Bawˇtsahˬ 20:4 - Akha

⁴ Aˬ jeˬ miˇ neh nawˇ nga maꞈ-ahˇ bawˇ tsahˬ bawˇ dahˇ heu hmˬ laꞈ kʼoeˇ sheuˬ ahˇ nehˬ laꞈ teˬ. Nga maꞈ hawˇ-eu nga maꞈ-euˬ jeˬ zaˬ tiˬ gaˇ bi shiˇ-eu lehˇ sheuˬ ahˇ nehˬ laꞈ te loˇ.

Bawˇtsahˬ 20:4 ပူးပေါင်းရင်းမြစ်များ

Jaceuq 106:21

Iˇjiˇtuˆ miˇ kʼahˬ-ahˇ kʼaˆ jeˬ-ehˇ gʼeh-eu jeˬ mˇ-eu laꞈ kʼoeˇ, aˬ yawꞈ maꞈ-ahˇ ka kʼoꞈ-euˬ Miˬyehˇ-ahˇ, aˬ yawꞈ maꞈ ngehˇ-euˬ meh.

Doˆ-iˇ 16:3

Iˇsaˬleˬlaˆ tsawˇ haˬ deuˬ aˬ yawꞈ nyaꞈ-ahˇ ehˇ nehˬ-eu, “Iˇjiˇtuˆ miˇ kʼahˬ laꞈ kʼoeˇ, Sahˬpaˬ Miˬyehˇ nga maꞈ-ahˇ bi shiˇ laꞈ law nmˇ-aˬ, muiˬ dzehˬ tehꞈ-a. Nga maꞈ kʼoeˇ gaˇ jawˇ ngeh, saˇ suˬ ni nuiˇ-awˇ hawˬ ya dzaˬ-euˬ ma. Shaˬ jiˇ hawˇ-eu nui jeˬ nui jeˇ kʼawꞈ, yawˬ ha kʼaˇ dzaˬ mawꞈ-eu loꞈ-ehˇ dzaˬ-euˬ ma. Ehˇ kʼawꞈ, naw nyaꞈ-aˬ, nga maꞈ bi mehꞈ sehꞈ jiˇ-eu lehˇ bawˇ tsahˬ bawˇ dahˇ laꞈ kʼoeˇ sheuˬ ahˇ laꞈ-euˬ ngaˇ.”

Doˆ-iˇ 17:3

Ehˇ kʼawꞈ, tsawˇ haˬ kʼoeˇ deuˬ iˇ cuꞈ mehꞈ-eu miˇ neh, Moˇseˬ-ahˇ iˬ baˇ taˬ-eu maˬ tsehˆ leˇ-a. “Aˬ jeˬ miˇ neh nga maꞈ-ahˇ nawˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ laꞈ teˬ. Nga maꞈ hawˇ-eu nga maꞈ-euˬ zaˬ deuˬ maˬ ehˇ, nga maꞈ-euˬ jeˬ zaˬ deuˬ maˬ ehˇ, bi shiˇ jiˇ-eu lehˇ sheuˬ doˆ laꞈ teˬ loˇ” lehˇ aˬ yawꞈ maꞈ ehˇ-euˬ meh.

Doˆ-iˇ 5:21

Moˇseˬ hawˇ-eu Aˬloˬ-ahˇ aˬ yawꞈ maꞈ ehˇ nehˬ-eu, “Naw nyaꞈ neh mˇ-euˬ gaˇ-ahˇ, Sahˬpaˬ Miˬyehˇ mawˇ luꞈ meh. Iˇjiˇtuˆ sahˬ paˬ hawˇ-eu, aˬ yawꞈ-euˬ gaˇ mˇ-eu yaw huiˬ yaw mahˇ deuˬ nga maꞈ-ahˇ bye ni naw nyaꞈ jahˇ-euˬ miˇ neh, Sahˬpaˬ Miˬyehˇ naw nyaꞈ-ahˇ kʼehˬ nehˬ tehꞈ-a. Naw nyaꞈ-aˬ, nga maꞈ-ahˇ bi sehꞈ-eu lehˇ, Iˇjiˇtuˆ tsawˇ haˬ-euˬ aˬ laꞈ-ahˇ mi cehˇ nmꞈ ahˇ nehˬ gaˇ duˇ meh.”

