Bawˇtsahˬ 22:17 - Akha

¹⁷ Aˇ poeˬ kʼaˆ dui dui-eu laꞈ sawˬ deuˬ hawˇ-eu nawˇ kʼaˇ shaˇ-eu jeˬ ngaˇ nawˬ-ahˇ biꞈ ma. Laˇ-awˬ. Ngaˬ-euˬ gʼaˇ duˬ tsawˇ haˬ heu deuˬ-ahˇ yaˬ kʼehˇ yaˬ nehˬ laꞈ-awˬ.”

Bawˇtsahˬ 22:17 ပူးပေါင်းရင်းမြစ်များ

Iˇsaˬtaˆ 5:11

Aˬ yawꞈ aˇ naˆ ni smˇ muiˬ muiˬ-eu gaˇ kawˆ maˬ ehˇ, aˬ yawꞈ-euˬ aˬ li aˇ myaˆ li jawˇ-eu gaˇ kawˆ maˬ ehˇ, sahˬ paˬ neh aˬ yawꞈ-ahˇ aˬ joˆ-ehˇ aˇ yaˬ yuˇ daˆ nehˬ-euˬ gaˇ kawˆ maˬ ehˇ, sahˬ paˬ-euˬ gaˇ mˇ-eu yaw huiˬ yaw mahˇ dawˬ tawˆ luꞈ naˆ maˬ tseˇ aˬ yawꞈ aˇ naˆ ni gaˇ dahˇ tsoeˬ dzehˬ-eu gaˇ kawˆ maˬ ehˇ, aˬ yawꞈ maꞈ-euˬ mehˬ shi ja-awˇ kʼahˬ sehˇ jehˆ-euˬ meh.

Iˇsaˬtaˆ 7:9

Kʼoeˇ ngeh, tsawˇ haˬ kʼoeˇ deuˬ laꞈ kʼoeˇ Haˬbawˇnaˬ lehˇ myahˇ-euˬ gʼaˬ ehˇ-eu, “Sahˬ paˬ-oˇ, nawˬ-ahˇ ka kʼoꞈ-euˬ gʼaˬ pyeuꞈ-eu Mawˬdaˬkehˇ-ahˇ sehꞈ-eu lehˇ, Haˬmaˬ heu gʼaˬ ngaˬ tseˇ caˆ byah-eu tsawˇ haˬ paꞈ gʼeu sehꞈ-eu kʼawˇ zeuˇ tiˬ zeuˇ aˬ yawꞈ-euˬ nymˇ-ahˇ lehˬ hmˬ taˬ-awˇ jaˆ-eu meh.” Sahˬ paˬ ehˇ-eu, “Haˬmaˬ-ahˇ kʼoeˇ gaˇ paꞈ gʼeu sehꞈ-awˬ.”

Bawˇtsahˬ 22:16

Baˬlamˬ jawˇ gaˇ aˬ yawꞈ maꞈ iˇ-awˇ, Baˬlehˇ-euˬ dawˬ heu loꞈ-ehˇ tsaꞈ nehˬ-euˬ meh. “Aˬ jeˬ pyeuꞈ kʼawꞈ ngaˇ jawˇ gaˇ maˬ laˇ-ehˇ taˬ byehˇ nehˬ laꞈ.

Bawˇtsahˬ 22:37

Baˬlamˬ-ahˇ Baˬlehˇ ehˇ nehˬ-eu, “Yaw beh poˆ ngaˇ bi kuˇ laˬ le ngeh, aˬ jeˬ miˇ neh nawˇ maˬ laˇ teˬ. Ngaˇ nawˬ-ahˇ laꞈ sawˬ tiˬ loꞈ maˬ biꞈ nya-eu paˬ lehˇ nawˇ noeˬ teˬ loˇ.”

Bawˇtsahˬ 22:6

Aˬ yawꞈ maꞈ aˬ dui maꞈ myaˆ maˬ tseˇ myaˬ dzehˬ-eu miˇ neh, nawˇ tiˬ poˆ laˇ-awˇ, ngaˬ-euˬ gʼaˇ duˬ aˬ yawꞈ maꞈ-ahˇ yaˬ kʼehˇ yaˬ nehˬ laˇ sheˇ. Kʼoeˇ loꞈ-ehˇ jahˇ naˇ, aˬ yawꞈ maꞈ-ahˇ aˬ dui gʼaˬ leˇ-awˇ, miˇ kʼahˬ heu kʼahˬ laꞈ kʼoeˇ neh aˬ yawꞈ maꞈ-ahˇ teh doˆ nya tehꞈ-a. Nawˇ aˬ cawˬ-ahˇ dawˬ ngehˬ gʼeh nehˬ ngeh, aˬ cawˬ guiˬ lahˬ za-awˇ, nawˇ aˬ cawˬ-ahˇ yaˬ kʼehˇ yaˬ ngeh, nawˬ neh yaˬ kʼehˇ kʼaˇ yaˬ-eu loꞈ-ehˇ aˬ cawˬ kʼoeˇ taˆ keuˆ le-euˬ gaˇ kawˆ ngaˇ siˬ nya-eu ma.”

Bawˇtsahˬ 24:11

Nymˬ-mˇ nawˇ gʼoꞈ-iˇ-awˬ. Nawˬ-ahˇ laꞈ sawˬ biꞈ ma lehˇ ngaˇ saˇ jaˇ dzaˬ taˬ-euˬ ma. Ehˇ kʼawꞈ, laꞈ sawˬ kʼoeˇ nawˇ maˬ za nya ni Sahˬpaˬ Miˬyehˇ jahˇ-euˬ meh.”

Maꞈtehˬ 14:7

Kʼoeˇ miˇ neh, “Nawˇ kʼaˇ shaˇ-eu jeˬ biꞈ ma lehˇ ngaˇ saˇ jaˇ dzaˬ-eu ma” lehˇ, aˬ buˇ kʼoeˇ buˇ-ahˇ Heˬloˆ ehˇ nehˬ-euˬ meh.

Maꞈtehˬ 16:26

Tsawˇ haˬ tiˬ gʼaˬ miˇ tsaˬ tahˬ kʼawˇ heu dawˬ tawˆ luꞈ za jiˇ-euˬ kʼawꞈ, saꞈ laˆ dehꞈ-eu jeˬ smˬ naˇ, aˬ yawꞈ gʼaˇ duˬ aˬ jeˬ jiˇ jeuˬ paˇ ahˇ ta. Aˬ geu jeˬ biꞈ-awˇ zeuˇ kʼoꞈ kʼawꞈ, saꞈ laˇ dehꞈ-eu jeˬ-ahˇ maˬ paˇ zeuˇ kʼoꞈ geuꞈ nya meh.

Dawˬmehˬ 16:9

“Cehˇ yehˬ dahˬ beh-eu yamˬ-ahˇ neh aˇ dahˬ beh-awˇ, jawˇ nah shiꞈ jaw keuˆ ni aˇ nah gui daˆ leꞈ-awˬ.