Bawˇtsahˬ 16:29 - Akha

²⁹ Tsawˇ haˬ heu deuˬ-ahˇ Miˬyehˇ neh kʼehˬ nehˬ-awˇ bi shiˇ-eu jeˬ maˬ ngeuˇ-ehˇ, aˬ cawˬ kʼaˇ shiˇ-eu loꞈ-ehˇ tehꞈ-ehˇ shiˇ naˇ, Sahˬpaˬ Miˬyehˇ ngaˬ-ahˇ kʼehˇ gʼeh leꞈ-eu maˬ ngeuˇ-aˇ.

Bawˇtsahˬ 16:29 ပူးပေါင်းရင်းမြစ်များ

1 Sahˬpaˬ 18:36

Nahˇ ma nahˇ dahˬ yawˬ-iˇ-awˇ, lawˇ-eu shehˇ-eu jeˬ mˇ-eu aˇ yamˬ tsaˬ laˇ ngeh, Miˬyehˇ gʼaˇ duˬ ngehˬ dah-eu Eˇliˇyaˆ gʼaˬ lawˇ duˬ dawˬ peh le-awˇ, heu loꞈ-ehˇ guiˬ lahˬ shaˇ-euˬ meh. “Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ-aˬ, Iˇsaˬleˬlaˆ-euˬ Miˬyehˇ pyeuꞈ-awˇ, ngaˇ nawˬ-ahˇ uˬ duˬ tahˬ-awˇ, nawˬ neh kʼaˇ bi mˇ-euˬ loꞈ-ehˇ nymˬ-mˇ ngaˇ mˇ luꞈ-eu gaˇ kawˆ bi siˬ bi mawˇ-awˬ.

1 Sahˬpaˬ 22:28

Miˇkaˬyaˇ ehˇ-eu, “Nawˇ tiˬ jeˬ-iˬ maˬ ca laˇ-ehˇ gʼoꞈ keuˆ le lawˬ naˇ, Sahˬpaˬ Miˬyehˇ ngaˬ-ahˇ gʼoe-awˇ dawˬ ngehˬ-euˬ maˬ ngeuˇ-aˇ. Ngaˬ neh ehˇ-euˬ dawˬ-ahˇ yawˬ gʼaˬ na luꞈ yaw muiˬ paˬ-ehˇ naˇ haˬ taˬ-awˬ.”

2 Laˬsaˬbaˬ 18:27

Miˇkaˬyaˇ ehˇ-eu, “Nawˇ tiˬ jeˬ-iˬ maˬ gʼeh ni gʼoꞈ keuˆ le lawˬ naˇ, Sahˬpaˬ Miˬyehˇ ngaˬ-ahˇ gʼoe-awˇ dawˬ bi ngehˬ dah nehˬ laꞈ-euˬ maˬ ngeuˇ-aˇ. Ngaˬ neh ehˇ-euˬ dawˬ-ahˇ yawˬ gʼaˬ na luꞈ naˇ haˬ taˬ-awˬ.”

Yawˇbaˆ 35:15

Miˬyehˇ-aˬ, iˬ baˇ gaˇ kawˆ yaw kʼaˆ-ehˇ maˬ shaˇ noeˬ-ehˇ, maˬ kʼehˬ maˬ kʼaˆ nehˬ laꞈ-aˇ lehˇ nawˇ noeˬ-eu meh.

Doˆ-iˇ 20:5

Tahˬ pahˬ aˬ ma mawˇ kawˇ mehˬ shi nawˇ maˬ ya awˆ byaˆ-a. Uˬ duˬ maˬ ya tahˬ-a. Aˬ jeˬ miˇ neh ehˇ naˇ, ngaˇ-aˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-awˇ, myaˆ naˆ-eu Miˬyehˇ tiˬ gʼaˬ pyeuꞈ-eu ma. Ngaˬ-ahˇ bye-eu tsawˇ haˬ deuˬ-ahˇ ngaˇ kʼehˬ nehˬ-awˇ, aˬ yawꞈ maꞈ-euˬ zaˬ ziˇ oeˬ ziˇ keuˆ ni ngaˇ kʼehˬ nehˬ ma.

