Bawˇtsahˬ 14:9 - Akha

⁹ Sahˬpaˬ Miˬyehˇ-ahˇ taˬ puiˬ. Kʼoeˇ gaˇ jawˇ-eu tsawˇ haˬ deuˬ-ahˇ taˬ guˆ. Aˬ yawꞈ maꞈ-ahˇ aˬ dui maꞈ yaw awˇ laꞈ-ehˇ gʼaˬ leˇ tehꞈ-a. Sahˬpaˬ Miˬyehˇ aˬ dui nehˬ-ehˇ jawˇ-awˇ, aˬ yawꞈ maꞈ-ahˇ bo saˆ luꞈ-eu miˬ yehˇ deuˬ-ahˇ gʼaˬ leˇ gʼaˬ-euˬ meh. Kʼoeˇ miˇ neh taˬ guˆ.”

Bawˇtsahˬ 14:9 ပူးပေါင်းရင်းမြစ်များ

Aˇ dahˬ 48:21

Kʼoeˇ naˇ, Yoˇsehˆ-ahˇ Yaˬkoˆ ehˇ nehˬ-eu, “Nawˇ mawˇ luꞈ-eu loꞈ-ehˇ, ngaˇ ziˇ jiˇ-eu dawˬ peh peh laˇ-euˬ miˇ-a. Ehˇ kʼawꞈ, nawˬ-euˬ aˬ poeˬ aˬ bawˇ deuˬ-euˬ miˇ kʼahˬ-ahˇ, Miˬyehˇ nawˬ-ahˇ sheuˬ kʼoꞈ gʼeh nehˬ laꞈ tehꞈ-a.

2 Laˬsaˬbaˬ 13:12

Miˬyehˇ aˬ yawꞈ-euˬ gʼawˇ mawˇ nga maꞈ kʼoeˇ taˆ aˬ yuiꞈ geuꞈ luꞈ-awˇ, aˬ yawꞈ-euˬ piˇ ma deuˬ kʼawꞈ daˇ heh yuˇ-awˇ heu gaˇ jawˇ luꞈ-eu laꞈ kʼoeˇ, nga maꞈ naw maꞈ-ahˇ guiˇ deuˆ-eu gʼaˇ duˬ daˇ heh baw gaˬ-eu lehˇ lehˬ hmˬ taˬ-euˬ meh. Iˇsaˬleˬlaˆ tsawˇ haˬ deuˬ-oˇ, naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˇ deuˆ-eu lehˇ taˬ leh jeh. Naw maꞈ maˬ deuˆ gʼaˬ nya-a.”

2 Laˬsaˬbaˬ 15:2

Kʼoeˇ naˇ, Aˬsaˬ jawˇ gaˇ iˇ-awˇ ehˇ nehˬ-eu, “Sahˬ paˬ Aˬsaˬ hawˇ-eu, Yuˇdaˆ miˇ kʼahˬ, Beˬyaˬmiˬ miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ ngaˇ ehˇ gaˇ naˇ haˬ sheˇ. Naw maꞈ Sahˬpaˬ Miˬyehˇ laꞈ kʼoeˇ kʼaˇ jawˇ kʼoeˇ keuˆ ni, aˬ yawꞈ kʼawꞈ naw maꞈ nehˬ-ehˇ jawˇ tehꞈ-a. Naw maꞈ aˬ yawꞈ-ahˇ poˆ naˇ, aˬ yawꞈ naw maꞈ-ahˇ bi mawˇ laꞈ tehꞈ-a. Ehˇ kʼawꞈ, naw maꞈ aˬ yawꞈ-ahˇ byehˇ dzeh naˇ, aˬ yawꞈ kʼawꞈ naw maꞈ-ahˇ byehˇ dzeh tehꞈ-a.

2 Laˬsaˬbaˬ 20:17

Guiˇ heu naw maꞈ maˬ ya deuˆ-a. Jawˇ duˬ yuˇ-awˇ loꞈ tawˬ-awˬ. Sahˬpaˬ Miˬyehˇ naw maꞈ-ahˇ bi gʼaˬ leˇ nehˬ laꞈ gaˇ naw maꞈ ya mawˇ tehꞈ-a. Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, gʼaˬ byehˆ maˬ byehˆ-ehˇ maˬ guˆ ni jawˇ-awˬ. Ni shawˬ nah aˬ yawꞈ maꞈ-ahˇ guiˇ deuˆ-iˇ-awˬ. Sahˬpaˬ Miˬyehˇ naw maꞈ nehˬ-ehˇ jawˇ tehꞈ-a.”

