Bawˇtsahˬ 22:18 - Akha

¹⁸ Baˬlamˬ ehˇ-eu, “Baˬlehˇ kʼaˇ jaˆ-eu pyuˇ hawˇ-eu shuiˇ deuˬ ngaˬ-ahˇ biꞈ jiˇ laꞈ kʼawꞈ, nyiˇ dui dui-eu gaˇ tiˬ hmˬ laꞈ kʼoeˇ tehꞈ-ehˇ kʼawꞈ, ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ dawˬ-ahˇ ngaˇ maˬ leuˇ nya-a.

Bawˇtsahˬ 22:18 ပူးပေါင်းရင်းမြစ်များ

1 Sahˬpaˬ 13:8

Miˬyehˇ gʼaˇ duˬ ngehˬ dah-eu kʼoeˇ gʼaˬ sahˬ paˬ-ahˇ ehˇ-eu, “Nawˬ-euˬ pyuˇ shuiˇ myawˬ gahˬ ngaˬ-ahˇ tiˬ paˆ paˆ nehˬ laꞈ kʼawꞈ, ngaˇ nawˬ nehˬ-ehˇ le-awˇ tiˬ jeˬ-iˬ maˬ dzaˬ maˬ dawˇ leˇ.

1 Sahˬpaˬ 22:14

Ehˇ kʼawꞈ, Miˇkaˬyaˇ ehˇ-eu,“Sahˬpaˬ Miˬyehˇ neh kʼaˇ bi ehˇ-euˬ jeˬ tehꞈ-ehˇ ngaˇ ehˇ ma lehˇ, dehꞈ luꞈ-eu Sahˬpaˬ Miˬyehˇ mehˬ shi ngaˇ saˇ jaˇ dzaˬ-eu ma.”

2 Laˬsaˬbaˬ 18:13

Ehˇ kʼawꞈ, Miˇkaˬyaˇ ehˇ-eu, “Miˬyehˇ neh kʼaˇ bi ehˇ-euˬ loꞈ-ehˇ tehꞈ-ehˇ ngaˇ ehˇ ma lehˇ, dehꞈ luꞈ-eu Sahˬpaˬ Miˬyehˇ-euˬ mehˬ shi ngaˇ saˇ jaˇ dzaˬ-eu ma.”

Yawˇbaˆ 3:15

Nymˇ laꞈ kʼoeˇ shuiˇ hawˇ-eu pyuˇ tawˬ byah taˬ-euˬ sahˬ paˬ zaˬ yo deuˬ loꞈ-ehˇ, ngaˇ ya yuꞈ luꞈ tehꞈ-a.

Daˬyeˬlaˇ 5:17

Daˬyeˬlaˇ ehˇ-eu, “Sahˬ paˬ-oˇ, nawˇ ngaˬ-ahˇ biꞈ ma lehˇ ehˇ-eu laꞈ sawˬ teu deuˬ ngaˬ-ahˇ maˬ biꞈ laꞈ ni, nawˬ nehˬ-ehˇ bi jaˆ-awˬ. Maˬ ngeuˇ naˇ, aˬ cawˬ-ahˇ biꞈ-awˬ. Boꞈ taˬ-euˬ gaˇ kawˆ heu nawˬ-ahˇ ngaˇ gui mehˬ-awˇ, dawˬ tsuiꞈ yuˇ doˆ nehˬ ma.

Bawˇtsahˬ 22:19

Ehˇ kʼawꞈ, yaw beh poˆ oe-euˬ deuˬ yaꞈ-euˬ loꞈ-ehˇ, naw maꞈ kʼawꞈ heu gaˇ tiˬ miˇ yaꞈ-awˬ. Sahˬpaˬ Miˬyehˇ ngaˬ-ahˇ tiˬ jeˬ paˬ ehˇ paˬ-ehˇ gʼeh-eu jaˆ nga siˬ loˇ lehˇ ngaˇ haw la.”

Bawˇtsahˬ 22:38

Baˬlamˬ ehˇ-eu, “Ngaˇ laˇ keuˆ gʼaˬ-euˬ maˬ ngeuˇ nga loˇ. Ehˇ kʼawꞈ, nymˬ-mˇ ngaˇ baoˬ tiˬ jeˬ-iˬ maˬ ahˇ. Miˬyehˇ neh bi ngehˬ bi tmˇ-euˬ jeˬ tehꞈ-ehˇ ngaˇ ya ngehˬ ya tmˇ meh.”

