Bawˇtsahˬ 18:20 - Akha

²⁰ Kʼoeˇ naˇ, Aˬloˬ-ahˇ Sahˬpaˬ Miˬyehˇ ehˇ nehˬ-eu, “Naw maꞈ gʼaˇ duˬ, myawˬ gahˬ jeˬ biˇ maˬ jaˆ-a. Iˇsaˬleˬlaˆ miˇ kʼahˬ laꞈ kʼoeˇ, naw maꞈ gʼaˇ duˬ miˇ tsaˬ kʼawꞈ maˬ jaˆ-a. Sahˬpaˬ Miˬyehˇ pyeuꞈ-eu ngaˇ-aˬ, Iˇsaˬleˬlaˆ tsawˇ haˬ deuˬ-euˬ laꞈ kʼoeˇ jaˆ-eu naw maꞈ-euˬ jeˬ biˇ pyeuꞈ-eu ma.”

Bawˇtsahˬ 18:20 ပူးပေါင်းရင်းမြစ်များ

Aˇ dahˬ 15:1

Kʼoeˇ naˇ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Aˬbyaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Aˬbyaˬ-oˇ, guˆ-eu nui ma taˬ bi ahˇ. Guˆ-eu gaˆ-eu jeˬ laꞈ kʼoeˇ nawˬ-ahˇ ngaˇ haw piˇ-awˇ, huiˬ dui dui-eu guiˬ lahˬ biꞈ ma.”

Jaceuq 142:5

Sahˬpaˬ Miˬyehˇ-oˇ, caw ba nehˬ laꞈ lehˇ nawˬ-ahˇ ngaˇ guˇ-eu ma. Nawˇ-aˬ, ngaˬ-euˬ gʼoe duˬ ma. Ngaˬ-euˬ tiˬ ziˇ loˬ dui dui-eu jeˬ-aˬ, nawˇ ma.

Jaceuq 16:5

SahˬpaˬMiˬyehˇnawˇngaˬ-euˬma. Ngaˇkʼaˇloˬ-eu nawˇbiꞈlaꞈ-awˇ, ngaˬ-euˬaˇnah aˇyamˬdawˬtawˆ, nawˬ-euˬ aˬlaꞈlaꞈkʼoeˇjaˆmeh.

Jaceuq 73:26

Ngaˬ-euˬ nui ma gʼawˇ mawˇ gʼaˬ baˬ-iˇ kʼawꞈ, Miˬyehˇ ngaˬ-euˬ gʼaˬ pyeuꞈ-eu ma. Aˬ yawꞈ-ahˇ za naˇ dawˬ tawˆ luꞈ byah jiˇ-eu ma.

Ngoeˇ dawˬ 3:24

Ngaˬ neh za taˬ-euˬ pyuˇ pahˬ-aˬ, Sahˬpaˬ Miˬyehˇ pyeuꞈ-eu miˇ neh, aˬ yawꞈ-ahˇ ngaˇ noeˬ tmˬ luꞈ ma.

Yeˬsaˬgeˬlaˇ 44:28

“Piˇ ma deuˬ-ahˇ oꞈ-eu jeˬ biˇ-aˬ, ngaˇ ma. Iˇsaˬleˬlaˆ miˇ kʼahˬ laꞈ kʼoeˇ aˬ yawꞈ maꞈ-ahˇ tiˬ jeˬ-iˬ maˬ ya biˇ nehˬ-a. Aˬ yawꞈ maꞈ-euˬ myawˬ gahˬ-aˬ ngaˇ ma.

Bawˇtsahˬ 18:7

Ehˇ kʼawꞈ, lawˇ duˬ hawˇ-eu muiˬ-eu shawˇ-eu jawˇ duˬ-ahˇ taꞈ leˇ-eu gaˇ deuˬ-ahˇ, nawˇ hawˇ-eu nawˬ li deuˬ tehꞈ-ehˇ ya mˇ meh. Gaˇ heu deuˬ-aˬ, naw maꞈ-euˬ gaˇ pyeuꞈ-eu meh. Aˬ jeˬ miˇ neh ehˇ naˇ, piˇ ma geuꞈ-eu laꞈ sawˬ naw maꞈ-ahˇ ngaˇ biꞈ taˬ-euˬ ma. Maˬ geuˇ-eu tsawˇ haˬ aˬ geu gʼaˬ maˬ kaˬ, muiˬ-eu shawˇ-eu keu ka deuˬ dawˬ peh laˇ naˇ, sehꞈ gaˇ ya daˬ tehꞈ-a.”

