Bawˇtsahˬ 17:3 - Akha

³ Leˬbiˇ tsawˇ jeuˬ-euˬ gawˬ yoeˬ kʼoeˇ taˆ Aˬloˬ-euˬ tsawˇ myahˇ boꞈ-awˬ. Tsawˇ jeuˬ aˬ yawꞈ jeuˬ yawꞈ laꞈ kʼoeˇ aˬ yuiꞈ geuꞈ-eu gʼaˬ, gawˬ yoeˬ tiˬ yoeˬ ya yuˇ laꞈ meh.

Bawˇtsahˬ 17:3 ပူးပေါင်းရင်းမြစ်များ

Doˆ-iˇ 6:16

Leˬbiˇ-aˬ, Gaˬshoˬ, Kawˇhaˆ hawˇ-eu Meˬlaˬliˇ lehˇ myahˇ-euˬ aˬ li smˇ gʼaˬ jawˇ-eu meh. Aˬ yawꞈ maꞈ-aˬ, aˬ yawꞈ maꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ deuˬ pyeuꞈ-eu meh. Leˬbiˇ-aˬ, tiˬ yaˇ smˬ tseˇ shiꞈ kʼoꞈ byah ni dehꞈ-euˬ meh.

Doˆ-iˇ 6:20

Aˬmaˬlamˬ-aˬ, aˬ yawꞈ-euˬ aˬ da-euˬ dmˇ ma pyeuꞈ-eu Yawˇkeˬbehˇ-ahˇ sheuˬ-awˇ, Aˬloˬ hawˇ-eu Moˇseˬ jawˇ le-euˬ meh. Aˬmaˬlamˬ-aˬ, tiˬ yaˇ smˬ tseˇ shiꞈ kʼoꞈ dehꞈ-euˬ meh.

Yeˬlaˬmiˇ 42:20

Naw maꞈ lehˬ dui dui-iˇ-eu jeˬ maˬ mˇ ni yahˇ-awˬ. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ lehˇ, naw maꞈ ngaˬ-ahˇ ehˇ-awˇ, aˬ yawꞈ neh kʼaˇ ehˇ-euˬ jeˬ geuꞈ ma lehˇ naw maꞈ saˇ jaˇ dzaˬ taˬ gʼaˬ-euˬ meh.

Yeˬsaˬgeˬlaˇ 37:16

“Tsawˇ haˬ zaˬ-oˇ, daˇ kawˬ tiˬ kawˬ yuˇ-awˇ, Yuˇdaˆ miˇ kʼahˬ lehˇ boꞈ-awˬ. Daˇ kawˬ yawˬ kawˬ yawˬ paˇ yuˇ-awˇ, Iˇsaˬleˬlaˆ miˇ kʼahˬ lehˇ paˇ boꞈ-awˬ.

Bawˇtsahˬ 17:2

“Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Iˇsaˬleˬlaˆ tsawˇ jeuˬ aˬ yawꞈ jeuˬ yawꞈ kʼoeˇ taˆ aˬ yuiꞈ aˬ tsu geuꞈ-eu deuˬ aˬ yawꞈ gʼaˬ yawꞈ tiˬ gʼaˬ-euˬ gawˬ yoeˬ tiˬ yoeˬ doˇ-ehˇ, gawˬ yoeˬ tseˇ nyiꞈ yoeˬ yuˇ laꞈ-awˬ. Gawˬ yoeˬ aˬ yawꞈ yoeˬ yawꞈ kʼoeˇ taˆ yawˬ ha-euˬ tsawˇ myahˇ bi boꞈ-awˬ.

Bawˇtsahˬ 17:4

Gawˬ yoeˬ kʼoeˇ deuˬ ngaˇ jawˇ-eu Sehˬ gʼawˆ-ahˇ yuˇ laꞈ-awˇ, naw maꞈ-ahˇ ngaˇ tahˬ puˬ le-eu jawˇ duˬ pyeuꞈ-eu Dawˬ ma saˇ jaˇ Bahˬ keuˆ-euˬ mehˬ shi kʼoeˇ tsahˇ-ahˇ bi jaˆ-awˬ.

Bawˇtsahˬ 18:1

Aˬloˬ-ahˇ Sahˬpaˬ Miˬyehˇ ehˇ nehˬ-eu, “Ngaˇ jawˇ-eu Sehˬ gʼawˆ-ahˇ gaˇ mˇ-eu laꞈ kʼoeˇ iˬ baˇ doˆ laˇ naˇ, iˬ baˇ kʼoeˇ baˬ da neh kʼaˇ keuˆ le-eu jeˬ-ahˇ, nawˇ hawˇ-eu nawˬ-euˬ aˬ li deuˬ hawˇ-eu Leˬbiˇ tsawˇ haˬ deuˬ tehꞈ-ehˇ ya daˬ meh. Ehˇ kʼawꞈ, piˇ ma deuˬ mˇ-eu gaˇ laꞈ kʼoeˇ iˬ baˇ doˆ laˇ naˇ, nawˇ hawˇ-eu nawˬ li deuˬ tehꞈ-ehˇ ya daˬ meh.

Bawˇtsahˬ 18:7

Ehˇ kʼawꞈ, lawˇ duˬ hawˇ-eu muiˬ-eu shawˇ-eu jawˇ duˬ-ahˇ taꞈ leˇ-eu gaˇ deuˬ-ahˇ, nawˇ hawˇ-eu nawˬ li deuˬ tehꞈ-ehˇ ya mˇ meh. Gaˇ heu deuˬ-aˬ, naw maꞈ-euˬ gaˇ pyeuꞈ-eu meh. Aˬ jeˬ miˇ neh ehˇ naˇ, piˇ ma geuꞈ-eu laꞈ sawˬ naw maꞈ-ahˇ ngaˇ biꞈ taˬ-euˬ ma. Maˬ geuˇ-eu tsawˇ haˬ aˬ geu gʼaˬ maˬ kaˬ, muiˬ-eu shawˇ-eu keu ka deuˬ dawˬ peh laˇ naˇ, sehꞈ gaˇ ya daˬ tehꞈ-a.”

Bawˇtsahˬ 26:10

Tsawˇ haˬ nyiˬ yaˇ ngaˬ tseˇ gʼaˬ miˬ dzaˬ neh bi laˆ luˬ bi laˆ seˇ ngeh nah, miˇ tsaˬ tsawˬ nga laˇ-awˇ bi myoꞈ ahˇ-euˬ laꞈ kʼoeˇ, Kawˇlaˆ hawˇ-eu aˬ yawꞈ-euˬ mehˬ nah caw teh-eu tsawˇ haˬ deuˬ nehˬ-ehˇ aˬ yawꞈ nyaꞈ kʼawꞈ ya shiˇ-euˬ meh. Aˬ yawꞈ maꞈ-aˬ, Iˇsaˬleˬlaˆ tsawˇ haˬ deuˬ bi yahˇ-eu gʼaˇ duˬ saˇ kiˇ pyeuꞈ-eu meh.