Bawˇtsahˬ 18:3 - Akha

³ Nawˬ-ahˇ mˇ nehˬ paˬ-ehˇ gʼeh-eu deuˬ maˬ ehˇ, Sehˬ gʼawˆ laꞈ kʼoeˇ mˇ paˬ-ehˇ jaˆ-eu deuˬ maˬ ehˇ, aˬ yawꞈ maꞈ ya mˇ meh. Ehˇ kʼawꞈ, muiˬ-eu shawˇ-eu jawˇ duˬ-ahˇ taꞈ-eu keu ka deuˬ hawˇ-eu lawˇ duˬ-ahˇ taꞈ-eu keu ka deuˬ-ahˇ aˬ yawꞈ maꞈ maˬ ya toeˬ ciˆ-a. Kʼoeˇ deuˬ-ahˇ aˬ yawꞈ maꞈ toeˬ ciˆ naˇ, nawˇ maˬ ehˇ, aˬ yawꞈ maꞈ maˬ ehˇ, sehꞈ gaˇ tiˬ kawˆ loꞈ-ehˇ ya daˬ tehꞈ-a.

Bawˇtsahˬ 18:3 ပူးပေါင်းရင်းမြစ်များ

Yeˬsaˬgeˬlaˇ 44:13

Aˬ yawꞈ maꞈ-ahˇ ngaˬ-euˬ gaˇ mˇ-eu piˇ ma maˬ bi geuꞈ-eu uˬ taꞈ, muiˬ-eu shawˇ-eu mˇ myawˬ keu ka dawˬ peh maˬ paˇ bi iˇ ma. Muiˬ dui shawˇ dui dui-eu jawˇ duˬ-ahˇ maˬ paˇ bi uˇ leˇ ma. Aˬ yawꞈ maꞈ neh mˇ-euˬ nui daˆ daˆ laˇ paˬ-ehˇ gʼeh-eu jeˬ aˇ poeˬ, kʼoeˇ loꞈ-ehˇ kʼehˬ nehˬ ma.

Bawˇtsahˬ 1:51

Naw maꞈ yawˬ gaˇ yawˬ paˇ jawˇ paˇ-iˇ ngeh, Leˬbiˇ tsawˇ haˬ deuˬ Sehˬ gʼawˆ kʼoeˇ ya pyaˆ-awˇ, naw maꞈ kʼaˇ jawˇ paˇ-iˇ-euˬ tsahˇ-ahˇ aˬ yawꞈ maꞈ Sehˬ gʼawˆ kʼoeˇ ya gʼoˆ tsoꞈ meh. Leˬbiˇ tsawˇ haˬ maˬ ngeuˇ-eu tsawˇ haˬ aˬ geu gʼaˬ maˬ kaˬ, Sehˬ gʼawˆ dawˬ peh le naˇ, sehꞈ gaˇ ya daˬ tehꞈ-a.

Bawˇtsahˬ 1:53

Ehˇ kʼawꞈ, ngaˇ nui ma pehˇ-eu jeˬ Iˇsaˬleˬlaˆ tsawˇ haˬ aˇ maꞈ aˇ muˇ kʼoeˇ taˆ maˬ ya bi keuˆ le-eu gʼaˇ duˬ, ngaˇ jawˇ-eu Sehˬ gʼawˆ dawˬ peh tsawˇ haˬ tiˬ gʼaˬ-iˬ maˬ ya laˇ ni, Leˬbiˇ tsawˇ haˬ deuˬ Sehˬ gʼawˆ jawˬ jawˬ-ehˇ yawˬ ha-euˬ sehˬ gʼawˆ gʼawˆ-awˇ jawˇ-eu laꞈ kʼoeˇ ya loꞈ piˇ meh.”

Bawˇtsahˬ 16:40

Heu-aˬ, Aˬloˬ-euˬ zaˬ deuˬ uˆ deuˬ maˬ ngeuˇ naˇ, Sahˬpaˬ Miˬyehˇ-ahˇ yaw saw jeˬ lawˇ-eu gʼaˇ duˬ, tsawˇ haˬ tiˬ gʼaˬ-iˬ lawˇ duˬ dawˬ peh maˬ ya laˇ-eu gaˇ kawˆ Iˇsaˬleˬlaˆ tsawˇ haˬ deuˬ yahˇ ni bi siˬ bi mawˇ-eu jeˬ pyeuꞈ-eu meh. Maˬ ngeuˇ naˇ, Kawˇlaˆ hawˇ-eu aˬ yawꞈ-euˬ tsawˇ haˬ deuˬ loꞈ-ehˇ ya cawˆ-iˇ gaˇ keuˆ tehꞈ-a. Kʼoeˇ naˇ, Sahˬpaˬ Miˬyehˇ neh Moˇseˬ-ahˇ gʼoe-awˇ Eˇlaˬzaˬ-ahˇ dawˬ kʼaˇ biꞈ nehˬ-euˬ loꞈ-ehˇ yawˬ jeˬ na luꞈ mˇ jiˇ-euˬ meh.

Bawˇtsahˬ 18:4

Aˬ yawꞈ maꞈ nawˬ nehˬ-ehˇ gaˇ mˇ-eu laꞈ kʼoeˇ, Sehˬ gʼawˆ laꞈ kʼoeˇ jaˆ-eu gaˇ deuˬ-ahˇ ya mˇ meh. Ehˇ kʼawꞈ, maˬ geuˇ-eu tsawˇ haˬ deuˬ-ahˇ nawˬ nehˬ-ehˇ gaˇ maˬ ya bi mˇ-a.

