Bawˇtsahˬ 21:34 - Akha

³⁴ Moˇseˬ-ahˇ Sahˬpaˬ Miˬyehˇ ehˇ nehˬ-eu, “Aˬ yawꞈ-ahˇ taˬ guˆ. Aˬ yawꞈ-euˬ tsawˇ haˬ dawˬ tawˆ luꞈ hawˇ-eu aˬ yawꞈ-euˬ miˇ kʼahˬ-ahˇ ngaˇ nawˬ-ahˇ bi gʼaˬ leˇ ma. Heˬshaˬboˬ meuˬ-ahˇ jawˇ-awˇ uˆ lahˇ-eu Aˬmawˇliˆ sahˬ paˬ Siˇhoˬ-ahˇ nawˬ neh kʼaˇ jahˇ nehˬ-euˬ loꞈ-ehˇ, aˬ yawꞈ-ahˇ jahˇ nehˬ-awˬ.”

Bawˇtsahˬ 21:34 ပူးပေါင်းရင်းမြစ်များ

2 Saˬmeuˬlaˆ 5:19

“Piˇliˇtiˆ tsawˇ haˬ deuˬ-ahˇ ngaˇ guiˇ deuˆ-iˇ-awˬ loˇ. Nawˇ ngaˬ-ahˇ bi gʼaˬ leˇ nehˬ laꞈ ma loˇ” lehˇ, Sahˬpaˬ Miˬyehˇ-ahˇ Daˬbiˇ naˇ haˬ ngeh, “Deuˆ-iˇ-awˬ. Nawˬ-ahˇ ngaˇ bi gʼaˬ leˇ ma” lehˇ, Sahˬpaˬ Miˬyehˇ ehˇ-eu meh.

1 Sahˬpaˬ 20:13

Aˇ yamˬ kʼoeˇ yamˬ-ahˇ, Miˬyehˇ gʼaˇ duˬ ngehˬ dah-eu tiˬ gʼaˬ Aˬhaˆ jawˇ gaˇ iˇ-awˇ, “Huiˬ dui dui-eu guiˇ maꞈ kʼoeˇ maꞈ-ahˇ taˬ guˆ. Ngaˇ nawˬ-ahˇ aˬ yawꞈ maꞈ kʼoeˇ taˆ bi gʼaˬ leˇ-awˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ nawˇ ya siˬ tehꞈ-a lehˇ Sahˬpaˬ Miˬyehˇ ehˇ-eu meh” lehˇ ehˇ nehˬ-euˬ meh.

1 Sahˬpaˬ 20:28

Miˬyehˇ gʼaˇ duˬ ngehˬ dah-eu tiˬ gʼaˬ sahˬ paˬ Aˬhaˆ jawˇ gaˇiˇ-awˇ, heu loꞈ-ehˇ ehˇ nehˬ-euˬ meh. “Sahˬpaˬ Miˬyehˇ ehˇ-eu, Ngaˇ-aˬ, gawˬ jawˬ gawˬ duˇ miˬ yehˇ pyeuꞈ-awˇ, deh ga-euˬ miˬ yehˇ maˬ ngeuˇ-a lehˇ Suˇliˆ tsawˇ haˬ deuˬ ehˇ-eu miˇ neh, huiˬ dui myaˬ dui dui-eu aˬ yawꞈ maꞈ-euˬ guiˇ maꞈ deuˬ kʼoeˇ taˆ, nawˬ-ahˇ ngaˇ bi gʼaˬ leˇ ma. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ, nawˇ hawˇ-eu nawˬ-euˬ tsawˇ haˬ deuˬ ya siˬ tehꞈ-a lehˇ ehˇ-eu meh.”

2 Sahˬpaˬ 3:18

Eˇliˇshehˇ paˇ ehˇ-eu, “Gaˇ heu-aˬ, Sahˬpaˬ Miˬyehˇ gʼaˇ duˬ awˬ dui dui-eu gaˇ meh. Mawˇbaˆ miˇ kʼahˬ kʼawꞈ, naw maꞈ-euˬ aˬ laꞈ laꞈ kʼoeˇ aˬ yawꞈ a nehˬ laꞈ tehꞈ-a.

Iˇsaˬyaˇ 41:13

Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Naw maꞈ-ahˇ ngaˇ gʼaˬ biꞈ-eu laꞈ kʼoeˇ, ‘Taˬ guˆ. Ngaˇ caw ba ma’ lehˇ ehˇ-eu ma.”

