Bawˇtsahˬ 19:19 - Akha

¹⁹ Smˬ nah aˬ yawꞈ nah hawˇ-eu shiꞈ nah aˬ yawꞈ nah-ahˇ, shawˇ-eu tsawˇ haˬ tiˬ gʼaˬ maˬ shawˇ-eu tsawˇ haˬ kʼoeˇ gʼaˬ-ahˇ iˇ cuꞈ kʼoeˇ neh ya byaˆ shehˬ nehˬ meh. Shiꞈ nah aˬ yawꞈ nah-ahˇ maˬ shawˇ-eu tsawˇ haˬ kʼoeˇ gʼaˬ-ahˇ aˬ yawꞈ maꞈ mˇ shawˇ nehˬ-awˇ, tsawˇ haˬ kʼoeˇ gʼaˬ yawˬ ha-euˬ mehˬ tsoeˬ lehˬ tsiˬ-awˇ, yawˬ haˇ yawˬ ha iˇ cuꞈ ya kuˬ shehˬ meh. Kʼoeˇ naˇ, kʼoeˇ ngeh nah nahˇ ma ga ahˇ ngeh aˬ yawꞈ shawˇ laˇ-eu meh.

Bawˇtsahˬ 19:19 ပူးပေါင်းရင်းမြစ်များ

Aˇ dahˬ 2:2

Kʼaˇ mˇ kʼaˇ shaˇ paˬ-ehˇ gʼeh-eu jeˬ mˇ gʼaˬ shaˇ gʼaˬ jiˇ-euˬ miˇ neh, shiꞈ nah tiˬ nah keuˆ laˇ ngeh, Miˬyehˇ gʼaˬ naˬ naˬ-euˬ meh.

Doˆ-iˇ 19:10

Kʼoeˇ ngeh, Moˇseˬ-ahˇ Sahˬpaˬ Miˬyehˇ ehˇ-eu, “Iˇsaˬleˬlaˆ tsawˇ haˬ deuˬ jawˇ gaˇ iˇ-awˇ, uˬ duˬ tahˬ-eu gʼaˇ duˬ, iˬ nah hawˇ-eu ni shawˬ nah laꞈ kʼoeˇ yawˬ ha-euˬ gʼawˇ mawˇ shawˇ-awˬ lehˇ ehˇ nehˬ-awˬ. Yawˬ ha-euˬ dm gʼaˬ dm lmˇ deuˬ aˬ yawꞈ maꞈ ya lehˬ tsiˬ shawˇ meh.

Yeˬsaˬgeˬlaˇ 36:25

Shawˇ jehˆ ni gʼeh-eu iˇ cuꞈ naw maꞈ-ahˇ ngaˇ byaˆ shehˬ-awˇ, bi shawˇ laˇ ma. tahˬ pahˬ aˬ ma mawˇ kawˇ-ahˇ uˬ duˬ tahˬ-eu jeˬ hawˇ-eu, naw maꞈ-ahˇ kʼaˇ bi jawꞈ-iˇ-euˬ yawˬ jeˬ na luꞈ laꞈ kʼoeˇ, naw maꞈ-ahˇ ngaˇ bi shawˇ laˇ ma.

Uˬ duˬ 14:7

Piˇ ma gʼaˬ shiˬ kʼoeˇ yuˇ-awˇ, bi shawˇ laˇ-eu lehˇ gʼeh-eu nyawˬ naˇ-eu tsawˇ haˬ kʼoeˇ gʼaˬ kʼoeˇ taˆ shiꞈ poˆ keuˆ ni byaˆ shehˬ-awˇ, tsawˇ haˬ kʼoeˇ gʼaˬ yaw shawˇ meh lehˇ ya daˇ tsehˆ nehˬ meh. Kʼoeˇ naˇ, aˇ jiˇ yaw dehꞈ kʼoeˇ mawˇ pyehˬ-awˇ, kʼoeˇ taˆ paw ya bi yaw byoˆ gʼeh meh.

Uˬ duˬ 14:9

Shiꞈ nah aˬ yawꞈ nah-ahˇ, uˬ duˬ, mehˬ mahˬ, myaˆ nuiˆ myaˆ shehˆ hawˇ-eu, aˬ yawꞈ-euˬ gʼawˇ mawˇ-ahˇ kʼaˇ tsoꞈ-eu caꞈ hm deuˬ paˇ jehˆ dzeh jiˇ-awˇ, aˬ yawꞈ-euˬ mehˬ tsoeˬ lehˬ tsiˬ-awˇ, iˇ cuꞈ paˇ ya dzuiꞈ shawˇ meh. Kʼoeˇ ngeh, shawˇ-eu tsawˇ haˬ pyeuꞈ laˇ-eu meh.

Bawˇtsahˬ 19:12

Smˬ nah aˬ yawꞈ nah hawˇ-eu shiꞈ nah aˬ yawꞈ nah-ahˇ, bi shawˇ laˇ-eu iˇ cuꞈ neh yawˬ haˇ yawˬ ha shawˇ gʼaˬ miˇ tsa, aˬ yawꞈ shawˇ laˇ-eu meh. Ehˇ kʼawꞈ, smˬ nah kʼoeˇ nah hawˇ-eu shiꞈ nah kʼoeˇ nah-ahˇ, yawˬ haˇ yawˬ ha maˬ shawˇ naˇ, shawˇ-eu tsawˇ haˬ maˬ pyeuꞈ laˇ-a.

