Bawˇtsahˬ 18:8 - Akha

⁸ Aˬloˬ-ahˇ Sahˬpaˬ Miˬyehˇ ehˇ nehˬ-eu, “Ngaˬ-ahˇ kʼaˇ damˬ-euˬ muiˬ-eu damˬ-eu jeˬ laꞈ kʼoeˇ, miˬ dzaˬ dzah puiˆ-awˇ maˬ kʼaˇ lawˇ-euˬ jeˬ nawˬ-ahˇ ngaˇ biꞈ-euˬ meh lehˇ maˬ ngehˇ ni noeˬ taˬ-awˬ. Kʼoeˇ-aˬ, aˬ myah luꞈ nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ biꞈ taˬ-euˬ shaˬ bymˇ meh.

Bawˇtsahˬ 18:8 ပူးပေါင်းရင်းမြစ်များ

2 Sahˬpaˬ 12:16

Dziˇ dzoˆ tsoeˬ-eu lawˇ-eu jeˬ lawˇ-eu deuˬ hawˇ-eu, iˬ baˇ shawˇ-eu lawˇ-eu jeˬ lawˇ-eu deuˬ neh biꞈ-euˬ pyuˇ deuˬ, bahˬ keuˆ kʼoeˇ keuˆ laꞈ kʼoeˇ maˬ dawˆ ahˇ-a. Aˬ jeˬ miˇ neh ehˇ naˇ, kʼoeˇ-aˬ, piˇ ma deuˬ-ahˇ oꞈ-eu shaˬ bymˇ meh.

2 Laˬsaˬbaˬ 31:4

“Sahˬpaˬ Miˬyehˇ-euˬ zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ, piˇ ma deuˬ hawˇ-eu Leˬbiˇ tsawˇ haˬ deuˬ aˇ yamˬ tiˬ byah ni yuˇ-awˇ mˇ byah shaˇ byah nya ni, aˬ yawꞈ maꞈ-ahˇ oꞈ-eu shaˬ bymˇ deuˬ damˬ nehˬ laˇ-awˬ” lehˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ sahˬ paˬ Heˬsaˬgiˇ dawˬ biꞈ-euˬ meh.

2 Laˬsaˬbaˬ 31:5

Dawˬ kʼoeˇ dawˬ gaˬ doe-iˇ ngeh jawˇ, Iˇsaˬleˬlaˆ tsawˇ haˬ deuˬ-aˬ, muiˬ dui dui-eu cehˇ deuˬ, aˬ gaꞈ dzaˇ uiˇ deuˬ, saˬ loˬ tsiˇ deuˬ, byaˬ byaˬ uiˇ deuˬ hawˇ-eu, dzaˬ la gʼo cehˇ aˇ siˬ aˇ lu deuˬ damˬ laˇ-euˬ meh. Aˬ yawꞈ maꞈ kʼaˇ jaˆ-eu jeˬ laꞈ kʼoeˇ, tseˇ bymˇ tiˬ bymˇ kʼawꞈ aˬ yawꞈ maꞈ yuˇ laꞈ-awˇ damˬ-euˬ meh.

Doˆ-iˇ 28:43

Ngaˇ jawˇ-eu sehˬ gʼawˆ-ahˇ uˇ laˇ ngeh maˬ ehˇ, piˇ ma geuꞈ-awˇ, muiˬ-eu shawˇ-eu jawˇ duˬ laꞈ kʼoeˇ lawˇ duˬ dawˬ peh le ngeh maˬ ehˇ, aˬ yawꞈ maꞈ laꞈ kʼoeˇ, shaꞈ dawˇ paˬ-ehˇ gʼeh-eu jeˬ pyeuꞈ doˆ laˇ-eu baˬ da neh maˬ ya shiˇ ni, Aˬloˬ hawˇ-eu aˬ yawꞈ-eu aˬ li deuˬ, aˬ myah luꞈ laꞈ di laꞈ deu kʼoeˇ ya dm meh. Heu-aˬ, Aˬloˬ hawˇ-eu aˬ yawꞈ-euˬ aˬ li deuˬ gʼaˇ duˬ, aˬ myah luꞈ maˬ paˇ laˇ ni ya bi jaˆ-eu zahˇ sahˇ kʼoꞈ tiˬ jeˬ meh.

