Bawˇtsahˬ 18:1 - Akha1 Aˬloˬ-ahˇ Sahˬpaˬ Miˬyehˇ ehˇ nehˬ-eu, “Ngaˇ jawˇ-eu Sehˬ gʼawˆ-ahˇ gaˇ mˇ-eu laꞈ kʼoeˇ iˬ baˇ doˆ laˇ naˇ, iˬ baˇ kʼoeˇ baˬ da neh kʼaˇ keuˆ le-eu jeˬ-ahˇ, nawˇ hawˇ-eu nawˬ-euˬ aˬ li deuˬ hawˇ-eu Leˬbiˇ tsawˇ haˬ deuˬ tehꞈ-ehˇ ya daˬ meh. Ehˇ kʼawꞈ, piˇ ma deuˬ mˇ-eu gaˇ laꞈ kʼoeˇ iˬ baˇ doˆ laˇ naˇ, nawˇ hawˇ-eu nawˬ li deuˬ tehꞈ-ehˇ ya daˬ meh. အခန်းကိုကြည့်ပါ။ |
Bawˇtsahˬ 18:1
22 ပူးပေါင်းရင်းမြစ်များ
Shaˬ-eu zahˬ-euˬ jeˬ-ahˇ aˬ yawꞈ dehꞈ dzeuˇ gʼaˬ ngeh, nui saˇ oꞈ-eu laꞈ kʼoeˇ paˇ ya dehꞈ-awˇ, shaˬ-eu zahˬ-eu jeˬ-ahˇ ya daˬ-euˬ kʼoeˇ, yawˬ ngehꞈ maˬ ngeuˇ-a lehˇ ya siˬ tehꞈ-a. Ngaˇ nui kʼahˇ shiˇ-eu ngaˬ-euˬ zaˬ kʼaˆ-aˬ, tsawˇ haˬ gʼawˬ mya gʼaˇ duˬ kʼehˬ-eu kʼaˆ-eu jeˬ-ahˇ daˬ-awˇ, aˬ yawꞈ baˬ da neh tsawˇ haˬ kʼoeˇ deuˬ-ahˇ ngaˇ iˬ baˇ pyehˬ ma.
“Piˇ ma dawˬ tawˆ luꞈ, ngaˬ neh biꞈ taˬ-eu zahˇ sahˇ kʼoꞈ deuˬ-ahˇ ya caw teh meh. Kʼoeˇ loꞈ-ehˇ maˬ jahˇ naˇ, iˬ baˇ naꞈ-awˇ ya shiˇ tehꞈ-a. Aˬ jeˬ miˇ neh ehˇ naˇ, muiˬ-eu shawˇ-eu zahˇ sahˇ kʼoꞈ-ahˇ aˬ yawꞈ maꞈ maˬ caw teh-a. Ngaˇ-aˬ, aˬ yawꞈ maꞈ-ahˇ bi muiˬ bi shawˇ laˇ-eu Sahˬpaˬ Miˬyehˇ pyeuꞈ-eu ma.
Naw maꞈ-euˬ iˬ baˇ baˬ da neh pyeuꞈ laˇ-euˬ jeˬ-ahˇ oeˬ tseˇ kʼoꞈ keuˆ ni naw maꞈ ya daˬ tehꞈ-a. Miˇ kʼahˬ kʼoeˇ kʼahˬ-ahˇ pyehˆ tseˇ haw leˇ-euˬ aˇ nah tiˬ nah dah zaˇ tiˬ kʼoꞈ naw maꞈ ya daˬ poˆ tehꞈ-a. Kʼoeˇ ngeh, naw maꞈ-ahˇ ngaˇ nui ma maˬ saˇ ngeh aˬ joˆ-ehˇ gʼeh-eu nya lehˇ naw maꞈ ya siˬ duˬ tehꞈ-a.