Bawˇtsahˬ 19:13

Tsawˇ shiˇ-ahˇ toeˬ ciˆ gʼaˬ-awˇ, yawˬ haˇ yawˬ ha maˬ mˇ shawˇ-eu tsawˇ haˬ-aˬ, maˬ shawˇ-eu tsawˇ haˬ pyeuꞈ-eu meh. Aˬ jeˬ miˇ neh ehˇ naˇ, bi shawˇ laˇ-eu iˇ cuꞈ aˬ yawꞈ kʼoeˇ taˆ maˬ shehˆ daˆ-euˬ miˇ neh meh. Sahˬpaˬ Miˬyehˇ-euˬ Sehˬ gʼawˆ-ahˇ aˬ yawꞈ laˆ jawꞈ-euˬ miˇ neh, aˬ yawꞈ-ahˇ Miˬyehˇ-euˬ tsawˇ haˬ lehˇ maˬ paˇ sawˇ nya meh.

Bawˇtsahˬ 19:18

Shawˇ-eu tsawˇ haˬ tiˬ gʼaˬ hiˇ soˆ baw nmˬ yuˇ-awˇ, iˇ cuꞈ kʼoeˇ laꞈ kʼoeˇ dehˬ duiˆ-awˇ, sehˬ gʼawˆ kʼoeˇ gʼawˆ-ahˇ maˬ ehˇ, sehˬ gʼawˆ laꞈ kʼoeˇ kʼaˇ jaˆ-eu jeˬ dawˬ tawˆ luꞈ-ahˇ maˬ ehˇ, sehˬ gʼawˆ kʼoeˇ gʼawˆ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ-ahˇ maˬ ehˇ, ya byaˆ shehˬ meh. Kʼoeˇ naˇ, tsawˇ haˬ-euˬ shaˬ yoeˬ-ahˇ maˬ ehˇ, tsawˇ shiˇ-ahˇ maˬ ehˇ, lmˬ bymˇ-ahˇ maˬ ehˇ, toeˬ ciˆ-euˬ tsawˇ haˬ-ahˇ, shawˇ-eu tsawˇ haˬ tiˬ gʼaˬ iˇ cuꞈ kʼoeˇ neh ya byaˆ shehˬ nehˬ meh.

Bawˇtsahˬ 31:19

Naw maꞈ laꞈ kʼoeˇ, tsawˇ haˬ sehꞈ-euˬ deuˬ hawˇ-eu shiˇ taˬ-euˬ tsawˇ haˬ-ahˇ kʼaˇ toeˬ ciˆ-eu deuˬ pu laꞈ nyiˇ shiꞈ nah byah ni jawˇ-awˬ. Smˬ nah tiˬ nah hawˇ-eu shiꞈ nah tiˬ nah-ahˇ naw maꞈ-euˬ gʼawˇ mawˇ hawˇ-eu naw maꞈ neh nyehꞈ laꞈ-euˬ zaˬ miˬ aˬ buˇ deuˬ yawˬ haˇ yawˬ ha shawˇ-awˬ.

Bawˇtsahˬ 31:24

Shiꞈ nah tiˬ nah-ahˇ, naw maꞈ yawˬ ha-euˬ mehˬ tsoeˬ ya lehˬ tsiˬ shawˇ meh. Kʼoeˇ naˇ, naw maꞈ shawˇ laˇ-awˇ, pu-ahˇ gʼoꞈ uˇ laˇ nya meh.”

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.

HeˬByehˇ 10:22

Kʼoeˇ miˇ neh, dawˇ coe ni gʼeh-eu nui ma hawˇ-eu ziꞈ dah ni gʼeh-eu jah-eu jeˬ ahˇ-eu laꞈ kʼoeˇ, Miˬyehˇ-euˬ dawˬ peh aˬ dui jiˆ uˇ leˇ kaˇ-euˇ. Iˬ baˇ-ahˇ kʼahˬ lahˇ-eu jeˬ bi tsiˬ shawˇ gʼaˬ-euˬ nui ma hawˇ-eu, shawˇ jehˆ ni gʼeh-eu iˇ cuꞈ neh bi tsiˬ shawˇ gʼaˬ-euˬ gʼawˇ mawˇ laꞈ kʼoeˇ aˬ dui jiˆ uˇ leˇ kaˇ-euˇ.

1 Yoˇhaˬ 1:7

Ehˇ kʼawꞈ, aˬ yawꞈ yaw shehꞈ laꞈ kʼoeˇ jawˇ-eu loꞈ-ehˇ, aˬ dui kʼawꞈ yaw shehꞈ laꞈ kʼoeˇ jawˇ naˇ, aˬ dui tiˬ gʼaˬ tiˇ gʼaˬ cawˬ cawˬ taꞈ-awˇ, Zaˬmaˇ Yeˬsuˇ-euˬ shiˬ aˬ dui-euˬ iˬ baˇ dawˬ tawˆ luꞈ-ahˇ tsiˬ shawˇ nehˬ laꞈ tehꞈ-a.

Yuˇdaˆ 1:23

Tiˬ paˆ na deuˬ-ahˇ-aˬ, miˬ dzaˬ laꞈ kʼoeˇ neh gʼeu doˆ-awˇ ka kʼoꞈ nehˬ-awˬ. Tiˬ paˆ na deuˬ-ahˇ-aˬ, guˆ-eu nui ma ahˇ-eu laꞈ kʼoeˇ gʼawˬ shaˬ gaˬ nehˬ-awˬ. Ehˇ kʼawꞈ, shiˬ shaˬ jiˇ-euˬ nui kʼahˇ mˇ-eu jeˬ laˆ lehꞈ taˬ-euˬ aˬ yawꞈ maꞈ-euˬ mehˬ tsoeˬ-ahˇ nui daˆ daˆ-awˬ.