Bawˇtsahˬ 20:1 - Akha

¹ Ba la yaw beh siˬ-ahˇ, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ, Ziˇnaˆ lehˇ kuˇ-eu bawˇ tsahˬ bawˇ dahˇ laꞈ kʼoeˇ oe keuˆ-awˇ, Kaˬdeˬshaˇ lehˇ kuˇ-eu jawˇ duˬ-ahˇ jawˇ naˬ-euˬ meh. Kʼoeˇ gaˇ Miˇliˬyaˬ shiˇ-awˇ, baꞈ pahˬ nehˬ-euˬ meh.

Bawˇtsahˬ 20:1 ပူးပေါင်းရင်းမြစ်များ

Aˇ dahˬ 14:7

Kʼoeˇ naˇ, aˬ yawꞈ maꞈ naˇ kʼah paw paˇ gʼoꞈ kʼoꞈ laˇ-awˇ, Kaˬdeˬshaˇ meuˬ-ahˇ iˇ-euˬ meh. Kʼoeˇ ngeh yamˬ-ahˇ, Kaˬdeˬshaˇ meuˬ-ahˇ Eˬmiˇshaˬpaˇ meuˬ lehˇ kuˇ-euˬ meh. Aˬ yawꞈ maꞈ-aˬ, Aˬmaˬlehˇ miˇ kʼahˬ kʼahˬ lah ni-ahˇ maˬ ehˇ, Haˬzaˬzoˇdaˬ -maˇ meuˬ-ahˇ jawˇ-eu Aˬmawˇliˆ tsawˇ jeuˬ-ahˇ maˬ ehˇ, deuˆ gʼaˬ-euˬ meh.

Jaceuq 29:8

Yawꞈ-euˬ teˇsaˇkʼaˆ-eu miˇneh, bawˇtsahˬbawˇdahˇ-ahˇsheu nyeh-awˇ, Kaˬdeˬshaˇkʼaˇshuiꞈdeh yaˇkʼoeˇ, yaw dzuˬyui yui-ehˇ jaˆ-eu meh.

Doˆ-iˇ 15:20

Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu Aˬloˬ-euˬ dmˇ ma Miˇliˬyaˬ bawˬ tsahˬ baꞈ-awˇ doˆ le ngeh, zaˬ miˬ zaˬ dawˬ tawˆ luꞈ bawˬ tsahˬ baꞈ-awˇ, aˬ yawꞈ nehˬ-ehˇ gaˇ nyeh nyeh-euˬ meh.

Doˆ-iˇ 2:4

Aˬ li kʼoeˇ li-euˬ dmˇ ma tiˬ gʼaˬ ui cuiˆ gaˇ mahˇ kaˬ gaˇ yawꞈ-awˇ, aˬ li kʼoeˇ li-ahˇ haw luꞈ-eu meh.

Doˆ-iˇ 2:7

Kʼoeˇ ngeh, “Nawˬ-euˬ gʼaˇ duˬ zaˬ heu gʼaˬ-ahˇ bi haw-eu Heˬbyehˇ tsawˇ jeuˬ zaˬ miˬ zaˬ tiˬ gʼaˬ, ngaˇ ya kuˇ laˬ-iˇ nmˇ loˇ” lehˇ, aˬ li kʼoeˇ li-euˬ dmˇ ma gʼaˬ sahˬ paˬ zaˬ miˬ-ahˇ naˇ haˬ-euˬ meh.

Yeˬsaˬgeˬlaˇ 47:19

“Laꞈ oˆ paw pyawˬ miˇ kaˬ-aˬ, Taˬmaˬ meuˬ-ahˇ neh dahˬ beh-awˇ, Meˬliˇbaˆ Kaˬdeˬshaˇ lawˇ gawˆ deuˬ jaˆ gaˇ neh, Iˇjiˇtuˆ lawˇ baˬ caw caw-ehˇ Gʼahˇ ceh-euˬ iˬ ma laˆ shaˆ-ahˇ keuˆ ni meh.

Miˇkaˬ 6:4

Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ ngaˇ sheuˬ doˆ laꞈ-euˬ ma. Naw maꞈ aˬ cawˬ zaˬ kʼaˆ geuꞈ luꞈ gaˇ ngaˇ ka kʼoꞈ le-euˬ ma. Naw maꞈ-ahˇ bi sheuˬ gʼeh-eu lehˇ, Moˇseˬ, Aˬloˬ, Miˇliˬyaˬ aˬ ha maꞈ-ahˇ ngaˇ pyehˬ gʼeh leꞈ-euˬ ma.

