Bawˇtsahˬ 18:9 - Akha

⁹ Lawˇ duˬ kʼoeˇ taˆ maˬ dzah puiˆ-euˬ muiˬ dui shawˇ dui dui-eu lawˇ-eu jeˬ laꞈ kʼoeˇ, dzaˬ la gʼo cehˇ lawˇ-eu jeˬ, iˬ baˇ shawˇ-eu lawˇ-eu jeˬ hawˇ-eu dziˇ dzoˆ tsoeˬ-eu lawˇ-eu jeˬ heu deuˬ-aˬ, nawˬ-ahˇ oꞈ-eu shaˬ bymˇ pyeuꞈ-eu meh. Ngaˇ jawˇ gaˇ kʼaˇ yuˇ laꞈ-euˬ muiˬ-eu shawˇ-eu lawˇ-eu jeˬ dawˬ tawˆ luꞈ, nawˇ hawˇ-eu nawˬ li deuˬ-ahˇ oꞈ-eu shaˬ bymˇ pyeuꞈ-eu meh.

Bawˇtsahˬ 18:9 ပူးပေါင်းရင်းမြစ်များ

2 Sahˬpaˬ 12:17

Aˇ yamˬ kʼoeˇ yamˬ laꞈ kʼoeˇ, Suˇliˆ sahˬ paˬ Haˬzeˬlaˇ neh Gaˬdaˇ meuˬ-ahˇ deuˆ gʼaˬ-awˇ, Yeˬluˇsaˬlehˬ meuˬ-ahˇ guiˇ deuˆ le-eu lehˇ noeˬ tsehˆ taˬ-euˬ meh.

Neˬhaˬmiˇ 10:36

Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ, dehꞈ beh beh le-euˬ nga maꞈ-euˬ aˬ li aˬ yuiꞈ deuˬ-ahˇ, Uˬ duˬ tahˬ nymˇ nymˇ ma-ahˇ piˇ ma deuˬ jawˇ gaˇ sheuˬ gʼeh-awˇ Miˬyehˇ-ahˇ a nehˬ ma. Gʼaw beh beh-euˬ mawˇ neˇ, yawˇ hawˇ-eu ciꞈ myehꞈ deuˬ kʼawꞈ, kʼoeˇ loꞈ-ehˇ a nehˬ ma.

Yeˬsaˬgeˬlaˇ 42:13

Tsawˇ haˬ kʼoeˇ gʼaˬ ngaˬ-ahˇ heu loꞈ-ehˇ ehˇ-eu meh. “Nymˇ heu nyiˬ nymˇ luꞈ muiˬ-eu shawˇ-eu meh. Sahˬpaˬ Miˬyehˇ-euˬ mehˬ shi le uˇ-eu piˇ ma deuˬ nymˇ kʼoeˇ nyiˬ nymˇ laꞈ kʼoeˇ muiˬ dui shawˇ dui dui-eu lawˇ dzaˇ dzaˬ-eu meh. Aˇ lawˆ kʼoeˇ deuˬ muiˬ-eu shawˇ-eu miˇ neh, muiˬ dui shawˇ dui dui-eu lawˇ-eu jeˬ pyeuꞈ-eu, dzaˬ la gʼo cehˇ lawˇ-eu jeˬ, iˬ baˇ shawˇ-eu lawˇ-eu jeˬ hawˇ-eu dziˇ dzoˆ tsoeˬ-eu lawˇ-eu jeˬ, kʼoeˇ loꞈ-ehˇ gʼeh-eu deuˬ-ahˇ, piˇ ma deuˬ kʼoeˇ gaˇ taˬ-euˬ meh.

Yeˬsaˬgeˬlaˇ 44:29

Dzaˬ la gʼo cehˇ lawˇ-eu jeˬ, iˬ baˇ shawˇ-eu lawˇ-eu jeˬ hawˇ-eu, dziˇ dzoˆ tsoeˬ-eu lawˇ-eu jeˬ-aˬ, piˇ ma deuˬ-ahˇ oꞈ-eu dzaˇ pyeuꞈ-awˇ, Iˇsaˬleˬlaˆ miˇ kʼahˬ laꞈ kʼoeˇ ngaˬ-ahˇ kʼaˇ damˬ taˬ-eu jeˬ dawˬ tawˆ luꞈ, aˬ yawꞈ maꞈ-ahˇ oꞈ-eu meh.

Uˬ duˬ 10:17

“Aˬ jeˬ miˇ neh iˬ baˇ shawˇ-eu lawˇ-eu jeˬ-ahˇ muiˬ-eu shawˇ-eu jawˇ duˬ laꞈ kʼoeˇ naw maꞈ maˬ dzaˬ te. Kʼoeˇ-aˬ, muiˬ dui shawˇ dui dui-awˇ, Iˇsaˬleˬlaˆ tsawˇ haˬ aˇ maꞈ aˇ muˇ deuˬ-euˬ iˬ baˇ shawˇ dzeh-eu gʼaˇ duˬ, Sahˬpaˬ Miˬyehˇ neh naw maꞈ-ahˇ biꞈ taˬ-euˬ jeˬ pyeuꞈ-eu meh.

