Bawˇtsahˬ 22:20 - Akha

²⁰ Kʼoeˇ ngeh miˇ, Baˬlamˬ jawˇ gaˇ Miˬyehˇ oe-awˇ, “Aˬ yawꞈ maꞈ nehˬ-ehˇ laˇ-awˬ lehˇ tsawˇ haˬ heu deuˬ nawˬ-ahˇ kuˇ le-euˬ ngeuˇ naˇ, lehˬ hmˬ-awˇ le-awˬ. Ehˇ kʼawꞈ, ngaˇ kʼaˇ bi ehˇ-euˬ loꞈ-ehˇ tehꞈ-ehˇ ehˇ lawˬ.”

Bawˇtsahˬ 22:20 ပူးပေါင်းရင်းမြစ်များ

Jaceuq 81:12

Kʼoeˇ miˇ neh aˬ yawꞈ maꞈ nui ma gʼahˇ-eu loꞈ-ehˇ yawˬ ha-euˬ nui noeˬ nui loˆ bi geuꞈ-euˬ ma.

Iˇsaˬyaˇ 37:29

Nawˇ ngaˬ-ahˇ guiˇ deuˆ le-euˬ gaˇ kawˆ hawˇ-eu, nawˇ nui ma huiˬ luꞈ mahˇ luꞈ-eu gaˇ kawˆ deuˬ ngaˇ ya gaˬ gʼaˬ jiˇ-euˬ ma. Nawˬ-euˬ naˇ mehˇ-ahˇ ngaˇ shmˇ kuˆ seuˬ diˬ ceuˬ-awˇ, nawˬ-euˬ kʼaˬ meh-ahˇ shmˇ daˇ ceh taꞈ tsoˆ-awˇ, nawˬ neh oe-euˬ gaˇ ma kahˇ li nawˬ-ahˇ ngaˇ tsahˇ kʼoꞈ gʼeh ma.”

Yeˬlaˬmiˇ 1:7

Ehˇ kʼawꞈ, Sahˬpaˬ Miˬyehˇ ngaˬ-ahˇ ehˇ-eu, “Aˇ kʼoꞈ maˬ zeh nya siˬ lehˇ maˬ ehˇ ni, ngaˬ neh bi iˇ-euˬ tsawˇ haˬ deuˬ jawˇ gaˇ iˇ-awˇ, ngaˬ neh bi ngehˬ bi tmˇ-euˬ jeˬ, aˬ yawꞈ maꞈ-ahˇ ehˇ nehˬ-iˇ-awˬ.

Hawˇseˬ 13:11

Ngaˇ nui ma pehˇ laˇ-euˬ laꞈ kʼoeˇ, naw maꞈ-ahˇ sahˬ paˬ biꞈ nehˬ-awˇ, ngaˇ nui ma daˆ dui dui laˇ ngeh, sahˬpaˬ kʼoeˇ deuˬ yuˇ kʼoꞈ-euˬ ma. %

Bawˇtsahˬ 22:19

Ehˇ kʼawꞈ, yaw beh poˆ oe-euˬ deuˬ yaꞈ-euˬ loꞈ-ehˇ, naw maꞈ kʼawꞈ heu gaˇ tiˬ miˇ yaꞈ-awˬ. Sahˬpaˬ Miˬyehˇ ngaˬ-ahˇ tiˬ jeˬ paˬ ehˇ paˬ-ehˇ gʼeh-eu jaˆ nga siˬ loˇ lehˇ ngaˇ haw la.”

Bawˇtsahˬ 22:35

Mˬ taˆ gʼaˬ kʼehˇ kʼoeˇ gʼaˬ paˇ ehˇ-eu, “Tsawˇ haˬ heu deuˬ nehˬ-ehˇ le-awˬ. Ehˇ kʼawꞈ, ngaˬ neh kʼaˇ bi ngehˬ kʼaˇ bi tmˇ-euˬ jeˬ tehꞈ-ehˇ nawˇ ya ngehˬ ya tmˇ meh.”. Kʼoeˇ naˇ, tsawˇ haˬ kʼoeˇ deuˬ nehˬ-ehˇ Baˬlamˬ le gʼeh leꞈ-euˬ meh.

Bawˇtsahˬ 23:12

Baˬlamˬ ehˇ-eu, “Sahˬpaˬ Miˬyehˇ neh bi ngehˬ bi tmˇ laꞈ-euˬ jeˬ tehꞈ-ehˇ ngaˇ ya ngehˬ ya tmˇ meh.”

Bawˇtsahˬ 23:16

Baˬlamˬ-ahˇ Sahˬpaˬ Miˬyehˇ tahˬ puˬ le-awˇ, aˬ joˆ-ehˇ ya ngehˬ ya tmˇ-eu gaˇ kawˆ mehˬ nehˬ gʼaˬ-awˇ, Baˬlehˇ-ahˇ bi dzawˇ nehˬ-iˇ-eu gʼaˇ duˬ bi gʼoꞈ-iˇ-euˬ meh.

Bawˇtsahˬ 23:26

Baˬlamˬ ehˇ-eu, “Sahˬpaˬ Miˬyehˇ neh kʼaˇ bi ngehˬ kʼaˇ bi tmˇ laꞈ-euˬ loꞈ-ehˇ tehꞈ-ehˇ ngaˇ ya ngehˬ ya tmˇ meh lehˇ ngaˇ nawˬ-ahˇ ehˇ nehˬ gʼaˬ-euˬ maˬ ngeuˇ-a loˇ.”

Bawˇtsahˬ 23:5

Kʼoeˇ ngeh, aˬ joˆ-ehˇ ya ngehˬ ya tmˇ-eu gaˇ kawˆ Sahˬpaˬ Miˬyehˇ neh Baˬlamˬ-ahˇ mehˬ nehˬ-awˇ, Baˬlehˇ-ahˇ bi dzawˇ nehˬ-iˇ-eu gʼaˇ duˬ bi gʼoꞈ-iˇ-euˬ meh.

Bawˇtsahˬ 24:13

Nawˇ kʼaˇ jaˆ-eu pyuˇ hawˇ-eu shuiˇ deuˬ ngaˬ-ahˇ biꞈ jiˇ laꞈ law hawˇ kʼawꞈ, Sahˬpaˬ Miˬyehˇ-euˬ ehˇ dawˬ leuˇ-awˇ, yawˬ ha-euˬ nui noeˬ ngaˇ maˬ mˇ nya-a. Sahˬpaˬ Miˬyehˇ neh bi ngehˬ bi tmˇ laꞈ-euˬ loꞈ-ehˇ tehꞈ-ehˇ ngaˇ ngehˬ ma tmˇ ma lehˇ ehˇ nehˬ-euˬ ma tawˇ.”

Bawˇtsahˬ 24:4

Miˬyehˇ-euˬ dawˬ-ahˇ gaˬ nya-eu gʼaˬ-euˬ dawˬ-aˬ, heu loꞈ-ehˇ ma. Baoˬ huiˬ-eu Miˬyehˇ neh mehˬ nehˬ laꞈ-euˬ jeˬ-ahˇ, yaw sahˇ laꞈ kʼoeˇ maˇ jawˆ ni ngaˇ mawˇ-euˬ ma.