Doˆ-iˇ 29:21

Lawˇ duˬ kʼoeˇ taˆ jaˆ-eu shiˬ ui cuiˆ hawˇ-eu, tseˇ doˆ-euˬ tsawˇ haˬ-ahˇ lehꞈ-eu tsiˇ ui cuiˆ yuˇ-awˇ, Aˬloˬ hawˇ-eu aˬ yawꞈ-euˬ aˬ li deuˬ-ahˇ maˬ ehˇ, aˬ yawꞈ maꞈ-euˬ dm gʼaˬ dm lmˇ deuˬ-ahˇ maˬ ehˇ, byaˆ shehˬ-awˬ. Kʼoeˇ loꞈ-ehˇ jahˇ-eu jeˬ-aˬ, Aˬloˬ maˬ ehˇ, aˬ yawꞈ-euˬ aˬ li deuˬ maˬ ehˇ, aˬ yawꞈ maꞈ-euˬ dm gʼaˬ dm lmˇ deuˬ maˬ ehˇ, ngaˬ-ahˇ a nehˬ-eu jeˬ pyeuꞈ-eu meh.

Doˆ-iˇ 29:28

Ngaˬ-euˬ tsawˇ haˬ deuˬ, cawˬ cawˬ taꞈ-eu lawˇ-eu jeˬ lawˇ ngeh lawˇ nehˬ-eu jeˬ zaˬ-euˬ kʼahˬ hawˇ-eu shaˬ pyaˬ-aˬ, piˇ ma deuˬ-euˬ shaˬ bymˇ pyeuꞈ-eu meh. Heu-aˬ, tiˬ jawˇ-iˬ maˬ paˇ laˇ nya-eu ngaˬ neh noeˬ tsehˆ-euˬ jeˬ pyeuꞈ-eu ma. Heu-aˬ, Sahˬpaˬ Miˬyehˇ pyeuꞈ-eu ngaˬ-ahˇ, ngaˬ-euˬ tsawˇ haˬ deuˬ neh biꞈ nehˬ laˬ-euˬ laꞈ sawˬ pyeuꞈ-eu meh.

Doˆ-iˇ 29:29

“Aˬloˬ ziˇ jiˇ ngeh, aˬ yawꞈ dm-euˬ piˇ ma-euˬ dm gʼaˬ dm lmˇ deuˬ, aˬ yawꞈ-euˬ aˬ li deuˬ-ahˇ ya biꞈ taˬ yaꞈ-awˇ, aˬ yawꞈ maꞈ-ahˇ piˇ ma aˇ yaˬ biꞈ ngeh ya bi dm-eu meh.

Doˆ-iˇ 40:13

Aˬloˬ-ahˇ piˇ ma-euˬ dm gʼaˬ dm lmˇ bi dm-awˇ, tsiˇ lehꞈ nehˬ-awˬ. Ngaˬ-euˬ gaˇ mˇ-eu piˇ ma geuꞈ-eu gʼaˇ duˬ, kʼoeˇ loꞈ-ehˇ jahˇ-awˇ, aˬ yawꞈ-euˬ gʼawˇ mawˇ ngaˬ-ahˇ a nehˬ laꞈ-awˬ.

Doˆ-iˇ 40:15

Aˬ yawꞈ maꞈ-euˬ aˬ da-ahˇ tsiˇ lehꞈ nehˬ-euˬ loꞈ-ehˇ, aˬ yawꞈ maꞈ mehˇ nmˇ-ahˇ kʼawꞈ, ngaˬ-euˬ gaˇ mˇ-eu piˇ ma bi geuꞈ-eu gʼaˇ duˬ, tsiˇ lehꞈ nehˬ-awˬ. Aˬ yawꞈ maꞈ-ahˇ kʼoeˇ loꞈ-ehˇ tsiˇ lehꞈ nehˬ-euˬ baˬ da neh, mˬ maˬ maˬ byaˆ zaˇ ziˇ aˬ yawꞈ maꞈ piˇ ma ya geuꞈ tehꞈ-a.”