Uˬ duˬ 14:13

Iˬ baˇ shawˇ-eu lawˇ-eu jeˬ lawˇ gaˇ hawˇ-eu, miˬ dzaˬ dzah puiˆ-awˇ lawˇ-eu jeˬ lawˇ gaˇ geuꞈ-eu jeˬ zaˬ deuˬ sehꞈ-eu muiˬ-eu shawˇ-eu jawˇ duˬ kʼoeˇ tsahˇ-ahˇ, yawˇ zaˬ kʼoeˇ mawˇ-ahˇ ya sehꞈ meh. Kʼoeˇ loꞈ-ehˇ aˬ yawꞈ ya jahˇ meh. Aˬ jeˬ miˇ neh ehˇ naˇ, dziˇ dzoˆ tsoeˬ-eu lawˇ-eu jeˬ kʼoeˇ-aˬ, iˬ baˇ shawˇ-eu lawˇ-eu jeˬ loꞈ-ehˇ, piˇ ma-ahˇ oꞈ-eu shaˬ bymˇ pyeuꞈ-awˇ, muiˬ dui shawˇ dui dui-eu meh.

Uˬ duˬ 2:10

Dzehˬ laˇ-euˬ kaˬ muˇ deuˬ-ahˇ piˇ ma deuˬ ya geuꞈ meh. Kaˬ muˇ kʼoeˇ-aˬ, Sahˬpaˬ Miˬyehˇ-ahˇ lawˇ gʼaˬ-euˬ dzaˇ pyeuꞈ-eu miˇ neh, muiˬ dui shawˇ dui dui-eu meh.

Uˬ duˬ 22:11

Ehˇ kʼawꞈ, piˇ ma neh zeuˇ tsehˆ gʼaˬ-euˬ zaˬ kʼaˆ maˬ ehˇ, piˇ ma-euˬ nymˇ-ahˇ dehꞈ le-euˬ zaˬ kʼaˆ maˬ ehˇ, piˇ ma-euˬ dzaˇ deuˬ dzaˬ kʼmˬ meh.

Uˬ duˬ 22:7

Nahˇ ma ga ahˇ gʼaˬ ngeh, aˬ yawꞈ shawˇ laˇ-eu meh. Kʼoeˇ naˇ, aˬ yawꞈ-euˬ dzaˇ pyeuꞈ-eu lawˇ gʼaˬ-euˬ muiˬ-eu shawˇ-eu dzaˇ deuˬ aˬ yawꞈ dzaˬ nya meh.

Uˬ duˬ 4:22

Aˬ yuiꞈ aˬ tsu geuꞈ-awˇ uˆ lahˇ-eu tsawˇ haˬ tiˬ gʼaˬ na, maˬ noeˬ maˬ duˇ-euˬ laꞈ kʼoeˇ, Sahˬpaˬ Miˬyehˇ-euˬ zahˇ dawˬ kʼoꞈ dawˬ tiˬ dawˬ na-ahˇ mˇ bahˬ naˇ,

Uˬ duˬ 4:27

Miˇ kʼahˬ zaˬ tiˬ gʼaˬ na, maˬ noeˬ maˬ duˇ-euˬ laꞈ kʼoeˇ, Sahˬpaˬ Miˬyehˇ-euˬ zahˇ dawˬ kʼoꞈ dawˬ tiˬ dawˬ na-ahˇ mˇ bahˬ-awˇ iˬ baˇ jaˆ laˇ naˇ,

Uˬ duˬ 5:1

Laꞈ oˆ paw ehˇ taˬ-euˬ gaˇ kawˆ heu deuˬ pyeuꞈ doˆ laˇ ngeh, iˬ baˇ shawˇ-eu lawˇ-eu jeˬ ya lawˇ meh. Tsawˇ haˬ tiˬ gʼaˬ na, yawˬ ha neh kʼaˇ ya gaˬ kʼaˇ ya mawˇ-euˬ jeˬ, yaˇ kʼaˬ daˇ-eu nymˇ-ahˇ saˇ kiˇ geuꞈ-awˇ ya ngehˬ ya tmˇ doˆ jiˇ meh lehˇ ehˇ taˬ-euˬ kʼawꞈ, yawˬ ha neh ya mawˇ-euˬ loꞈ-ehˇ maˬ ngehˬ maˬ tmˇ ni jawˇ naˇ, iˬ baˇ ya pi meh.

Uˬ duˬ 5:6

Kʼoeˇ naˇ, aˬ yawꞈ-euˬ iˬ baˇ aˇ poeˬ, yawˇ a ma tiˬ mawˇ maˬ ngeuˇ naˇ, ciꞈ myehꞈ ciꞈ ma tiˬ mawˇ, Sahˬpaˬ Miˬyehˇ jawˇ gaˇ tsahˇ laꞈ-awˇ ya lawˇ meh. Piˇ ma gʼaˬ, tsawˇ haˬ kʼoeˇ gʼaˬ gʼaˇ duˬ lawˇ-eu shehˇ-eu jeˬ ya mˇ nehˬ meh.