2 Laˬsaˬbaˬ 32:8

Aˬ yawꞈ-aˬ, tsawˇ haˬ zaˬ-euˬ baoˬ tehꞈ-ehˇ jaˆ-eu meh. Ehˇ kʼawꞈ, aˬ dui-aˬ, aˬ dui-ahˇ caw ba-awˇ guiˇ deuˆ-eu gʼaˇ duˬ aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ jawˇ ma.” Yuˇdaˆ sahˬ paˬ Heˬsaˬgiˇ kʼoeˇ loꞈ-ehˇ ehˇ ngeh, aˬ yawꞈ-euˬ tsawˇ haˬ deuˬ gʼaˬ ahˇ laˇ-euˬ meh.

Neˬhaˬmiˇ 4:14

Ngaˬ-euˬ tsawˇ haˬ deuˬ noeˬ shaˬ luꞈ gaˇ ngaˇ ya mawˇ-awˇ, aˬ yawꞈ maꞈ-ahˇ maˬ ehˇ, aˬ yuiꞈ aˬ tsu deuˬ hawˇ-eu yaw huiˬ yaw mahˇ deuˬ-ahˇ maˬ ehˇ, ngaˇ heu loꞈ-ehˇ ehˇ nehˬ-euˬ ma. “Aˬ dui-ahˇ muiˇ-eu deuˬ-ahˇ taˬ guˆ. Sahˬpaˬ miˬyehˇ-aˬ, huiˬ dui mahˇ dui dui-awˇ guˆ laˇ paˬ-ehˇ gʼeh-eu gʼaˬ pyeuꞈ gaˇ noeˬ keuˆ-awˇ, yawˬ ha-euˬ cawˬ miˇ kʼahˬ zaˬ deuˬ, yawˬ ha-euˬ miˬ sawˇ zaˬ deuˬ hawˇ-eu, yawˬ ha-euˬ nymˇ jiˇ gʼaˇ duˬ guiˇ deuˆ-awˬ.”

Jaceuq 106:24

Miˬyehˇ-euˬ saˇ jaˇ-ahˇ maˬ jah-euˬ miˇ neh, nui saˇ oꞈ-eu miˇ kʼahˬ maˬ ya geuꞈ-aˬ.

Jaceuq 121:5

Sahˬpaˬ Miˬyehˇ nawˬ-ahˇ haw lahˇ tehꞈ-a. Nawˬ-eu dawˬ peh jawˇ-awˇ nawˬ-ahˇ haw piˇ tehꞈ-a.

Jaceuq 14:4

Sahˬpaˬ Miˬyehˇ ehˇ-eu, “Yaw haiˬmˇ-eu tsawˇhaˬkʼoeˇdeuˬ, tiˬ jeˬ-iˬ maˬ siˬ nya ta loˇ. Ngaˬ-euˬzaˬ-ahˇtahˇjoe joe-awˇ, hawˬtahˬdzaˬ-eu loꞈ-ehˇdzaˬ-awˇ, ngaˬ-euˬtsawˇmyahˇ-ahˇmaˬkuˇ-a.”

Jaceuq 46:11

Baoˬ huiˬ-eu Sahˬpaˬ Miˬyehˇ aˬ dui nehˬ-ehˇ jawˇ-eu meh. Yaˬkoˆ-euˬ Miˬyehˇ-aˬ, aˬ dui-euˬ gʼoe duˬ pyeuꞈ-eu meh.

Jaceuq 46:7

Baoˬ huiˬ-eu Sahˬpaˬ Miˬyehˇ aˬ dui nehˬ-ehˇ jawˇ-eu meh. Yaˬkoˆ-euˬ Miˬyehˇ-aˬ, aˬ dui-euˬ gʼoe duˬ pyeuꞈ-eu meh.

Jaceuq 46:8

Sahˬpaˬ Miˬyehˇ neh mˇ-euˬ gaˇ-ahˇ haw laˇ sheˇ. Miˇ tsaˬ kʼoeˇ taˆ aˬ yawꞈ neh mˇ-euˬ zahˬ leˇ paˬ-ehˇ gʼeh-eu gaˇ deuˬ-ahˇ haw laˇ sheˇ.