Bawˇtsahˬ 26:62

Ba la tiˬ siˬ byah laˇ-euˬ zaˬ nahˬ-ahˇ neh laꞈ taˆ paw-euˬ Leˬbiˇ tsawˇ haˬ kʼaˬ dzeˇ zaˬ dawˬ tawˆ luꞈ, nyiˬ muiˇ smˬ heˇ gʼaˬ byah-eu meh. Iˇsaˬleˬlaˆ tsawˇ haˬ deuˬ-ahˇ maˬ taꞈ ni, aˬ yawꞈ maꞈ-ahˇ tsawˇ myahˇ yuˇ-euˬ meh. Aˬ jeˬ miˇ neh ehˇ naˇ, Iˇsaˬleˬlaˆ miˇ kʼahˬ laꞈ kʼoeˇ, aˬ yawꞈ maꞈ-ahˇ jeˬ biˇ maˬ oꞈ-a.

Dawˬmehˬ 10:9

Kʼoeˇ miˇ neh, Leˬbiˇ tsawˇ jeuˬ-aˬ, Iˇsaˬleˬlaˆ tsawˇ jeuˬ nui deuˬ loꞈ-ehˇ miˇ kʼahˬ maˬ za-a. Aˬ yawꞈ maꞈ za-euˬ jeˬ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, Sahˬpaˬ Miˬyehˇ gʼaˇ duˬ piˇ ma geuꞈ-eu kʼoeˇ meh.)

Dawˬmehˬ 12:12

Naw maꞈ-euˬ zaˬ deuˬ, naw maꞈ-euˬ zaˬ kʼaˆ deuˬ hawˇ-eu, naw maꞈ-euˬ meuˬ deuˬ-ahˇ jawˇ-eu Leˬbiˇ tsawˇ haˬ deuˬ nehˬ-ehˇ tiˬ kawˆ loꞈ-ehˇ, kʼoeˇ gaˇ Sahˬpaˬ Miˬyehˇ-euˬ mehˬ shi laˬ kʼaˬ cehˇ-awˬ. Leˬbiˇ tsawˇ haˬ deuˬ miˇ kʼahˬ maˬ baw-eu gaˇ noeˬ keuˆ-awˬ.

Dawˬmehˬ 14:27

“Naw maꞈ-euˬ meuˬ deuˬ-ahˇ jawˇ-eu Leˬbiˇ tsawˇ haˬ deuˬ-ahˇ taˬ ngehˇ. Aˬ yawꞈ maꞈ-aˬ, yawˬ ha-ahˇ oꞈ-eu jeˬ biˇ maˬ jaˆ-a.

Dawˬmehˬ 14:29

Dzaˬ dzaˬ dawˇ dawˇ kʼoeˇ deuˬ-aˬ, naw maꞈ-euˬ meuˬ deuˬ-ahˇ jawˇ luꞈ-eu jeˬ biˇ maˬ baw-eu Leˬbiˇ tsawˇ haˬ deuˬ, boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu miˬ coeˬ miˬ ma deuˬ gʼaˇ duˬ meh. Aˬ yawꞈ maꞈ kʼaˇ loˬ-eu loꞈ-ehˇ, kʼoeˇ gaˇ yuˇ laꞈ tehꞈ-a. Naw maꞈ kʼaˇ mˇ kʼaˇ shaˇ-eu jeˬ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ guiˬ lahˬ biꞈ laꞈ ni, naw maꞈ kʼoeˇ loꞈ-ehˇ mˇ-awˬ.