Uˬ duˬ 6:17

Cehˇ meu kʼoeˇ neh kaˬ muˇ jahˇ ngeh, dehˬ tseˬ maˬ ya dawˆ-a. Kʼoeˇ-aˬ, ngaˬ-ahˇ lawˇ-euˬ dzaˬ dzaˬ dawˇ dawˇ lawˇ-eu jeˬ laꞈ kʼoeˇ, aˬ yawꞈ maꞈ-ahˇ ngaˇ biꞈ nehˬ-eu shaˬ bymˇ meh. Kʼoeˇ-aˬ, iˬ baˇ shawˇ-eu lawˇ-eu jeˬ hawˇ-eu dziˇ dzoˆ tsoeˬ-eu lawˇ-eu jeˬ loꞈ-ehˇ muiˬ-eu shawˇ-eu meh.

Uˬ duˬ 6:19

Moˇseˬ-ahˇ Sahˬpaˬ Miˬyehˇ heu loꞈ-ehˇ dawˬ biꞈ-euˬ meh.

Uˬ duˬ 6:30

Ehˇ kʼawꞈ, iˬ baˇ shawˇ-eu gʼaˇ duˬ, jeˬ zaˬ kʼoeˇ mawˇ-euˬ shiˬ, Sehˬ gʼawˆ laꞈ kʼoeˇ ui cuiˆ yuˇ ahˇ gʼeh-euˬ ngeuˇ naˇ, jeˬ zaˬ kʼoeˇ mawˇ-euˬ shaˬ jiˇ maˬ dzaˬ kʼmˬ-a. Miˬ dzaˬ ya keuˬ dzeh meh.

Uˬ duˬ 7:1

Heu-aˬ, dziˇ dzoˆ tsoeˬ-eu lawˇ-eu jeˬ-ahˇ taꞈ leˇ-eu, muiˬ dui shawˇ dui dui-eu zahˇ sahˇ kʼoꞈ deuˬ pyeuꞈ-eu meh.

Uˬ duˬ 7:6

Piˇ ma deuˬ-euˬ nymˇ kʼahˬ zaˬ deuˬ laꞈ kʼoeˇ jawˇ-eu kʼaˬ dzeˇ zaˬ dawˬ tawˆ luꞈ, jeˬ zaˬ kʼoeˇ mawˇ-euˬ shaˬ jiˇ dzaˬ nya meh. Ehˇ kʼawꞈ, shaˬ jiˇ kʼoeˇ-ahˇ, muiˬ-eu shawˇ-eu jawˇ duˬ tiˬ tsahˇ laꞈ kʼoeˇ ya dzaˬ meh. Aˬ jeˬ miˇ neh ehˇ naˇ, shaˬ jiˇ kʼoeˇ muiˬ dui shawˇ dui dui-eu meh.

Uˬ duˬ 7:7

Iˬ baˇ shawˇ-eu lawˇ-eu hawˇ-eu, dziˇ dzoˆ tsoeˬ-eu lawˇ-eu heu nyiˬ jeˬ luꞈ-ahˇ taꞈ leˇ-eu zahˇ sahˇ kʼoꞈ tiˬ hmˬ jaˆ-eu meh. Lawˇ-eu shehˇ-eu jeˬ mˇ nehˬ-eu piˇ ma gʼaˬ, lawˇ gaˇ shehˇ gaˇ sehꞈ-euˬ jeˬ zaˬ shaˬ jiˇ ya geuꞈ meh.

Bawˇtsahˬ 18:10

Kʼaˬ dzeˇ zaˬ deuˬ tehꞈ-ehˇ dzaˇ kʼoeˇ deuˬ dzaˬ nya-awˇ, muiˬ-eu shawˇ-eu jawˇ duˬ laꞈ kʼoeˇ naw maꞈ ya dzaˬ meh. Dzaˇ kʼoeˇ-aˬ, muiˬ-eu shawˇ-eu dzaˇ meh lehˇ naw maꞈ siˬ nya-awˬ.

Dawˬmehˬ 18:1

“Leˬbiˇ tsawˇ jeuˬ piˇ ma deuˬ-ahˇ Iˇsaˬleˬlaˆ-euˬ miˇ tsaˬ jeˬ biˇ maˬ oꞈ-a. Aˬ jeˬ miˇ neh ehˇ naˇ, Sahˬpaˬ Miˬyehˇ-ahˇ lawˇ-euˬ shehˇ-euˬ jeˬ-aˬ, Leˬbiˇ tsawˇ jeuˬ dzaˬ-eu dawˇ-eu gʼaˇ duˬ ya bi pyeuꞈ-eu meh.