Bawˇtsahˬ 18:7 - Akha

⁷ Ehˇ kʼawꞈ, lawˇ duˬ hawˇ-eu muiˬ-eu shawˇ-eu jawˇ duˬ-ahˇ taꞈ leˇ-eu gaˇ deuˬ-ahˇ, nawˇ hawˇ-eu nawˬ li deuˬ tehꞈ-ehˇ ya mˇ meh. Gaˇ heu deuˬ-aˬ, naw maꞈ-euˬ gaˇ pyeuꞈ-eu meh. Aˬ jeˬ miˇ neh ehˇ naˇ, piˇ ma geuꞈ-eu laꞈ sawˬ naw maꞈ-ahˇ ngaˇ biꞈ taˬ-euˬ ma. Maˬ geuˇ-eu tsawˇ haˬ aˬ geu gʼaˬ maˬ kaˬ, muiˬ-eu shawˇ-eu keu ka deuˬ dawˬ peh laˇ naˇ, sehꞈ gaˇ ya daˬ tehꞈ-a.”

Bawˇtsahˬ 18:7 ပူးပေါင်းရင်းမြစ်များ

Jaceuq 115:10

Miˬyehˇ-euˬ piˇ ma deuˬ-oˇ, Sahˬpaˬ Miˬyehˇ-ahˇ gʼoe-awˬ. Aˬ yawꞈ naw maꞈ-ahˇ ngehˬ gʼeh dah teˬ-eu meh.

Doˆ-iˇ 28:1

“Nawˬ-euˬ aˇ doˆ Aˬloˬ hawˇ-eu aˬ yawꞈ-euˬ aˬ li Naˬdehˇ, Aˬbiˇhuˬ, Eˇlaˬzaˬ hawˇ-eu Iˇdaˬmaˬ-ahˇ kuˇ-awˬ. Iˇsaˬleˬlaˆ tsawˇ haˬ laꞈ kʼoeˇ, aˬ yawꞈ maꞈ-ahˇ kuˇ doˆ-awˇ, ngaˬ-euˬ gaˇ mˇ-eu piˇ ma deuˬ bi geuꞈ-awˬ.

Doˆ-iˇ 29:9

Aˬ yawꞈ maꞈ-euˬ joꞈ-ahˇ joꞈ tsiˬ bi paꞈ-awˇ, uˬ duˬ-ahˇ uˬ kʼoˆ bi kʼoˆ-awˬ. Naw maˬ kʼoeˇ loꞈ-ehˇ jahˇ-awˇ, Aˬloˬ hawˇ-eu aˬ yawꞈ-euˬ aˬ li deuˬ-ahˇ aˇ yaˬ ya biꞈ meh. Aˬ yawꞈ maꞈ hawˇ-eu, aˬ yawꞈ maꞈ-euˬ zaˬ deuˬ uˆ deuˬ-aˬ, mˬ maˬ maˬ byaˆ zaˇ ziˇ, ngaˬ-euˬ piˇ ma ya geuꞈ meh.

Yeˬsaˬgeˬlaˇ 44:15

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ehˇ kʼawꞈ, Iˇsaˬleˬlaˆ tsawˇ haˬ deuˬ ngaˬ-ahˇ byehˇ dzeh ngeh, Leˬbiˇ tsawˇ jeuˬ laꞈ kʼoeˇ Zaˬdoˆ-euˬ zaˬ deuˬ uˆ deuˬ pyeuꞈ-eu piˇ ma deuˬ, ngaˬ-ahˇ saˇ jaˇ ziꞈ-eu laꞈ kʼoeˇ, Uˬ duˬ tahˬ nymˇ nymˇ ma laꞈ kʼoeˇ gaˇ mˇ-euˬ meh. Kʼoeˇ miˇ neh, aˬ yawꞈ maꞈ-ahˇ ngaˇ jawˇ gaˇ bi uˇ laˇ-awˇ, shaˬ tsuˇ hawˇ-eu shiˬ lawˇ-eu gaˇ bi mˇ ma.

