Bawˇtsahˬ 20:10 - Akha

¹⁰ Moˇseˬ hawˇ-eu Aˬloˬ aˬ nyaꞈ Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ-ahˇ kʼaˬ lo kʼoeˇ siˬ mehˬ shi kuˇ uiˬ-awˇ, “Puiˬ-eu tsawˇ haˬ deuˬ-oˇ, naw maꞈ gʼaˇ duˬ kʼaˬ lo heu siˬ-ahˇ neh ngaˇ iˇ cuꞈ ya bi yoeˇ le ta loˇ” lehˇ Moˇseˬ ehˇ-eu meh.

Bawˇtsahˬ 20:10 ပူးပေါင်းရင်းမြစ်များ

Aˇ dahˬ 40:8

“Nga nyaꞈ nyiˬ gʼaˬ luꞈ yuꞈ maˆ maˆ-euˬ ma. Ehˇ kʼawꞈ heu gaˇ jawˇ-eu tsawˇ haˬ tiˬ gʼaˬ-iˬ yuꞈ maˆ dawˬ tsuiꞈ maˬ yuˇ doˆ nehˬ laꞈ nya-a” lehˇ, Yoˇsehˆ-ahˇ aˬ yawꞈ nyaꞈ ehˇ-eu meh. “Miˬyehˇ tehꞈ-ehˇ yuꞈ maˆ dawˬ tsuiꞈ yuˇ doˆ-eu tsawˇ gahˇ biꞈ nya-eu meh. Naw nyaꞈ neh yuꞈ maˆ maˆ-euˬ gaˇ kawˆ dzawˇ haw sheˇ” lehˇ Yoˇsehˆ ehˇ-eu meh.

Aˇ dahˬ 41:16

Yoˇsehˆ ehˇ-eu, “Sahˬ paˬ-oˇ, ngaˇ yuꞈ maˆ dawˬ tsuiꞈ maˬ yuˇ doˆ nya nya. Ehˇ kʼawꞈ, nawˬ-euˬ gʼaˇ duˬ Miˬyehˇ dawˬ tsuiꞈ yuˇ doˆ nehˬ laꞈ tehꞈ-a.”

Jaceuq 78:16

Lo guˇ-ahˇ aˬ yawꞈ iˇ cuꞈ bi doˆ le-awˇ, lawˇ baˬ loꞈ-ehˇ bi yoeˇ-euˬ meh.

Doˆ-iˇ 17:6

Siˇnaˆ gawˬ jawˬ lo guˇ kʼoeˇ taˆ, nawˬ-euˬ mehˬ shi ngaˇ yawꞈ luꞈ ma. Lo guˇ-ahˇ juiꞈ-awˬ. Iˇsaˬleˬlaˆ tsawˇ haˬ deuˬ dawˇ-eu gʼaˇ duˬ iˇ cuꞈ yoeˇ doˆ le tehꞈ-a.” Iˇsaˬleˬlaˆ tsawˇ haˬ aˬ yuiꞈ aˬ tsu deuˬ-euˬ mehˬ shi, Moˇseˬ kʼoeˇ loꞈ-ehˇ mˇ-euˬ meh.

Bawˇtsahˬ 20:24

“Iˇsaˬleˬlaˆ tsawˇ jeuˬ-ahˇ ngaˬ neh saˇ jaˇ dzaˬ taˬ-euˬ miˇ kʼahˬ-ahˇ, Aˬloˬ maˬ paˇ ya le keuˆ meh. Aˬ yawꞈ ziˇ jiˇ yamˬ keuˆ le taˬ-euˬ meh. Aˬ jeˬ miˇ neh ehˇ naˇ, Meˬliˇbaˬ lehˇ kuˇ-eu jawˇ duˬ-ahˇ ngaˬ-euˬ dawˬ-ahˇ naw nyaꞈ puiˬ-euˬ meh.

Maꞈtehˬ 5:22

Ehˇ kʼawꞈ, naw maꞈ-ahˇ ngaˇ heu loꞈ-ehˇ ehˇ-eu ma. Yawˬ ha-euˬ mehˇ nmˇ -ahˇ nui ma pehˇ-eu tsawˇ haˬ aˬ geu gʼaˬ maˬ kaˬ, yaˇ kʼaˬ daˇ gaˇ ya daˬ tehꞈ-a. Yawˬ ha-euˬ mehˇ nmˇ-ahˇ yaˬ kʼehˇ yaˬ-eu tsawˇ haˬ-aˬ, yaˇ kʼaˬ daˇ-eu deuˬ-euˬ mehˬ shi bi sheuˬ keuˆ gʼeh tehꞈ-a. Yawˬ ha-euˬ mehˇ nmˇ-ahˇ, ‘Miˬyehˇ-ahˇ maˬ siˬ nya-eu tsawˇ cawˆ’ lehˇ ehˇ-eu tsawˇ haˬ-aˬ, shiˬ buiˇ lah ma-ahˇ ya shaˬ tehꞈ-a.

1 Gawˇliˬtu 3:7

Ka-eu gʼaˬ hawˇ-eu iˇ cuꞈ shehˬ-eu gʼaˬ-aˬ, ehˇ nyaꞈ nyeuˆ-eu maˬ ngeuˇ-a. Ehˇ kʼawꞈ, aˇ bawˬ mehˇ laˇ ni jahˇ-eu gʼaˬ pyeuꞈ-eu Miˬyehˇ-ahˇ ja ceuˬ dui dui paˬ-ehˇ gʼeh-eu meh.

Eˇpeˇsu 4:26

Naw maꞈ nui ma pehˇ laˇ ngeh, iˬ baˇ mˇ gaˇ maˬ bi keuˆ leˇ-eu uꞈ taꞈ, nahˇ ma ga ahˇ ngeh keuˆ ni nui ma pehˇ-eu jeˬ taˬ bi pyeuꞈ.

Dawˬmehˬ 9:24

Aˬ yawꞈ-ahˇ naw maꞈ maˬ jah-ehˇ, aˬ yawꞈ-euˬ ehˇ dawˬ-ahˇ naw maꞈ maˬ naˇ haˬ-aˬ. Naw maꞈ-ahˇ ngaˇ siˬ nya ngeh tiˬ nah neh, Sahˬpaˬ Miˬyehˇ-ahˇ naw maꞈ puiˬ luꞈ-eu meh.

Yaˬkoˆ 3:2

Aˬ dui dawˬ tawˆ luꞈ tiˬ kʼehˬ maˬ taˬ ni mˇ lehˬ-eu meh. Ehˇ kʼawꞈ, tsawˇ haˬ tiˬ gʼaˬ na ngehˬ lehˬ tmˇ lehˬ-eu maˬ baw naˇ, byah-eu loꞈ-eu tsawˇ haˬ pyeuꞈ-awˇ, yawˬ ha-euˬ nui ma gʼawˇ mawˇ dawˬ tawˆ luꞈ-ahˇ yaw muiˬ paˬ-ehˇ gʼaˬ leˇ-eu tsawˇ haˬ pyeuꞈ-eu meh.