Iˇsaˬyaˇ 10:27

Aˇ nah aˇ yamˬ kʼoeˇ yamˬ keuˆ le ngeh, Aˬshuˇliˆ tsawˇ haˬ deuˬ-euˬ laꞈ-ahˇ neh naw maꞈ-ahˇ ngaˇ bi dzeuˇ-iˇ-awˇ, aˬ yawꞈ maꞈ-euˬ kʼaˆ baꞈ kawˬ naw maꞈ-euˬ baꞈ pu-ahˇ maˬ paˇ bi daˇ ma.”

Uˬ duˬ 21:10

“Tseˇ doˆ-euˬ deuˬ-ahˇ lehꞈ-eu tsiˇ uˬ duˬ-ahˇ shehˆ daˆ-awˇ lehꞈ nehˬ taˬ-euˬ uˬ taꞈ, piˇ ma-euˬ dm gʼaˬ dm lmˇ deuˬ bi dm-eu gʼaˇ duˬ, gʼawˇ mawˇ a nehˬ taˬ-euˬ Piˇ ma Yaw huiˬ gʼaˬ-aˬ, aˬ myah luꞈ uˬ duˬ tsehˇ kahˇ ya kaˆ juˇ taˬ meh. Yawˬ ha tsawˇ ngoeˇ ngoeˇ luꞈ-eu gaˇ kawˆ aˬ cawˬ bi siˬ-eu gʼaˇ duˬ, yawˬ ha-euˬ mehˬ tsoeˬ cehˬ pyaˬ-eu jeˬ maˬ ya jahˇ-a.

Uˬ duˬ 23:20

Piˇ ma gʼaˬ, kaˬ muˇ hawˇ-eu yawˇ zaˬ kʼoeˇ nyiˬ mawˇ yuˇ-awˇ, piˇ ma deuˬ gʼaˇ duˬ, muiˬ-eu laꞈ sawˬ loꞈ-ehˇ Sahˬpaˬ Miˬyehˇ-ahˇ ya damˬ nehˬ meh. Lawˇ-eu heu-aˬ, muiˬ-eu shawˇ-eu meh.

Uˬ duˬ 6:16

Dzehˬ laˇ-euˬ deuˬ-ahˇ, Aˬloˬ hawˇ-eu aˬ yawꞈ-euˬ aˬ li deuˬ ya dzaˬ meh. Cehˇ meu kʼoeˇ neh, dehˬ tseˬ maˬ keuˬ-eu kaˬ muˇ jahˇ-awˇ, Sahˬpaˬ Miˬyehˇ jawˇ-eu sehˬ gʼawˆ yaˇ kmˇ laꞈ kʼoeˇ, muiˬ-eu shawˇ-eu jawˇ duˬ tiˬ tsahˇ-ahˇ, kaˬ muˇ kʼoeˇ aˬ yawꞈ maꞈ ya dzaˬ meh.

Uˬ duˬ 6:18

Mehˬ hu paw yaw dehꞈ dehꞈ daˆ leꞈ-eu aˇ yamˬ laꞈ kʼoeˇ, Aˬloˬ o neh jeuˬ le o le-euˬ kʼaˬ dzeˇ zaˬ aˬ geu gʼaˬ maˬ kaˬ, dzehˬ laˇ-euˬ cehˇ meu kʼoeˇ neh jahˇ taˬ-euˬ ka muˇ dzaˬ nya meh. Aˬ jeˬ miˇ neh ehˇ naˇ, kʼoeˇ-aˬ, Sahˬpaˬ Miˬyehˇ-ahˇ lawˇ nehˬ-euˬ jeˬ laꞈ kʼoeˇ, aˬ yawꞈ maꞈ-ahˇ oꞈ-eu shaˬ bymˇ meh. Dzaˬ dzaˬ dawˇ dawˇ lawˇ-eu jeˬ-ahˇ toeˬ ciˆ leˇ-eu tsawˇ haˬ aˬ geu gʼaˬ maˬ kaˬ, kʼoeˇ-euˬ muiˬ-eu shawˇ-eu baoˬ baˬ da neh guˬ leˇ tehꞈ-a.