Bawˇtsahˬ 22:8

Kʼoeˇ ngeh, aˬ yawꞈ maꞈ-ahˇ Baˬlamˬ ehˇ-eu, “Heu gaˇ tiˬ miˇ yaꞈ-awˬ. Sahˬpaˬ Miˬyehˇ neh ngaˬ-ahˇ kʼaˇ bi ehˇ-eu jeˬ ni shawˬ nah ngaˇ naw maꞈ-ahˇ ehˇ nehˬ ma.” Kʼoeˇ naˇ, Mawˇbaˆ tsawˇ haˬ aˬ yuiꞈ aˬ tsu kʼoeˇ deuˬ Baˬlamˬ jawˇ gaˇ yaꞈ-euˬ meh.

Bawˇtsahˬ 23:26

Baˬlamˬ ehˇ-eu, “Sahˬpaˬ Miˬyehˇ neh kʼaˇ bi ngehˬ kʼaˇ bi tmˇ laꞈ-euˬ loꞈ-ehˇ tehꞈ-ehˇ ngaˇ ya ngehˬ ya tmˇ meh lehˇ ngaˇ nawˬ-ahˇ ehˇ nehˬ gʼaˬ-euˬ maˬ ngeuˇ-a loˇ.”

Bawˇtsahˬ 24:12

Baˬlamˬ ehˇ-eu, “Nawˬ neh dawˬ tsaꞈ bi tsaꞈ le-euˬ tsawˇ haˬ deuˬ-ahˇ ngaˇ heu loꞈ-ehˇ ehˇ nehˬ-euˬ ma tawˇ.

Bawˇtsahˬ 24:13

Nawˇ kʼaˇ jaˆ-eu pyuˇ hawˇ-eu shuiˇ deuˬ ngaˬ-ahˇ biꞈ jiˇ laꞈ law hawˇ kʼawꞈ, Sahˬpaˬ Miˬyehˇ-euˬ ehˇ dawˬ leuˇ-awˇ, yawˬ ha-euˬ nui noeˬ ngaˇ maˬ mˇ nya-a. Sahˬpaˬ Miˬyehˇ neh bi ngehˬ bi tmˇ laꞈ-euˬ loꞈ-ehˇ tehꞈ-ehˇ ngaˇ ngehˬ ma tmˇ ma lehˇ ehˇ nehˬ-euˬ ma tawˇ.”

Gʼaˬkʼehˇ 8:20

Ehˇ kʼawꞈ, aˬ yawꞈ-ahˇ Beˬtuˆluˆ heu loꞈ-ehˇ ehˇ kʼoꞈ nehˬ-euˬ meh. “Miˬyehˇ neh biꞈ-euˬ laꞈ sawˬ-ahˇ pyuˇ neh zeuˇ tsehˆ nya meh lehˇ nawˇ noeˬ-eu miˇ neh, nawˇ hawˇ-eu nawˬ-euˬ pyuˇ, shiˬ buiˇ lah ma-ahˇ ga puꞈ-iˇ luꞈ-uˇ.

Tiˇtuˆ 1:16

Aˬ yawꞈ maꞈ Miˬyehˇ-ahˇ siˬ nya ma lehˇ ehˇ-eu kʼawꞈ, aˬ yawꞈ maꞈ mˇ-eu shaˇ-eu kʼoeˇ loꞈ-ehˇ maˬ ngeuˇ-a. Aˬ yawꞈ maꞈ-aˬ, bye dui dui laˇ paˬ-ehˇ gʼeh-eu, ehˇ dawˬ maˬ naˇ haˬ-eu tsawˇ haˬ deuˬ pyeuꞈ-awˇ, yaw muiˬ jeˬ mˇ-eu tiˬ pawꞈ-iˬ maˬ geuˇ-a.

Yawˇshuˆ 24:10

Ehˇ kʼawꞈ, Baˬlamˬ-euˬ dawˬ-ahˇ ngaˇ maˬ naˇ haˬ nehˬ-euˬ miˇ neh, aˬ yawꞈ naw maꞈ-ahˇ dawˬ ngehˬ gʼeh nehˬ-euˬ laꞈ kʼoeˇ guiˬ lahˬ biꞈ-euˬ meh. Kʼoeˇ loꞈ-ehˇ jahˇ-awˇ, Baˬlehˇ-euˬ aˬ laꞈ laꞈ kʼoeˇ naw maꞈ-ahˇ ngaˇ ka kʼoꞈ-euˬ ma.