Bawˇtsahˬ 14:9

Sahˬpaˬ Miˬyehˇ-ahˇ taˬ puiˬ. Kʼoeˇ gaˇ jawˇ-eu tsawˇ haˬ deuˬ-ahˇ taˬ guˆ. Aˬ yawꞈ maꞈ-ahˇ aˬ dui maꞈ yaw awˇ laꞈ-ehˇ gʼaˬ leˇ tehꞈ-a. Sahˬpaˬ Miˬyehˇ aˬ dui nehˬ-ehˇ jawˇ-awˇ, aˬ yawꞈ maꞈ-ahˇ bo saˆ luꞈ-eu miˬ yehˇ deuˬ-ahˇ gʼaˬ leˇ gʼaˬ-euˬ meh. Kʼoeˇ miˇ neh taˬ guˆ.”

Bawˇtsahˬ 32:4

Sahˬpaˬ Miˬyehˇ neh Iˇsaˬleˬlaˆ tsawˇ haˬ-ahˇ bi deuˆ za-euˬ miˇ kʼahˬ kʼoeˇ-aˬ, jeˬ zaˬ jawˇ duˬ yaw muiˬ meh. Nga maꞈ-aˬ, jeˬ zaˬ jawˇ myaˬ-eu tsawˇ haˬ pyeuꞈ-eu ma.

Dawˬmehˬ 2:30

“Ehˇ kʼawꞈ, sahˬ paˬ Siˇhoˬ-aˬ, aˬ yawꞈ-euˬ miˇ kʼahˬ laꞈ kʼoeˇ aˬ dui maꞈ-ahˇ maˬ bi cah tsehˆ laꞈ-aˬ. Aˬ yawꞈ-ahˇ aˬ dui guiˇ deuˆ-awˇ gʼaˬ leˇ-eu laꞈ kʼoeˇ, nymˬ-mˇ keuˆ ni aˬ dui-euˬ laꞈ-ahˇ jaˆ luꞈ-eu aˬ yawꞈ-euˬ miˇ kʼahˬ heu aˬ dui za ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jahˇ-euˬ meh.

Dawˬmehˬ 20:3

‘Iˇsaˬleˬlaˆ tsawˇ haˬ deuˬ-oˇ, naˇ haˬ sheˇ. Iˬ nah naw maꞈ guiˇ deuˆ-eu lehˇ gʼeh luꞈ meh. Naw maꞈ-ahˇ muiˇ-eu deuˬ-ahˇ taˬ guˆ. Gʼaˬ taˬ baˬ. Yaw dzuˬ taˬ dzuˬ. Taˬ noeˬ shaˬ.

Dawˬmehˬ 3:1

“Kʼoeˇ naˇ, laꞈ taˆ paw pyawˬ-ahˇ Baˬshaˬ paw aˬ dui maꞈ daˆ leˇ-awˇ, sahˬ paˬ Awˇgaˆ aˬ dui maꞈ-ahˇ guiˇ deuˆ le-eu lehˇ aˬ yawꞈ-euˬ tsawˇ haˬ dawˬ tawˆ luꞈ sheuˬ-awˇ Eˬdiˇliˇ meuˬ dawˬ peh oe-euˬ meh.

Dawˬmehˬ 3:11

(Sahˬ paˬ Awˇgaˆ-aˬ, Leˬpeˬ tsawˇ jeuˬ-euˬ sahˬ paˬ deuˬ laꞈ kʼoeˇ aˇ saˬ saˬ-eu gʼaˬ pyeuꞈ-eu meh. Aˬ yawꞈ-ahˇ duˬ pahˬ-eu mawˇ dmˬ kʼaˬ lo neh taꞈ-awˇ, yaw mahˇ paw gʼoeˬ caˆ byah-awˇ, yaw jeˇ paw oeˬ caˆ byah-eu meh. Mawˇ dmˬ kʼoeˇ hmˬ-aˬ, Aˬmoˬ tsawˇ haˬ deuˬ-euˬ Laˬbah meuˬ-ahˇ iˬ nah keuˆ ni jaˆ luꞈ-eu meh.)

Dawˬmehˬ 31:6

Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ. Aˬ yawꞈ maꞈ-ahˇ taˬ guˆ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ-euˬ mawˇ do naw maꞈ nehˬ-ehˇ jawˇ tehꞈ-a. Aˬ yawꞈ naw maꞈ-ahˇ byehˇ dzeh-awˇ maˬ bi jawˇ nehˬ laꞈ-aˇ.”

Dawˬmehˬ 7:17

“Tsawˇ haˬ heu deuˬ naw maꞈ myaˆ maˬ tseˇ myaˬ dzehˬ-eu miˇ neh maˬ teh doˆ nya luꞈ-a lehˇ naw maꞈ yawˬ haˇ yawˬ ha taˬ ehˇ.

