Bawˇtsahˬ 19:11 - Akha

¹¹ “Tsawˇ shiˇ-ahˇ kʼaˇ toeˬ ciˆ-euˬ tsawˇ haˬ aˬ geu gʼaˬ maˬ kaˬ, shiꞈ nah keuˆ ni maˬ shawˇ-eu tsawˇ haˬ pyeuꞈ-eu meh.

Bawˇtsahˬ 19:11 ပူးပေါင်းရင်းမြစ်များ

Iˇsaˬyaˇ 52:11

Uˬ duˬ tahˬ nymˇ nymˇ ma-ahˇ taꞈ-eu keu ka baꞈ-eu tsawˇ haˬ deuˬ, Baˬbuˇloˬ meuˬ-ahˇ neh maˬ oe doˆ ni taˬ byehˇ. Maˬ toeˬ ciˆ kʼmˬ-eu mˇ myawˬ-ahˇ taˬ toeˬ. Yawˬ ha-euˬ gʼawˇ mawˇ shawˇ-awˇ doˆ-iˇ-awˬ.

Ngoeˇ dawˬ 4:14

Meuˬ-euˬ lehˆ kawˆ gaˇ ma doe ni, myaˆ behꞈ loꞈ-ehˇ yawꞈ maꞈ cah gaˇ, yawꞈ maꞈ-ahˇ shiˬ lehꞈ-eu miˇ neh, tiˬ gʼaˬ-iˬ maˬ toeˬ ciˆ peuˬ-a.

Yeˬsaˬgeˬlaˇ 39:12

Tsawˇ shiˇ dawˬ tawˆ luꞈ baꞈ pahˬ jiˇ-awˇ, miˇ kʼahˬ shawˇ laˇ ni jahˇ-eu gʼaˇ duˬ, Iˇsaˬleˬlaˆ tsawˇ haˬ deuˬ ba la shiꞈ siˬ ya ga gʼeh tehꞈ-a.

Yeˬsaˬgeˬlaˇ 44:26

Piˇ ma tiˬ gʼaˬ tsawˇ shiˇ-ahˇ toeˬ ciˆ-awˇ maˬ shawˇ-eu tsawˇ haˬ pyeuꞈ-iˇ-awˇ, aˬ yawꞈ paˇ shawˇ laˇ ngeh, shiꞈ nah paˇ ya jawˇ naˬ-eu meh.

Uˬ duˬ 11:31

Miˇ tsaˬ-ahˇ joe joe-ehˇ kʼaˇ cah-eu jeˬ zaˬ deuˬ laꞈ kʼoeˇ, heu deuˬ-aˬ, naw maꞈ gʼaˇ duˬ maˬ shawˇ-eu jeˬ zaˬ deuˬ pyeuꞈ-eu meh. Jeˬ zaˬ heu deuˬ shiˇ taˬ-euˬ gaˇ kʼaˇ toeˬ ciˆ-eu tsawˇ haˬ aˬ geu gʼaˬ maˬ kaˬ, uˬ ciꞈ paw keuˆ ni maˬ shawˇ-a.

Uˬ duˬ 21:1

Moˇseˬ-ahˇ Sahˬpaˬ Miˬyehˇ heu loꞈ-ehˇ dawˬ biꞈ nehˬ-euˬ meh. “Aˬloˬ-euˬ aˬ li piˇ ma deuˬ-ahˇ heu loꞈ-ehˇ ehˇ nehˬ-awˬ. Piˇ ma geuꞈ-eu gʼaˬ-aˬ, yawˬ ha-euˬ aˇ jeuˬ aˇ ca shiˇ ngeh, tsawˇ shiˇ-ahˇ taꞈ leˇ-eu gaˇ mˇ-eu laꞈ kʼoeˇ, yawˬ ha-euˬ gʼawˇ mawˇ maˬ muiˬ maˬ shawˇ-ehˇ pyeuꞈ-iˇ ni maˬ ya jahˇ-a.