Bawˇtsahˬ 11:20

Ba la tiˬ siˬ siˬ lah ni naw maꞈ ya dzaˬ tehꞈ-a. Naw maꞈ-euˬ naˇ mehˇ-ahˇ shaˬ jiˇ doˆ le gaˇ keuˆ-awˇ, shaˬ jiˇ-ahˇ naw maꞈ nui daˆ daˆ laˇ ngeh keuˆ ni ya dzaˬ tehꞈ-a. Naw maꞈ nehˬ-ehˇ jawˇ luꞈ-eu Sahˬpaˬ Miˬyehˇ-ahˇ naw maꞈ byehˇ dzeh-awˇ, Iˇjiˇtuˆ miˇ kʼahˬ laꞈ kʼoeˇ neh maˬ doˆ le law nmˇ-aˬ gʼaˬ law hawˇ miˇ-a lehˇ aˬ yawꞈ mehˬ shi naw maꞈ toˇ-eu miˇ neh, kʼoeˇ loꞈ-ehˇ pyeuꞈ laˇ tehꞈ-a lehˇ aˬ yawꞈ maꞈ-ahˇ ehˇ nehˬ-awˬ.”

Bawˇtsahˬ 11:5

Iˇjiˇtuˆ miˇ kʼahˬ laꞈ kʼoeˇ jawˇ ngeh, kʼaˇ dzaˬ mawꞈ-eu ngaˬ shaˬ deuˬ aˇ poeˬ maˬ jiˇ ni ya dzaˬ ya dzaˬ-ehˇ jawˇ-euˬ ma. Aˬ dui neh dzaˬ yaꞈ-euˬ siˬ kʼoˬ, deh namˬ, sehˇ guˬ, sehˇ bawˬ, sehˇ puˇ, kʼoeˇ deuˬ-ahˇ noeˬ mawˇ dui dui nya.

Bawˇtsahˬ 14:2

Aꞈ yawꞈ maꞈ nui ma cawˆ-eu laꞈ kʼoeˇ, Moˇseˬ hawˇ-eu Aˬloˬ-ahˇ iˬ baˇ taˬ-awˇ ehˇ-eu, “Iˇjiˇtuˆ miˇ kʼahˬ laꞈ kʼoeˇ ya shiˇ law nmˇ-aˬ muiˬ dzehˬ tehꞈ-a. Heu gaˇ, bawˇ tsahˬ bawˇ dahˇ heu tsahˇ laꞈ kʼoeˇ ya shiˇ law nmˇ kʼawꞈ, zaˬ dzehˬ tehꞈ-a.

Bawˇtsahˬ 16:41

Yawˬ nah yawˬ, Iˇsaˬleˬlaˆ tsawˇ haˬ aˇ maꞈ deuˬ Moˇseˬ hawˇ-eu Aˬloˬ-ahˇ iˬ baˇ taˬ-awˇ, “Sahˬpaˬ Miˬyehˇ-euˬ tsawˇ haˬ tiˬ paˆ na deuˬ-ahˇ naw nyaꞈ sehꞈ-euˬ meh” lehˇ ehˇ-eu meh.

Gʼaˬkʼehˇ 7:35

“‘Nga maꞈ kʼoeˇ taˆ uˆ lahˇ-awˇ yaˇ kʼaˬ bi daˇ-eu lehˇ, aˬ suˇ gʼaˬ nawˬ-ahˇ kʼehˇ taˬ ta’ lehˇ, aˬ yawꞈ maꞈ neh ehˇ nehˬ-awˇ byehˇ dzeh nehˬ-euˬ Moˇseˬ kʼoeˇ gʼaˬ-aˬ, aˬ yawꞈ-euˬ mehˬ shi baw duˆ laꞈ kʼoeˇ ya mawˇ-euˬ mˬ taˆ gʼaˬ kʼehˇ neh bi caw ba-eu laꞈ kʼoeˇ, aˬ yawꞈ maꞈ-ahˇ bi uˆ lahˇ-awˇ bi ka kʼoꞈ-eu gʼaˇ duˬ Miˬyehˇ neh kʼehˇ leꞈ-euˬ Moˇseˬ pyeuꞈ-eu meh.

Yaˇ kʼaˬ daˇ 11:16

Pyeuꞈ laˇ-euˬ gaˇ kawˆ heu loꞈ-ehˇ jaˆ-eu meh. Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ ngeh, bawˇ tsahˬ bawˇ dahˇ paw neh Aˬgaˬbaˬ iˬ ma laˆ shaˆ lahˇ gʼoꞈ-ahˇ iˇ-awˇ, Kaˬdeˬshaˇ-ahˇ laˇ keuˆ-euˬ meh.