Yeˬsaˬgeˬlaˇ 44:16

Aˬ yawꞈ maꞈ-ahˇ tehꞈ-ehˇ ngaˬ-euˬ Uˬ duˬ tahˬ nymˇ nymˇ ma laꞈ kʼoeˇ bi uˇ laˇ-awˇ, lawˇ duˬ-ahˇ lawˇ-eu shehˇ-eu gaˇ hawˇ-eu, uˬ duˬ tahˬ gaˇ sheuˬ gʼeh-eu gaˇ bi mˇ ma.

Yeˬsaˬgeˬlaˇ 44:8

Ngaˬ-euˬ Uˬ duˬ tahˬ nymˇ nymˇ ma laꞈ kʼoeˇ aˬ yawꞈ maꞈ-ahˇ doˇ-eu gaˇ deuˬ-ahˇ aˬ yawꞈ maꞈ maˬ mˇ ni, aˬ cawˬ tsawˇ jeuˬ-ahˇ kʼehˇ doˇ nehˬ-awˇ bi mˇ-euˬ meh.

Uˬ duˬ 16:2

Aˬ yawꞈ ehˇ-eu, “Saˬ paˇ paˇ ma lawˆ kaˬ taw paˆ taˬ-euˬ naˇ kʼah paw dzeˇ jaˆ-eu Muiˬ dui Shawˇ dui dui-eu Jawˇ duˬ-ahˇ, aˇ yamˬ tsaˬ ngeh tehꞈ-ehˇ ya uˇ leˇ meh lehˇ nawˬ-euˬ aˇ doˆ Aˬloˬ-ahˇ ehˇ nehˬ-awˬ. Aˬ jeˬ miˇ neh ehˇ naˇ, jawˇ duˬ kʼoeˇ tsahˇ-ahˇ jaˆ-eu Dawˬ ma saˇ jaˇ Bahˬ keuˆ kʼmˬ pymˬ kʼoeˇ taˆ mˬ dmˇ laꞈ kʼoeˇ ngaˇ zaꞈ le-eu ma. Ngaˬ-euˬ ehˇ dawˬ maˬ naˇ haˬ ni, kʼaˇ uˇ leˇ mawꞈ ngeh uˇ leˇ naˇ, aˬ yawꞈ ya shiˇ tehꞈ-a.

Uˬ duˬ 7:35

Heu-aˬ, Aˬloˬ hawˇ-eu aˬ yawꞈ-euˬ aˬ li deuˬ-ahˇ piˇ ma-euˬ aˇ yaˬ biꞈ ngeh nah, Sahˬpaˬ Miˬyehˇ-ahˇ lawˇ nehˬ-euˬ dzaˬ dzaˬ dawˇ dawˇ lawˇ-eu jeˬ laꞈ kʼoeˇ, Sahˬpaˬ Miˬyehˇ neh aˬ yawꞈ maꞈ-ahˇ biꞈ nehˬ taˬ-euˬ shaˬ bymˇ pyeuꞈ-eu meh.

Bawˇtsahˬ 1:51

Naw maꞈ yawˬ gaˇ yawˬ paˇ jawˇ paˇ-iˇ ngeh, Leˬbiˇ tsawˇ haˬ deuˬ Sehˬ gʼawˆ kʼoeˇ ya pyaˆ-awˇ, naw maꞈ kʼaˇ jawˇ paˇ-iˇ-euˬ tsahˇ-ahˇ aˬ yawꞈ maꞈ Sehˬ gʼawˆ kʼoeˇ ya gʼoˆ tsoꞈ meh. Leˬbiˇ tsawˇ haˬ maˬ ngeuˇ-eu tsawˇ haˬ aˬ geu gʼaˬ maˬ kaˬ, Sehˬ gʼawˆ dawˬ peh le naˇ, sehꞈ gaˇ ya daˬ tehꞈ-a.

