Bawˇtsahˬ 20:8 - Akha

⁸ “Dawˬ ma saˇ jaˇ Bahˬ keuˆ mehˬ shi jaˆ-eu gawˬ yoeˬ yuˇ-awˇ, Iˇsaˬleˬlaˆ tsawˇ haˬ dawˬ tawˆ luꞈ-ahˇ Aˬloˬ naw nyaꞈ kuˇ uiˬ-awˬ. Aˬ yawꞈ maꞈ dawˬ tawˆ luꞈ mehˬ shi, kʼoeˇ gaˇ jaˆ-eu kʼaˬ lo kʼoeˇ siˬ-ahˇ dawˬ ngehˬ nehˬ-awˬ. Kʼaˬ lo kʼoeˇ siˬ laꞈ kʼoeˇ iˇ cuꞈ yoeˇ doˆ le tehꞈ-a. Kʼoeˇ loꞈ-ehˇ jahˇ-awˇ, Iˇsaˬleˬlaˆ tsawˇ haˬ deuˬ hawˇ-eu aˬ yawꞈ maꞈ-euˬ jeˬ zaˬ deuˬ dawˇ-eu gʼaˇ duˬ, kʼaˬ lo kʼoeˇ siˬ-ahˇ iˇ cuꞈ bi yoeˇ doˆ le-awˬ.”

Bawˇtsahˬ 20:8 ပူးပေါင်းရင်းမြစ်များ

Aˇ dahˬ 18:14

Ngaˬ neh ehˇ gʼaˬ-euˬ loꞈ-ehˇ, ba la gʼoeˬ siˬ kaˇ-iˇ naˇ ngaˇ tiˬ poˆ paˇ oe ma. Kʼoeˇ ngeh jawˇ, Saˬlaˇ aˬ li tiˬ li ciˬ tehꞈ-a” lehˇ ehˇ nehˬ-euˬ meh.

Neˬhaˬmiˇ 9:15

Aˬ yawꞈ maꞈ hawˬ mehꞈ luꞈ ngeh jawˇ, mˬ taˆ kaˬ muˇ nawˇ bi dzaˬ-awˇ, aˬ yawꞈ maꞈ iˇ cuꞈ mehꞈ ngeh jawˇ, kʼaˬ lo-ahˇ iˇ cuꞈ bi doˆ le-euˬ meh. Nawˇ saˇ jaˇ dzaˬ taˬ-euˬ miˇ kʼahˬ kʼoeˇ geuꞈ-awˬ lehˇ, aˬ yawꞈ maꞈ-ahˇ nawˇ ehˇ-awˇ biꞈ-euˬ meh.

Jaceuq 105:41

Kʼaˬ lo-ahˇ aˬ yawꞈ pah ngeh iˇ cuꞈ tahˬ doˆ laꞈ-awˇ, kʼaˇ shuiꞈ deh-ahˇ lawˇ baˬ loꞈ-ehˇ yoeˇ-euˬ meh.

Jaceuq 114:8

Kʼaˬ lo lo yaˇ-ahˇ lah bi pyeuꞈ-iˇ-awˇ, lo guˇ-ahˇ lawˇ gawˆ bi yoeˇ le-eu gʼaˬ-euˬ mehˬ shi guˆ-awˇ yaw dzuˬ dzuˬ-awˬ.

Jaceuq 33:9

Yawꞈneh kʼaˇehˇkʼaˇpyeuꞈpyeuꞈ-awˇ, dawˬkʼaˇbiꞈ-euˬkeuˆle-eu meh.

Doˆ-iˇ 14:16

Nawˬ-euˬ gawˬ yoeˬ cawˬ diˇ-awˇ, iˬ ma laˆ shaˆ kʼoeˇ taˆ cawˬ ja-awˬ. Iˇ cuꞈ nyiˬ paˆ-ehˇ paˆ-iˇ-awˇ, Iˇsaˬleˬlaˆ tsawˇ haˬ deuˬ gui coˇ ni gʼeh-eu miˇ tsaˬ-ahˇ nawˬ nawˬ-ehˇ, iˬ ma laˆ shaˆ ya tsehˆ doˆ tehꞈ-a.

