Bawˇtsahˬ 15:24 - Akha

²⁴ Tsawˇ haˬ aˇ maꞈ aˇ muˇ dawˬ tawˆ luꞈ maˬ siˬ nya-eu laꞈ kʼoeˇ maˬ noeˬ maˬ duˇ-ehˇ mˇ lehˬ-euˬ jeˬ ngeuˇ naˇ, Sahˬpaˬ Miˬyehˇ nui ma tsaˬ ni yaw saꞈ bi le-eu gʼaˇ duˬ, mawˇ neˇ mawˇ gaw tiˬ mawˇ tsahˇ-awˇ, miˬ dzaˬ dzah puiˆ-awˇ lawˇ-eu jeˬ ya lawˇ meh. Kʼoeˇ nehˬ-ehˇ tiˬ kawˆ loꞈ-ehˇ, dzaˬ la gʼo cehˇ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ kʼawꞈ ya lawˇ meh. Kʼoeˇ uˬ taꞈ, ciꞈ myehꞈ ciꞈ buˬ tiˬ mawˇ tsahˇ-awˇ, iˬ baˇ shawˇ-eu lawˇ-eu jeˬ aˬ yawꞈ maꞈ ya lawˇ meh.

Bawˇtsahˬ 15:24 ပူးပေါင်းရင်းမြစ်များ

Eˇzaˬlaˬ 6:17

Uˬ duˬ tahˬ nymˇ nymˇ ma a nehˬ-eu gʼaˇ duˬ, mawˇ neˇ tiˬ yaˇ mawˇ, yawˇ nyiˬ yaˇ mawˇ hawˇ-eu, yawˇ zaˬ oeˬ yaˇ mawˇ aˬ yawꞈ maꞈ lawˇ nehˬ-euˬ meh. Iˬ baˇ shawˇ-eu lawˇ-eu jeˬ gʼaˇ duˬ kʼawꞈ, Iˇsaˬleˬlaˆ tsawˇ jeuˬ tiˬ jeuˬ-euˬ ciꞈ myehꞈ tiˬ mawˇ doˇ leˇ-ehˇ, ciꞈ myehꞈ tseˇ nyiꞈ mawˇ aˬ yawꞈ maꞈ lawˇ-euˬ meh.

Eˇzaˬlaˬ 8:35

Baˬbuˇloˬ miˇ kʼahˬ-ahˇ neh gʼoꞈ laˇ-euˬ tsawˇ haˬ dawˬ tawˆ luꞈ, Iˇsaˬleˬlaˆ tsawˇ jeuˬ-euˬ Miˬyehˇ-ahˇ lawˇ nehˬ-eu gʼaˇ duˬ, miˬ dzaˬ-ahˇ dzah puiˆ-awˇ lawˇ-eu jeˬ yuˇ laꞈ-euˬ meh. Iˇsaˬleˬlaˆ tsawˇ jeuˬ dawˬ tawˆ luꞈ gʼaˇ duˬ mawˇ neˇ tseˇ nyiꞈ mawˇ lawˇ-euˬ meh. Yawˇ aˬ buˬ gʼoeˬ tseˇ koꞈ mawˇ hawˇ-eu yawˇ zaˬ shiꞈ tseˇ shiꞈ mawˇ kʼawꞈ aˬ yawꞈ maꞈ lawˇ-euˬ meh. Kʼoeˇ uˬ taꞈ, aˬ yawꞈ maꞈ-euˬ iˬ baˇ shawˇ-eu gʼaˇ duˬ ciꞈ myehꞈ tseˇ nyiꞈ mawˇ lawˇ-euˬ meh. Jeˬ zaˬ heu deuˬ dawˬ tawˆ luꞈ miˬ dzaˬ-ahˇ dzah puiˆ-awˇ Sahˬpaˬ Miˬyehˇ-ahˇ lawˇ nehˬ-euˬ meh.

Uˬ duˬ 23:19

Iˬ baˇ shawˇ-eu lawˇ-eu jeˬ gʼaˇ duˬ, ciꞈ myehꞈ ciꞈ buˬ tiˬ mawˇ maˬ ehˇ, cawˬ cawˬ taꞈ-eu lawˇ-eu jeˬ gʼaˇ duˬ, tiˬ myaˇ byah laˇ-euˬ yawˇ zaˬ aˬ buˬ nyiˬ mawˇ maˬ ehˇ, ya lawˇ meh.

Uˬ duˬ 4:2

Tsawˇ haˬ tiˬ gʼaˬ na, maˬ noeˬ maˬ duˇ-euˬ laꞈ kʼoeˇ, Sahˬpaˬ Miˬyehˇ-euˬ zahˇ dawˬ kʼoꞈ dawˬ tiˬ dawˬ na-ahˇ mˇ bahˬ naˇ, zahˇ sahˇ kʼoꞈ heu deuˬ-ahˇ ya caw teh meh lehˇ Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ.

