Bawˇtsahˬ 22:1 - Akha

¹ Iˇsaˬleˬlaˆ tsawˇ haˬ deuˬ mehˬ hu paw paˇ doˆ-iˇ-awˇ, Yeˬliˇkoˇ meuˬ-ahˇ neh Yawˇdaˬ lawˇ baˬ-euˬ nahˇ ma doˆ kʼehˬ paw baˬ-ahˇ jaˆ-eu Mawˇbaˆ miˇ kʼahˬ deh ga deuˬ-ahˇ jawˇ naˬ-euˬ meh.

Bawˇtsahˬ 22:1 ပူးပေါင်းရင်းမြစ်များ

Yeˬlaˬmiˇ 40:11

Aˇ yamˬ kʼoeˇ yamˬ laꞈ kʼoeˇ Baˬbuˇloˬ sahˬ paˬ neh Iˇsaˬleˬlaˆ tsawˇ haˬ tiˬ paˆ na deuˬ-ahˇ Yuˇdaˆ miˇ kʼahˬ laꞈ kʼoeˇ jawˇ daˆ leꞈ-eu aˬ kawˬ-aˬ biꞈ-awˇ, Geˬdaˬliˇ-ahˇ aˬ yawꞈ maꞈ kʼoeˇ taˆ bi uˆ lahˇ-euˬ gaˇ kawˆ, Mawˇbaˆ miˇ kʼahˬ, Aˬmoˬ miˇ kʼahˬ hawˇ-eu Eˬdoˬ miˇ kʼahˬ laꞈ kʼoeˇ jawˇ-eu Iˇsaˬleˬlaˆ tsawˇ haˬ dawˬ tawˆ luꞈ ya gaˬ-euˬ meh.

Bawˇtsahˬ 21:20

Baˬmo-ahˇ neh naˇ, Mawˇbaˆ miˇ kʼahˬ-ahˇ jaˆ-eu deh kʼawꞈ-ahˇ aˬ yawꞈ maꞈ iˇ-euˬ meh. Deh kʼawꞈ kʼoeˇ kʼawꞈ-aˬ, bawˇ tsahˬ bawˇ dahˇ dawˬ peh jaˆ-eu Piˇsaˬgaˬ gawˬ jawˬ uˬ du-euˬ laꞈ oˆ paw dzeˇ jaˆ-eu meh.

Bawˇtsahˬ 26:3

Yeˬliˇkoˇ meuˬ-euˬ nui baˬ-ahˇ, Yawˇdaˬ lawˇ baˬ lawˇ deh jaˆ-eu Mawˇbaˆ miˇ kʼahˬ deh ga-ahˇ, Moˇseˬ hawˇ-eu piˇ ma Eˇlaˬzaˬ aˬ nyaꞈ aˬ yawꞈ maꞈ-ahˇ kuˇ uiˬ-awˇ, heu loꞈ-ehˇ ehˇ nehˬ-euˬ meh.

Bawˇtsahˬ 31:12

Yeˬliˇkoˇ meuˬ kʼoeˇ paw baˬ-ahˇ, Yawˇdaˬ lawˇ baˬ lawˇ deh-ahˇ jaˆ-eu Mawˇbaˆ miˇ kʼahˬ deh ga-ahˇ jawˇ luꞈ-eu Moˇseˬ, Eˇlaˬzaˬ hawˇ-eu Iˇsaˬleˬlaˆ tsawˇ haˬ aˇ maꞈ aˇ muˇ deuˬ jawˇ gaˇ yuˇ kʼoꞈ gʼeh-euˬ meh.

Bawˇtsahˬ 32:19

Yawˇdaˬ lawˇ baˬ-euˬ kʼoeˇ baˬ-ahˇ kʼaˇ jaˆ-eu jeˬ nga maꞈ tiˬ jeˬ-iˬ maˬ geuꞈ. Aˬ jeˬ miˇ neh ehˇ naˇ, Yawˇdaˬ lawˇ baˬ-euˬ nahˇ ma doˆ kʼehˬ paw baˬ pyeuꞈ-eu heu baˬ-ahˇ nga maꞈ jeˬ biˇ za gʼaˬ-euˬ ma.”

Bawˇtsahˬ 34:15

Tsawˇ jeuˬ nyiˬ jeuˬ uˬ taꞈ tiˬ paˆ kʼoeˇ deuˬ-aˬ, Yeˬliˇkoˇ meuˬ kʼoeˇ paw paˆ, Yawˇdaˬ lawˇ baˬ nahˇ ma doˆ kʼehˬ paw baˬ-ahˇ jeˬ biˇ za gʼaˬ-euˬ meh.”