Jaceuq 74:14

Leˬbeˇdaˬ lehˇ kuˇ-eu laˆ shaˆ byaˆ yahˬ yahˬ ma-euˬ uˬ duˬ-ahˇ nawˇ nawˬ pyehˆ-awˇ, aˬ yawꞈ-euˬ gʼawˇ mawˇ-ahˇ kʼaˇ shuiꞈ deh yaˇ-ahˇ jawˇ-eu bawˇ tsahˬ jeˬ zaˬ-ahˇ nawˇ bi dzaˬ-euˬ meh.

Jaceuq 91:1

Miˬyehˇ-ahˇ kʼaˇ tahˬ shaˇ-eu tsawˇ haˬ deuˬ, Baoˬ huiˬ-eu Miˬyehˇ haw piˇ-eu uˬ moˆ kʼaˇ jawˇ-eu tsawˇ haˬ deuˬ

Doˆ-iˇ 14:13

Moˇseˬ ehˇ kʼoꞈ nehˬ-eu, “Taˬ guˆ. Kʼaˬ duˬ ni jawˇ-awˬ. Sahˬpaˬ Miˬyehˇ aˬ joˆ-ehˇ jahˇ-awˇ naw maꞈ-ahˇ ka kʼoꞈ-eu gaˇ, iˬ nah naw maꞈ ya mawˇ tehꞈ-a. Iˬ nah naw maꞈ ya mawˇ luꞈ-eu Iˇjiˇtuˆ tsawˇ haˬ heu deuˬ-ahˇ, naw maꞈ tiˬ jawˇ-iˬ maˬ paˇ ya mawˇ-aˇ.

Doˆ-iˇ 33:16

Nga maꞈ nehˬ-ehˇ nawˇ maˬ le naˇ, ngaˇ hawˇ-eu ngaˬ-euˬ tsawˇ haˬ deuˬ-ahˇ nawˇ nui ma tsaˬ-eu gaˇ kawˆ, aˬ suˇ gʼaˬ aˬ joˆ-ehˇ ya siˬ nmˇ. Nawˇ nga maꞈ nehˬ-ehˇ jawˇ naˇ, miˇ tsaˬ kʼoeˇ taˆ jawˇ-eu tsawˇ jeuˬ aˬ geu jeuˬ nehˬ-ehˇ maˬ kaˬ, nga maꞈ beu gaˇ tehꞈ-a.”

Iˇsaˬyaˇ 1:2

Sahˬpaˬ Miˬyehˇ ehˇ-eu, “Mˬ hawˇ-eu miˇ-oˇ, naˬ bawˇ ciˬ kʼmˇ sheˇ. Ngaˇ ehˇ gaˇ naˇ haˬ sheˇ. Ngaˬ neh cu huiˬ-euˬ zaˬ deuˬ, ngaˬ-ahˇ puiˬ luꞈ meh.

Iˇsaˬyaˇ 32:2

Aˬ yawꞈ maꞈ aˬ yawꞈ gʼaˬ yawꞈ, jaˬ lehˇ baw ngeh naˬ duˬ loꞈ-ehˇ pyeuꞈ-awˇ, mˬ jeˬ jaˬ lehˇ huiˬ ngeh awˆ duˬ-ahˇ duˇ tehꞈ-a. Gui coˇ ni gʼeh-eu kʼaˇ shuiꞈ deh yaˇ-ahˇ, yoeˇ doˆ le-euˬ lawˇ gawˆ hawˇ-eu, shiˬ deuˬ ni gʼeh-eu lo guˇ-ahˇ duˇ tehꞈ-a.

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Iˇsaˬyaˇ 41:14

Sahˬpaˬ Miˬyehˇ heu loꞈ-ehˇ ehˇ-eu meh. “Gʼaˬ baˬ-awˇ nyiˇ-eu tsawˇ jeuˬ pyeuꞈ-eu Iˇsaˬleˬlaˆ-oˇ, Taˬ guˆ. Ngaˇ nawˬ-ahˇ caw ba ma. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu ngaˇ-aˬ, naw maꞈ-ahˇ ka kʼoꞈ-eu gʼaˬ ma.

