Bawˇtsahˬ 18:31 - Akha

³¹ Dzehˬ laˇ-euˬ kʼoeˇ deuˬ-ahˇ, naw maꞈ hawˇ-eu naw maꞈ-euˬ miˬ sawˇ zaˬ deuˬ jawˇ duˬ maˬ tseˇ ni dzaˬ nya meh. Aˬ jeˬ miˇ neh ehˇ naˇ, kʼoeˇ-aˬ, Sehˬ gʼawˆ laꞈ kʼoeˇ naw maꞈ gaˇ mˇ-eu miˇ neh za-euˬ gʼaˬ gaˇ poeˬ meh.

Bawˇtsahˬ 18:31 ပူးပေါင်းရင်းမြစ်များ

Bawˇtsahˬ 18:30

Mˇ dzaˬ kʼawꞈ dawˇ-eu tsawˇ haˬ tiˬ gʼaˬ tiˬ jeˬ paˬ lawˇ ngeh, dzehˬ laˇ-euˬ deuˬ aˬ yawꞈ paˇ geuꞈ kʼoꞈ-eu meh. Kʼoeˇ loꞈ-ehˇ duˇ ni, naw maꞈ kʼawꞈ, kʼaˇ muiˬ dzehˬ-eu deuˬ damˬ gʼaˬ ngeh, dzehˬ laˇ-euˬ deuˬ naw maꞈ geuꞈ-awˬ.

Bawˇtsahˬ 18:32

Muiˬ dzehˬ-eu deuˬ yuˇ doˆ-awˇ Sahˬpaˬ Miˬyehˇ-ahˇ naw maꞈ biꞈ gʼaˬ naˇ, dzeˇ-eu deuˬ-ahˇ naw maꞈ dzaˬ ngeh, naw maꞈ iˬ baˇ maˬ ahˇ-a. Ehˇ kʼawꞈ, muiˬ dzehˬ-eu deuˬ yuˇ doˆ-awˇ maˬ lawˇ mi naˆ-ehˇ dzaˬ-eu laꞈ kʼoeˇ, Iˇsaˬleˬlaˆ tsawˇ haˬ deuˬ neh damˬ-euˬ muiˬ-eu shawˇ-eu jeˬ-ahˇ maˬ ya laˆ jawꞈ-eu gʼaˇ duˬ yahˇ-awˬ. Kʼoeˇ loꞈ-ehˇ jahˇ naˇ, naw maꞈ sehꞈ gaˇ ya daˬ tehꞈ-a.”

Maꞈtehˬ 10:10

Pehˇ tahˬ maˬ ehˇ, pehˇ kʼahˬ hawˇ-eu sehˬ nawˆ aˇ dzehˬ maˬ ehˇ, gawˬ yoeˬ maˬ ehˇ, yuˇ gʼeh-eu maˬ loˬ-a. Aˬ jeˬ miˇ neh ehˇ naˇ, gaˇ mˇ-eu tsawˇ haˬ-aˬ, yawˬ ha kʼaˇ loˬ-eu jeˬ za geuˇ-eu meh.

Luˇkaꞈ 10:7

Aˬ yawꞈ kʼoeˇ nymˇ-ahˇ tehꞈ-ehˇ jawˇ-awˇ, kʼaˇ bi dzaˬ kʼaˇ bi dawˇ laꞈ-eu jeˬ dzaˬ-awˬ dawˇ-awˬ. Aˬ jeˬ miˇ neh ehˇ naˇ, gaˇ mˇ-eu tsawˇ haˬ-aˬ, gʼaˬ gaˇ poeˬ za-eu tsaˬ tehꞈ-a. Nymˇ daˆ taˬ daˆ paˇ.

2 Gawˇliˬtu 12:13

Pyuˇ shuiˇ caw ba nehˬ laꞈ lehˇ naw maꞈ-ahˇ ngaˇ maˬ shaˇ-euˬ kʼoeˇ tiˬ jeˬ maˬ ngeuˇ naˇ, Ka li zaˬ aˇ muˇ nui deuˬ-ahˇ naˆ maˬ tseˇ naw maꞈ-ahˇ ngaˬ neh jahˇ doeˇ nehˬ-euˬ aˬ jeˬ jaˆ ta. Ehˇ kʼawꞈ, ngaˬ-euˬ yaw lehˬ-ahˇ aˬ joˆ-ehˇ gʼeh-awˇ neh kʼawꞈ iˬ baˇ tiˬ poˆ pyehˬ nehˬ laꞈ lehˇ shaˇ-eu ma.

Gaˬlaˬtiˆ 6:6

Miˬyehˇ dawˬ kawˬ dzaw luꞈ-eu tsawˇ haˬ-aˬ, yawˬ ha kʼaˇ jaˆ-eu yaw muiˬ jeˬ dawˬ tawˆ luꞈ yawˬ ha-ahˇ mehˬ nehˬ laꞈ-eu gʼaˬ-ahˇ biˇ nehˬ-eu tsaˬ meh.