Bawˇtsahˬ 16:15 - Akha

¹⁵ Moˇseˬ nui ma pehˇ laˇ-awˇ, Sahˬpaˬ Miˬyehˇ-ahˇ ehˇ nehˬ-eu, “Tsawˇ haˬ heu deuˬ neh yuˇ laꞈ-euˬ lawˇ-eu jeˬ-ahˇ taˬ ha geuꞈ. Aˬ yawꞈ maꞈ kʼoeˇ taˆ yaw lehˬ tiˬ jeˬ-iˬ ngaˇ maˬ mˇ haw-aˬ. Aˬ yawꞈ maꞈ-euˬ mahˬ tahˬ laˆ tiˬ mawˇ tsahˇ geuꞈ taˬ-euˬ kʼawꞈ maˬ jaˆ.”

Bawˇtsahˬ 16:15 ပူးပေါင်းရင်းမြစ်များ

2 Saˬmeuˬlaˆ 22:22

Sahˬpaˬ Miˬyehˇ-euˬ gaˇ ma-ahˇ, maˬ byehˇ dzeh ni ngaˇ cah laꞈ-awˇ, yaw haiˬ jeˬ-ahˇ mˇ-eu laꞈ kʼoeˇ, Miˬyehˇ-ahˇ maˬ gʼawˬ-iˇ haw-aˬ.

Doˆ-iˇ 32:19

Iˇsaˬleˬlaˆ tsawˇ haˬ deuˬ-euˬ jawˇ duˬ dawˬ peh Moˇseˬ zaꞈ ka keuˆ-iˇ-awˇ, mawˇ neˇ mawˇ kawˇ hawˇ-eu tsawˇ haˬ kʼoeˇ deuˬ gaˇ nyeh nyeh luꞈ gaˇ ya mawˇ ngeh, nui ma pehˇ dui dui-euˬ meh. Kʼoeˇ gaˇ, gawˬ jawˬ dawˬ dahˬ-ahˇ, aˬ yawꞈ baꞈ luꞈ-eu kʼaˬ lo teˇ byaꞈ baꞈ dzeh ka gʼeh-awˇ, bi paˆ-iˇ-euˬ meh.

Dawqdaq 21:27

Haiˬ-eu tsawˇ haˬ deuˬ lawˇ gaˇ shehˇ gaˇ Sahˬpaˬ Miˬyehˇ bye-awˇ, nui ma maˬ dawˇ-eu laꞈ kʼoeˇ lawˇ gaˇ bye dzehˬ-eu meh.

Bawˇtsahˬ 12:3

(Moˇseˬ-aˬ, nui ma nahˬ yu ni gʼeh-awˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ laꞈ kʼoeˇ, aˬ cawˬ naˆ maˬ tseˇ nui nahˬ nui yu ahˇ-eu tsawˇ haˬ tiˬ gʼaˬ pyeuꞈ-eu meh.)

Bawˇtsahˬ 16:16

Kawˇlaˆ-ahˇ Moˇseˬ ehˇ nehˬ-eu, “Nawˇ hawˇ-eu nawˬ-eu mehˬ nah caw teh-eu tsawˇ haˬ nyiˬ yaˇ ngaˬ tseˇ gʼaˬ, ni shawˬ nah Sahˬpaˬ Miˬyehˇ jawˇ-eu Sehˬ gʼawˆ-ahˇ ya laˇ meh. Aˬloˬ gʼeh kʼoeˇ gaˇ jawˇ tehꞈ-a.

Maꞈtehˬ 5:22

Ehˇ kʼawꞈ, naw maꞈ-ahˇ ngaˇ heu loꞈ-ehˇ ehˇ-eu ma. Yawˬ ha-euˬ mehˇ nmˇ -ahˇ nui ma pehˇ-eu tsawˇ haˬ aˬ geu gʼaˬ maˬ kaˬ, yaˇ kʼaˬ daˇ gaˇ ya daˬ tehꞈ-a. Yawˬ ha-euˬ mehˇ nmˇ-ahˇ yaˬ kʼehˇ yaˬ-eu tsawˇ haˬ-aˬ, yaˇ kʼaˬ daˇ-eu deuˬ-euˬ mehˬ shi bi sheuˬ keuˆ gʼeh tehꞈ-a. Yawˬ ha-euˬ mehˇ nmˇ-ahˇ, ‘Miˬyehˇ-ahˇ maˬ siˬ nya-eu tsawˇ cawˆ’ lehˇ ehˇ-eu tsawˇ haˬ-aˬ, shiˬ buiˇ lah ma-ahˇ ya shaˬ tehꞈ-a.