Bawˇtsahˬ 18:7

Ehˇ kʼawꞈ, lawˇ duˬ hawˇ-eu muiˬ-eu shawˇ-eu jawˇ duˬ-ahˇ taꞈ leˇ-eu gaˇ deuˬ-ahˇ, nawˇ hawˇ-eu nawˬ li deuˬ tehꞈ-ehˇ ya mˇ meh. Gaˇ heu deuˬ-aˬ, naw maꞈ-euˬ gaˇ pyeuꞈ-eu meh. Aˬ jeˬ miˇ neh ehˇ naˇ, piˇ ma geuꞈ-eu laꞈ sawˬ naw maꞈ-ahˇ ngaˇ biꞈ taˬ-euˬ ma. Maˬ geuˇ-eu tsawˇ haˬ aˬ geu gʼaˬ maˬ kaˬ, muiˬ-eu shawˇ-eu keu ka deuˬ dawˬ peh laˇ naˇ, sehꞈ gaˇ ya daˬ tehꞈ-a.”

Bawˇtsahˬ 3:25

Aˬ yawꞈ-euˬ gaˇ-aˬ, Sehˬ gʼawˆ hawˇ-eu, Sehˬ gʼawˆ-ahˇ laꞈ kʼoeˇ tiˆ dehˬ kaˬ-eu saˬ paˇ, laꞈ nyiˇ tiˆ dehˬ kaˬ-eu saˬ paˇ, gʼoˆ kʼehˬ-ahˇ taw-eu saˬ paˇ,

Bawˇtsahˬ 3:31

Aˬ yawꞈ maꞈ-euˬ gaˇ-aˬ, Dawˬ ma saˇ jaˇ Bahˬ keuˆ, hawˬ jeh, tsiˇ kʼmˬ doꞈ taˬ duˬ, lawˇ duˬ deuˬ, muiˬ-euˬ shawˇ-eu jawˇ duˬ laꞈ kʼoeˇ piˇ ma deuˬ zmˬ-eu keu ka deuˬ, muiˬ dui shawˇ dui dui-eu jawˇ duˬ-ahˇ uˇ leˇ-eu gʼoˆ kʼehˬ-ahˇ taw taˬ-euˬ saˬ paˇ, heu deuˬ-ahˇ ya haw ya pyaˆ-eu gaˇ meh. Heu deuˬ-ahˇ taꞈ leˇ-eu gaˇ dawˬ tawˆ luꞈ-ahˇ aˬ yawꞈ maꞈ ya mˇ meh.

Bawˇtsahˬ 3:36

Aˬ yawꞈ maꞈ-euˬ gaˇ-aˬ, Sehˬ gʼawˆ teˇ byaꞈ, laꞈ law, kʼawˇ zeuˇ, zeuˇ dahˇ hawˇ-eu kʼoeˇ gaˇ taꞈ-eu keu ka deuˬ-ahˇ ya haw ya pyaˆ-eu gaˇ meh. Heu deuˬ-ahˇ taꞈ leˇ-eu gaˇ dawˬ tawˆ luꞈ-ahˇ aˬ yawꞈ maꞈ ya mˇ meh.

Bawˇtsahˬ 31:30

Iˇsaˬleˬlaˆ tsawˇ haˬ deuˬ-ahˇ oꞈ-eu shaˬ bymˇ laꞈ kʼoeˇ, tsawˇ haˬ ngaˬ tseˇ gʼaˬ-euˬ tiˬ gʼaˬ maˬ ehˇ, mawˇ neˇ, mahˬ tahˬ laˆ, yawˇ hawˇ-eu ciꞈ myehꞈ deuˬ kʼawꞈ, ngaˬ tseˇ mawˇ-euˬ tiˬ mawˇ maˬ ehˇ, taꞈ uiˬ-awˇ, Sahˬpaˬ Miˬyehˇ-euˬ Sehˬ gʼawˆ laꞈ kʼoeˇ gaˇ mˇ-eu Leˬbiˇ tsawˇ haˬ deuˬ-ahˇ biꞈ-awˬ.”

Bawˇtsahˬ 4:15

Mehˬ hu paw doˆ-iˇ-eu aˇ yamˬ keuˆ laˇ ngeh, Aˬloˬ hawˇ-eu aˬ yawꞈ-euˬ aˬ li deuˬ muiˬ-eu shawˇ-eu mˇ myawˬ keu ka dawˬ tawˆ luꞈ-ahˇ dehˬ kaˬ gʼaˬ miˇ tsa, Kawˇhaˆ tsawˇ jeuˬ deuˬ kʼoeˇ deuˬ-ahˇ baꞈ-eu gʼaˇ duˬ ya laˇ meh. Kawˇhaˆ tsawˇ haˬ deuˬ muiˬ-eu shawˇ-eu keu ka kʼoeˇ deuˬ-ahˇ maˬ ya toeˬ ciˆ-a. Toeˬ ciˆ naˇ ya shiˇ meh. Heu-aˬ, mehˬ hu paw doˆ-iˇ-eu aˇ yamˬ kʼaˇ keuˆ le ngeh, Kawˇhaˆ tsawˇ haˬ deuˬ ya mˇ-eu gaˇ meh.