Yawˇshuˆ 13:14

Leˬbiˇ tsawˇ jeuˬ-ahˇ Moˇseˬ miˇ kʼahˬ maˬ biˇ nehˬ-a. Moˇseˬ-ahˇ Sahˬpaˬ Miˬyehˇ ehˇ nehˬ taˬ-euˬ loꞈ-ehˇ, lawˇ duˬ kʼoeˇ taˆ dzah puiˆ-awˇ Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ lawˇ nehˬ-eu jeˬ laꞈ kʼoeˇ, aˬ yawꞈ maꞈ-ahˇ oꞈ-eu shaˬ bymˇ jaˆ-eu meh.

Yawˇshuˆ 13:33

Ehˇ kʼawꞈ, Leˬbiˇ tsawˇ jeuˬ-ahˇ Moˇseˬ miˇ kʼahˬ maˬ biˇ nehˬ-a. Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ lawˇ nehˬ-eu jeˬ laꞈ kʼoeˇ, aˬ yawꞈ maꞈ-ahˇ oꞈ-eu shaˬ bymˇ jaˆ meh lehˇ, aˬ yawꞈ maꞈ-ahˇ Moˇseˬ ehˇ nehˬ-euˬ meh.

Yawˇshuˆ 14:3

Iˇsaˬleˬlaˆ tsawˇ jeuˬ nyiˬ jeuˬ uˬ taꞈ tiˬ paˆ-ahˇ, Yawˇdaˬ lawˇ baˬ nahˇ ma doˆ kʼehˬ paw jaˆ-eu miˇ kʼahˬ Moˇseˬ biꞈ nehˬ gʼaˬ-euˬ meh. Ehˇ kʼawꞈ, tsawˇ jeuˬ kʼoeˇ deuˬ-ahˇ miˇ kʼahˬ biˇ nehˬ-euˬ loꞈ-ehˇ, Leˬbiˇ tsawˇ jeuˬ-ahˇ aˬ yawꞈ miˇ kʼahˬ maˬ biˇ nehˬ-a.

Yawˇshuˆ 18:7

Ehˇ kʼawꞈ, Leˬbiˇ tsawˇ jeuˬ-aˬ, naw maꞈ loꞈ-ehˇ miˇ kʼahˬ jeˬ biˇ maˬ oꞈ-a. Aˬ jeˬ miˇ neh ehˇ naˇ, aˬ yawꞈ maꞈ-euˬ jeˬ biˇ-aˬ, Sahˬpaˬ Miˬyehˇ-euˬ piˇ ma geuꞈ-eu kʼoeˇ meh. Gaˆ tsawˇ jeuˬ, Luˇbeˬ tsawˇ jeuˬ hawˇ-eu nahˇ ma doˆ kʼehˬ paw jawˇ-eu Maˬnaˇseˬ tsawˇ jeuˬ deuˬ-aˬ, Sahˬpaˬ Miˬyehˇ-euˬ zaˬ kʼaˆ Moˇseˬ neh aˬ yawꞈ maꞈ-ahˇ biꞈ taˬ-euˬ Yawˇdaˬ lawˇ baˬ nahˇ ma doˆ kʼehˬ paw jaˆ-eu miˇ kʼahˬ za gʼaˬ-euˬ meh.”

Panmaeq 21:3

Kʼaˆ dui dui-eu teˇ saˇ tiˬ saˇ dzoeˬ dzaˬ nuiˇ mahˬ-ahˇ neh heu loꞈ-ehˇ ehˇ doˆ leꞈ gaˇ ngaˇ ya gaˬ-euˬ ma. “Nymˬ-mˇ, Miˬyehˇ-euˬ nymˇ tsawˇ haˬ zaˬ jawˇ gaˇ jaˆ le-euˬ meh. Aˬ yawꞈ maꞈ nehˬ-ehˇ aˬ yawꞈ jawˇ-awˇ, aˬ yawꞈ maꞈ aˬ yawꞈ-euˬ tsawˇ haˬ pyeuꞈ laˇ tehꞈ-a. Aˬ yawꞈ-euˬ mawˇ do aˬ yawꞈ maꞈ nehˬ-ehˇ jawˇ tehꞈ-a.