Bawˇtsahˬ 17:8 - Akha

⁸ Yawˬ nah yawˬ Sehˬ gʼawˆ laꞈ kʼoeˇ Moˇseˬ uˇ leˇ haw ngeh, Leˬbiˇ tsawˇ jeuˬ-euˬ aˬ da yaw dzahˇ pyeuꞈ-eu Aˬloˬ-euˬ gawˬ yoeˬ-ahˇ aˇ yehˆ yehˆ laˇ-euˬ gaˇ Moˇseˬ ya mawˇ-euˬ meh. Gawˬ yoeˬ kʼoeˇ aˇ cuˬ cuˬ aˇ yehˆ yehˆ le-awˇ, Aˬlaˬmoˬ aˇ siˬ siˬ le-awˇ awꞈ laˇ taˬ-euˬ meh.

Bawˇtsahˬ 17:8 ပူးပေါင်းရင်းမြစ်များ

Aˇ dahˬ 40:10

Baw duˆ kʼoeˇ duˆ-ahˇ uˬ pyaˬ smˇ pyaˬ tsoꞈ-eu meh. Tiˬ kʼehˇ laˇ kʼehˬ laꞈ kʼoeˇ, baw duˆ kʼoeˇ duˆ-ahˇ, aˇ paꞈ tsoꞈ le, aˇ yehˆ yehˆ le, aˇ siˬ siˬ le-awˇ, awꞈ laˇ-euˬ meh.

Jaceuq 110:2

Nawˇ dzoeˬ dzaˬ-eu baoˬ-ahˇ Ziˇoˬ meuˬ-ahˇ neh, Sahˬpaˬ Miˬyehˇ pyehˬ doˆ gʼeh-awˇ, “Nawˬ-ahˇ muiˇ-eu deuˬ kʼoeˇ taˆ uˆ lahˇ-awˬ” lehˇ aˬ yawꞈ nawˬ-ahˇ ehˇ tehꞈ-a.

Dawˬ caˇ 2:3

Ngaˇ gaˬ-eu gʼaˬ hawˇ-eu kʼaˬ dzeˇ zaˬ nui deuˬ shaˇ cehˆ haw ngeh, bawˇ tsahˬ sahˬ kʼaˆ-ahˇ dehꞈ-eu siˬ poeˬ tsaꞈ aˇ bawˇ-ahˇ duˇ-eu meh. Aˇ bawˇ kʼoeˇ bawˇ-euˬ naˇ shmˇ-ahˇ ngaˇ nuiˇ mawꞈ-awˇ, aˇ bawˇ kʼoeˇ-euˬ aˇ siˬ kuiˇ dui dui nya.

Iˇsaˬyaˇ 4:2

Miˇ kʼahˬ heu kʼahˬ laꞈ kʼoeˇ, Sahˬpaˬ Miˬyehˇ sahˬ lahˬ aˇ bawˇ deuˬ paˇ bi jeˬ laˇ-awˇ, haw muiˬ dui dui-eu aˇ nah keuˆ le tehꞈ-a. Kʼaˇ dzeuˇ-iˇ-euˬ Iˇsaˬleˬlaˆ tsawˇ haˬ dawˬ tawˆ luꞈ, dzaˬ la gʼo cehˇ za dui dui le gaˇ kʼahˬ sehˇ ya jehˆ tehꞈ-a.

Yeˬsaˬgeˬlaˇ 17:24

Ngaˇ Sahˬpaˬ Miˬyehˇ ngeuˇ meh lehˇ, miˇ kʼahˇ laꞈ kʼoeˇ dehꞈ-eu aˇ bawˇ, dawˬ tawˆ luꞈ siˬ duˬ jiˇ tehꞈ-a. Bawˇ goˇ deuˬ-ahˇ ngaˇ tuˇ cuˬ-awˇ, bawˇ awˆ deuˬ-ahˇ bi goˇ laˇ ma. Bawˇ nyoeˇ deuˬ-ahˇ bi nyoeˬ-iˇ-awˇ, baw guˇ deuˬ-ahˇ bi nyoeˇ laˇ ma. Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Ngaˬ neh kʼaˇ ehˇ taˬ-euˬ jeˬ ngaˇ mˇ ma.