Bawˇtsahˬ 35:1

Yeˬliˇkoˇ meuˬ-euˬ kʼoeˇ paw paˆ Yawˇdaˬ lawˇ baˬ nui baˬ-ahˇ jaˆ-eu Mawˇbaˆ miˇ kʼahˬ deh ga-ahˇ, Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Bawˇtsahˬ 36:13

Heu-aˬ, Yeˬliˇkoˇ meuˬ kʼoeˇ paw paˆ, Yawˇdaˬ lawˇ baˬ nui baˬ paw jaˆ-eu Mawˇbaˆ miˇ kʼahˬ deh ga laꞈ kʼoeˇ, Moˇseˬ-ahˇ gʼoe-awˇ, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ neh biꞈ-euˬ zahˇ sahˇ kʼoꞈ deuˬ pyeuꞈ-eu meh.

Dawˬmehˬ 1:5

Yawˇdaˬ lawˇ baˬ nahˇ ma doˆ kʼehˬ paw jaˆ-eu Mawˇbaˆ miˇ kʼahˬ laꞈ kʼoeˇ Iˇsaˬleˬlaˆ tsawˇ haˬ deuˬ jawˇ luꞈ ngeh, Miˬyehˇ-euˬ zahˇ dawˬ kʼoꞈ dawˬ deuˬ hawˇ-eu mehˬ nehˬ tsoˆ nehˬ-euˬ jeˬ gaˇ kawˆ, aˬ yawꞈ maꞈ-ahˇ Moˇseˬ mehˬ duˬ nehˬ-euˬ meh. Aˬ yawꞈ ehˇ-eu,

Dawˬmehˬ 3:8

“Kʼoeˇ ngeh yamˬ-ahˇ, Yawˇdaˬ lawˇ baˬ nahˇ na doˆ kʼehˬ paw jaˆ-eu, Aˬnoˬ lawˇ baˬ-ahˇ neh Heˬlaˬmoˬ gawˬ jawˬ-ahˇ keuˆ ni jaˆ keuˆ-eu miˇ kʼahˬ kʼoeˇ kʼahˬ-ahˇ, Aˬmawˇliˆ sahˬ paˬ kʼoeˇ nyiˬ gʼaˬ-euˬ laꞈ-ahˇ neh, aˬ dui deuˆ za-euˬ ma.

Dawˬmehˬ 34:1

Mawˇbaˆ miˇ kʼahˬ deh ga-ahˇ neh Neˬboˬ gawˬ jawˬ-ahˇ Moˇseˬ daˆ leˇ-awˇ, Yeˬliˇkoˇ meuˬ-euˬ nahˇ ma doˆ kʼehˬ paw jaˆ-eu Piˇsaˬgaˬ gawˬ jawˬ uˬ duˬ daˆ keuˆ leˇ-euˬ meh. Kʼoeˇ gaˇ jawˇ-awˇ, miˇ kʼahˬ kʼoeˇ kʼahˬ kʼahˬ lah ni, Sahˬpaˬ Miˬyehˇ aˬ yawꞈ-ahˇ mehˬ nehˬ-euˬ meh. Laꞈ taˆ paw Daˬ meuˬ-ahˇ keuˆ ni jaˆ-eu Giˇlaˆ miˇ kʼahˬ maˬ ehˇ,

Dawˬmehˬ 34:8

Mawˇbaˆ deh kʼawꞈ-ahˇ Iˇsaˬleˬlaˆ tsawˇ haˬ deuˬ aˬ yawꞈ gʼaˇ duˬ smˬ tseˇ nah tsawˇ ngoeˇ ngoeˇ-euˬ meh.

Yawˇshuˆ 3:16

iˇ cuꞈ yoeˇ-eu naˬ leˇ-awˇ, Zaˬleˬdaˬ dawˬ peh jaˆ-eu Aˬdaˬ meuˬ-ahˇ keuˆ ni dahˬ goˇ daˆ leꞈ-euˬ meh. Shiˇ-eu iˬ ma laˆ shaˆ paw yoeˇ ka-eu iˇ cuꞈ tsiˇ jaˆ ni tsiˇ leˇ-awˇ, Iˇsaˬleˬlaˆ tsawˇ haˬ deuˬ Yeˬliˇkoˇ meuˬ dawˬ peh lawˇ baˬ tsehˆ doˆ nya-euˬ meh.