Bawˇtsahˬ 21:32 - Akha

³² Kʼoeˇ naˇ, Moˇseˬ tsawˇ haˬ pyehˬ gʼeh-awˇ, Yaˬzeuˬ meuˬ-ahˇ guiˇ deuˆ leˇ-eu gʼaˇ duˬ bi pyehˆ tseˇ haw leˇ-euˬ meh. Meuˬ kʼoeˇ meuˬ hawˇ-eu kʼoeˇ-euˬ tahˬ gʼoꞈ tahˬ jawˇ jaˆ-eu meuˬ deuˬ-ahˇ Iˇsaˬleˬlaˆ tsawˇ haˬ deuˬ deuˆ gʼaˬ-awˇ, kʼoeˇ gaˇ jawˇ-eu Aˬmawˇliˆ tsawˇ haˬ deuˬ-ahˇ teh dzeh-euˬ meh.

Bawˇtsahˬ 21:32 ပူးပေါင်းရင်းမြစ်များ

Aˇ dahˬ 15:21

Aˬmawˇliˆ tsawˇ jeuˬ-euˬ miˇ kʼahˬ, Kaˬnaˬ tsawˇ jeuˬ-euˬ miˇ kʼahˬ, Geuˬgaˬshiˇ tsawˇ jeuˬ-euˬ miˇ kʼahˬ, Yeˬbuˇ tsawˇ jeuˬ-euˬ miˇ kʼahˬ, heu deuˬ meh.”

2 Saˬmeuˬlaˆ 24:5

Aˬ yawꞈ maꞈ Yawˇdaˬ lawˇ baˬ tsehˆ doˆ-awˇ, Gaˆ miˇ kʼahˬ laꞈ kʼoeˇ, Aˬyawˬ meuˬ-euˬ laꞈ oˆ paw naˬ-euˬ meh. Kʼoeˇ gaˇ neh naˇ, laꞈ taˆ paw pyawˬ-ahˇ jaˆ-eu Yaˬzeuˬ meuˬ-ahˇ le-euˬ meh.

Yeˬlaˬmiˇ 48:32

Yaˬzeuˬ meuˬ-ahˇ jawˇ-eu deuˬ gʼaˇ duˬ ngoeˇ-eu naˆ maˬ tseˇ, Siˇbaˬmaˬ meuˬ-ahˇ jawˇ-eu deuˬ gʼaˇ duˬ ngaˇ ngoeˇ ma. Siˇbaˬmaˬ meuˬ-oˇ, nawˇ-aˬ, Shiˇ-eu iˬ ma laˆ shaˆ kʼoeˇ taˆ uˬ laꞈ cawˬ tsehˆ gʼeh-awˇ, Yaˬzeuˬ meuˬ-ahˇ cawˬ keuˆ-euˬ aˬ gaꞈ baw duˆ-ahˇ duˇ-eu meh. Ehˇ kʼawꞈ, jawˇ la yamˬ-ahˇ siˬ-eu nawˬ-euˬ aˬ gaꞈ aˇ siˬ deuˬ bi laˆ cawˆ jiˇ-euˬ meh.

Bawˇtsahˬ 21:31

Kʼoeˇ ngeh, Iˇsaˬleˬlaˆ tsawˇ haˬ deuˬ Aˬmawˇliˆ miˇ kʼahˬ laꞈ kʼoeˇ jawˇ luꞈ-eu meh.

Bawˇtsahˬ 32:1

Luˇbeˬ tsawˇ jeuˬ hawˇ-eu Gaˆ tsawˇ jeuˬ jeˬ zaˬ myaˬ dui dui-awˇ, Yaˬzeuˬ meuˬ hawˇ-eu Giˇlaˆ meuˬ-aˬ, jeˬ zaˬ jawˇ duˬ muiˬ dui dui gaˇ aˬ yawꞈ maꞈ ya mawˇ-euˬ meh.

Bawˇtsahˬ 32:3

“Aˬtaˬyoˆ meuˬ, Diˇboˬ meuˬ, Yaˬzeuˬ meuˬ, Nymˇlahˬ meuˬ, Heˬshaˬboˬ meuˬ, Eˇlaˬleˬ meuˬ, Siˇbaˬmaˬ meuˬ, Neˬboˬ meuˬ hawˇ-eu, Boeˬnaˬ meuˬ heu deuˬ ahˇ leˇ-ehˇ,

Bawˇtsahˬ 32:35

Aˬtaˬyawˇshoˬpaˬ meuˬ, Yeˬzeuˬ meuˬ, Yoˇbeˬhaˇ meuˬ,

Yawˇshuˆ 13:25

Aˬ yawꞈ maꞈ-euˬ miˇ kʼahˬ laꞈ kʼoeˇ, Yaˬzeuˬ meuˬ, Giˇlaˆ miˇ kʼahˬ-ahˇ jaˆ-eu meuˬ dawˬ tawˆ luꞈ hawˇ-eu, Laˬbah meuˬ-euˬ nahˇ ma doˆ kʼehˬ paw Aˬyawˬ meuˬ-ahˇ keuˆ ni jaˆ-eu Aˬmoˬ miˇ kʼahˬ tiˬ paˆ ahˇ leˇ-euˬ meh.

Yawˇshuˆ 24:12

Naw maꞈ le gʼeh leꞈ-eu nehˬ-ehˇ, naw maꞈ-euˬ mehˬ shi ngaˇ byaˬ duˇ pyehˬ gʼeh-awˇ, Aˬmawˇliˆ sahˬ paˬ kʼoeˇ nyiˬ gʼaˬ-ahˇ teh doˆ-euˬ ma. Naw maꞈ-euˬ mi cehˇ hawˇ-eu kaˆ deuˬ, kʼoeˇ gaˇ tiˬ jeˬ-iˬ maˬ mˇ-aˬ.