Bawˇtsahˬ 22:34 - Akha

³⁴ Baˬlamˬ ehˇ-eu, “Ngaˇ iˬ baˇ mˇ gʼaˬ-euˬ ma. Ngaˬ-ahˇ laˆ tsoeˬ-eu lehˇ gaˇ ma-ahˇ nawˇ yawꞈ luꞈ-eu ngaˇ maˬ siˬ-aˬ. Ehˇ kʼawꞈ, ngaˇ le-eu maˬ tsaˬ-a lehˇ nawˇ noeˬ naˇ, nymˬ-mˇ ngaˇ iˇ kahˇ paw paˇ gʼoꞈ kʼoꞈ-iˇ ma.”

Bawˇtsahˬ 22:34 ပူးပေါင်းရင်းမြစ်များ

2 Saˬmeuˬlaˆ 12:13

Kʼoeˇ ngeh, “Sahˬpaˬ Miˬyehˇ-ahˇ ngaˇ mˇ bahˬ gʼaˬ-euˬ miˇ-a” lehˇ Daˬbiˇ ehˇ-euˬ meh. Naˬdaˬ ehˇ-eu, “Sahˬpaˬ Miˬyehˇ nawˬ-ahˇ iˬ baˇ pyehˬ-eu meh. Nawˇ ya shiˇ gaˇ maˬ keuˆ-aˇ.

1 Laˬsaˬbaˬ 21:7

Kʼoeˇ loꞈ-ehˇ miˇ kʼahˬ zaˬ-euˬ tsawˇ seˬ gʼoˆ-euˬ gaˇ, Miˬyehˇ nui ma maˬ tsaˬ-eu miˇ neh, Iˇsaˬleˬlaˆ miˇ kʼahˬ-ahˇ kʼehˬ nehˬ-euˬ meh.

Jaceuq 78:34

Aˬ yawꞈ maꞈ laꞈ kʼoeˇ tiˬ paˆ na deuˬ-ahˇ kʼaˇ bi shiˇ ngeh, dzeˇ-eu deuˬ aˬ yawꞈ jawˇ paw gʼoꞈ kʼoꞈ laˇ-awˇ, aˬ yawꞈ maꞈ nui ma noeˬ poˆ-eu laꞈ kʼoeˇ, nui ma laꞈ kʼoeˇ keuˆ ni guiˬ lahˬ shaˇ-eu meh.

Doˆ-iˇ 9:27

Sahˬ paˬ kʼoeˇ gʼaˬ, Moˇseˬ hawˇ-eu Aˬloˬ-ahˇ bi kuˇ laꞈ-awˇ, heu loꞈ-ehˇ ehˇ nehˬ-euˬ meh. “Heu poˆ-aˬ, ngaˇ iˬ baˇ mˇ gʼaˬ-euˬ ma. Sahˬpaˬ Miˬyehˇ-aˬ, yaw tsaˬ yaw dawˇ paw jawˇ-awˇ, ngaˇ hawˇ-eu ngaˬ-euˬ tsawˇ haˬ deuˬ-aˬ, yaw lehˬ paw jawˇ luꞈ-eu ma.

Dawqdaq 24:18

Nawˬ-ahˇ tmˬ leˇ gaˇ Sahˬpaˬ Miˬyehˇ haw siˬ-awˇ, nui ma maˬ tsaˬ-eu miˇ neh, aˬ yawꞈ-ahˇ maˬ kʼehˬ nehˬ ni byehˇ tehꞈ-a. -29-

Bawˇtsahˬ 11:1

Iˇsaˬleˬlaˆ tsawˇ haˬ deuˬ yawˬ ha ya shaˬ ya zahˬ-eu gaˇ kawˆ, Sahˬpaˬ Miˬyehˇ mehˬ shi toˇ-eu meh. Aˬ yawꞈ maꞈ kʼoeˇ loꞈ-ehˇ toˇ-eu Sahˬpaˬ Miˬyehˇ ya gaˬ ngeh nui ma pehˇ laˇ-awˇ, Iˇsaˬleˬlaˆ tsawˇ haˬ deuˬ kʼoeˇ taˆ miˬ dzaˬ pyehˬ gʼeh leꞈ-eu meh. Miˬ dzaˬ kʼoeˇ aˬ yawꞈ maꞈ jawˇ gaˇ doꞈ laˇ-awˇ, taˆ-euˬ gaˇ dzeˇ dzeˇ saˬ paw jawˇ-eu tsawˇ haˬ tiˬ paˆ na deuˬ bi puiˆ sehꞈ-euˬ meh.

Bawˇtsahˬ 14:40

Yawˬ nah yawˬ uˬ shawˬ yaw naꞈ-ehˇ, aˬ yawꞈ maꞈ ehˇ-eu, “Sahˬpaˬ Miˬyehˇ neh saˇ jaˇ dzaˬ taˬ-euˬ jawˇ duˬ-ahˇ, nymˬ-mˇ nga maꞈ le-eu lehˇ gʼeh-eu ma. Nga maꞈ-aˬ, aˬ diˇ aˬ maˇ iˬ baˇ mˇ gʼaˬ-euˬ tsawˇ haˬ pyeuꞈ-eu ma lehˇ ehˇ-awˇ, gawˬ jawˬ gawˬ duˇ jaˆ-eu miˇ kʼahˬ-ahˇ le-eu lehˇ doˆ le luꞈ-eu meh.”

