Bawˇtsahˬ 15:28 - Akha

²⁸ Tsawˇ haˬ kʼoeˇ gʼaˬ iˬ baˇ shawˇ laˇ ni, piˇ ma gʼaˬ lawˇ duˬ-ahˇ iˬ baˇ shawˇ-eu zahˇ ya jahˇ meh. Kʼoeˇ ngeh, tsawˇ haˬ kʼoeˇ gʼaˬ-ahˇ iˬ baˇ pyehˬ nehˬ tehꞈ-a.

Bawˇtsahˬ 15:28 ပူးပေါင်းရင်းမြစ်များ

Uˬ duˬ 14:18

Aˬ yawꞈ-euˬ laꞈ zaˬ-ahˇ dzehˬ laˇ-euˬ tsiˇ kʼoeˇ yuˇ-awˇ, tsawˇ haˬ kʼoeˇ gʼaˬ-euˬ uˬ duˬ-ahˇ ya lehꞈ nehˬ meh. Kʼoeˇ loꞈ-ehˇ jahˇ-awˇ, bi shawˇ laˇ-eu zahˇ ya jahˇ nehˬ meh.

Uˬ duˬ 4:2

Tsawˇ haˬ tiˬ gʼaˬ na, maˬ noeˬ maˬ duˇ-euˬ laꞈ kʼoeˇ, Sahˬpaˬ Miˬyehˇ-euˬ zahˇ dawˬ kʼoꞈ dawˬ tiˬ dawˬ na-ahˇ mˇ bahˬ naˇ, zahˇ sahˇ kʼoꞈ heu deuˬ-ahˇ ya caw teh meh lehˇ Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ.

Uˬ duˬ 4:20

Iˬ baˇ shawˇ-eu lawˇ-eu jeˬ lawˇ ngeh sehꞈ-awˇ lawˇ-euˬ mawˇ neˇ mawˇ gaw kʼoeˇ mawˇ-ahˇ aˬ yawꞈ lawˇ-euˬ loꞈ-ehˇ, heu mawˇ-ahˇ kʼawꞈ, kʼoeˇ loꞈ-ehˇ ya lawˇ meh. Kʼoeˇ loꞈ-ehˇ, Iˇsaˬleˬlaˆ tsawˇ haˬ deuˬ-euˬ iˬ baˇ gʼaˇ duˬ lawˇ-eu shehˇ-eu jeˬ aˬ yawꞈ maꞈ mˇ-awˇ, Iˇsaˬleˬlaˆ tsawˇ haˬ deuˬ iˬ baˇ ya buˬ-iˇ-eu meh.

Uˬ duˬ 4:35

Kʼoeˇ naˇ, cawˬ cawˬ taꞈ-eu lawˇ-eu jeˬ lawˇ ngeh sehꞈ-euˬ yawˇ-euˬ tsiˇ deuˬ yuˇ doˆ-eu loꞈ-ehˇ, yawˇ kʼoeˇ mawˇ-euˬ tsiˇ dawˬ tawˆ luꞈ aˬ yawꞈ yuˇ doˆ-awˇ, Sahˬpaˬ Miˬyehˇ-ahˇ lawˇ nehˬ-eu dzaˬ dzaˬ dawˇ dawˇ lawˇ-eu jeˬ nehˬ-ehˇ tiˬ kawˆ loꞈ-ehˇ, lawˇ duˬ kʼoeˇ taˆ dzah puiˆ-awˇ ya lawˇ meh. Kʼoeˇ loꞈ-ehˇ, piˇ ma gʼaˬ tsawˇ haˬ kʼoeˇ gʼaˬ-euˬ iˬ baˇ gʼaˇ duˬ lawˇ-eu shehˇ-eu jeˬ mˇ-awˇ, tsawˇ haˬ kʼoeˇ gʼaˬ iˬ baˇ ya buˬ-iˇ-eu meh.

Bawˇtsahˬ 15:29

Zahˇ sahˇ kʼoꞈ heu hmˬ-aˬ, Iˇsaˬleˬlaˆ tsawˇ haˬ deuˬ maˬ ehˇ, aˬ yawꞈ maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ ehˇ, maˬ noeˬ maˬ duˇ-ehˇ iˬ baˇ mˇ-euˬ tsawˇ haˬ aˬ geu gʼaˬ-ahˇ maˬ kaˬ, taꞈ leˇ-eu zahˇ sahˇ kʼoꞈ pyeuꞈ-eu meh.