Bawˇtsahˬ 15:40 - Akha

⁴⁰ Ngaˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naw maꞈ naˇ haˬ geuꞈ ni dawˬ sheuˇ kʼoeˇ naw maꞈ-ahˇ aˬ myah luꞈ bi noeˬ mawˇ-awˇ, naw maꞈ maˇ maˇ ni ngaˬ-ahˇ taꞈ tehꞈ-a.

Bawˇtsahˬ 15:40 ပူးပေါင်းရင်းမြစ်များ

Jaceuq 103:18

Aˬ yawꞈ-euˬ dawˬ ma saˇ jaˇ-ahˇ ziꞈ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ naˇ haˬ geuꞈ-eu deuˬ-ahˇ, muiˬ-eu guiˬ lahˬ kʼoeˇ loꞈ-ehˇ biꞈ-eu meh.

Uˬ duˬ 19:2

“Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Naw maꞈ yaw muiˬ yaw shawˇ shawˇ-ehˇ dehꞈ-awˬ. Aˬ jeˬ miˇ neh ehˇ naˇ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ-aˬ, yaw muiˬ yaw shawˇ ma.

Uˬ duˬ 22:31

Sahˬpaˬ Miˬyehˇ ehˇ-eu, “Ngaˬ neh biꞈ taˬ-euˬ dawˬ deuˬ-ahˇ naw maꞈ naˇ haˬ geuꞈ-awˬ.

Bawˇtsahˬ 15:41

Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Ngaˇ naw maꞈ-euˬ Miˬyehˇ pyeuꞈ laˇ ni, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ sheuˬ doˆ laꞈ-euˬ ma. Ngaˇ-aˬ, Sahˬpaˬ Miˬyehˇ ma.”

Lormav 12:1

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ-euˬ huiˬ dui myaˬ dui dui-eu gʼawˬ shaˬ gaˬ-eu jeˬ baˬ da neh naw maꞈ-ahˇ ngaˇ heu loꞈ-ehˇ shaˇ-eu ma. Dehꞈ luꞈ-eu lawˇ-eu jeˬ loꞈ-ehˇ, naw maꞈ-euˬ gʼawˇ mawˇ Miˬyehˇ-ahˇ damˬ nehˬ-awˬ. Aˬ yawꞈ-euˬ gaˇ mˇ-eu gʼaˇ duˬ a nehˬ-awˇ, aˬ yawꞈ nui ma tsaˬ ni dehꞈ-awˬ. Heu-aˬ, naw maꞈ mˇ paˬ-ehˇ gʼeh-eu maˇ maˇ ni gʼeh-eu uˬ duˬ tahˬ-eu jeˬ pyeuꞈ-eu meh.

Eˇpeˇsu 1:4

Miˬyehˇ-euˬ mehˬ shi aˬ dui muiˬ-awˇ shawˇ-awˇ, iˬ baˇ taˬ kʼaˇ maˬ bi za-eu gʼaˇ duˬ, miˇ tsaˬ tahˬ kʼawˇ heu maˬ beh mi naˆ-ehˇ Yeˬsuˇ Ka li laꞈ kʼoeˇ Miˬyehˇ neh aˬ dui-ahˇ tseˇ doˆ taˬ-euˬ meh.

Gawˇlawˇsehˇ 1:2

Yeˬsuˇ Ka li laꞈ kʼoeˇ saˇ jaˇ ziꞈ-eu aˬ yuiꞈ aˬ nyiˇ Ka li zaˬ deuˬ pyeuꞈ-eu Gawˇlawˇsehˇ meuˬ-ahˇ jawˇ-eu Miˬyehˇ-euˬ tsawˇ haˬ deuˬ jawˇ gaˇ sahˬ boꞈ boꞈ ahˇ laꞈ-eu ma. Aˬ dui-euˬ Aˬda Miˬyehˇ-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ.

1 Teˇsaˬloˇni 4:7

Aˬ jeˬ miˇ neh ehˇ naˇ, aˬ cawˬ nehˬ-ehˇ joe joe-ehˇ bi dehꞈ-eu gʼaˇ duˬ aˬ dui-ahˇ Miˬyehˇ neh kuˇ taˬ-euˬ maˬ ngeuˇ-a. Muiˬ-eu shawˇ-eu laꞈ kʼoeˇ bi dehꞈ-eu gʼaˇ duˬ kuˇ taˬ-euˬ meh.