Iˇsaˬyaˇ 63:10

Ehˇ kʼawꞈ, aˬ yawꞈ maꞈ aˬ yawꞈ-ahˇ puiˬ-awˇ, aˬ yawꞈ-euˬ muiˬ-eu shawˇ-eu yaw sahˇ-ahˇ, nui ma shaˬ zahˬ bi mˇ-euˬ meh. Kʼoeˇ baˬ da neh aˬ yawꞈ maꞈ-ahˇ, Sahˬpaˬ Miˬyehˇ muiˇ-awˇ guiˇ deuˆ-euˬ meh.

Yeˬlaˬmiˇ 1:19

Aˬ yawꞈ maꞈ nawˬ-ahˇ ceh kʼawꞈ, maˬ ceh gʼaˬ laˇ nya-aˇ. Aˬ jeˬ miˇ neh ehˇ naˇ, nawˬ nehˬ-ehˇ ngaˇ jawˇ-awˇ haw piˇ nehˬ ma lehˇ Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 42:11

Baˬbuˇloˬ sahˬ paˬ-ahˇ guˆ-eu nui ma taˬ paˇ bi ahˇ. Naw maꞈ nehˬ-ehˇ ngaˇ jawˇ-awˇ, aˬ yawꞈ-euˬ aˬ laꞈ laꞈ kʼoeˇ naw maꞈ-ahˇ ngaˇ ka kʼoꞈ nehˬ ma.

Yeˬlaˬmiˇ 48:45

Uˬ duˬ tahˬ shaˇ kʼaˇ maˬ za-eu tsawˇ haˬ kʼoeˇ deuˬ, yaw beh sahˬ paˬ Siˇhoˬ neh uˆ lahˇ-euˬ Heˬsahˬboˬ meuˬ-ahˇ cehˆ leˇ-euˬ meh. Ehˇ kʼawꞈ, meuˬ kʼoeˇ meuˬ miˬ dzaˬ puiˆ luꞈ-eu meh. Guiˇ deuˆ haw ma lehˇ lmˬ-eu Mawˇbaˆ tsawˇ haˬ deuˬ-euˬ miˇ kʼahˬ gaˇ dzeˇ gaˇ taw maˬ ehˇ, gawˬ jawˬ yaw goˇ deuˬ-ahˇ maˬ ehˇ, miˬ dzaˬ puiˆ dzaˬ jiˇ-euˬ meh.

Daˬyeˬlaˇ 9:5

“Nga maꞈ iˬ baˇ mˇ-euˬ ma. Nga maꞈ haiˬ-eu tsawˇ haˬ deuˬ pyeuꞈ-awˇ, nawˬ -ahˇ puiˬ-euˬ ma. Nawˬ neh bi mˇ laꞈ-euˬ jeˬ-ahˇ nga maꞈ maˬ mˇ ni, nawˬ neh mehˬ nehˬ laꞈ-euˬ yaw tsaˬ yaw dawˇ jeˬ-ahˇ nga maꞈ byehˇ dzeh-euˬ ma.

Daˬyeˬlaˇ 9:9

Nga maꞈ nawˬ-ahˇ puiˬ-euˬ kʼawꞈ, nawˇ gʼawˬ shaˬ gaˬ-awˇ iˬ baˇ pyehˬ nehˬ laꞈ-euˬ meh.

Bawˇtsahˬ 13:30

Moˇseˬ-euˬ dawˬ peh uiˬ leˇ taˬ-awˇ jawˇ-eu tsawˇ haˬ kʼoeˇ deuˬ-ahˇ “Ciˬ cuˇ ni jawˇ sheˇ” lehˇ Gaˬlehˆ ehˇ nehˬ-euˬ meh. Kʼoeˇ naˇ, aˬ yawꞈ ehˇ-eu, “Nymˬ-mˇ, miˇ kʼahˬ kʼoeˇ kʼahˬ-ahˇ aˬ dui guiˇ deuˆ-awˇ yuˇ geuꞈ kaˇ-euˇ. Miˇ kʼahˬ kʼoeˇ kʼahˬ-ahˇ aˬ dui deuˆ gʼaˬ ma.”