Bawˇtsahˬ 16:40

Heu-aˬ, Aˬloˬ-euˬ zaˬ deuˬ uˆ deuˬ maˬ ngeuˇ naˇ, Sahˬpaˬ Miˬyehˇ-ahˇ yaw saw jeˬ lawˇ-eu gʼaˇ duˬ, tsawˇ haˬ tiˬ gʼaˬ-iˬ lawˇ duˬ dawˬ peh maˬ ya laˇ-eu gaˇ kawˆ Iˇsaˬleˬlaˆ tsawˇ haˬ deuˬ yahˇ ni bi siˬ bi mawˇ-eu jeˬ pyeuꞈ-eu meh. Maˬ ngeuˇ naˇ, Kawˇlaˆ hawˇ-eu aˬ yawꞈ-euˬ tsawˇ haˬ deuˬ loꞈ-ehˇ ya cawˆ-iˇ gaˇ keuˆ tehꞈ-a. Kʼoeˇ naˇ, Sahˬpaˬ Miˬyehˇ neh Moˇseˬ-ahˇ gʼoe-awˇ Eˇlaˬzaˬ-ahˇ dawˬ kʼaˇ biꞈ nehˬ-euˬ loꞈ-ehˇ yawˬ jeˬ na luꞈ mˇ jiˇ-euˬ meh.

Bawˇtsahˬ 18:20

Kʼoeˇ naˇ, Aˬloˬ-ahˇ Sahˬpaˬ Miˬyehˇ ehˇ nehˬ-eu, “Naw maꞈ gʼaˇ duˬ, myawˬ gahˬ jeˬ biˇ maˬ jaˆ-a. Iˇsaˬleˬlaˆ miˇ kʼahˬ laꞈ kʼoeˇ, naw maꞈ gʼaˇ duˬ miˇ tsaˬ kʼawꞈ maˬ jaˆ-a. Sahˬpaˬ Miˬyehˇ pyeuꞈ-eu ngaˇ-aˬ, Iˇsaˬleˬlaˆ tsawˇ haˬ deuˬ-euˬ laꞈ kʼoeˇ jaˆ-eu naw maꞈ-euˬ jeˬ biˇ pyeuꞈ-eu ma.”

Bawˇtsahˬ 18:3

Nawˬ-ahˇ mˇ nehˬ paˬ-ehˇ gʼeh-eu deuˬ maˬ ehˇ, Sehˬ gʼawˆ laꞈ kʼoeˇ mˇ paˬ-ehˇ jaˆ-eu deuˬ maˬ ehˇ, aˬ yawꞈ maꞈ ya mˇ meh. Ehˇ kʼawꞈ, muiˬ-eu shawˇ-eu jawˇ duˬ-ahˇ taꞈ-eu keu ka deuˬ hawˇ-eu lawˇ duˬ-ahˇ taꞈ-eu keu ka deuˬ-ahˇ aˬ yawꞈ maꞈ maˬ ya toeˬ ciˆ-a. Kʼoeˇ deuˬ-ahˇ aˬ yawꞈ maꞈ toeˬ ciˆ naˇ, nawˇ maˬ ehˇ, aˬ yawꞈ maꞈ maˬ ehˇ, sehꞈ gaˇ tiˬ kawˆ loꞈ-ehˇ ya daˬ tehꞈ-a.

Bawˇtsahˬ 3:10

Aˬloˬ hawˇ-eu aˬ yawꞈ-euˬ aˬ li deuˬ-ahˇ piˇ ma-euˬ gaˇ deuˬ nawˇ bi mˇ-awˬ. Gaˇ kʼoeˇ deuˬ mˇ-eu lehˇ kʼaˇ leh jeh-eu tsawˇ haˬ nui gʼaˬ aˬ geu gʼaˬ maˬ kaˬ, sehꞈ gaˇ ya daˬ tehꞈ-a.”