Bawˇtsahˬ 12:1

Kuˇshaˆ tsawˇ jeuˬ zaˬ miˬ zaˬ-ahˇ Moˇseˬ sheuˬ-euˬ miˇ neh, Miˇliˬyaˬ hawˇ-eu Aˬloˬ aˬ nyaꞈ aˬ yawꞈ-ahˇ iˬ baˇ taˬ-euˬ meh.

Bawˇtsahˬ 12:10

Sehˬ gʼawˆ kʼoeˇ taˆ jaˆ-eu mˬ dmˇ gʼoꞈ daˆ leˇ ngeh, Miˇliˬyaˬ-euˬ gʼawˇ mawˇ-ahˇ nyawˬ naˇ byah-awˇ, ngehˇ loꞈ-ehˇ pyuˇ deuˬ ni pyeuꞈ laˇ-euˬ meh. Miˇliˬyaˬ-ahˇ Aˬloˬ haw gʼeh ngeh, nyawˬ naˇ byah taˬ-euˬ gaˇ ya mawˇ-awˇ,

Bawˇtsahˬ 12:15

Miˇliˬyaˬ-aˬ, shiꞈ nah keuˆ ni pu laꞈ nyiˇ paw bi teh dzeh-euˬ meh. Aˬ yawꞈ-ahˇ maˬ bi gʼoꞈ uˇ laˇ kʼoeˇ keuˆ ni, Iˇsaˬleˬlaˆ tsawˇ haˬ deuˬ gaˇ ma maˬ doˆ-iˇ ni jawˇ-euˬ meh.

Bawˇtsahˬ 13:21

Kʼoeˇ naˇ, tsawˇ haˬ kʼoeˇ deuˬ laꞈ taˆ paw le gʼeh leꞈ-awˇ, laꞈ oˆ paw dzeˇ dzaˬ-ahˇ jaˆ-eu Ziˇnaˆ lehˇ kuˇ-eu bawˇ tsahˬ bawˇ dahˇ-ahˇ neh, laˬ taˆ paw jaˆ-eu Haˬmaˬ meuˬ-ahˇ le-eu gaˇ ma dawˬ peh jaˆ-eu Leˬhawˇbaˆ meuˬ-ahˇ keuˆ ni, miˇ kʼahˬ kʼoeˇ-ahˇ pyehˆ tseˇ haw leˇ-euˬ meh.

Bawˇtsahˬ 13:26

Paˬlaˬ bawˇ tsahˬ bawˇ dahˇ laꞈ kʼoeˇ, Kaˬdeˬshaˇ lehˇ kuˇ-eu jawˇ duˬ-ahˇ, Moˇseˬ, Aˬloˬ hawˇ-eu Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ jawˇ gaˇ aˬ yawꞈ maꞈ gʼoꞈ keuˆ le-euˬ meh. Aˬ yawꞈ maꞈ neh kʼaˇ ya mawˇ yaꞈ-euˬ jeˬ gaˇ kawˆ dzawˇ mehˬ-awˇ, aˬ yawꞈ maꞈ neh yuˇ kʼoꞈ leꞈ-euˬ aˇ siˬ deuˬ kʼawꞈ, mehˬ nehˬ-euˬ meh.

Bawˇtsahˬ 20:16

caw ba le-awˬ lehˇ Sahˬpaˬ Miˬyehˇ-ahˇ nga maꞈ guˇ guˇ-ehˇ shaˇ-euˬ gaˇ kawˆ maˬ ehˇ, nga maꞈ-euˬ shaˇ dawˬ-ahˇ aˬ yawꞈ naˇ haˬ-awˇ, mˬ taˆ gʼaˬ kʼehˇ tiˬ gʼaˬ pyehˬ gʼeh leꞈ-euˬ laꞈ kʼoeˇ nga maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh bi sheuˬ doˆ nehˬ laꞈ-euˬ gaˇ kawˆ maˬ ehˇ, nawˇ siˬ nya jiˇ meh. Nawˬ-euˬ miˇ kʼahˬ laꞈ kʼoeˇ jaˆ-eu Kaˬdeˬshaˇ meuˬ-ahˇ nymˬ-mˇ nga maꞈ jawˇ luꞈ-eu ma.

Bawˇtsahˬ 20:22

Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ Kaˬdeˬshaˇ meuˬ-ahˇ neh doˆ le-awˇ, Hawˇlaˆ gawˬ jawˬ-ahˇ laˇ keuˆ-euˬ meh.