Maˬkuˆ 3:5

Tsawˇ haˬ kʼoeˇ deuˬ-ahˇ Yeˬsuˇ haw-awˇ nui ma pehˇ-eu meh. Ehˇ kʼawꞈ, aˬ yawꞈ maꞈ nui ma gʼahˇ-awˇ lehˬ dui dui gaˇ aˬ yawꞈ gʼawˬ shaˬ gaˬ-euˬ meh. Kʼoeˇ naˇ, tsawˇ haˬ kʼoeˇ gʼaˬ-ahˇ “Aˬ laꞈ cawˬ ja-awˬ” lehˇ Yeˬsuˇ ehˇ nehˬ-awˇ, aˬ yawꞈ aˬ laꞈ caw ja ngeh, laꞈ shiˇ shiˇ-eu taˬ leˇ-euˬ meh.

1 Gawˇliˬtu 9:15

Ehˇ kʼawꞈ, ngaˇ za geuˇ-eu kʼoeˇ deuˬ-ahˇ ngaˇ maˬ geuꞈ-aˬ. Kʼoeˇ deuˬ-ahˇ za mawꞈ-eu miˇ neh nymˬ-mˇ sahˬ boꞈ heu taꞈ boꞈ-eu kʼawꞈ maˬ ngeuˇ. Ngaˇ nui ma huiˬ kʼaˇ za-eu heu-ahˇ aˬ cawˬ laˆ cawˆ laˇ gaˇ keuˆ naˇ, ngaˬ-euˬ gʼawˇ mawˇ shiˇ dah ma.

2 Gawˇliˬtu 1:12

Miˇ tsaˬ heu kʼoeˇ taˆ nga maꞈ yaw dehꞈ dehꞈ luꞈ-eu heu hawˇ-eu, kʼaˆ kʼaˆ ni naw maꞈ nehˬ-ehˇ cawˬ ya cawˬ taꞈ luꞈ-eu heu-aˬ, Miˬyehˇ neh biꞈ leꞈ-euˬ myaˆ pyawˬ bya cehˆ ni taˬ nya-eu jeˬ hawˇ-eu, nui ma dawˇ coe ni gʼeh-eu jeˬ laꞈ kʼoeˇ ya dehꞈ luꞈ-eu baˬ da neh maˬ ehˇ, tsawˇ haˬ zaˬ-euˬ zaˬ siˬ tsawˇ gahˇ-ahˇ maˬ gʼoe-ehˇ Miˬyehˇ-euˬ guiˬ lahˬ yaw dzahˇ-euˬ baoˬ-ahˇ gʼoe-awˇ ya dehꞈ luꞈ-eu baˬ da neh maˬ ehˇ, nga maꞈ kʼahˬ sehˇ jehˆ kʼaˇ za-eu ma.

2 Gawˇliˬtu 7:2

Nga maꞈ gʼaˇ duˬ naw maꞈ-euˬ nui ma pah nehˬ laꞈ-awˬ. Tsawˇ haˬ tiˬ gʼaˬ-ahˇ-iˬ nga maꞈ maˬ mˇ lehˬ haw-aˬ. Tsawˇ haˬ tiˬ gʼaˬ-ahˇ-iˬ nga maꞈ maˬ laˆ cawˆ haw-aˬ. Tsawˇ haˬ tiˬ gʼaˬ-ahˇ-iˬ nga maꞈ maˬ myawꞈ maˬ shuiˇ haw-aˬ.

Eˇpeˇsu 4:26

Naw maꞈ nui ma pehˇ laˇ ngeh, iˬ baˇ mˇ gaˇ maˬ bi keuˆ leˇ-eu uꞈ taꞈ, nahˇ ma ga ahˇ ngeh keuˆ ni nui ma pehˇ-eu jeˬ taˬ bi pyeuꞈ.

1 Teˇsaˬloˇni 2:10

Naw maꞈ jawˇ gaˇ nga maꞈ neh mˇ yaꞈ shaˇ yaꞈ-euˬ kʼoeˇ-aˬ, muiˬ-eu shawˇ-eu tsaˬ-eu dawˇ-eu jeˬ pyeuꞈ-awˇ, iˬ baˇ taˬ kʼaˇ maˬ za-eu gaˇ kawˆ naw maꞈ hawˇ-eu Miˬyehˇ siˬ duˬ mawˇ duˬ-euˬ meh.