Bawˇtsahˬ 3:38

Moˇseˬ, Aˬloˬ hawˇ-eu Aˬloˬ-euˬ aˬ li deuˬ-aˬ, Sehˬ gʼawˆ mehˬ shi nahˇ ma doˆ kʼehˬ paw pyawˬ-ahˇ jawˇ duˬ ya yuˇ meh. Iˇsaˬleˬlaˆ tsawˇ haˬ deuˬ gʼaˇ duˬ, muiˬ-eu shawˇ-eu jawˇ duˬ laꞈ kʼoeˇ mˇ-eu gaˇ deuˬ-aˬ, aˬ yawꞈ maꞈ-euˬ gaˇ pyeuꞈ-eu meh. Kʼoeˇ loꞈ-ehˇ mˇ-eu lehˇ leh jeh-eu tsawˇ haˬ nui deuˬ aˬ geu gʼaˬ maˬ kaˬ, sehꞈ gaˇ ya daˬ tehꞈ-a.

Maꞈtehˬ 10:8

Naˇ-eu tsawˇ haˬ deuˬ-ahˇ laˆ taˬ nehˬ-awˇ, shiˇ-euˬ tsawˇ haˬ deuˬ-ahˇ laˆ dehꞈ nehˬ-awˬ. Coiˬ doi naˇ-eu tsawˇ haˬ deuˬ-ahˇ bi shawˇ laˇ-awˇ , nehꞈ uˇ-eu tsawˇ haˬ deuˬ-ahˇ nehꞈ teh doˆ nehˬ-awˬ. Kʼoeˇ loꞈ-ehˇ mˇ nya-eu baoˬ naw maꞈ aˇ poeˬ maˬ biꞈ ni za-euˬ loꞈ-ehˇ, aˇ poeˬ maˬ yuˇ ni yawꞈ ngehꞈ-ehˇ caw ba nehˬ-awˬ.

Yoˇhaˬ 3:27

Yoˇhaˬ ehˇ-eu, “Tsawˇ haˬ aˬ geu gʼaˬ maˬ kaˬ, Miˬyehˇ neh maˬ biꞈ-euˬ gaˇ tiˬ jeˬ-iˬ maˬ za nya-a.

Eˇpeˇsu 3:8

Miˬyehˇ-euˬ tsawˇ haˬ deuˬ laꞈ kʼoeˇ aˬ cawˬ taꞈ-ehˇ nyiˇ teˬ dzehˬ-eu gʼaˬ ngaˇ ma. Ehˇ kʼawꞈ, maˬ ehˇ jiˇ coeˇ gaˇ keuˆ ni byah dui kuꞈ dui dui-eu Ka li-euˬ guiˬ lahˬ gaˇ kawˆ aˬ cawˬ tsawˇ jeuˬ-ahˇ mehˬ-eu gʼaˬ bi geuꞈ laꞈ-euˬ meh.

Dawˬmehˬ 18:2

Iˇsaˬleˬlaˆ tsawˇ jeuˬ nui deuˬ loꞈ-ehˇ, Leˬbiˇ tsawˇ haˬ tiˬ gʼaˬ-iˬ yawˬ ha-euˬ miˇ tsaˬ pehˇ tsahˇ maˬ ya bi baw-a. Sahˬpaˬ Miˬyehˇ neh aˬ yawꞈ maꞈ-ahˇ saˇ jaˇ dzaˬ taˬ-euˬ loꞈ-ehˇ, Sahˬpaˬ Miˬyehˇ-euˬ piˇ ma deuˬ ya geuꞈ-eu kʼoeˇ-aˬ, aˬ yawꞈ maꞈ-euˬ jeˬ biˇ meh.

HeˬByehˇ 5:4

Tsawˇ haˬ tiˬ gʼaˬ-iˬ yawˬ haˇ yawˬ ha piˇ ma yaw huiˬ gʼaˬ maˬ tsaˬ geuꞈ nya-a. Aˬloˬ-ahˇ Miˬyehˇ neh kuˇ-euˬ gaˇ duˇ ni, Miˬyehˇ neh kuˇ-euˬ tsawˇ haˬ tehꞈ-ehˇ piˇ ma yaw huiˬ gʼaˬ geuꞈ nya-eu meh.