Doˆ-iˇ 32:34

Nymˬ-mˇ nawˇ gʼoꞈ ka-iˇ-awˇ, ngaˬ neh nawˬ-ahˇ mehˬ nehˬ-euˬ jawˇ duˬ-ahˇ, tsawˇ haˬ heu deuˬ-ahˇ sheuˬ gʼeh-awˬ. Ngaˬ-euˬ mˬ taˆ gʼaˬ kʼehˇ naw maꞈ-ahˇ sheuˬ gʼeh tehꞈ-a. Ehˇ kʼawꞈ, tsawˇ haˬ heu deuˬ iˬ baˇ mˇ gʼaˬ-euˬ miˇ neh, aˬ yawꞈ maꞈ-ahˇ ngaˇ ya kʼehˬ nehˬ-eu aˇ nah keuˆ le tehꞈ-a.”

Dawˬ tsoˆ 3:19

Uˬ duˬ duˬ laˇ ngeh-aˬ, tsawˇ haˬ zaˬ hawˇ-eu jeˬ zaˬ tiˬ gaˇ shiˇ leˇ-eu meh. Nyiˬ jeˬ luꞈ shiˇ-eu jeˬ tehꞈ meh. Nyiˬ jeˬ luꞈ saꞈ tiˬ kawˆ loꞈ-ehˇ gʼawˇ-awˇ, beu gaˇ duˬ maˬ jaˆ-a. Aˬ jeˬ miˇ neh ehˇ naˇ, nyiˬ jeˬ luꞈ yaw dehꞈ dehꞈ-eu tiˬ jeˬ-iˬ gaˇ dahˇ maˬ tsoeˬ-a.

Iˇsaˬyaˇ 10:3

Kʼehˬ-eu kʼaˆ-eu jeˬ keuˆ le ngeh nah, guˆ-eu gaˆ-eu jeˬ gaˇ mahˇ kaˬ gaˇ neh oe keuˆ ngeh, nawˇ aˬ joˆ-ehˇ jahˇ nmˇ. Aˬ suˇ gʼaˬ-ahˇ laꞈ jeuˬ shaˇ-awˇ, nawˬ-euˬ pyuˇ shuiˇ myawˬ gahˬ aˬ gaˇ bi jaˆ yaꞈ nmˇ.

Yeˬlaˬmiˇ 5:9

Kʼoeˇ baˬ da neh aˬ yawꞈ maꞈ-ahˇ, ngaˇ maˬ kʼehˬ ni oˇ coeˇ nmˇ loˇ. Kʼoeˇ loꞈ-ehˇ gʼeh-eu tsawˇ jeuˬ-ahˇ, ngaˇ laꞈ poˆ maˬ poˆ ni jawˇ coeˇ nmˇ loˇ.

Ngoeˇ dawˬ 4:22

Ziˇoˬ meuˬ-oˇ, nawˬ-ahˇ kʼehˬ-eu, gʼawˬ myahˇ ni maˬ paˇ ya daˬ meh. Aˬ cawˬ miˇ kʼahˬ laꞈ kʼoeˇ, aˬ dui, gʼawˬ myahˇ ni maˬ paˇ ya shaˬ meh. Ehˇ kʼawꞈ Eˬdoˬ meuˬ-oˇ nawˇ-aˬ, nawˬ-euˬ iˬ baˇ bi pah dzeh-awˇ, Sahˬpaˬ Miˬyehˇ neh bi kʼehˬ meh.

Panmaeq 11:5

Tsawˇ haˬ tiˬ gʼaˬ na aˬ yawꞈ nyaꞈ-ahˇ laˆ coeˬ laˆ ciˆ-eu lehˇ gʼeh naˇ, aˬ yawꞈ nyaꞈ-euˬ kʼaˬ meh-ahˇ miˬ dzaˬ doˆ le-awˇ, aˬ yawꞈ nyaꞈ-ahˇ muiˇ-eu deuˬ-ahˇ laˆ cawˆ tehꞈ-a. Aˬ yawꞈ nyaꞈ-ahˇ laˆ coeˬ laˆ ciˆ-eu lehˇ kʼaˇ leh jeh-eu tsawˇ haˬ-aˬ, kʼoeˇ loꞈ-ehˇ ya shiˇ tehꞈ-a.