Bawˇtsahˬ 22:11 - Akha

¹¹ ‘Iˇjiˇtuˆ miˇ kʼahˬ-ahˇ neh laˇ-euˬ tsawˇ haˬ deuˬ miˇ kʼahˬ kʼahˬ lah ni jawˇ byah jiˇ taˬ-euˬ meh. Tsawˇ haˬ kʼoeˇ deuˬ-ahˇ aˬ yawꞈ guiˇ deuˆ gʼaˬ-awˇ teh doˆ nya ni, aˬ yawꞈ gʼaˇ duˬ tsawˇ haˬ kʼoeˇ deuˬ kʼoeˇ taˆ yaˬ kʼehˇ yaˬ nehˬ laˇ-awˬ’ lehˇ bi tsaꞈ le-euˬ meh.”

Bawˇtsahˬ 22:11 ပူးပေါင်းရင်းမြစ်များ

Aˇ dahˬ 27:29

Tsawˇ jeuˬ dawˬ tawˆ luꞈ nawˬ-euˬ zaˬ kʼaˆ ya geuꞈ-awˇ, tsawˇ haˬ dawˬ tawˆ luꞈ nawˬ-euˬ mehˬ shi pawˬ tsuiꞈ pawˬ dmˬ dmˬ luꞈ-uˇ. Nawˬ-euˬ aˇ jeuˬ aˇ ca dawˬ tawˆ luꞈ kʼoeˇ taˆ nawˇ ya uˆ lahˇ-awˇ, nawˬ ma o neh kʼaˇ jeuˬ kʼaˇ o le-euˬ tsawˇ haˬ dawˬ tawˆ luꞈ, nawˬ-euˬ mehˬ shi pawˬ tsuiꞈ pawˬ dmˬ dmˬ luꞈ-uˇ. Nawˬ-ahˇ yaˬ kʼehˇ yaˬ-eu tsawˇ haˬ deuˬ, yaˬ kʼehˇ yaˬ nehˬ gaˇ paˇ ya daˬ-awˇ, nawˬ-ahˇ guiˬ lahˬ biꞈ-eu tsawˇ haˬ deuˬ guiˬ lahˬ za luꞈ-uˇ.”

Bawˇtsahˬ 22:10

Baˬlamˬ ehˇ-eu, “Mawˇbaˆ sahˬ paˬ Baˬlehˇ neh aˬ yawꞈ maꞈ-ahˇ pyehˬ gʼeh leꞈ-awˇ, heu loꞈ-ehˇ bi tsaꞈ le-euˬ meh.

Bawˇtsahˬ 22:12

Miˬyehˇ ehˇ-eu, “Tsawˇ haˬ heu deuˬ nehˬ-ehˇ le-awˬ. Iˇsaˬleˬlaˆ tsawˇ haˬ deuˬ-ahˇ yaˬ kʼehˇ taˬ yaˬ. Aˬ jeˬ miˇ neh ehˇ naˇ, Iˇsaˬleˬlaˆ tsawˇ haˬ deuˬ-aˬ, guiˬ lahˬ za taˬ-euˬ tsawˇ jeuˬ pyeuꞈ-eu meh.”

Bawˇtsahˬ 23:11

Kʼoeˇ ngeh, Baˬlamˬ-ahˇ Baˬlehˇ ehˇ-eu, “Nawˇ ngaˬ-ahˇ teu loꞈ-ehˇ aˬ jeˬ jahˇ nehˬ laꞈ te. Ngaˬ-ahˇ muiˇ-eu deuˬ-ahˇ yaˬ kʼehˇ bi yaˬ-eu gʼaˇ duˬ, ngaˇ nawˬ-ahˇ heu gaˇ sheuˬ laꞈ-euˬ ma. Ehˇ kʼawꞈ, nawˇ-aˬ, maˇ maˇ ni aˬ yawꞈ maꞈ-ahˇ dawˬ ngehˬ gʼeh nehˬ law hawˇ ngaˬ tawˇ.”

Bawˇtsahˬ 23:7

Miˬyehˇ gʼaˇ duˬ ngehˬ dah-eu laꞈ kʼoeˇ, Baˬlamˬ heu loꞈ-ehˇ ehˇ-eu meh. “Mawˇbaˆ sahˬ paˬ-aˬ, Suˇliˆ miˇ kʼahˬ-ahˇ neh ngaˬ-ahˇ sheuˬ laꞈ-euˬ meh. Nahˇ ma doˆ kʼehˬ paw jaˆ-eu gawˬ jawˬ deuˬ-ahˇ neh, aˬ yawꞈ ngaˬ-ahˇ sheuˬ laꞈ-euˬ meh. Aˬ yawꞈ gʼaˇ duˬ dawˬ ngehˬ-eu laꞈ kʼoeˇ, ‘Iˇsaˬleˬlaˆ tsawˇ haˬ deuˬ-ahˇ yaˬ kʼehˇ yaˬ laˇ-awˬ’ lehˇ, aˬ yawꞈ ngaˬ-ahˇ ehˇ-eu meh.

Bawˇtsahˬ 24:10

Kʼoeˇ ngeh, Baˬlehˇ nui ma pehˇ laˇ-awˇ, laꞈ tsuˆ tsuˆ deuˇ taˬ-eu laꞈ kʼoeˇ Baˬlamˬ-ahˇ ehˇ nehˬ-eu, “Ngaˬ-ahˇ muiˇ-eu deuˬ-ahˇ yaˬ kʼehˇ bi yaˬ-eu lehˇ nawˬ-ahˇ ngaˇ kuˇ-euˬ ma. Ehˇ kʼawꞈ, smˬ poˆ keuˆ ni aˬ yawꞈ maꞈ-ahˇ nawˇ dawˬ ngehˬ gʼeh nehˬ-euˬ meh.

Yawˇshuˆ 24:10

Ehˇ kʼawꞈ, Baˬlamˬ-euˬ dawˬ-ahˇ ngaˇ maˬ naˇ haˬ nehˬ-euˬ miˇ neh, aˬ yawꞈ naw maꞈ-ahˇ dawˬ ngehˬ gʼeh nehˬ-euˬ laꞈ kʼoeˇ guiˬ lahˬ biꞈ-euˬ meh. Kʼoeˇ loꞈ-ehˇ jahˇ-awˇ, Baˬlehˇ-euˬ aˬ laꞈ laꞈ kʼoeˇ naw maꞈ-ahˇ ngaˇ ka kʼoꞈ-euˬ ma.

1 Saˬmeuˬlaˆ 17:43

Daˬbiˇ-ahˇ aˬ yawꞈ ehˇ nehˬ-eu, “Daˇ cuiˇ teu hmˬ aˬ jeˬ jahˇ-eu lehˇ yuˇ luꞈ te. Nawˇ ngaˬ-ahˇ aˬ kuiˬ tiˬ mawˇ loˆ ni tehꞈ-ehˇ sawˇ-eu ngaˇ laˬ” Kʼoeˇ naˇ, aˬ yawꞈ-euˬ miˬ yehˇ-euˬ tsawˇ myahˇ-ahˇ gʼoe-awˇ, Daˬbiˇ-ahˇ yaˬ kʼehˇ yaˬ nehˬ-euˬ meh.