Ngaˇ jawˇ-eu sehˬ gʼawˆ-ahˇ uˇ laˇ ngeh maˬ ehˇ, piˇ ma geuꞈ-awˇ, muiˬ-eu shawˇ-eu jawˇ duˬ laꞈ kʼoeˇ lawˇ duˬ dawˬ peh le ngeh maˬ ehˇ, aˬ yawꞈ maꞈ laꞈ kʼoeˇ, shaꞈ dawˇ paˬ-ehˇ gʼeh-eu jeˬ pyeuꞈ doˆ laˇ-eu baˬ da neh maˬ ya shiˇ ni, Aˬloˬ hawˇ-eu aˬ yawꞈ-eu aˬ li deuˬ, aˬ myah luꞈ laꞈ di laꞈ deu kʼoeˇ ya dm meh. Heu-aˬ, Aˬloˬ hawˇ-eu aˬ yawꞈ-euˬ aˬ li deuˬ gʼaˇ duˬ, aˬ myah luꞈ maˬ paˇ laˇ ni ya bi jaˆ-eu zahˇ sahˇ kʼoꞈ tiˬ jeˬ meh.
Bawˇtsahˬ 18:22 - Akha22 Iˇsaˬleˬlaˆ tsawˇ haˬ deuˬ Sehˬ gʼawˆ dawˬ peh maˬ paˇ ya laˇ meh. Kʼoeˇ miˇ neh, aˬ yawꞈ maꞈ kʼoeˇ taˆ shiˇ-eu jeˬ maˬ paˇ keuˆ le nya meh. အခန်းကိုကြည့်ပါ။ |
Bawˇtsahˬ 18:22
7 ပူးပေါင်းရင်းမြစ်များ
Tsawˇ haˬ tiˬ gʼaˬ na, yawˬ ha-euˬ aˬ uiˬ, aˬ zawˇ, aˬ gʼoe, heu deuˬ-euˬ miˬ zaˬ-ahˇ bahˬ naˇ, aˬ yawꞈ maꞈ-ahˇ yehˬ bawˬ sehˇ lu-ehˇ gʼeh-euˬ miˇ neh, aˬ yawꞈ hawˇ-eu aˬ yawꞈ nehˬ-ehˇ bahˬ-euˬ zaˬ miˬ zaˬ kʼoeˇ gʼaˬ-aˬ, kʼehˬ nehˬ gaˇ ya daˬ tehꞈ-a. Aˬ yawꞈ nyaꞈ nyiˬ gʼaˬ luꞈ, zaˬ maˬ jawˇ le ni ziˇ ya jiˇ tehꞈ-a.
“Piˇ ma dawˬ tawˆ luꞈ, ngaˬ neh biꞈ taˬ-eu zahˇ sahˇ kʼoꞈ deuˬ-ahˇ ya caw teh meh. Kʼoeˇ loꞈ-ehˇ maˬ jahˇ naˇ, iˬ baˇ naꞈ-awˇ ya shiˇ tehꞈ-a. Aˬ jeˬ miˇ neh ehˇ naˇ, muiˬ-eu shawˇ-eu zahˇ sahˇ kʼoꞈ-ahˇ aˬ yawꞈ maꞈ maˬ caw teh-a. Ngaˇ-aˬ, aˬ yawꞈ maꞈ-ahˇ bi muiˬ bi shawˇ laˇ-eu Sahˬpaˬ Miˬyehˇ pyeuꞈ-eu ma.
Ehˇ kʼawꞈ, lawˇ duˬ hawˇ-eu muiˬ-eu shawˇ-eu jawˇ duˬ-ahˇ taꞈ leˇ-eu gaˇ deuˬ-ahˇ, nawˇ hawˇ-eu nawˬ li deuˬ tehꞈ-ehˇ ya mˇ meh. Gaˇ heu deuˬ-aˬ, naw maꞈ-euˬ gaˇ pyeuꞈ-eu meh. Aˬ jeˬ miˇ neh ehˇ naˇ, piˇ ma geuꞈ-eu laꞈ sawˬ naw maꞈ-ahˇ ngaˇ biꞈ taˬ-euˬ ma. Maˬ geuˇ-eu tsawˇ haˬ aˬ geu gʼaˬ maˬ kaˬ, muiˬ-eu shawˇ-eu keu ka deuˬ dawˬ peh laˇ naˇ, sehꞈ gaˇ ya daˬ tehꞈ-a.”
Moˇseˬ, Aˬloˬ hawˇ-eu Aˬloˬ-euˬ aˬ li deuˬ-aˬ, Sehˬ gʼawˆ mehˬ shi nahˇ ma doˆ kʼehˬ paw pyawˬ-ahˇ jawˇ duˬ ya yuˇ meh. Iˇsaˬleˬlaˆ tsawˇ haˬ deuˬ gʼaˇ duˬ, muiˬ-eu shawˇ-eu jawˇ duˬ laꞈ kʼoeˇ mˇ-eu gaˇ deuˬ-aˬ, aˬ yawꞈ maꞈ-euˬ gaˇ pyeuꞈ-eu meh. Kʼoeˇ loꞈ-ehˇ mˇ-eu lehˇ leh jeh-eu tsawˇ haˬ nui deuˬ aˬ geu gʼaˬ maˬ kaˬ, sehꞈ gaˇ ya daˬ tehꞈ-a.
ကြော်ငြာတွေ