Uˬ duˬ 21:11

Tsawˇ shiˇ baꞈ taˬ-euˬ jawˇ duˬ-ahˇ aˬ yawꞈ maˬ ya uˇ-iˇ-a. Yawˬ ha-euˬ aˬ ma aˬ da shiˇ taˬ-euˬ gaˇ kʼawꞈ, maˬ ya iˇ-a. Aˬ jeˬ miˇ neh ehˇ naˇ, kʼoeˇ loꞈ-ehˇ iˇ naˇ, yawˬ ha-euˬ gʼawˇ mawˇ maˬ muiˬ maˬ shawˇ-ehˇ bi pyeuꞈ-iˇ ni jahˇ gaˇ duˇ-eu meh.

Uˬ duˬ 22:4

“Aˬloˬ-euˬ aˬ li deuˬ laꞈ kʼoeˇ, nyawˬ naˇ-eu tsawˇ haˬ deuˬ hawˇ-eu, maˇ uiˇ yoeˇ-eu tsawˇ haˬ deuˬ-aˬ, aˬ yawꞈ maꞈ-euˬ gʼawˇ mawˇ maˬ muiˬ maˬ shawˇ laˇ kʼoeˇ keuˆ ni, lawˇ gʼaˬ-euˬ muiˬ-eu shawˇ-eu dzaˇ maˬ ya dzaˬ-a. Piˇ ma tiˬ gʼaˬ, shiˇ taˬ-euˬ jeˬ-ahˇ taꞈ-eu maˬ shawˇ-eu mˇ myawˬ tiˬ jeˬ na-ahˇ toeˬ ciˆ-euˬ maˬ kaˬ, yawˬ ha-euˬ gʼawˇ mawˇ aˇ yoeˬ yoeˇ doˆ-eu maˬ kaˬ, maˬ shawˇ-eu piˇ ma pyeuꞈ-eu meh.

Uˬ duˬ 5:2

Tsawˇ haˬ tiˬ gʼaˬ na, maˬ noeˬ maˬ duˇ-euˬ laꞈ kʼoeˇ, zahˇ sahˇ kʼoꞈ laꞈ kʼoeˇ maˬ shawˇ-eu jeˬ lehˇ myahˇ taˬ-euˬ tiˬ jeˬ paˬ-ahˇ ya toeˬ ciˆ naˇ, yaw jeˬ ma jeˬ, shiˇ taˬ-eu jeˬ zaˬ tiˬ mawˇ na-ahˇ ya toeˬ ciˆ naˇ, aˬ yawꞈ kʼoeˇ loꞈ-ehˇ ya toeˬ ciˆ gʼaˬ-euˬ gaˇ kawˆ aˬ yawˇ yawꞈ siˬ leˇ-eu nehˬ-ehˇ tiˬ poˆ tehꞈ-ehˇ, iˬ baˇ ahˇ-eu maˬ shawˇ-eu tsawˇ haˬ pyeuꞈ laˇ-euˬ meh.

Haˬgaiˇ 2:13

Kʼoeˇ naˇ, Haˬgaiˇ heu loꞈ-ehˇ paˇ naˇ haˬ-euˬ meh. “Tsawˇ haˬ tiˬ gʼaˬ na shiˇ taˬ-euˬ jeˬ-ahˇ toeˬ ciˆ naˇ, maˬ shawˇ-eu tsawˇ haˬ pyeuꞈ-iˇ-eu meh. Tsawˇ haˬ kʼoeˇ gʼaˬ dzaˇ kʼoeˇ deuˬ-ahˇ toeˬ ciˆ naˇ, dzaˇ kʼoeˇ deuˬ maˬ shawˇ-eu dzaˇ pyeuꞈ-iˇ meh loˇ” lehˇ naˇ haˬ ngeh, “Ngeuˇ meh” lehˇ piˇ ma deuˬ ehˇ-eu meh.

Bawˇtsahˬ 19:16

Aˬ cawˬ neh bi sehꞈ-awˇ laꞈ nyiˇ paw shiˇ taˬ-euˬ tsawˇ haˬ-ahˇ maˬ ehˇ, tsawˇ haˬ-euˬ shaˬ yoeˬ-ahˇ maˬ ehˇ, lmˬ bymˇ-ahˇ maˬ ehˇ, kʼaˇ toeˬ ciˆ-euˬ tsawˇ haˬ aˬ geu gʼaˬ maˬ kaˬ, shiꞈ nah keuˆ ni maˬ shawˇ-eu tsawˇ haˬ pyeuꞈ-eu meh.