Doˆ-iˇ 17:9

Yawˇshuˆ-ahˇ Moˇseˬ ehˇ nehˬ-eu, “Ni shawˬ nah Aˬmaˬlehˇ tsawˇ haˬ deuˬ-ahˇ guiˇ deuˆ leˇ-eu gʼaˇ duˬ, tsawˇ haˬ tseˇ doˆ-awˬ. Sahˬpaˬ Miˬyehˇ neh ngaˬ-ahˇ bi yuˇ laꞈ-euˬ gawˬ yoeˬ kʼoeˇ hmˬ ngaˇ yuˇ-awˇ, gawˬ jawˬ uˬ du yawꞈ ma.”

Doˆ-iˇ 4:17

Zahˬ leˇ paˬ-ehˇ gʼeh-eu jeˬ mˇ mehˬ-eu gʼaˇ duˬ, gawˬ yoeˬ heu hmˬ nawˇ yuˇ gʼeh-awˬ.”

Doˆ-iˇ 4:2

“Nawˇ aˬ jeˬ tuˆ tehˬ luꞈ te” lehˇ, Moˇseˬ-ahˇ Sahˬpaˬ Miˬyehˇ naˇ haˬ ngeh, “Gawˬ yoeˬ tiˬ hmˬ tuˆ tehˬ luꞈ-eu ma” lehˇ, Moˇseˬ ehˇ kʼoꞈ nehˬ-euˬ meh.

Doˆ-iˇ 4:20

Kʼoeˇ ngeh, aˬ yawꞈ-euˬ nymˇ dahˬ hawˇ-eu aˬ yawꞈ-euˬ aˬ li deuˬ-ahˇ mahˬ tahˬ laˆ kʼoeˇ taˆ bi dziˬ-awˇ, Iˇjiˇtuˆ miˇ kʼahˬ-ahˇ gʼoꞈ-iˇ-eu lehˇ, Moˇseˬ doˆ-iˇ-euˬ meh. Miˬyehˇ neh aˬ yawꞈ-ahˇ yuˇ gʼeh-awˬ lehˇ ehˇ nehˬ-euˬ gawˬ yoeˬ kʼoeˇ hmˬ, Iˇjiˇtuˆ miˇ kʼahˬ-ahˇ Moˇseˬ yuˇ gʼeh-euˬ meh.

Doˆ-iˇ 7:20

Sahˬpaˬ Miˬyehˇ neh dawˬ biꞈ-euˬ loꞈ-ehˇ, Moˇseˬ hawˇ-eu Aˬloˬ mˇ-euˬ meh. Sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ-euˬ mehˬ shi, Aˬloˬ gawˬ yoeˬ baꞈ diˇ-awˇ, Niˬlaˇ lawˇ baˬ iˇ cuꞈ-ahˇ juiꞈ ngeh, lawˇ baˬ kʼoeˇ gawˆ-euˬ iˇ cuꞈ dawˬ tawˆ luꞈ shiˬ pyeuꞈ jiˇ-euˬ meh.

Iˇsaˬyaˇ 43:20

Ngaˬ neh tseˆ doˆ-euˬ tsawˇ jeuˬ-ahˇ iˇ cuꞈ biꞈ-eu gʼaˇ duˬ, kʼaˇ shuiꞈ deh ga-ahˇ ngaˇ iˇ cuꞈ bi yoeˇ le ngeh, bawˇ tsahˬ jeˬ zaˬ deuˬ ngaˬ-ahˇ taˬ huiˬ-awˇ, bawˇ tsahˬ aˬ kuiˬ hawˇ-eu law taw aˇ jiˇ kʼoeˇ deuˬ, ngaˬ-ahˇ ja ceuˬ tehꞈ-a.

