Bawˇtsahˬ 22:29 - Akha

²⁹ Baˬlamˬ ehˇ-eu, “Nawˇ ngaˬ-ahˇ tsawˇ uˬ laˆ uˬ nehˬ laꞈ-euˬ miˇ neh diˬ-eu maˬ ngeuˇ nga loˇ. Mi cehˇ ahˇ law nmˇ-aˬ, nawˬ-ahˇ ngaˇ sehꞈ ma.”

Bawˇtsahˬ 22:29 ပူးပေါင်းရင်းမြစ်များ

Aˇ dahˬ 30:34

Laˬbaˬ ehˇ-eu, “Tsaˬ miˇ-a. Nawˇ kʼaˇ ehˇ-eu loꞈ-ehˇ jahˇ-awˬ.”

Dawqdaq 12:10

Yaw tsaˬ yaw dawˇ tsawˇ haˬ-aˬ, yawˬ ha-euˬ jeˬ zaˬ-ahˇ ngeh gʼeh-awˇ, haiˬ-eu tsawˇ haˬ-aˬ, yawˬ ha-euˬ jeˬ zaˬ-ahˇ kʼehˬ-eu meh.

Dawqdaq 12:16

Aˬ dzawˬ aˇ gah-euˬ nui pehˇ bya cehˆ ni mawˇ laˇ kʼawꞈ, tsawˇ gahˇ ahˇ-eu deuˬ dawˬ doeˇ oˇ dzeuˇ nya-eu meh.

Dawˬ tsoˆ 9:3

Tsawˇ muiˬ tsawˇ doeˇ maˬ baw ni, tsawˇ haˬ dawˬ tawˆ luꞈ aˬ yawꞈ tiˬ tsahˇ-ahˇ tehꞈ-ehˇ uˬ duˬ ya duˬ leˇ-eu meh. Nahˇ ma heu siˬ uˬ moˆ kʼaˇ pyeuꞈ luꞈ-eu jeˬ dawˬ tawˆ luꞈ, kʼoeˇ naˆ ni doeˇ-eu meh. Tsawˇ haˬ zaˬ yaw dehꞈ kʼaˇ dehꞈ kʼoeˇ keuˆ ni, nui ma laꞈ kʼoeˇ yaw haiˬ jeˬ hawˇ-eu aˬ dzawˬ aˇ gah gah-eu jeˬ tehꞈ-ehˇ byah luꞈ-awˇ, ja pyuˬ ni ya shiˇ jiˇ-eu meh.

Bawˇtsahˬ 22:30

Mahˬ tahˬ laˆ kʼoeˇ mawˇ ehˇ-eu, “Dzeuˇ laˇ ngeh neh iˬ nah keuˆ ni nawˇ ngaˬ-ahˇ dziˬ luꞈ-eu maˬ ngeuˇ loˇ. Ngaˇ nawˬ-ahˇ heu loꞈ-ehˇ aˇ myaˆ poˆ jahˇ nehˬ laꞈ haw taˬ.” Baˬlamˬ gʼeh, “Dzeuˇ laˇ ngeh nawˇ ngaˬ-ahˇ heu loꞈ-ehˇ tiˬ poˆ-iˬ maˬ jahˇ nehˬ laꞈ haw-aˬ” lehˇ ehˇ nehˬ-euˬ meh.

Maꞈtehˬ 15:19

Aˬ jeˬ miˇ neh ehˇ naˇ, nui ma laꞈ kʼoeˇ neh doˆ laˇ-euˬ jeˬ-aˬ, aˬ cawˬ-ahˇ sehꞈ-eu, aˬ cawˬ-euˬ miˬ zaˬ yo zaˬ-ahˇ bahˬ-eu, heu loꞈ-ehˇ gʼeh-eu maˬ muiˬ maˬ jaˬ-eu nui noeˬ deuˬ hawˇ-eu, tahˇ joe joe-eu, jaˬ myawꞈ myawꞈ-eu, aˬ cawˬ-ahˇ maˬ ngeuˇ-eu jeˬ dehˬ lehꞈ-eu, heu loꞈ-ehˇ gʼeh-eu maˬ tsaˬ maˬ dawˇ-eu nui noeˬ nui loˆ deuˬ meh.