Dawˬmehˬ 7:18

Aˬ yawꞈ maꞈ-ahˇ taˬ guˆ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh Iˇjiˇtuˆ sahˬ paˬ hawˇ-eu aˬ yawꞈ-euˬ tsawˇ haˬ deuˬ-ahˇ jahˇ nehˬ-euˬ gaˇ noeˬ keuˆ-awˬ.

Dawˬmehˬ 7:21

Kʼoeˇ miˇ neh, tsawˇ haˬ kʼoeˇ deuˬ-ahˇ naw maꞈ taˬ guˆ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ nehˬ-ehˇ jawˇ meh. Aˬ yawꞈ-aˬ, huiˬ dui dui-eu Miˬyehˇ pyeuꞈ-awˇ, guˆ laˇ paˬ-ehˇ gʼeh-eu meh.

Dawˬmehˬ 7:24

Aˬ yawꞈ maꞈ-euˬ sahˬ paˬ naw maꞈ-euˬ laꞈ-ahˇ ahˇ le ni aˬ yawꞈ jahˇ tehꞈ-a. Sahˬpaˬ kʼoeˇ deuˬ-ahˇ naw maꞈ sehꞈ-awˇ, aˬ cawˬ aˬ yawꞈ maꞈ-ahˇ ya ngehˇ jiˇ gaˇ keuˆ tehꞈ-a. Tsawˇ haˬ tiˬ gʼaˬ-iˬ naw maꞈ-ahˇ maˬ laˆ tsoeˬ nya-eu uˬ taꞈ, yawˬ gʼaˬ na luꞈ-ahˇ naw maꞈ laˆ luˬ laˆ seˇ nehˬ tehꞈ-a.

Yawˇshuˆ 10:25

Kʼoeˇ naˇ, aˬ yawꞈ-euˬ yaw huiˬ yaw mahˇ deuˬ-ahˇ Yawˇshuˆ ehˇ nehˬ-eu, “Guˆ-eu nui ma maˬ-ehˇ, gʼaˬ baˬ-eu nui ma maˬ ehˇ, naw maꞈ laꞈ kʼoeˇ taˬ bi ahˇ. Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ. Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ dawˬ tawˆ luꞈ-ahˇ, Sahˬpaˬ Miˬyehˇ heu loꞈ-ehˇ jahˇ nehˬ tehꞈ-a.”

Yawˇshuˆ 10:8

Yawˇshuˆ-ahˇ Sahˬpaˬ Miˬyehˇ ehˇ nehˬ-eu, “Aˬ yawꞈ maꞈ-ahˇ taˬ guˆ. Aˬ yawꞈ maꞈ-ahˇ nawˬ-euˬ aˬ laꞈ laꞈ kʼoeˇ ngaˇ a nehˬ taˬ-euˬ ma. Aˬ yawꞈ maꞈ tiˬ gʼaˬ-iˬ nawˬ-ahˇ guiˇ maˬ deuˆ gʼaˬ nya-a.”

Yawˇshuˆ 8:7

Kʼoeˇ ngeh, naw maꞈ dzuˇ zaꞈ taˬ-euˬ gaˇ neh doˆ laˇ-awˇ, meuˬ kʼoeˇ meuˬ-ahˇ deuˆ gʼaˬ-awˬ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ meuˬ kʼoeˇ meuˬ biꞈ laꞈ tehꞈ-a.

Yaˇ kʼaˬ daˇ 11:30

Sahˬpaˬ Miˬyehˇ-ahˇ Yeˬpaˬtaˆ saˇ jaˇ dzaˬ-awˇ ehˇ-eu, “Nawˇ ngaˬ-ahˇ Aˬmoˬ tsawˇ haˬ deuˬ kʼoeˇ taˆ bi gʼaˬ le nehˬ laꞈ naˇ,

1 Saˬmeuˬlaˆ 23:4

Kʼoeˇ miˇ neh, Sahˬpaˬ Miˬyehˇ-ahˇ Daˬbiˇ tiˬ poˆ paˇ naˇ haˬ-euˬ meh. Sahˬpaˬ Miˬyehˇ ehˇ-eu, “Kiˇlahˬ meuˬ-ahˇ guiˇ deuˆ-iˇ-awˬ. Aˬ jeˬ miˇ neh ehˇ naˇ, naw maꞈ-ahˇ Piˇliˇtiˆ tsawˇ haˬ deuˬ kʼoeˇ taˆ ngaˇ bi gʼaˬ leˇ ma.”