Bawˇtsahˬ 20:24 - Akha

²⁴ “Iˇsaˬleˬlaˆ tsawˇ jeuˬ-ahˇ ngaˬ neh saˇ jaˇ dzaˬ taˬ-euˬ miˇ kʼahˬ-ahˇ, Aˬloˬ maˬ paˇ ya le keuˆ meh. Aˬ yawꞈ ziˇ jiˇ yamˬ keuˆ le taˬ-euˬ meh. Aˬ jeˬ miˇ neh ehˇ naˇ, Meˬliˇbaˬ lehˇ kuˇ-eu jawˇ duˬ-ahˇ ngaˬ-euˬ dawˬ-ahˇ naw nyaꞈ puiˬ-euˬ meh.

Bawˇtsahˬ 20:24 ပူးပေါင်းရင်းမြစ်များ

Aˇ dahˬ 15:15

Nawˇ-aˬ, mawˬ-iˇ ngeh keuˆ ni saˇ lehˆ ni ya dehꞈ-awˇ, coꞈ ngehˇ ni ziˇ ya dehꞈ jiˇ-eu uˬ taꞈ, aˬ cawˬ nawˬ-ahˇ yaw muiˬ-ehˇ baꞈ pahˬ nehˬ laꞈ tehꞈ-a.

Aˇ dahˬ 25:17

Iˇshaˬmeˬlaˇ-aˬ, tiˬ yaˇ smˬ tseˇ shiꞈ kʼoꞈ kʼawˆ ngeh ziˇ jiˇ-euˬ meh.

Aˇ dahˬ 25:8

Aˬ yawꞈ mawˬ dui dui laˇ-awˇ, aˇ yamˬ tsaˬ ngeh ziˇ jiˇ-euˬ meh.

Aˇ dahˬ 35:29

Tsawˇ mawˬ mawˬ dui dui laˇ-awˇ neh hawˇ-eu aˬ yawꞈ ziˇ jiˇ-awˇ, aˬ yawꞈ-euˬ aˬ li Iˇsawˇ hawˇ-eu Yaˬkoˆ aˬ nyaꞈ nmˇ neh, aˬ yawꞈ-ahˇ baꞈ pahˬ-euˬ meh.

Aˇ dahˬ 49:29

Kʼoeˇ naˇ, aˬ yawꞈ-euˬ aˬ li deuˬ-ahˇ Yaˬkoˆ heu loꞈ-ehˇ ehˇ mehˬ nehˬ-euˬ meh. “Nymˬ-mˇ, shiˇ-eu miˇ kʼahˬ-ahˇ ngaˬ-euˬ tsawˇ haˬ deuˬ jawˇ gaˇ ngaˇ iˇ byoˆ gʼeh-eu ma. Kaˬnaˬ miˇ kʼahˬ laꞈ kʼoeˇ, Mamˬliˬ meuˬ-euˬ nahˇ ma doˆ kʼehˬ paw, Maˬpeˬlaˇ lehˇ ehˇ-eu jawˇ duˬ-ahˇ jaˆ-eu ngaˬ bawˇ hawˇ-eu ngaˬ da-ahˇ baꞈ pahˬ taˬ-euˬ Heˬtaˆ tsawˇ jeuˬ, Eˇpaˬloˬ-euˬ lmˬ bymˇ lo kʼahˬ kʼoeˇ kʼahˬ laꞈ kʼoeˇ, ngaˬ-ahˇ baꞈ pahˬ nehˬ laꞈ-awˬ. Lo kʼahˬ kʼoeˇ kʼahˬ jaˆ-eu miˇ tsaˬ kʼoeˇ tsahˇ lmˬ bymˇ geuꞈ-eu lehˇ, Eˇpaˬloˬ-euˬ laꞈ-ahˇ Aˬbyaˬhaˬ neh zeuˇ tsehˆ taˬ yaꞈ-euˬ meh.

Aˇ dahˬ 49:33

Aˬ yawꞈ-euˬ aˬ li deuˬ-ahˇ Yaˬkoˆ kʼoeˇ loꞈ-ehˇ mehˬ nehˬ tsoˆ nehˬ gʼaˬ ngeh, aˬ za za-ehˇ coˬ yuꞈ gʼeh-awˇ saꞈ gʼawˇ tsehˆ-euˬ meh.

2 Laˬsaˬbaˬ 34:28

Yeˬluˇsaˬlehˬ meuˬ kʼoeˇ taˆ ngaˇ bi keuˆ le-eu lehˇ gʼeh-eu kʼehˬ-eu kʼaˆ-eu jeˬ, nawˇ kʼaˇ dehꞈ kʼoeˇ keuˆ ni maˬ bi keuˆ le-ehˇ ngaˇ nyi naˬ ma. Nawˬ-ahˇ nui ma saˇ lehˆ ni ziˇ bi dehꞈ jiˇ ma’ lehˇ sahˬ paˬ-ahˇ tsaꞈ nehˬ-iˇ-awˬ.” Aˬ yawꞈ maꞈ gʼeh dawˬ kʼoeˇ dawˬ yuˇ-awˇ sahˬ paˬ Yawˇshiˆ jawˇ gaˇ gʼoꞈ-iˇ-euˬ meh.

Doˆ-iˇ 17:7

Jawˇ duˬ kʼoeˇ tsahˇ-ahˇ, Maˬsaˬ hawˇ-eu Meˬliˇbaˬ lehˇ kuˇ-euˬ meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ haˬ deuˬ nui ma cawˆ-eu laꞈ kʼoeˇ, “Sahˬpaˬ Miˬyehˇ aˬ dui maꞈ nehˬ-ehˇ jawˇ nga loˇ, maˬ jawˇ nga loˇ” lehˇ aˬ yawꞈ maꞈ ehˇ-awˇ, Sahˬpaˬ Miˬyehˇ-ahˇ lawˬ haw-euˬ meh.

