Bawˇtsahˬ 22:28 - Akha

²⁸ Kʼoeˇ ngeh, Sahˬpaˬ Miˬyehˇ mahˬ tahˬ laˆ kʼoeˇ mawˇ-ahˇ dawˬ ngehˬ nya-eu baoˬ biꞈ nehˬ-awˇ, “Nawˇ ngaˬ-ahˇ smˬ poˆ keuˆ ni diˬ paˬ-ehˇ, nawˬ-ahˇ ngaˇ mˇ lehˬ taˬ-euˬ aˬ jeˬ jaˆ ta” lehˇ mahˬ tahˬ laˆ kʼoeˇ mawˇ Baˬlamˬ-ahˇ ehˇ nehˬ-euˬ meh.

Bawˇtsahˬ 22:28 ပူးပေါင်းရင်းမြစ်များ

Doˆ-iˇ 4:11

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Tsawˇ haˬ zaˬ-ahˇ aˬ suˇ gʼaˬ neh kʼaˬ meh beh tsoꞈ nehˬ taˬ ta. Tsawˇ haˬ zaˬ naˬ bawˬ bawˬ-iˇ ni maˬ ehˇ, aˬ dzawˬ dzawˬ-iˇ ni maˬ ehˇ, aˬ suˇ gʼaˬ jahˇ nehˬ ta. Sahˬpaˬ Miˬyehˇ neh jahˇ nehˬ-euˬ maˬ ngeuˇ-a loˇ.

Bawˇtsahˬ 22:29

Baˬlamˬ ehˇ-eu, “Nawˇ ngaˬ-ahˇ tsawˇ uˬ laˆ uˬ nehˬ laꞈ-euˬ miˇ neh diˬ-eu maˬ ngeuˇ nga loˇ. Mi cehˇ ahˇ law nmˇ-aˬ, nawˬ-ahˇ ngaˇ sehꞈ ma.”

Luˇkaꞈ 1:37

Miˬyehˇ maˬ jahˇ nya-eu tiˬ jeˬ-iˬ maˬ jaˆ-a.”

Lormav 8:22

Kʼaˇ beh taˬ-euˬ yawˬ jeˬ na luꞈ iˬ nah keuˆ ni shaˬ zahˬ naꞈ-awˇ, zaˬ baw ngeh naˇ-eu miˇ neh mahˇ-eu loꞈ-ehˇ ya mahˇ luꞈ-eu aˬ dui siˬ nya-eu ma.

1 Gawˇliˬtu 1:19

Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Tsawˇ gahˇ ahˇ-eu deuˬ-euˬ tsawˇ gahˇ, ngaˇ laˆ cawˆ jiˇ nehˬ-awˇ, tseˇ paˆ nya-eu deuˬ-euˬ nui gahˇ, ngaˇ laˆ tsoeˬ jiˇ nehˬ ma.”

2 Beˬtuˆluˆ 2:16

Aˬ yawꞈ-euˬ iˬ baˇ baˬ da neh aˬ yawꞈ gʼaˇ duˬ shaˬ laˇ-euˬ meh. Aˬ yawꞈ-euˬ mahˬ tahˬ laˆ dawˬ ngehˬ doˆ laˇ-awˇ, Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu Baˬlamˬ neh aˬ yawꞈ yaw uˬ loꞈ-ehˇ mˇ luꞈ shaˇ luꞈ-eu jeˬ-ahˇ laˆ naˬ-euˬ meh.