Iˇsaˬyaˇ 48:21

Gui coˇ ni gʼeh-awˇ lahˇ dui dui-eu kʼaˇ shuiꞈ deh yaˇ-ahˇ, aˬ yawꞈ-euˬ tsawˇ haˬ-ahˇ Sahˬpaˬ Miˬyehˇ sheuˬ tsehˆ gʼeh ngeh, aˬ yawꞈ maꞈ-ahˇ iˇ cuꞈ maˬ bi mehꞈ-aˬ. Aˬ yawꞈ maꞈ gʼaˇ duˬ kʼaˬ lo-ahˇ iˇ cuꞈ doˆ le-euˬ meh. Kʼaˬ lo-ahˇ aˬ yawꞈ maˇ byoe bi dahˇ laˇ-awˇ, iˇ cuꞈ bi yoeˇ doˆ le-euˬ meh.

Bawˇtsahˬ 20:11

Kʼoeˇ naˇ, Moˇseˬ gawˬ yoeˬ cawˬ ja-awˇ, kʼaˬ lo kʼoeˇ siˬ-ahˇ nyiˬ laꞈ juiꞈ gʼeh-euˬ meh. Kʼoeˇ ngeh, iˇ cuꞈ lawˇ gawˆ loꞈ-ehˇ iˇ cuꞈ yoeˇ doˆ le-awˇ, tsawˇ haˬ kʼoeˇ deuˬ hawˇ-eu jeˬ zaˬ deuˬ iˇ cuꞈ dawˇ-euˬ meh.

Bawˇtsahˬ 20:7

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh.

Bawˇtsahˬ 21:15

Aˇlaˆ lehˇ kuˇ-eu jawˇ duˬ hawˇ-eu Mawˇbaˆ miˇ kʼahˬ-ahˇ keuˆ ni jeˇ-awˇ, gaˇ toeˬ ui cuiˆ toeˬ toeˬ-ehˇ jaˆ-eu deh kʼawꞈ deuˬ maˬ ehˇ, boꞈ ahˇ taˬ-euˬ meh.

Bawˇtsahˬ 21:18

Sahˬ paˬ deuˬ neh duˬ-euˬ lah duˬ, Iˇsaˬleˬlaˆ aˬ yuiꞈ aˬ tsu deuˬ neh duˬ-euˬ lah duˬ, sahˬ paˬ-euˬ jmˬ hawˇ-eu aˬ yawꞈ maꞈ-euˬ gawˬ yoeˬ yuˇ-awˇ duˬ-euˬ lah duˬ.” Bawˇ tsahˬ bawˇ dahˇ kʼoeˇ tsahˇ-ahˇ neh, Maˬtaˬnaˬ-ahˇ aˬ yawꞈ maꞈ iˇ-euˬ meh.

Maꞈtehˬ 21:21

Yeˬsuˇ ehˇ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ jah-eu nui ma ahˇ-awˇ, poˆ poˆ laˆ laˆ-ehˇ maˬ noeˬ naˇ, ngaˬ neh siˬ guˬ aˇ bawˇ heu bawˇ-ahˇ jahˇ nehˬ-euˬ loꞈ-ehˇ, naw maꞈ kʼawꞈ jahˇ nya tehꞈ-a. Kʼoeˇ naˆ tehꞈ-ehˇ maˬ ngeuˇ-a siˬ. Gawˬ jawˬ heu jawˬ-ahˇ ‘Teuˆ diˇ laˇ-awˇ iˬ ma laˆ shaˆ-ahˇ ga puꞈ-iˇ-awˬ’ lehˇ naw maꞈ ehˇ nehˬ ngeh, gawˬ jawˬ heu jawˬ iˬ ma laˆ shaˆ-ahˇ ga puꞈ-iˇ tehꞈ-a.

Luˇkaꞈ 11:13

Naw maꞈ iˬ baˇ mˇ-eu tsawˇ haˬ deuˬ kʼawꞈ, yawˬ ha-euˬ zaˬ-ahˇ yaw muiˬ jeˬ biꞈ-eu gʼaˇ duˬ kʼoeˇ naˆ ni siˬ nya naˇ, mˬ kʼoeˇ taˆ jawˇ-eu naw maꞈ-euˬ Aˬda-aˬ, aˬ yawꞈ-ahˇ kʼaˇ shaˇ-eu tsawˇ haˬ deuˬ-ahˇ Muiˬ-eu shawˇ-eu Yaw sahˇ Miˬyehˇ biꞈ-eu gʼaˇ duˬ aˇ naˆ ni paˇ siˬ nya dzehˬ nmˇ.”

