Bawˇtsahˬ 16:21 - Akha

²¹ “Tsawˇ haˬ heu deuˬ nehˬ-ehˇ maˬ yawꞈ ni naˇ kʼah paw jiˆ kʼoꞈ-awˬ. Aˬ yawꞈ maꞈ-ahˇ ngaˇ tiˬ poˆ tehꞈ-ehˇ laˆ cawˆ nehˬ ma.”

Bawˇtsahˬ 16:21 ပူးပေါင်းရင်းမြစ်များ

Aˇ dahˬ 19:13

Aˬ jeˬ miˇ neh ehˇ naˇ, jawˇ duˬ heu tsahˇ-ahˇ nga nyaꞈ laˆ cawˆ-eu lehˇ gʼeh-eu ma. Heu gaˇ jawˇ luꞈ-eu tsawˇ haˬ heu deuˬ huiˬ dui dui-eu iˬ baˇ mˇ luꞈ-eu gaˇ kawˆ, Sahˬpaˬ Miˬyehˇ ya gaˬ-euˬ miˇ neh, meuˬ heu meuˬ-ahˇ laˆ cawˆ-eu gʼaˇ duˬ nga nyaꞈ-ahˇ pyehˬ leꞈ-euˬ meh.”

Aˇ dahˬ 19:14

Kʼoeˇ ngeh, Lawˇtaˬ-aˬ, aˬ yawꞈ-euˬ aˬ buˇ deuˬ-ahˇ sheuˬ dahˬ dzaˬ-eu lehˇ lehˬ hmˬ luꞈ-eu kʼaˬ dzeˇ zaˬ zaˬ guˬ deuˬ jawˇ gaˇ iˇ-awˇ, “Yaw kawˇ-ehˇ lehˬ hmˬ-awˇ, meuˬ heu meuˬ laꞈ kʼoeˇ neh doˆ-iˇ-awˬ. Meuˬ heu meuˬ-ahˇ Sahˬpaˬ Miˬyehˇ laˆ cawˆ-eu lehˇ lehˬ hmˬ luꞈ meh” lehˇ ehˇ nehˬ-euˬ meh. Ehˇ kʼawꞈ, aˬ yawꞈ maꞈ-ahˇ Lawˇtaˬ naˬ gʼa le-euˬ nga lehˇ aˬ yawꞈ maꞈ noeˬ-euˬ meh.

Jaceuq 73:19

Aˬ yawꞈ maꞈ ja pyuˬ ni ya dehꞈ byoˆ leꞈ-awˇ, aˇ saˬ saˬ laˇ jawˬ-ehˇ ya noeˬ shaˬ dui dui tehꞈ-a.

Doˆ-iˇ 32:10

Nymˬ-mˇ poˆ-aˬ, ngaˬ-ahˇ taˬ laˆ tsoeˬ. Aˬ yawꞈ maꞈ-ahˇ ngaˇ nui ma pehˇ laˇ taˬ-euˬ miˇ neh, laˆ cawˆ nehˬ ma. Kʼoeˇ naˇ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ, huiˬ-eu tsawˇ jeuˬ ngaˇ bi pyeuꞈ laˇ ma.”

Doˆ-iˇ 32:12

Nawˇ-aˬ, nawˬ-euˬ tsawˇ haˬ deuˬ-ahˇ, gawˬ jawˬ gawˬ duˇ kʼoeˇ taˆ sehꞈ dzeh jiˇ-awˇ, laˆ piˬ laˆ byoˆ jiˇ mawꞈ-eu miˇ neh, Iˇjiˇtuˆ miˇ kʼahˬ laꞈ kʼoeˇ neh sheuˬ doˆ gʼeh-euˬ nga lehˇ Iˇjiˇtuˆ tsawˇ haˬ deuˬ bi ehˇ-eu loˇ. Nui ma pehˇ-eu taˬ leˇ-awˬ. Luˬ-iˇ seˇ-iˇ-eu heu nawˬ-euˬ tsawˇ haˬ deuˬ kʼoeˇ taˆ maˬ ya bi keuˆ le ni, nawˬ-euˬ nui ma noeˬ paˇ-awˬ.

Doˆ-iˇ 33:5

Moˇseˬ-ahˇ Sahˬpaˬ Miˬyehˇ dawˬ biꞈ-awˇ, Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ bi ehˇ nehˬ-euˬ meh. “Naw maꞈ-aˬ, nui ma gʼahˇ-eu tsawˇ haˬ deuˬ pyeuꞈ-eu meh. Naw maꞈ nehˬ-ehˇ tiˬ kʼehˇ laˇ kʼehˬ aˇ yamˬ laꞈ kʼoeˇ ngaˇ ya le taꞈ law hawˇ kʼawꞈ, naw maꞈ-ahˇ ngaˇ ya laˆ cawˆ jiˇ gaˇ keuˆ tehꞈ-a. Nymˬ-mˇ naw maꞈ-euˬ aˇ poeˬ kʼaˆ-eu myawˬ guˇ deuˬ lehˆ doˆ-awˬ. Naw maꞈ-ahˇ aˬ joˆ-ehˇ jahˇ nehˬ paˬ nga lehˇ ngaˇ noeˬ tsehˆ ma.”