Bawˇtsahˬ 20:28

Aˬloˬ dm luꞈ-euˬ piˇ ma-euˬ dm gʼaˬ dm lmˇ deuˬ Moˇseˬ lehˆ-awˇ, Eˇlaˬzaˬ-ahˇ bi dm-euˬ meh. Gawˬ jawˬ kʼoeˇ jawˬ-euˬ uˬ du Aˬloˬ ziˇ jiˇ yaꞈ-awˇ, Moˇseˬ hawˇ-eu Eˇlaˬzaˬ aˬ ha nyaꞈ gʼoꞈ ka le-euˬ meh.

Bawˇtsahˬ 26:59

Aˬmaˬlamˬ-euˬ miˬ zaˬ-euˬ tsawˇ myahˇ-aˬ, Iˇjiˇtuˆ miˇ kʼahˬ-ahˇ dehꞈ le-euˬ Leˬbiˇ-euˬ aˬ buˇ Yawˇjeˬbehˇ pyeuꞈ-eu meh. Aˬ yawꞈ-aˬ, Aˬmaˬlamˬ gʼaˇ duˬ Aˬloˬ hawˇ-eu Moˇseˬ lehˇ myahˇ-euˬ aˬ li nyiˬ li ciˬ-awˇ, Miˇliˬyaˬ lehˇ myahˇ-euˬ aˬ buˇ tiˬ buˇ ciˬ-euˬ meh.

Bawˇtsahˬ 27:14

Aˬ jeˬ miˇ neh ehˇ naˇ, Ziˇnaˆ lehˇ kuˇ-eu bawˇ tsahˬ bawˇ dahˇ laꞈ kʼoeˇ, naw nyaꞈ nyiˬ mehˇ nmˇ luꞈ ngaˬ-euˬ dawˬ-ahˇ puiˬ-euˬ meh. Meˬliˇbaˬ lehˇ kuˇ-eu jawˇ duˬ-ahˇ, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ ngaˬ-ahˇ iˬ baˇ taˬ-eu dawˬ ngehˬ ngeh, aˬ yawꞈ maꞈ-euˬ mehˬ shi ngaˬ-euˬ baoˬ-ahˇ yaw zeu maˬ baw-eu jeˬ naw nyaꞈ nmˇ mˇ-euˬ meh.” (Meˬliˇbaˬ-aˬ, Ziˇnaˆ bawˇ tsahˬ bawˇ dahˇ laꞈ kʼoeˇ, Kaˬdeˬshaˇ lehˇ kuˇ-eu jawˇ duˬ-ahˇ jaˆ-eu iˇ cuꞈ iˇ beuˆ pyeuꞈ-eu meh.)

Dawˬmehˬ 1:46

Kʼoeˇ naˇ, Kaˬdeˬshaˇ-ahˇ aˬ dui gʼawˬ myahˇ ni jawˇ-euˬ ma.

Dawˬmehˬ 2:14

Kʼoeˇ ngeh, Kaˬdeˬshaˇbaˬneˬ-ahˇ neh aˬ dui maꞈ doˆ laˇ-euˬ smˬ tseˇ yehꞈ kʼoꞈ byah laˇ-euˬ meh. Sahˬpaˬ Miˬyehˇ neh ehˇ taˬ-euˬ loꞈ-ehˇ, kʼoeˇ ziˇ laꞈ kʼoeˇ guiˇ kʼaˇ deuˆ-eu tsawˇ haˬ deuˬ shiˇ dzeuˇ jiˇ-euˬ meh.

Dawˬmehˬ 32:51

Aˬ jeˬ miˇ neh ehˇ naˇ, naw nyaꞈ nyiˬ mehˇ nmˇ luꞈ, Iˇsaˬleˬlaˆ tsawˇ haˬ deuˬ mehˬ shi ngaˬ-ahˇ saˇ jaˇ maˬ ziꞈ-aˬ. Ziˇnaˆ bawˇ tsahˬ bawˇ dahˇ-ahˇ jaˆ-eu Kaˬdeˬshaˇ meuˬ gaˇ dzeˇ Meˬliˇbaˬ lawˇ gawˆ dawˬ peh, Iˇsaˬleˬlaˆ tsawˇ haˬ deuˬ mehˬ shi naw nyaꞈ ngaˬ-ahˇ yaw zeu maˬ baw-eu jeˬ mˇ-euˬ meh.

Yaˇ kʼaˬ daˇ 11:16

Pyeuꞈ laˇ-euˬ gaˇ kawˆ heu loꞈ-ehˇ jaˆ-eu meh. Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ ngeh, bawˇ tsahˬ bawˇ dahˇ paw neh Aˬgaˬbaˬ iˬ ma laˆ shaˆ lahˇ gʼoꞈ-ahˇ iˇ-awˇ, Kaˬdeˬshaˇ-ahˇ laˇ keuˆ-euˬ meh.