Yoˇhaˬ 16:24

Iˬ nah keuˆ ni, ngaˬ-euˬ tsawˇ myahˇ laꞈ kʼoeˇ naw maꞈ tiˬ jeˬ-iˬ maˬ shaˇ-aˬ siˬ. Naw maꞈ laˬ kʼaˬ cehˇ-eu jeˬ tiˬ byah tiˬ loꞈ za ni shaˇ-awˬ. Shaˇ naˇ za tehꞈ-a.”

Gʼaˬkʼehˇ 1:14

Aˬ yawꞈ maꞈ-aˬ, zaˬ miˬ zaˬ deuˬ hawˇ-eu, Yeˬsuˇ-euˬ aˬ ma Maˬliˇ hawˇ-eu Yeˬsuˇ-euˬ aˬ nyiˇ deuˬ nehˬ-ehˇ tiˬ kawˆ loꞈ-ehˇ, tiˬ kʼehˬ maˬ taˬ ni uiˬ leˇ-awˇ guiˬ lahˬ shaˇ-eu meh.

Yawˇshuˆ 6:20

Kʼoeˇ naˇ, piˇ ma deuˬ daˇ heh baw-euˬ meh. Daˇ heh teˇ saˇ ya gaˬ-eu nehˬ-ehˇ, tsawˇ haˬ kʼoeˇ deuˬ guˇ kʼaˆ leꞈ-awˇ, meuˬ meuˬ lahˇ byaˆ-iˇ-euˬ meh. Kʼoeˇ ngeh, guiˇ maꞈ maꞈ lah ni, yawˬ ha mehˬ shi tiˬ dawˇ gawˬ duˇ-ahˇ daˆ leˇ-awˇ, meuˬ-ahˇ uˇ leˇ-euˬ meh.

Yawˇshuˆ 6:5

Kʼoeˇ naˇ, aˬ yawꞈ maꞈ-ahˇ daˇ heh teˇ saˇ gʼawˬ mahˇ ni bi baw yeu gʼeh-awˬ. Teˇ saˇ kʼoeˇ naw maꞈ ya gaˬ-eu nehˬ-ehˇ, tsawˇ haˬ dawˬ tawˆ luꞈ guˇ kʼaˆ leꞈ-awˬ. Kʼoeˇ ngeh, meuˬ meuˬ lahˇ byaˆ le tehꞈ-a. Kʼoeˇ naˇ, guiˇ guiˇ maꞈ maꞈ lah-ehˇ meuˬ laꞈ kʼoeˇ uˇ leˇ-awˬ.”

Panmaeq 22:1

Mˬ taˆ gʼaˬ kʼehˇ kʼoeˇ gʼaˬ ngaˬ-ahˇ dehꞈ-eu saꞈ laˇ lawˇ baˬ mehˬ nehˬ laꞈ-euˬ meh. Miˬyehˇ hawˇ-eu Yawˇzaˬ-euˬ dzoeˬ dzaˬ nuiˇ mahˬ-ahˇ neh yoeˇ doˆ le-awˇ, doˆ coˆ-ehˇ haw mawˇ nya-eu shawˇ jehˆ ni gʼeh-eu lawˇ baˬ pyeuꞈ-eu meh.

Panmaeq 22:17

Yaw sahˇ Miˬyehˇ hawˇ-eu dahˬ dzaˬ-iˇ-eu lehˇ gʼeh-eu Zaˬmiˬ kʼoeˇ gʼaˬ “Laˇ-awˬ” lehˇ ehˇ-eu meh. Kʼaˇ ya gaˬ-euˬ tsawˇ haˬ yawˬ gʼaˬ na luꞈ kʼawꞈ, “Laˇ-awˬ” lehˇ ehˇ-awˬ. Iˇ cuꞈ kʼaˇ mehꞈ-eu tsawˇ haˬ laˇ-awˬ. Kʼaˇ dawˇ mawꞈ-eu tsawˇ haˬ deuˬ dehꞈ-eu saꞈ laˇ iˇ cuꞈ yawꞈ ngehꞈ-ehˇ dawˇ laˇ-awˬ.