Bawˇtsahˬ 20:26

Kʼoeˇ gaˇ, Aˬloˬ dm luꞈ-eu piˇ ma-euˬ dm gʼaˬ dm lmˇ lehˆ-awˇ, Eˇlaˬzaˬ-ahˇ bi dm-awˬ. Aˬloˬ-aˬ, kʼoeˇ gaˇ ziˇ ya jiˇ tehꞈ-a” lehˇ ehˇ-eu meh.

Bawˇtsahˬ 20:5

Aˬ jeˬ miˇ neh Iˇjiˇtuˆ miˇ kʼahˬ laꞈ kʼoeˇ neh nga maꞈ-ahˇ nawˇ sheuˬ doˆ laꞈ-awˇ, tiˬ jeˬ-iˬ maˬ ka dzaˬ nya-eu doeˇ dui dui-eu jawˇ duˬ heu tsahˇ-ahˇ sheuˬ laꞈ teˬ. Dzaˬ la gʼo cehˇ, siˬ guˬ, aˬ gaꞈ, aˇ ka uˆ aˇ bawˇ, heu deuˬ kʼawꞈ maˬ dehꞈ ngaˬ tawˇ. Kʼoeˇ uˬ taꞈ, dawˇ-eu iˇ cuꞈ kʼawꞈ maˬ jaˆ nga tawˇ.”

Bawˇtsahˬ 27:13

Miˇ kʼahˬ kʼoeˇ kʼahˬ-ahˇ nawˇ haw mawˇ gʼaˬ ngeh, nawˬ-euˬ aˇ doˆ Aˬloˬ shiˇ-euˬ loꞈ-ehˇ nawˇ ya shiˇ tehꞈ-a.

Bawˇtsahˬ 31:2

“Naw maꞈ-ahˇ miˬyehˇ nui gʼaˬ-ahˇ uˬ duˬ tahˬ ni jahˇ nehˬ laꞈ-euˬ Miˇdiˬyaˬ tsawˇ haˬ deuˬ-ahˇ kʼehˬ nehˬ-awˬ. Kʼoeˇ loꞈ-ehˇ jahˇ kʼoꞈ nehˬ gʼaˬ naˇ, nawˇ ya shiˇ-eu aˇ nah aˇ yamˬ keuˆ le tehꞈ-a.”

Bawˇtsahˬ 4:27

Aˬloˬ hawˇ-eu aˬ yawꞈ-euˬ aˬ li deuˬ neh bi mˇ-euˬ gaˇ deuˬ-ahˇ Geˬlaˬshoˬ tsawˇ haˬ deuˬ mˇ gaˇ, Moˇseˬ hawˇ-eu Aˬloˬ naw nyaꞈ nmˇ ya haw meh.

Dawˬmehˬ 32:50

Hawˇlaˆ gawˬ jawˬ kʼoeˇ taˆ nawˬ-euˬ aˇ doˆ Aˬloˬ ziˇ jiˇ-euˬ loꞈ-ehˇ, gawˬ jawˬ kʼoeˇ jawˬ kʼoeˇ taˆ nawˇ ziˇ ya jiˇ leˇ tehꞈ-a.

Dawˬmehˬ 33:8

Leˬbiˇ gaˇ kawˆ Moˇseˬ ehˇ-eu, “Sahˬpaˬ Miˬyehˇ nawˬ-euˬ nui noeˬ, Leˬbiˇ tsawˇ haˬ deuˬ-ahˇ gʼoe-awˇ, Uˇleˬ Duˇmeˬ neh pah mehˬ-awˬ. Maˬsah lehˇ kuˇ-euˬ jawˇ duˬ-ahˇ, yawꞈ maꞈ-ahˇ nawˇ pyehˆ tseˇ haw-awˇ, Meˬliˇbaˬ lawˇ gawˆ lawˇ dzeˇ-ahˇ, yawꞈ maꞈ-ahˇ nawˇ lawˬ haw-euˬ meh.

Yawˇshuˆ 2:9

aˬ yawꞈ nyaꞈ-ahˇ heu loꞈ-ehˇ ehˇ nehˬ-euˬ meh. “Miˇ kʼahˬ heu kʼahˬ Sahˬpaˬ Miˬyehˇ neh naw maꞈ-ahˇ biꞈ gʼaˬ-euˬ meh lehˇ ngaˇ siˬ nya ma. Miˇ kʼahˬ heu kʼahˬ laꞈ kʼoeˇ kʼaˇ jawˇ-eu tsawˇ haˬ yawˬ gʼaˬ na luꞈ naw maꞈ-ahˇ guˆ dui dui meh.

Yaˇ kʼaˬ daˇ 2:10

Kʼoeˇ ngeh ziˇ-ahˇ dehꞈ-euˬ tsawˇ haˬ dawˬ tawˆ luꞈ shiˇ jiˇ-awˇ, yawˬ ziˇ yawˬ-ahˇ dehꞈ-eu tsawˇ haˬ deuˬ-aˬ, Sahˬpaˬ Miˬyehˇ-ahˇ maˬ ehˇ, Iˇsaˬleˬlaˆ tsawˇ jeuˬ gʼaˇ duˬ aˬ yawꞈ neh mˇ-euˬ jeˬ-ahˇ maˬ ehˇ, ngehˇ-euˬ meh.