Bawˇtsahˬ 21:24 - Akha

²⁴ Ehˇ kʼawꞈ, aˬ yawꞈ maꞈ tsawˇ haˬ gʼawˬ mya ni Iˇsaˬleˬlaˆ tsawˇ haˬ neh bi deuˆ sehꞈ-awˇ, aˬ yawꞈ maꞈ-euˬ miˇ kʼahˬ Aˬnoˬ lawˇ baˬ-ahˇ neh Jaˬboˆ lawˇ baˬ-ahˇ keuˆ ni Iˇsaˬleˬlaˆ tsawˇ haˬ deuˬ neh bi deuˆ geuꞈ-euˬ meh. Aˬmoˬ tsawˇ jeuˬ-euˬ miˇ kaˬ-ahˇ keuˆ ni tehꞈ-ehˇ Iˇsaˬleˬlaˆ tsawˇ haˬ deuˬ guiˇ deuˆ keuˆ-euˬ meh. Aˬ jeˬ miˇ neh ehˇ naˇ, Aˬmoˬ miˇ kʼahˬ-ahˇ guiˇ guiˇ maꞈ gʼawˬ mya ni loꞈ tsoeˬ taˬ-euˬ meh,

Bawˇtsahˬ 21:24 ပူးပေါင်းရင်းမြစ်များ

Aˇ dahˬ 32:22

Yaˬkoˆ-aˬ, aˬ yawꞈ-euˬ miˬ zaˬ nyiˬ gʼaˬ, ma nyiˇ nyiˬ gʼaˬ hawˇ-eu, aˬ yawꞈ-euˬ zaˬ tseˇ tiꞈ gʼaˬ sheuˬ-awˇ, kʼoeˇ ngeh miˇ Jaˬboˆ lawˇ baˬ tsehˆ-euˬ meh.

Neˬhaˬmiˇ 9:22

Aˬ yawꞈ maꞈ-euˬ dawˬ peh jaˆ-eu miˇ kʼahˬ hawˇ-eu, dawˬ peh jawˇ-eu tsawˇ jeuˬ deuˬ-ahˇ, aˬ yawꞈ maꞈ gʼaˬ leˇ ni nawˇ caw ba nehˬ-euˬ meh. Siˇhoˬ uˆ lahˇ-euˬ Heˬshaˬboˬ miˇ kʼahˬ hawˇ-eu, Awˇgaˆ sahˬ paˬ geuꞈ-awˇ dzoeˬ-eu Baˬshaˬ miˇ kʼahˬ, aˬ yawꞈ maꞈ neh deuˆ gʼaˬ-euˬ meh.

Jaceuq 136:19

Aˬmawˇliˆ sahˬ paˬ Siˇhoˬ-ahˇ aˬ yawꞈ sehꞈ-euˬ meh. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Aˬmoˆ 2:9

“Ehˇ kʼawꞈ, ngaˬ-euˬ tsawˇ haˬ deuˬ-oˇ, shuˬ liˇ aˇ bawˇ loꞈ-ehˇ goˇ-awˇ tsuiꞈ kaˆ aˇ bawˇ loꞈ-ehˇ deuˇ-eu Aˬmawˇliˆ tsawˇ haˬ deuˬ-ahˇ, naw maꞈ gʼaˇ duˬ ngaˇ laˆ luˬ laˆ seˇ nehˬ jiˇ-euˬ ma.

Bawˇtsahˬ 21:13

Kʼoeˇ naˇ, aˬ yawꞈ maꞈ paˇ doˆ-iˇ-awˇ, Aˬmawˇliˆ miˇ kʼahˬ-ahˇ keuˆ ni jaˆ tawꞈ-eu bawˇ tsahˬ bawˇ dahˇ laꞈ kʼoeˇ, Aˬnoˬ lawˇ baˬ-euˬ laꞈ taˆ paw pyawˬ-ahˇ jawˇ naˬ-euˬ meh. (Aˬnoˬ lawˇ baˬ-aˬ, Mawˇbaˆ miˇ kʼahˬ hawˇ-eu Aˬmawˇliˆ miˇ kʼahˬ-euˬ miˇ kaˬ pyeuꞈ-eu meh.)