Uˬ duˬ 6:20

Aˬloˬ-ahˇ piˇ ma aˇ yaˬ biꞈ ngeh nah, aˬ yawꞈ hawˇ-eu aˬ yawꞈ-euˬ aˬ li deuˬ, heu loꞈ-ehˇ ya lawˇ ya shehˇ meh. Dzaˬ la gʼo cehˇ kʼaˇ lawˇ ngeh, cehˇ meu tiˬ pehˬ ya lawˇ ahˇ-eu loꞈ-ehˇ, cehˇ meu tiˬ pehˬ aˬ yawꞈ yuˇ-awˇ, uˬ shawˬ paw tiˬ paˆ, uˬ ciꞈ paw tiˬ paˆ ya lawˇ meh.

Uˬ duˬ 6:26

Jeˬ zaˬ kʼoeˇ mawˇ-ahˇ lawˇ-eu piˇ ma gʼaˬ, Sahˬpaˬ Miˬyehˇ jawˇ-eu Sehˬ gʼawˆ yaˇ kmˇ laꞈ kʼoeˇ, muiˬ-eu shawˇ-eu jawˇ duˬ tiˬ tsahˇ-ahˇ, jeˬ zaˬ kʼoeˇ mawˇ-euˬ shaˬ jiˇ ya dzaˬ meh.

Uˬ duˬ 7:14

Dehˬ tseˬ keuˬ-eu hawˇ-eu maˬ keuˬ-eu kaˬ muˇ tiˬ jeˬ ui cuiˆ yuˇ-awˇ, Sahˬpaˬ Miˬyehˇ-ahˇ aˬ yawꞈ ya biꞈ nehˬ meh. Jeˬ zaˬ-euˬ shiˬ yuˇ-awˇ, lawˇ duˬ-ahˇ byaˆ shehˬ-eu piˇ ma gʼaˬ, kaˬ muˇ kʼoeˇ deuˬ ya geuꞈ meh.

Uˬ duˬ 7:28

Moˇseˬ-ahˇ Sahˬpaˬ Miˬyehˇ zahˇ sahˇkʼoꞈ heu deuˬ biꞈ nehˬ-euˬ meh.

Uˬ duˬ 7:6

Piˇ ma deuˬ-euˬ nymˇ kʼahˬ zaˬ deuˬ laꞈ kʼoeˇ jawˇ-eu kʼaˬ dzeˇ zaˬ dawˬ tawˆ luꞈ, jeˬ zaˬ kʼoeˇ mawˇ-euˬ shaˬ jiˇ dzaˬ nya meh. Ehˇ kʼawꞈ, shaˬ jiˇ kʼoeˇ-ahˇ, muiˬ-eu shawˇ-eu jawˇ duˬ tiˬ tsahˇ laꞈ kʼoeˇ ya dzaˬ meh. Aˬ jeˬ miˇ neh ehˇ naˇ, shaˬ jiˇ kʼoeˇ muiˬ dui shawˇ dui dui-eu meh.

Uˬ duˬ 8:30

Moˇseˬ-aˬ, tseˇ doˆ-euˬ deuˬ-ahˇ lehꞈ-eu tsiˇ hawˇ-eu lawˇ duˬ kʼoeˇ taˆ jaˆ-eu shiˬ ui cuiˆ yuˇ-awˇ, Aˬloˬ hawˇ-eu aˬ yawꞈ-euˬ aˬ li deuˬ-ahˇ maˬ ehˇ, aˬ yawꞈ maꞈ-euˬ mehˬ tsoeˬ-ahˇ maˬ ehˇ, byaˆ shehˬ nehˬ-euˬ meh. Kʼoeˇ loꞈ-ehˇ jahˇ-awˇ, aˬ yawꞈ maꞈ hawˇ-eu aˬ yawꞈ maꞈ-euˬ dm gʼaˬ dm lmˇ deuˬ, Sahˬpaˬ Miˬyehˇ-ahˇ Moˇseˬ a nehˬ-euˬ meh.