Bawˇtsahˬ 22:12

Miˬyehˇ ehˇ-eu, “Tsawˇ haˬ heu deuˬ nehˬ-ehˇ le-awˬ. Iˇsaˬleˬlaˆ tsawˇ haˬ deuˬ-ahˇ yaˬ kʼehˇ taˬ yaˬ. Aˬ jeˬ miˇ neh ehˇ naˇ, Iˇsaˬleˬlaˆ tsawˇ haˬ deuˬ-aˬ, guiˬ lahˬ za taˬ-euˬ tsawˇ jeuˬ pyeuꞈ-eu meh.”

Bawˇtsahˬ 22:33

Ehˇ kʼawꞈ, nawˬ-euˬ mahˬ tahˬ laˆ ngaˬ-ahˇ mawˇ-awˇ, smˬ poˆ keuˆ ni gaˇ jaw jaw-euˬ meh. Maˬ ngeuˇ law nmˇ-aˬ, nawˬ-ahˇ ngaˇ sehꞈ-awˇ, mahˬ tahˬ laˆ tehꞈ-ehˇ bi dzeuˇ-iˇ-eu lehˇ ma.”

1 Saˬmeuˬlaˆ 15:24

Sawˇluˆ ehˇ-eu, “Ngeuˇ ma. Ngaˇ iˬ baˇ mˇ gʼaˬ-euˬ ma. Sahˬpaˬ Miˬyehˇ-euˬ dawˬ hawˇ-eu nawˬ neh mehˬ nehˬ tsoˆ nehˬ laꞈ-euˬ jeˬ-ahˇ ngaˇ maˬ naˇ haˬ geuꞈ ni, mˇ lehˬ shaˇ lehˬ gʼaˬ-euˬ miˇ-a. Ngaˬ-euˬ tsawˇ haˬ deuˬ-ahˇ ngaˇ guˆ-eu miˇ neh, aˬ yawꞈ maꞈ kʼaˇ bi mˇ mawꞈ-eu loꞈ-ehˇ mˇ-euˬ ma.

1 Saˬmeuˬlaˆ 15:30

Sawˇluˆ ehˇ-eu, “Ngaˇ mˇ lehˬ shaˇ lehˬ gʼaˬ-euˬ ma. Ehˇ kʼawꞈ, ngaˬ-euˬ tsawˇ haˬ deuˬ-euˬ aˬ yuiꞈ aˬ tsu deuˬ hawˇ-eu Iˇsaˬleˬlaˆ tsawˇ jeuˬ dawˬ tawˆ luꞈ-euˬ mehˬ shi, aˬ joˆ-ehˇ gʼeh-awˇ neh kʼawꞈ ngaˬ-ahˇ yaw zeu ui cuiˆ baw nehˬ laꞈ-awˬ. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ uˬ duˬ tahˬ nya ni, ngaˬ nehˬ-ehˇ tiˬ poˆ gʼoꞈ leˇ nehˬ laꞈ-awˬ.”

1 Saˬmeuˬlaˆ 24:17

Kʼoeˇ naˇ, Daˬbiˇ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Nawˇ-aˬ, ngaˇ naˆ maˬ tseˇ tsaˬ-eu dawˇ-eu tsawˇ haˬ pyeuꞈ-eu meh. Nawˬ-ahˇ ngaˇ yaw doeˇ mˇ nehˬ-euˬ kʼawꞈ, nawˇ ngaˬ-ahˇ yaw muiˬ jeˬ mˇ kʼoꞈ nehˬ laꞈ-euˬ meh.

1 Saˬmeuˬlaˆ 26:21

Sawˇluˆ ehˇ-eu, “Ngaˇ mˇ-euˬ lehˬ law hawˇ nga. Ngaˬ li Daˬbiˇ-oˇ, gʼoꞈ laˇ-awˬ. Nawˬ-ahˇ laˆ tahˬ laˆ naˇ-eu jeˬ ngaˇ maˬ paˇ mˇ ma. Aˬ jeˬ miˇ neh nga lehˇ ehˇ naˇ, nymˇ ciꞈ nawˇ ngaˬ-ahˇ sehꞈ-eu yehꞈ dui dui laˇ-euˬ kʼawꞈ, maˬ sehꞈ ni bi dzeuˇ-iˇ laꞈ-euˬ meh. Ngaˇ-aˬ, tsawˇ uˬ tiˬ gʼaˬ law hawˇ miˇ-a. Guˆ dui dui laˇ paˬ-ehˇ gʼeh-eu jeˬ-ahˇ ngaˇ mˇ-euˬ nga.”