Dawˬmehˬ 1:4

Heˬshaˬboˬ meuˬ-ahˇ jawˇ-eu Aˬmoˬ tsawˇ jeuˬ-euˬ sahˬpaˬ Siˇhoˬ hawˇ-eu, Aˬshaˇtaˬyoˇ meuˬ hawˇ-eu Eˬdiˇliˇ meuˬ-ahˇ jawˇ-eu Baˬshaˬ miˇ kʼahˬ-euˬ sahˬpaˬ Awˇgaˆ aˬ nyaꞈ-ahˇ Moˇseˬ gʼaˬ leˇ gʼaˬ miˇ tsa, aˇ nah hawˇ-eu aˬ yawꞈ maꞈ-ahˇ kʼoeˇ loꞈ-ehˇ ehˇ nehˬ-euˬ meh.

Dawˬmehˬ 29:7

Kʼoeˇ naˇ, jawˇ duˬ heu tsahˇ-ahˇ aˬ dui laˇ keuˆ ngeh, Heˬshaˬboˬ meuˬ-ahˇ jawˇ-eu sahˬ paˬ Siˇhoˬ hawˇ-eu Baˬshaˬ meuˬ-ahˇ jawˇ-eu sahˬ paˬ Awˇgaˆ aˬ nyaꞈ, aˬ dui maꞈ-ahˇ guiˇ deuˆ le-euˬ meh. Ehˇ kʼawꞈ, aˬ yawꞈ nyaꞈ-ahˇ aˬ dui deuˆ gʼaˬ ma.

Dawˬmehˬ 3:16

Luˇbeˬ tsawˇ jeuˬ hawˇ-eu Gaˆ tsawˇ jeuˬ-ahˇ, Giˇlaˆ meuˬ-ahˇ neh Aˬnoˬ lawˇ baˬ-ahˇ keuˆ ni biꞈ-euˬ ma. Aˬ yawꞈ maꞈ-euˬ miˇ kaˬ laꞈ oˆ dzaˬ-aˬ, Aˬnoˬ lawˇ baˬ gʼahˇ ceh pyeuꞈ-awˇ, laꞈ taˆ dzaˬ-aˬ, Jaˬboˆ lawˇ baˬ-ahˇ keuˆ ni pyeuꞈ-awˇ, Aˬmoˬ miˇ kaˬ-ahˇ tuˆ-eu meh.

Dawˬmehˬ 31:4

Aˬmawˇliˆ tsawˇ haˬ deuˬ-euˬ sahˬ paˬ pyeuꞈ-eu Siˇhoˬ hawˇ-eu Awˇgaˆ-ahˇ aˬ yawꞈ guiˇ deuˆ gʼaˬ-awˇ, aˬ yawꞈ maꞈ-euˬ miˇ kʼahˬ-ahˇ laˆ luˬ laˆ seˇ nehˬ-euˬ loꞈ-ehˇ, tsawˇ jeuˬ kʼoeˇ deuˬ-ahˇ kʼawꞈ Sahˬpaˬ Miˬyehˇ laˆ luˬ laˆ seˇ nehˬ tehꞈ-a.

Yawˇshuˆ 13:12

Leˬpeˬ tsawˇ jeuˬ laꞈ kʼoeˇ dzeˇ yaꞈ-euˬ gʼaˬ pyeuꞈ-awˇ, Aˬshaˇtaˬyoˇ meuˬ hawˇ-eu Eˬdiˇliˇ meuˬ-ahˇ jawˇ-awˇ uˆ lahˇ-euˬ gʼaˬ pyeuꞈ-eu Awˇgaˆ-euˬ miˇ kʼahˬ dawˬ tawˆ luꞈ kʼawꞈ, kʼoeˇ gaˇ ahˇ leˇ-euˬ meh. Tsawˇ haˬ kʼoeˇ deuˬ-ahˇ Moˇseˬ deuˆ gʼaˬ-awˇ teh doˆ nehˬ-euˬ meh.