Bawˇtsahˬ 31:19

Naw maꞈ laꞈ kʼoeˇ, tsawˇ haˬ sehꞈ-euˬ deuˬ hawˇ-eu shiˇ taˬ-euˬ tsawˇ haˬ-ahˇ kʼaˇ toeˬ ciˆ-eu deuˬ pu laꞈ nyiˇ shiꞈ nah byah ni jawˇ-awˬ. Smˬ nah tiˬ nah hawˇ-eu shiꞈ nah tiˬ nah-ahˇ naw maꞈ-euˬ gʼawˇ mawˇ hawˇ-eu naw maꞈ neh nyehꞈ laꞈ-euˬ zaˬ miˬ aˬ buˇ deuˬ yawˬ haˇ yawˬ ha shawˇ-awˬ.

Bawˇtsahˬ 5:2

“Shaˬ jiˇ baˆ kʼoˆ-ahˇ nyawˬ leˇ nya-eu maˇ naˇ naˇ-eu tsawˇ haˬ maˬ ehˇ, gʼawˇ mawˇ-ahˇ maˇ uiˇ doˆ-eu tsawˇ haˬ maˬ ehˇ, shiˇ taˬ-euˬ jeˬ-ahˇ toeˬ ciˆ-euˬ miˇ neh maˬ shawˇ-eu tsawˇ haˬ deuˬ maˬ ehˇ, pu laꞈ nyiˇ paw teh dzeh nehˬ-awˬ lehˇ Iˇsaˬleˬlaˆ tsawˇ haˬ deuˬ-ahˇ dawˬ biꞈ nehˬ-awˬ.

Bawˇtsahˬ 6:6

Aˬ yawꞈ-euˬ gʼawˇ mawˇ Sahˬpaˬ Miˬyehˇ-ahˇ a nehˬ taˬ-euˬ aˇ yamˬ kʼoeˇ-euˬ laꞈ kʼoeˇ, shiˇ taˬ-euˬ jeˬ dawˬ peh aˬ yawꞈ maˬ ya iˇ-a.

Bawˇtsahˬ 9:10

“Iˇsaˬleˬlaˆ tsawˇ haˬ-ahˇ heu loꞈ-ehˇ ehˇ nehˬ-awˬ. Naw maꞈ maˬ kaˬ, naw maꞈ-euˬ zaˬ deuˬ uˆ deuˬ maˬ kaˬ, tsawˇ haˬ tiˬ gʼaˬ na shiˇ taˬ-euˬ tiˬ jeˬ paˬ-ahˇ toeˬ ciˆ-euˬ miˇ neh maˬ shawˇ-eu maˬ ehˇ, gaˇ mahˇ kaˬ gaˇ gaˇ ma doˆ-iˇ-euˬ maˬ ehˇ, Baˬsaˬkaˬ Bawˬ-iˬ heu loꞈ-ehˇ gʼeh nya meh.

Bawˇtsahˬ 9:6

Ehˇ kʼawꞈ, shiˇ taˬ-euˬ jeˬ-ahˇ toeˬ ciˆ-euˬ miˇ neh, zahˇ sahˇ kʼoꞈ-ahˇ taꞈ leˇ-eu laꞈ kʼoeˇ maˬ shawˇ-eu tsawˇ haˬ tiˬ paˆ na deuˬ jawˇ-eu meh. Kʼoeˇ ngeh nah laꞈ kʼoeˇ, tsawˇ haˬ kʼoeˇ deuˬ Baˬsaˬkaˬ Bawˬ-iˬ maˬ gʼeh nya-a. Kʼoeˇ ngeh nah, Moˇseˬ hawˇ-eu Aˬloˬ jawˇ gaˇ aˬ yawꞈ maꞈ iˇ-euˬ meh.