Uˬ duˬ 4:22

Aˬ yuiꞈ aˬ tsu geuꞈ-awˇ uˆ lahˇ-eu tsawˇ haˬ tiˬ gʼaˬ na, maˬ noeˬ maˬ duˇ-euˬ laꞈ kʼoeˇ, Sahˬpaˬ Miˬyehˇ-euˬ zahˇ dawˬ kʼoꞈ dawˬ tiˬ dawˬ na-ahˇ mˇ bahˬ naˇ,

Uˬ duˬ 4:23

aˬ yawꞈ iˬ baˇ ahˇ-eu gaˇ kawˆ yawˬ haˇ yawˬ ha siˬ leˇ-eu nehˬ-ehˇ tiˬ poˆ tehꞈ-ehˇ, aˬ yawꞈ-euˬ iˬ baˇ aˇ poeˬ lawˇ-eu gʼaˇ duˬ, maˇ byawꞈ maˬ baw-eu ciꞈ myehꞈ ciꞈ buˬ tiˬ mawˇ aˬ yawꞈ ya tsahˇ laꞈ meh.

Uˬ duˬ 5:15

Tsawˇ haˬ tiˬ gʼaˬ na, Sahˬpaˬ Miˬyehˇ-ahˇ biꞈ paˬ-ehˇ gʼeh-eu muiˬ-eu shawˇ-eu jeˬ maˬ biꞈ ni, maˬ noeˬ maˬ duˇ-ehˇ jawˇ-euˬ iˬ baˇ ahˇ naˇ, maˇ byawꞈ maˬ baw-eu yawˇ aˬ buˬ maˬ ngeuˇ naˇ, maˇ byawꞈ maˬ baw-eu ciꞈ myehꞈ ciꞈ buˬ tiˬ mawˇ tsahˇ laꞈ-awˇ, dziˇ dzoˆ tsoeˬ-eu lawˇ-eu jeˬ, Sahˬpaˬ Miˬyehˇ-ahˇ ya lawˇ nehˬ meh. Jeˬ zaˬ kʼoeˇ mawˇ-euˬ aˇ poeˬ, kʼaˇ poeˬ kʼaˇ lawˬ-eu loꞈ-ehˇ, ya pyehˆ tsehˆ meh.

Uˬ duˬ 5:18

Dziˇ dzoˆ tsoeˬ-eu lawˇ-eu jeˬ gʼaˇ duˬ, maˇ byawꞈ maˬ baw-eu yawˇ aˬ buˬ maˬ ngeuˇ naˇ, maˇ byawꞈ maˬ baw-eu ciꞈ myehꞈ ciꞈ buˬ tiˬ mawˇ, piˇ ma jawˇ gaˇ aˬ yawꞈ ya tsahˇ laꞈ meh. Jeˬ zaˬ kʼoeˇ mawˇ-ahˇ, kʼaˇ poeˬ kʼaˇ lawˬ-eu loꞈ-ehˇ aˇ poeˬ ya pyehˆ meh. Tsawˇ haˬ kʼoeˇ gʼaˬ neh maˬ noeˬ maˬ duˇ-ehˇ mˇ lehˬ-euˬ iˬ baˇ gʼaˇ duˬ, piˇ ma gʼaˬ lawˇ-eu shehˇ-eu jeˬ mˇ-awˇ, tsawˇ haˬ kʼoeˇ gʼaˬ iˬ baˇ buˬ-iˇ-eu meh.

Bawˇtsahˬ 15:23

mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, Moˇseˬ-ahˇ Sahˬpaˬ Miˬyehˇ neh dawˬ kʼaˇ biꞈ taˬ-euˬ yawˬ jeˬ na luꞈ-ahˇ tsawˇ haˬ aˇ maꞈ aˇ muˇ dawˬ tawˆ luꞈ maˬ mˇ byah ni jawˇ-eu maˬ ehˇ, pyeuꞈ laˇ-eu ehˇ-awˬ.

Bawˇtsahˬ 15:26

Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ hawˇ-eu, aˬ yawꞈ maꞈ nehˬ-ehˇ jawˇ-eu boeˇ miˬ siˬ kʼaˬ deuˬ-ahˇ iˬ baˇ pyehˬ nehˬ tehꞈ-a. Aˬ jeˬ miˇ neh ehˇ naˇ, yawˬ gʼaˬ yawˬ na luꞈ maˬ noeˬ maˬ duˇ-ehˇ mˇ lehˬ-euˬ jeˬ pyeuꞈ-eu meh.

Bawˇtsahˬ 28:15

Aˬ yawꞈ nah yawꞈ lawˇ luꞈ-eu aˬ gaꞈ dzaˇ uiˇ hawˇ-eu nui jeˬ uˬ taꞈ, iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ ya lawˇ meh.