“Kʼoeˇ uˬ taꞈ, Iˇsaˬleˬlaˆ tsawˇ haˬ deuˬ neh ngaˇ jawˇ gaˇ kʼaˇ yuˇ laꞈ-euˬ yaw zawˇ muiˬ-eu damˬ-eu jeˬ dawˬ tawˆ luꞈ, naw maꞈ-ahˇ oꞈ-eu shaˬ bymˇ pyeuꞈ-eu meh. Mehˬ hu paw dehꞈ daˆ leꞈ-eu aˇ yamˬ dawˬ tawˆ luꞈ laꞈ kʼoeˇ, nawˬ-ahˇ maˬ ehˇ, nawˬ li deuˬ-ahˇ maˬ ehˇ, nawˬ buˇ deuˬ-ahˇ maˬ ehˇ, kʼoeˇ deuˬ ngaˇ biꞈ ma. Zahˇ sahˇ kʼoꞈ-ahˇ tsaˬ ni shawˇ-eu tsawˇ haˬ pyeuꞈ-eu naw maꞈ-euˬ nymˇ kʼahˬ zaˬ deuˬ dawˬ tawˆ luꞈ, dzaˇ kʼoeˇ dzaˬ nya meh.
Kʼoeˇ ngeh, Dawˬ ma saˇ jaˇ Bahˬ keuˆ-ahˇ haw-eu pyaˆ-eu gʼaˇ duˬ maˬ ehˇ, piˇ ma geuꞈ-eu gʼaˇ duˬ maˬ ehˇ, Sahˬpaˬ Miˬyehˇ-euˬ tsawˇ myahˇ laꞈ kʼoeˇ aˬ cawˬ-ahˇ dawˬ ngehˬ gʼeh nehˬ-eu gʼaˇ duˬ maˬ ehˇ, Leˬbiˇ tsawˇ jeuˬ-ahˇ Sahˬpaˬ Miˬyehˇ tseˇ doˆ-euˬ meh. Iˬ nah keuˆ ni gaˇ heu deuˬ aˬ yawꞈ maꞈ tawˬ luꞈ-eu meh.
Naw maꞈ kʼoeˇ taˆ aˬ yuiꞈ aˬ tsu geuꞈ-eu deuˬ-euˬ ehˇ dawˬ yaw muiˬ paˬ-ehˇ naˇ haˬ geuꞈ-awˬ. Aˬ yawꞈ maꞈ neh mˇ-euˬ gaˇ deuˬ Miˬyehˇ mehˬ shi ya dzawˇ mehˬ leˇ-eu baˬ da neh, jawˇ naˬ maˬ mˇ ni naw maꞈ-euˬ saꞈ laˇ-ahˇ haw piˇ luꞈ-eu meh. Aˬ yawꞈ maꞈ-euˬ ehˇ dawˬ-ahˇ naw maꞈ naˇ haˬ geuꞈ naˇ, aˬ yawꞈ maꞈ-euˬ gaˇ-ahˇ aˬ yawꞈ maꞈ laˬ kʼaˬ cehˇ-eu laꞈ kʼoeˇ ya mˇ tehꞈ-a. Naw maꞈ maˬ naˇ haˬ geuꞈ naˇ, aˬ yawꞈ maꞈ noeˬ shaˬ-eu laꞈ kʼoeˇ ya mˇ-awˇ, naw maꞈ gʼaˇ duˬ gaˇ dahˇ maˬ tsoeˬ-a.
Iˬ baˇ laꞈ kʼoeˇ aˬ dui maˬ paˇ dehꞈ ni shiˇ tsehˆ yaꞈ-awˇ, yaw tsaˬ yaw dawˇ jeˬ gʼaˇ duˬ yaw dehˬ dehꞈ nya ni aˬ dui-euˬ iˬ baˇ-ahˇ Ka li aˬ yawꞈ-euˬ gʼawˇ mawˇ laꞈ kʼoeˇ pi-awˇ, laꞈ yaꞈ kʼoeˇ taˆ kamˇ shiˇ-euˬ meh. Aˬ yawꞈ ya daˬ-euˬ maˇ kʼehˬ maˇ naˇ baˬ da neh naw maꞈ-euˬ naˇ gawˇ taˬ leˇ-euˬ meh.
ကြော်ငြာတွေ