Yawˇshuˆ 18:7

Ehˇ kʼawꞈ, Leˬbiˇ tsawˇ jeuˬ-aˬ, naw maꞈ loꞈ-ehˇ miˇ kʼahˬ jeˬ biˇ maˬ oꞈ-a. Aˬ jeˬ miˇ neh ehˇ naˇ, aˬ yawꞈ maꞈ-euˬ jeˬ biˇ-aˬ, Sahˬpaˬ Miˬyehˇ-euˬ piˇ ma geuꞈ-eu kʼoeˇ meh. Gaˆ tsawˇ jeuˬ, Luˇbeˬ tsawˇ jeuˬ hawˇ-eu nahˇ ma doˆ kʼehˬ paw jawˇ-eu Maˬnaˇseˬ tsawˇ jeuˬ deuˬ-aˬ, Sahˬpaˬ Miˬyehˇ-euˬ zaˬ kʼaˆ Moˇseˬ neh aˬ yawꞈ maꞈ-ahˇ biꞈ taˬ-euˬ Yawˇdaˬ lawˇ baˬ nahˇ ma doˆ kʼehˬ paw jaˆ-eu miˇ kʼahˬ za gʼaˬ-euˬ meh.”

1 Beˬtuˆluˆ 5:2

Miˬyehˇ neh naw maꞈ-ahˇ a nehˬ taˬ-euˬ yawˇ yawˇ maꞈ-ahˇ bo saˆ-awˬ. Miˬyehˇ geuꞈ mawꞈ-eu loꞈ-ehˇ laˬ kʼaˬ cehˇ-eu laꞈ kʼoeˇ bo saˆ-awˬ. Aˬ cawˬ kʼehˇ-eu miˇ neh bo saˆ-eu jeˬ taˬ bi pyeuꞈ. Aˇ poeˬ za ni tehꞈ-ehˇ mˇ-eu jeˬ kʼawꞈ taˬ bi pyeuꞈ. Nui ma keuˆ-eu laꞈ kʼoeˇ mˇ-eu jeˬ bi pyeuꞈ-awˬ.

1 Beˬtuˆluˆ 5:3

Miˬyehˇ neh nawˬ-ahˇ a nehˬ-awˇ bi bo saˆ-euˬ yawˇ yawˇ maꞈ kʼoeˇ taˆ zuiˆ gʼaˬ-eu taˬ leh jeh. Yawˇ yawˇ maꞈ nawˬ-ahˇ haw-awˇ dzaw geuꞈ paꞈ-ehˇ mˇ mehˬ shaˇ mehˬ mehˬ-awˬ.

1 Saˬmeuˬlaˆ 2:28

Piˇ ma geuꞈ-awˇ, lawˇ duˬ-ahˇ ngaˬ-euˬ gaˇ bi mˇ-eu gʼaˇ duˬ maˬ ehˇ, tsiˇ yaw saw jeˬ doꞈ-eu gʼaˇ duˬ maˬ ehˇ, piˇ ma deuˬ ya dm-eu pehˇ kʼahˬ pehˇ nymˇ dm-awˇ ngaˬ-euˬ mehˬ shi bi laˇ-eu gʼaˇ duˬ maˬ ehˇ, Iˇsaˬleˬlaˆ tsawˇ jeuˬ tsawˇ ca heu myaˆ ni gʼeh-eu laꞈ kʼoeˇ, Aˬloˬ-euˬ nymˇ jiˇ-ahˇ ngaˇ tseˇ doˆ-euˬ ma. Lawˇ duˬ kʼoeˇ taˆ dzah puiˆ-awˇ lawˇ-eu jeˬ laꞈ kʼoeˇ, aˬ yawꞈ maꞈ-ahˇ oꞈ-eu shaˬ bymˇ bi baw-euˬ ma.