Bawˇtsahˬ 15:41 - Akha

⁴¹ Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Ngaˇ naw maꞈ-euˬ Miˬyehˇ pyeuꞈ laˇ ni, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ sheuˬ doˆ laꞈ-euˬ ma. Ngaˇ-aˬ, Sahˬpaˬ Miˬyehˇ ma.”

Bawˇtsahˬ 15:41 ပူးပေါင်းရင်းမြစ်များ

Jaceuq 105:45

Aˬ yawꞈ-euˬ tsawˇ haˬ deuˬ aˬ yawꞈ-euˬ zahˇ dawˬ kʼoꞈ dawˬ-ahˇ naˇ haˬ geuꞈ-awˇ, aˬ yawꞈ mehˬ nehˬ tsoˆ nehˬ-euˬ dawˬ-ahˇ ziꞈ ni, kʼoeˇ loꞈ-ehˇ jahˇ nehˬ-euˬ meh. Sahˬpaˬ Miˬyehˇ-ahˇ ja ceuˬ-awˬ.

Doˆ-iˇ 6:7

Naw maꞈ-ahˇ ngaˬ-euˬ tsawˇ haˬ bi pyeuꞈ laˇ-awˇ, ngaˇ-aˬ, naw maꞈ-euˬ Miˬ yehˇ pyeuꞈ ma. Iˇjiˇtuˆ miˇ kʼahˬ-ahˇ aˬ cawˬ zaˬ kʼaˆ ya geuꞈ-eu laꞈ kʼoeˇ ngaˇ naw maꞈ-ahˇ bi buˬ-iˇ ngeh, ngaˇ-aˬ naw maꞈ-euˬ Sahˬpaˬ Miˬyehˇ pyeuꞈ-eu naw maꞈ ya siˬ tehꞈ-a.

Uˬ duˬ 22:33

Ngaˬ-euˬ gʼawˇ mawˇ naw maꞈ-euˬ Miˬyehˇ pyeuꞈ laˇ ni, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ ngaˇ sheuˬ doˆ laꞈ-euˬ ma. Ngaˇ-aˬ, Sahˬpaˬ Miˬyehˇ ma.”

Uˬ duˬ 25:38

Heu-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ meh. Aˬ yawꞈ-aˬ, naw maꞈ-euˬ Miˬyehˇ ya pyeuꞈ laˇ ni, naw maꞈ-ahˇ Kaˬnaˬ miˇ kʼahˬ biꞈ-eu gʼaˇ duˬ, Iˇjiˇtuˆ miˇ kʼahˬ laꞈ kʼoeˇ neh, naw maꞈ-ahˇ sheuˬ doˆ nehˬ laꞈ-euˬ gʼaˬ pyeuꞈ-eu meh.

Bawˇtsahˬ 15:40

Ngaˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naw maꞈ naˇ haˬ geuꞈ ni dawˬ sheuˇ kʼoeˇ naw maꞈ-ahˇ aˬ myah luꞈ bi noeˬ mawˇ-awˇ, naw maꞈ maˇ maˇ ni ngaˬ-ahˇ taꞈ tehꞈ-a.

Bawˇtsahˬ 16:1

Leˬbiˇ tsawˇ jeuˬ Kawˇhaˆ aˇ jeuˬ pyeuꞈ-eu Iˇzaˬhaˬ-euˬ aˬ li Kawˇlaˆ-aˬ, Moˇseˬ-ahˇ puiˬ mawꞈ-eu nui ma ahˇ-eu meh. Luˇbeˬ tsawˇ jeuˬ laꞈ kʼoeˇ, Eˇliˇbaˆ-euˬ aˬ li pyeuꞈ-eu Daˬtaˬ hawˇ-eu Aˬbiˇlamˬ aˬ nyaꞈ nmˇ hawˇ-eu, Paˬlehˆ-euˬ aˬ li Awˇnaˆ heu smˇ gʼaˬ uˬ taꞈ, tsawˇ myahˇ doˆ-eu Iˇsaˬleˬlaˆ tsawˇ haˬ aˬ yuiꞈ aˬ tsu nui deuˬ nyiˬ yaˇ ngaˬ tseˇ gʼaˬ kʼawꞈ aˬ yawꞈ nehˬ-ehˇ gm leˇ-euˬ meh.

HeˬByehˇ 11:16

Kʼoeˇ naˆ maˬ tseˇ muiˬ dzehˬ-eu mˬ taˆ miˇ kʼahˬ-ahˇ aˬ yawꞈ maꞈ noeˬ tsoˆ taˬ-euˬ meh. Kʼoeˇ miˇ neh, tsawˇ haˬ kʼoeˇ deuˬ Miˬyehˇ-ahˇ aˬ yawꞈ maꞈ-euˬ Miˬyehˇ ma lehˇ kuˇ gaˇ Miˬyehˇ maˬ shaꞈ dawˇ-a. Aˬ jeˬ miˇ neh ehˇ naˇ, aˬ yawꞈ maꞈ gʼaˇ duˬ meuˬ tiˬ meuˬ aˬ yawꞈ lehˬ hmˬ taˬ-euˬ meh.