Yawˇshuˆ 24:8

Kʼoeˇ naˇ, Yawˇdaˬ lawˇ baˬ-euˬ nahˇ ma doˆ kʼehˬ paw jawˇ-eu Aˬmawˇliˆ tsawˇ haˬ-euˬ miˇ kʼahˬ-ahˇ, naw maꞈ-ahˇ ngaˇ sheuˬ gʼeh-euˬ ma. Aˬ yawꞈ maꞈ naw maꞈ-ahˇ guiˇ deuˆ-euˬ kʼawꞈ, naw maꞈ neh bi gʼaˬ leˇ-euˬ ma. Aˬ yawꞈ maꞈ miˇ kʼahˬ-ahˇ naw maꞈ yuˇ-awˇ, naw maꞈ mehˬ hu paw le gʼeh leꞈ ngeh, aˬ yawꞈ maꞈ-ahˇ ngaˇ laˆ luˬ laˆ seˇ nehˬ-euˬ ma.

Yawˇshuˆ 9:10

Yawˇdaˬ lawˇ baˬ nahˇ ma doˆ kʼehˬ paw jawˇ-eu Aˬmawˇliˆ sahˬ paˬ nyiˬ gʼaˬ pyeuꞈ-eu Heˬshaˬboˬ sahˬ paˬ Siˇhoˬ hawˇ-eu Aˬshaˇtaˬyoˇ meuˬ-ahˇ jawˇ-eu Baˬshaˬ sahˬ paˬ Awˇgaˆ-ahˇ aˬ yawꞈ neh jahˇ nehˬ-euˬ gaˇ kawˆ kʼawꞈ nga maꞈ ya gaˬ-euˬ ma.

Yaˇ kʼaˬ daˇ 10:11

Aˬ yawꞈ maꞈ-ahˇ Sahˬpaˬ Miˬyehˇ ehˇ kʼoꞈ nehˬ-eu, “Dzeuˇ laˇ ngeh, Iˇjiˇtuˆ tsawˇ jeuˬ, Aˬmawˇliˆ tsawˇ jeuˬ, Aˬmoˬ tsawˇ jeuˬ, Piˇliˇtiˆ tsawˇ jeuˬ,

Yaˇ kʼaˬ daˇ 11:13

Yeˬpaˬtaˆ neh dawˬ tsaꞈ bi tsaꞈ gaˬ-iˇ-euˬ tsawˇ haˬ deuˬ-ahˇ Aˬmoˬ sahˬ paˬ ehˇ nehˬ-eu, “Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ ngeh, Aˬnoˬ lawˇ baˬ-ahˇ neh Jaˬboˆ lawˇ baˬ hawˇ-eu Yawˇdaˬ lawˇ baˬ-ahˇ keuˆ ni jaˆ-eu ngaˬ-euˬ miˇ kʼahˬ yuˇ geuꞈ-euˬ meh. Tiˬ jeˬ-iˬ maˬ laˆ bahˬ ni, miˇ kʼahˬ kʼoeˇ iˬ nah ngaˬ-ahˇ ya biꞈ kʼoꞈ laꞈ meh.”

Yaˇ kʼaˬ daˇ 21:8

Iˇsaˬleˬlaˆ tsawˇ haˬ deuˬ Miˇzaˬpaˬ meuˬ-ahˇ uiˬ leˇ ngeh, maˬ laˇ-euˬ tsawˇ jeuˬ tiˬ jeuˬ na jawˇ ta loˇ lehˇ aˬ yawꞈ maꞈ naˇ haˬ haw ngeh, Giˇlaˆ miˇ kʼahˬ-ahˇ jawˇ-eu Jaˬbehˆ-euˬ aˇ jeuˬ tiˬ gʼaˬ-iˬ maˬ laˇ-euˬ gaˇ kawˆ, aˬ yawꞈ maꞈ ya siˬ-euˬ meh.