Gʼaˬkʼehˇ 21:26

Kʼoeˇ naˇ, tsawˇ haˬ kʼoeˇ oeˬ gʼaˬ-ahˇ Pawˇluˆ kuˇ-awˇ, yawˬ nah yawˬ aˬ yawꞈ maꞈ nehˬ-ehˇ gʼawˇ mawˇ shawˇ-eu zahˇ jahˇ-euˬ meh. Uˬ duˬ tahˬ nymˇ nymˇ ma laꞈ kʼoeˇ aˬ yawꞈ uˇ leˇ-awˇ, aˬ yawꞈ maꞈ gʼawˇ mawˇ shawˇ-eu zahˇ jahˇ-eu kʼoeˇ aˇ myaˆ nah ga leˇ-eu, aˬ geu ngeh nah aˇ saˬ saˬ-eu hawˇ-eu, aˬ yawꞈ gʼaˬ yawꞈ gʼaˇ duˬ lawˇ-eu jeˬ aˬ joˆ-ehˇ lehˬ hmˬ taˬ-euˬ gaˇ kawˆ ehˇ nehˬ leˇ-euˬ meh.

Gʼaˬkʼehˇ 21:27

Ehˇ kʼawꞈ, gʼawˇ mawˇ shawˇ-eu zahˇ jahˇ-eu aˇ yamˬ shiꞈ nah kʼoeˇ jiˇ-eu dawˬ peh peh laˇ ngeh, Aˬshaˆ miˆ kʼahˬ-ahˇ jawˇ-eu Yuˇdaˆ tsawˇ haˬ tiˬ paˆ na deuˬ, Uˬ duˬ tahˬ nymˇ nymˇ ma laꞈ kʼoeˇ Pawˇluˆ-ehˇ haw mawˇ-euˬ meh. Aˬ yawꞈ maꞈ tsawˇ haˬ aˇ maꞈ dawˬ tawˆ luꞈ-ahˇ laˆ luiˬ-awˇ, Pawˇluˆ-ahˇ tsuˆ tehˬ taˬ-euˬ meh.

Lormav 5:12

Tsawˇ haˬ tiˬ gʼaˬ baˬ da neh miˇ tsaˬ kʼoeˇ taˆ iˬ baˇ keuˆ le-awˇ, iˬ baˇ kʼoeˇ baˬ da neh shiˇ-eu jeˬ keuˆ le-euˬ meh. Shiˇ-eu jeˬ kʼoeˇ, tsawˇ haˬ zaˬ dawˬ tawˆ luꞈ kʼoeˇ taˆ keuˆ le-euˬ meh. Aˬ jeˬ miˇ neh ehˇ ehˇ naˇ, tsawˇ haˬ zaˬ yawˬ gʼaˬ na luꞈ iˬ baˇ mˇ-euˬ meh.

2 Gawˇliˬtu 6:17

“Aˬ yawꞈ maꞈ-ahˇ naw maꞈ gʼawˬ-awˇ, byehˇ dzeh yaꞈ-awˇ doˆ laˇ-awˬ” lehˇ, Sahˬpaˬ Miˬyehˇ ehˇ taˬ-euˬ meh. “Maˬ shawˇ-eu jeˬ-ahˇ taˬ toeˬ ciˆ. Naw maꞈ-ahˇ ngaˇ ha geuꞈ nehˬ ma.

Eˇpeˇsu 2:1

Dzeuˇ laˇ ngeh naw maꞈ Miˬyehˇ-euˬ dawˬ-ahˇ maˬ naˇ haˬ-ehˇ iˬ baˇ mˇ-euˬ miˇ neh, guiˬ lahˬ saꞈ laˇ paw shiˇ-euˬ gaˇ duˇ-eu meh.

HeˬByehˇ 9:14

Kʼoeˇ loꞈ-ehˇ jahˇ-eu baˬ da neh shawˇ laˇ nya naˇ, Ka li-euˬ shiˬ baˬ da neh aˇ naˆ ni paˇ shawˇ dzehˬ laˇ nmˇ. Mˬ maˬ maˬ byaˆ zaˇ ziˇ dehꞈ-eu Yaw sahˇ Miˬyehˇ-ahˇ gʼoe-eu laꞈ kʼoeˇ, byah dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ Miˬyehˇ-ahˇ damˬ nehˬ-euˬ meh. Dehꞈ luꞈ-eu Miˬyehˇ-euˬ nui kʼahˇ aˬ dui mˇ nya ni, gaˇ dahˇ maˬ tsoeˬ-eu zahˇ sahˇ kʼoꞈ kʼoeˇ deuˬ neh maˬ shawˇ nehˬ laꞈ nya-euˬ aˬ dui-euˬ nui ma-ahˇ aˬ yawꞈ shawˇ nehˬ laꞈ tehꞈ-a.