Bawˇtsahˬ 18:9

Lawˇ duˬ kʼoeˇ taˆ maˬ dzah puiˆ-euˬ muiˬ dui shawˇ dui dui-eu lawˇ-eu jeˬ laꞈ kʼoeˇ, dzaˬ la gʼo cehˇ lawˇ-eu jeˬ, iˬ baˇ shawˇ-eu lawˇ-eu jeˬ hawˇ-eu dziˇ dzoˆ tsoeˬ-eu lawˇ-eu jeˬ heu deuˬ-aˬ, nawˬ-ahˇ oꞈ-eu shaˬ bymˇ pyeuꞈ-eu meh. Ngaˇ jawˇ gaˇ kʼaˇ yuˇ laꞈ-euˬ muiˬ-eu shawˇ-eu lawˇ-eu jeˬ dawˬ tawˆ luꞈ, nawˇ hawˇ-eu nawˬ li deuˬ-ahˇ oꞈ-eu shaˬ bymˇ pyeuꞈ-eu meh.

Bawˇtsahˬ 5:9

Iˇsaˬleˬlaˆ tsawˇ haˬ deuˬ neh Sahˬpaˬ Miˬyehˇ-ahˇ kʼaˇ lawˇ nehˬ laˇ-euˬ yawˬ jeˬ na luꞈ, aˬ yawꞈ maꞈ neh kʼaˇ biꞈ laˇ-euˬ piˇ ma kʼoeˇ gʼaˬ-euˬ shaˬ bymˇ pyeuꞈ-eu meh.

1 Gawˇliˬtu 9:13

Uˬ duˬ tahˬ nymˇ nymˇ ma laꞈ kʼoeˇ gaˇ mˇ-eu tsawˇ haˬ deuˬ Uˬ duˬ tahˬ nymˇ nymˇ ma-ahˇ jaˆ-eu dzaˬ dzaˬ dawˇ dawˇ za-awˇ, lawˇ duˬ kʼoeˇ taˆ kʼaˇ lawˇ-euˬ jeˬ laꞈ kʼoeˇ, lawˇ-eu jeˬ mˇ nehˬ-eu gʼaˬ-ahˇ oꞈ-eu shaˬ bymˇ jaˆ-eu gaˇ kawˆ naw maꞈ siˬ duˬ-eu meh.

Dawˬmehˬ 12:11

Aˬ yawꞈ-ahˇ uˬ duˬ ya tahˬ-eu jawˇ duˬ tiˬ tsahˇ aˬ yawꞈ tseˇ doˆ-awˇ, kʼoeˇ gaˇ aˬ yawꞈ-ahˇ naw maꞈ uˬ duˬ ya tahˬ tehꞈ-a. Ngaˇ naw maꞈ-ahˇ dawˬ biꞈ taˬ-euˬ loꞈ-ehˇ, naw maꞈ-euˬ miˬ dzaˬ dzah puiˆ-awˇ lawˇ-eu jeˬ maˬ ehˇ, nui jeˬ lawˇ-eu jeˬ maˬ ehˇ, tseˇ bymˇ tiˬ bymˇ hawˇ-eu naw maꞈ neh damˬ-euˬ jeˬ maˬ ehˇ, naw maꞈ neh Sahˬpaˬ Miˬyehˇ-ahˇ saˇ jaˇ dzaˬ taˬ-euˬ yaw zawˇ muiˬ-eu laꞈ sawˬ deuˬ maˬ ehˇ, dawˬ tawˆ luꞈ kʼoeˇ gaˇ aˬ yawꞈ-ahˇ ya yuˇ gʼeh nehˬ meh.

Dawˬmehˬ 12:6

Miˬ dzaˬ dzah puiˆ-awˇ lawˇ-eu jeˬ hawˇ-eu, nui deuˬ lawˇ-eu jeˬ maˬ ehˇ, tseˇ bymˇ tiˬ bymˇ hawˇ-eu nui deuˬ damˬ-eu jeˬ maˬ ehˇ, gʼaw beh beh-euˬ mawˇ neˇ hawˇ-eu yawˇ maˬ ehˇ, kʼoeˇ gaˇ naw maꞈ ya lawˇ meh.

Dawˬmehˬ 18:1

“Leˬbiˇ tsawˇ jeuˬ piˇ ma deuˬ-ahˇ Iˇsaˬleˬlaˆ-euˬ miˇ tsaˬ jeˬ biˇ maˬ oꞈ-a. Aˬ jeˬ miˇ neh ehˇ naˇ, Sahˬpaˬ Miˬyehˇ-ahˇ lawˇ-euˬ shehˇ-euˬ jeˬ-aˬ, Leˬbiˇ tsawˇ jeuˬ dzaˬ-eu dawˇ-eu gʼaˇ duˬ ya bi pyeuꞈ-eu meh.

