Bawˇtsahˬ 20:17 - Akha

¹⁷ Nawˬ-euˬ miˇ kʼahˬ laꞈ kʼoeˇ nga maꞈ-ahˇ bi cah tsehˆ laꞈ-awˬ. Nga maꞈ hawˇ-eu nga maꞈ-euˬ jeˬ zaˬ deuˬ gaˇ ma caw caw-ehˇ tehꞈ-ehˇ cah-awˇ, naw maꞈ-euˬ deh yaˇ hawˇ-eu aˬ gaꞈ yaˇ kmˇ deuˬ-ahˇ maˬ uˇ-iˇ-eu uˬ taꞈ, naw maꞈ-euˬ lah duˬ-ahˇ iˇ cuꞈ maˬ kʼawꞈ dawˇ ni cah ma. Nawˬ-euˬ miˇ kʼahˬ maˬ iˇ dzeuˇ kʼoeˇ keuˆ ni, gaˇ jawˬ caw caw-ehˇ tehꞈ-ehˇ nga maꞈ cah ma.”

Bawˇtsahˬ 20:17 ပူးပေါင်းရင်းမြစ်များ

2 Laˬsaˬbaˬ 20:10

“Nymˬ-mˇ, Aˬmoˬ tsawˇ jeuˬ, Mawˇbaˆ tsawˇ jeuˬ hawˇ-eu, Eˬdoˬ tsawˇ jeuˬ deuˬ nga maꞈ-ahˇ guiˇ deuˆ le luꞈ meh. Nga maꞈ-euˬ aˬ poeˬ aˬ bawˇ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ ngeh, tsawˇ jeuˬ kʼoeˇ deuˬ-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ nawˇ maˬ bi le uˇ-a. Kʼoeˇ miˇ neh, nga maꞈ-euˬ aˬ poeˬ aˬ bawˇ deuˬ gaˇ jaw jaw-awˇ, tsawˇ jeuˬ kʼoeˇ deuˬ-ahˇ maˬ laˆ luˬ maˬ laˆ seˇ nehˬ-aˬ.

Bawˇtsahˬ 21:1

Kaˬnaˬ miˇ kʼahˬ laꞈ oˆ paw dzaˬ-ahˇ jawˇ-eu Kaˬnaˬ tsawˇ jeuˬ-euˬ sahˬ paˬ Aˬlaˬdaˇ-aˬ, Iˇsaˬleˬlaˆ tsawˇ haˬ deuˬ Aˬdaˬleˬ gaˇ ma caw caw-ehˇ laˇ luꞈ-eu gaˇ kawˆ ya gaˬ ngeh, guiˇ deuˆ-iˇ-awˇ, Iˇsaˬleˬlaˆ tsawˇ haˬ tiˬ paˆ na deuˬ-ahˇ nyehꞈ-euˬ meh.

Dawˬmehˬ 2:27

‘Nawˬ-euˬ miˇ kʼahˬ-ahˇ nga maꞈ-ahˇ bi iˇ tsehˆ laꞈ-awˬ. Gaˇ ma caw caw-ehˇ tehꞈ-ehˇ nga maꞈ cah ma.

Dawˬmehˬ 2:28

Nga maꞈ dzaˬ-eu dzaˬ dzaˬ dawˇ dawˇ hawˇ-eu nga maꞈ dawˇ-eu iˇ cuꞈ gʼaˇ duˬ aˇ poeˬ biꞈ ma. Naw maꞈ-euˬ miˇ kʼahˬ-ahˇ ya iˇ tsehˆ naˇ gʼaˬ ma.

Dawˬmehˬ 2:29

Eˬdoˬ miˇ kʼahˬ-ahˇ jawˇ-eu Iˇsawˇ-euˬ zaˬ deuˬ uˆ deuˬ hawˇ-eu Aˇlaˆ meuˬ-ahˇ jawˇ-eu Mawˇbaˆ tsawˇ haˬ deuˬ aˬ yawꞈ maꞈ-euˬ miˇ kʼahˬ laꞈ kʼoeˇ nga maꞈ-ahˇ bi cah tsehˆ laꞈ-euˬ loꞈ-ehˇ, Yawˇdaˬ lawˇ baˬ-ahˇ nga maꞈ tsehˆ doˆ-awˇ, nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh nga maꞈ-ahˇ biꞈ laꞈ-euˬ miˇ kʼahˬ-ahˇ iˇ keuˆ ngeh keuˆ ni, nawˬ-euˬ miˇ kʼahˬ laꞈ kʼoeˇ bi cah tsehˆ laꞈ-awˬ’ lehˇ bi tsaꞈ leˇ-euˬ ma.