈ-a.


Mˬ taˆ gʼaˬ kʼehˇ kʼoeˇ gʼaˬ paˇ ehˇ-eu, “Tsawˇ haˬ heu deuˬ nehˬ-ehˇ le-awˬ. Ehˇ kʼawꞈ, ngaˬ neh kʼaˇ bi ngehˬ kʼaˇ bi tmˇ-euˬ jeˬ tehꞈ-ehˇ nawˇ ya ngehˬ ya tmˇ meh.”. Kʼoeˇ naˇ, tsawˇ haˬ kʼoeˇ deuˬ nehˬ-ehˇ Baˬlamˬ le gʼeh leꞈ-euˬ meh.


Baˬlamˬ-ahˇ Baˬlehˇ ehˇ nehˬ-eu, “Yaw beh poˆ ngaˇ bi kuˇ laˬ le ngeh, aˬ jeˬ miˇ neh nawˇ maˬ laˇ teˬ. Ngaˇ nawˬ-ahˇ laꞈ sawˬ tiˬ loꞈ maˬ biꞈ nya-eu paˬ lehˇ nawˇ noeˬ teˬ loˇ.”


Loˇmaˆ meuˬ-ahˇ jawˇ-eu jah-eu tsawˇ haˬ deuˬ nga maꞈ gaˇ kawˆ ya gaˬ-awˇ, Aˬbiˇ-euˬ Lehˆ lehˇ kuˇ-eu meuˬ hawˇ-eu Saˆlaˬ Smˇlaˬ lehˇ kuˇ-eu meuˬ-ahˇ keuˆ ni oe-awˇ, nga maꞈ-ahˇ tahˬ puˬ le-euˬ meh. Aˬ yawꞈ maꞈ-ahˇ Pawˇluˆ ya mawˇ ngeh, nui ma gʼaˬ tiˬ tiˆ paˇ ahˇ laˇ-awˇ, Miˬyehˇ-euˬ guiˬ lahˬ-ahˇ ja ceuˬ-euˬ meh.


“Mawˇbaˆ miˇ kʼahˬ-ahˇ aˬ dui maꞈ tsehˆ doˆ dzeuˇ gʼaˬ ngeh, Sahˬpaˬ Miˬyehˇ ehˇ-eu, ‘Iˇ-awˇ, Aˬnoˬ lawˇ baˬ tsehˆ-awˬ. Heˬshaˬboˬ meuˬ-ahˇ jawˇ-eu Aˬmoˬ sahˬ paˬ Siˇhoˬ hawˇ-eu aˬ yawꞈ-euˬ miˇ kʼahˬ naw maꞈ-ahˇ ngaˇ biꞈ-eu ma. Aˬ yawꞈ-ahˇ guiˇ deuˆ-awˇ, aˬ yawꞈ-euˬ miˇ kʼahˬ deuˆ geuꞈ-awˬ.


“Kʼoeˇ ngeh yamˬ-ahˇ, Yawˇdaˬ lawˇ baˬ nahˇ na doˆ kʼehˬ paw jaˆ-eu, Aˬnoˬ lawˇ baˬ-ahˇ neh Heˬlaˬmoˬ gawˬ jawˬ-ahˇ keuˆ ni jaˆ keuˆ-eu miˇ kʼahˬ kʼoeˇ kʼahˬ-ahˇ, Aˬmawˇliˆ sahˬ paˬ kʼoeˇ nyiˬ gʼaˬ-euˬ laꞈ-ahˇ neh, aˬ dui deuˆ za-euˬ ma.


Kʼoeˇ gaˇ neh naˇ, bawˇ tsahˬ bawˇ dahˇ caw caw-ehˇ aˬ yawꞈ maꞈ paˇ iˇ gʼeh-awˇ, Eˬdoˬ miˇ kʼahˬ hawˇ-eu Mawˇbaˆ miˇ kʼahˬ-ahˇ gaˇ jaw jaw-awˇ, Aˬnoˬ lawˇ baˬ-euˬ nui baˬ paw, Mawˇbaˆ miˇ kʼahˬ-euˬ nahˇ ma doˆ kʼehˬ paw dzeˇ laˇ doˆ-euˬ meh. Aˬ yawꞈ maꞈ kʼoeˇ gaˇ sehˬ gʼawˆ gʼawˆ-awˇ jawˇ-euˬ meh. Aˬnoˬ lawˇ baˬ aˬ yawꞈ maꞈ maˬ tsehˆ doˆ-aˬ. Aˬ jeˬ miˇ neh ehˇ naˇ, kʼoeˇ-aˬ, Mawˇbaˆ miˇ kʼahˬ-euˬ miˇ kaˬ pyeuꞈ-eu meh.


Miˬ dzaˬ dzah puiˆ-awˇ lawˇ-eu jeˬ lawˇ gʼaˬ-euˬ nehˬ-ehˇ Saˬmeuˬlaˆ laˇ keuˆ-euˬ meh.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