Yeˬsaˬgeˬlaˇ 19:12

Ehˇ kʼawꞈ nui ma pehˇ-eu jeˬ neh gʼawˇ lehˆ-awˇ biˬ dzeh nehˬ-euˬ meh. Nahˇ ma doˆ kʼehˬ paw neh oe-euˬ lahˇ dui dui-eu jaˬ lehˇ baˬ da, aˇ siˬ nyoeˬ jiˇ koˆ jiˇ-euˬ meh. Uˬ pyaˬ uˬ laꞈ koˆ-iˇ jiˇ-awˇ, miˬ dzaˬ bi keuˬ puiˆ dzeh-euˬ meh.

Yeˬsaˬgeˬlaˇ 19:14

Uˬ neh-ahˇ miˬ dzaˬ myawꞈ keuˆ-awˇ, uˬ pyaˬ hawˇ-eu aˇ siˬ deuˬ-ahˇ, miˬ dzaˬ neh bi puiˆ dzaˬ-euˬ meh. Uˬ pyaˬ uˬ laꞈ maˬ paˇ deuˇ-ehˇ, dzoeˬ dzaˬ gawˬ yoeˬ maˬ paˇ pyeuꞈ meh. Heu-aˬ, tsawˇ ngoeˇ ngoeˇ-eu caˇ dawˬ meh. Caˇ dawˬ heu bymˇ aˬ myah luꞈ caˇ luꞈ-eu meh.

Bawˇtsahˬ 16:5

Kʼoeˇ naˇ, Kawˇlaˆ hawˇ-eu Kawˇlaˆ-euˬ mehˬ nah caw teh-eu tsawˇ haˬ deuˬ-ahˇ aˬ yawꞈ ehˇ nehˬ-eu, “Aˬ geu gʼaˬ Sahˬpaˬ Miˬyehˇ-euˬ tsawˇ haˬ pyeuꞈ-eu gaˇ kawˆ, Sahˬpaˬ Miˬyehˇ aˬ dui-ahˇ ni shawˬ uˬ shawˬ bi siˬ bi mawˇ laꞈ tehꞈ-a. Aˬ yawꞈ neh tseˇ doˆ-euˬ aˬ yawꞈ-euˬ tsawˇ haˬ pyeuꞈ-eu gʼaˬ-ahˇ, lawˇ duˬ-ahˇ aˬ yawꞈ jawˇ-eu dawˬ peh bi le laꞈ tehꞈ-a.

Bawˇtsahˬ 17:5

Ngaˬ neh tseˇ doˆ-euˬ gʼaˬ-euˬ gawˬ yoeˬ-ahˇ aˇ yehˆ yehˆ laˇ tehꞈ-a. Kʼoeˇ loꞈ-ehˇ jahˇ-eu laꞈ kʼoeˇ, Iˇsaˬleˬlaˆ tsawˇ haˬ deuˬ nawˬ-ahˇ maˬ tsehˆ leˇ ni iˬ baˇ taˬ-eu jeˬ-ahˇ ngaˇ laˆ byoˆ nehˬ ma.”

Bawˇtsahˬ 17:9

Gawˬ yoeˬ kʼoeˇ deuˬ dawˬ tawˆ luꞈ Moˇseˬ yuˇ-awˇ, Iˇsaˬleˬlaˆ tsawˇ haˬ deuˬ-ahˇ mehˬ nehˬ-euˬ meh. Kʼaˇ pyeuꞈ laˇ-euˬ jeˬ-ahˇ aˬ yawꞈ maꞈ ya mawˇ-awˇ, aˬ yuiꞈ geuꞈ-eu deuˬ aˬ yawꞈ gʼaˬ yawꞈ, yawˬ ha-euˬ gawˬ yoeˬ yawˬ ha yuˇ kʼoꞈ-euˬ meh.

HeˬByehˇ 9:4

Kʼoeˇ-euˬ laꞈ kʼoeˇ, shuiˇ neh jahˇ taˬ-euˬ tsiˇ yaw saw jeˬ doꞈ damˬ-eu lawˇ duˬ maˬ ehˇ, maˬ naˆ kaˬ muˇ ahˇ-eu shuiˇ ciˬ cuˇ ciˬ ahˇ taˬ-euˬ shuiˇ yaw taˬ-euˬ Dawˬ ma saˇ jaˇ Bahˬ keuˆ maˬ ehˇ, baw nmˬ tsoꞈ-eu Aˬloˬ-euˬ gawˬ yoeˬ maˬ ehˇ, zahˇ dawˬ kʼoꞈ dawˬ tseˇ dawˬ boꞈ taˬ-euˬ kʼaˬ lo teˇ byaꞈ nyiˬ byaꞈ maˬ ehˇ, bi jaˆ-euˬ meh.