Iˇsaˬyaˇ 37:36

Sahˬpaˬ Miˬyehˇ-euˬ mˬ taˆ gʼaˬ kʼehˇ tiˬ gʼaˬ Aˬshuˇliˆ taˆ-ahˇ uˇ-iˇ-awˇ, yehˇ tiˬ seh yehꞈ muiˇ ngaˬ heˇ gʼaˬ-ahˇ sehꞈ-euˬ meh. Yawˬ shawˬ yawˬ uˬ bya bya laˇ ngeh, aˬ yawꞈ maꞈ dawˬ tawˆ luꞈ yaw shiˇ-ehˇ ga-eu meh.

Yeˬlaˬmiˇ 5:16

Kaˆ beuˆ-eu aˬ yawꞈ maꞈ-euˬ yehˇ deuˬ kʼaˬ dui dui-awˇ, kʼaˇ mawˇ le-eu deuˬ-ahˇ gʼawˬ shaˬ maˬ gaˬ ni sehꞈ-eu meh.

Bawˇtsahˬ 14:12

Nyawˬ leˇ nya-eu yaw jaw naˇ-eu naˇ gawˇ pyehˬ gʼeh leꞈ-awˇ, aˬ yawꞈ maꞈ-ahˇ ngaˇ laˆ cawˆ ma. Ehˇ kʼawꞈ, nawˬ-ahˇ ngaˇ, aˬ yawꞈ maꞈ naˆ maˬ tseˇ myaˬ dzehˬ-awˇ gʼaˬ kʼaˆ dzehˬ-eu tsawˇ jeuˬ tiˬ jeuˬ-euˬ aˬ da bi pyeuꞈ laˇ ma.”

Bawˇtsahˬ 14:15

Nymˬ-mˇ, nawˬ-euˬ tsawˇ haˬ dawˬ tawˆ luꞈ-ahˇ nawˇ sehꞈ naˇ, tsawˇ myahˇ doˆ-eu nawˬ-euˬ gaˇ kawˆ-ahˇ ya gaˬ-eu tsawˇ jeuˬ kʼoeˇ deuˬ heu loꞈ-ehˇ ehˇ tehꞈ-a.

Bawˇtsahˬ 16:20

Kʼoeˇ ngeh, Moˇseˬ hawˇ-eu Aˬloˬ-ahˇ Sahˬpaˬ Miˬyehˇ ehˇ-eu,

Bawˇtsahˬ 16:45

“Tsawˇ haˬ heu deuˬ-euˬ dawˬ peh maˬ jawˇ ni cehˆ-awˬ. Aˬ yawꞈ maꞈ-ahˇ maˬ bi luˆ-iˇ ni tiˬ poˆ tehꞈ-ehˇ ngaˇ laˆ luˬ laˆ seˇ nehˬ ma.” Kʼoeˇ ngeh, Moˇseˬ hawˇ-eu Aˬloˬ aˬ nyaꞈ myaˆ pyawˬ miˇ tsa tuˆ ni awˆ byaˆ-euˬ meh.

Bawˇtsahˬ 17:10

Kʼoeˇ naˇ, Moˇseˬ-ahˇ Sahˬpaˬ Miˬyehˇ ehˇ nehˬ-eu, “Aˬloˬ-euˬ gawˬ yoeˬ-ahˇ Dawˬ ma saˇ jaˇ Bahˬ keuˆ mehˬ shi paˇ yuˇ taˬ-iˇ-awˬ. Puiˬ-eu tsawˇ haˬ deuˬ iˬ baˇ taˬ-eu dawˬ ngehˬ-eu maˬ naˬ leˇ naˇ ya shiˇ-eu gaˇ kawˆ, gawˬ yoeˬ kʼoeˇ yoeˬ saˇ kiˇ pyeuꞈ-eu meh.”

Gʼaˬkʼehˇ 2:40

Beˬtuˆluˆ-aˬ, aˬ yawꞈ maꞈ-ahˇ gʼawˬ mya jeˬ ja ja-ehˇ mehˬ nehˬ-awˇ heu loꞈ ehˇ gʼaˬ biꞈ nehˬ-euˬ meh. “Ziˇ heu ziˇ-ahˇ dehꞈ-eu haiˬ-eu tsawˇ haˬ heu deuˬ kʼoeˇ taˆ keuˆ le-eu lehˇ gʼeh-eu kʼehˬ-eu kʼaˆ-eu jeˬ laꞈ kʼoeˇ, naw maꞈ ya buˬ-iˇ ni leh jeh-awˬ.”

2 Gawˇliˬtu 6:17

“Aˬ yawꞈ maꞈ-ahˇ naw maꞈ gʼawˬ-awˇ, byehˇ dzeh yaꞈ-awˇ doˆ laˇ-awˬ” lehˇ, Sahˬpaˬ Miˬyehˇ ehˇ taˬ-euˬ meh. “Maˬ shawˇ-eu jeˬ-ahˇ taˬ toeˬ ciˆ. Naw maꞈ-ahˇ ngaˇ ha geuꞈ nehˬ ma.

Panmaeq 18:4

Kʼoeˇ naˇ, mˬ kʼoeˇ taˆ heu loꞈ-ehˇ paˇ ehˇ-eu dawˬ-ahˇ ngaˇ ya gaˬ-euˬma. “Ngaˬ-euˬ tsawˇ haˬ deuˬ doˆ laˇ-awˬ. Aˬ yawꞈ jawˇ gaˇ neh doˆ laˇ-awˬ. Aˬ yawꞈ iˬ baˇ mˇ gaˇ taˬ ahˇ. Aˬ yawꞈ-euˬ shaˬ zahˬ taˬ caw pi.