Dawˬmehˬ 26:13

Sahˬpaˬ Miˬyehˇ-ahˇ heu loꞈ-ehˇ ehˇ nehˬ-awˬ. ‘Nawˇ ngaˬ-ahˇ dawˬ biꞈ taˬ-euˬ loꞈ-ehˇ, muiˬ-eu shawˇ-eu tseˇ bymˇ tiˬ bymˇ ngaˬ-euˬ nymˇ-ahˇ tiˬ pawꞈ-iˬ maˬ bi dzeˇ yaꞈ ni, Leˬbiˇ tsawˇ haˬ deuˬ, boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ-ahˇ ngaˇ biꞈ-eu ma. Tseˇ bymˇ tiˬ bymˇ-ahˇ taꞈ leˇ-awˇ, nawˬ neh biꞈ taˬ-euˬ zahˇ dawˬ kʼoꞈ dawˬ tiˬ dawˬ-iˬ maˬ byehˇ ni mˇ luꞈ ma.

HeˬByehˇ 1:9

Yaw tsaˬ yaw dawˇ-ahˇ nawˇ gaˬ-awˇ, yaw lehˬ jeˬ-ahˇ nawˇ bye-eu meh. Kʼoeˇ baˬ da neh nawˬ-euˬ miˬ yehˇ, Miˬ yehˇ neh nawˬ-ahˇ tseˇ doˆ-awˇ, nawˬ-euˬ cawˬ deuˬ-ahˇ biꞈ taˬ-euˬ, laˬ kʼaˬ cehˇ-eu jeˬ byah kʼaˇ-eu, ciˬ huiˬ nehˬ-eu jeˬ naˆ maˬ tseˇ, huiˬ dzehˬ-eu ciˬ huiˬ nehˬ-eu jeˬ, aˬ yawꞈ nawˬ-ahˇ biꞈ nehˬ-euˬ meh.”

1 Yoˇhaˬ 2:20

Ehˇ kʼawꞈ, Ka li neh naw maꞈ kʼoeˇ taˆ Muiˬ-eu shawˇ-eu Yaw sahˇ Miˬyehˇ shehˆ daˆ nehˬ gʼaˬ-euˬ miˇ neh, naw maꞈ dawˬ tawˆ luꞈ yaw tsaˬ yaw dawˇ jeˬ-ahˇ siˬ nya meh.

1 Yoˇhaˬ 2:27

Ehˇ kʼawꞈ, Ka li neh naw maꞈ-euˬ kʼoeˇ taˆ aˬ yawꞈ-euˬ Yaw sahˇ shehˆ daˆ nehˬ gʼaˬ-euˬ meh. Aˬ yawꞈ-euˬ Yaw sahˇ kʼoeˇ naw maꞈ laꞈ kʼoeˇ kʼaˇ jawˇ kʼoeˇ keuˆ ni, aˬ cawˬ naw maꞈ-ahˇ mehˬ nehˬ tsoˆ nehˬ-eu maˬ paˇ loˬ meh. Aˬ jeˬ miˇ neh ehˇ naˇ, aˬ yawꞈ-euˬ Yaw sahˇ kʼoeˇ naw maꞈ-ahˇ yawˬ jeˬ na luꞈ mehˬ nehˬ tsoˆ nehˬ laꞈ tehꞈ-a. Aˬ yawꞈ-euˬ Yaw sahˇ kʼaˇ mehˬ kʼaˇ tsoˆ-eu jeˬ dawˬ tawˆ luꞈ, tsaˬ dui dui-eu meh. Tiˬ pawꞈ-iˬ maˬ lehˬ-a. Yaw sahˇ kʼoeˇ neh mehˬ nehˬ tsoˆ nehˬ laꞈ-euˬ jeˬ-ahˇ naˇ haˬ geuꞈ-awˇ, Ka li-euˬ laꞈ kʼoeˇ jawˇ-awˬ.