Bawˇtsahˬ 17:6

Kʼoeˇ naˇ, Iˇsaˬleˬlaˆ tsawˇ haˬ deuˬ-ahˇ Moˇseˬ ehˇ nehˬ-awˇ, tsawˇ jeuˬ aˬ yawꞈ jeuˬ yawꞈ kʼoeˇ taˆ aˬ yuiꞈ geuꞈ-eu deuˬ gawˬ yoeˬ tiˬ gʼaˬ tiˬ yoeˬ yuˇ laꞈ-euˬ meh. Gawˬ yoeˬ dawˬ tawˆ luꞈ tseˇ nyiꞈ yoeˬ byah-awˇ, Aˬloˬ-euˬ gawˬ yoeˬ kʼawꞈ keuˬ-eu meh.

Bawˇtsahˬ 20:2

Aˬ yawꞈ maꞈ jawˇ naˬ-euˬ jawˇ duˬ kʼoeˇ tsahˇ iˇ cuꞈ maˬ jaˆ-eu miˇ neh, Moˇseˬ hawˇ-eu Aˬloˬ jawˇ gaˇ Iˇsaˬleˬlaˆ tsawˇ haˬ deuˬ uiˬ leˇ-euˬ meh.

Bawˇtsahˬ 24:8

Iˇjiˇtuˆ miˇ kʼahˬ laꞈ kʼoeˇ Miˬyehˇ aˬ yawꞈ maꞈ-ahˇ sheuˬ doˆ laꞈ-euˬ meh. Aˬ yawꞈ maꞈ gʼaˇ duˬ nehꞈ nyoˬ laꞈ hiˇ loꞈ-ehˇ aˬ yawꞈ guiˇ deuˆ-euˬ meh. Aˬ yawꞈ maꞈ-ahˇ muiˇ-eu deuˬ-ahˇ aˬ yawꞈ maꞈ kawꞈ sehꞈ tehꞈ-a. Shaˬ yoeˬ ngawˬ kʼehꞈ ngawˬ kʼoeˆ nehˬ-awˇ, kaˆ myaˬ neh beuˆ byoe nehˬ tehꞈ-a.

Maꞈtehˬ 1:23

“Zaˬ miˬ yaw shawˇ tiˬ gʼaˬ zaˬ tsehˆ leˇ-awˇ, aˬ li tiˬ li ciˬ tehꞈ-a. Aˬ li kʼoeˇ li-ahˇ Eˇmaˬnoeˬlaˇ lehˇ myahˇ tehꞈ-a” lehˇ ehˇ taˬ-euˬ dawˬ jaˆ-eu meh. “Eˇmaˬnoeˬlaˇ” lehˇ ehˇ-eu dawˬ tsuiꞈ-aˬ, “Miˬyehˇ aˬ dui nehˬ-ehˇ jawˇ meh” lehˇ ehˇ mawꞈ-eu meh.

Lormav 8:31

Gaˇ kawˆ heu-ahˇ taꞈ leˇ-awˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui jawˇ paw pyawˬ naˇ, aˬ dui-ahˇ aˬ suˇ gʼaˬ paˇ ciˬ daˬ laˇ peuˬ nmˇ.

Dawˬmehˬ 1:21

Haw yawˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-euˬ mehˬ shi miˇ kʼahˬ heu kʼahˬ bi jaˆ taˬ-euˬ ngaˇ. Naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ ehˇ taˬ-euˬ loꞈ-ehˇ, miˇ kʼahˬ heu kʼahˬ-ahˇ jawˇ leˇ-awˬ. Nyi naˬ nyi naˬ-ehˇ taˬ paˇ jawˇ. Maˬ guˆ ni le-awˬ lehˇ naw maꞈ-ahˇ ngaˇ ehˇ-euˬ ma.

Dawˬmehˬ 1:26

“Ehˇ kʼawꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ ehˇ dawˬ-ahˇ naw maꞈ puiˬ-awˇ, miˇ kʼahˬ kʼoeˇ kʼahˬ-ahˇ naw maꞈ maˬ uˇ leˇni jawˇ-euˬ meh.

Dawˬmehˬ 1:29

“Ehˇ kʼawꞈ, ngaˇ heu loꞈ-ehˇ ehˇ-euˬ ma.

Dawˬmehˬ 31:6

Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ. Aˬ yawꞈ maꞈ-ahˇ taˬ guˆ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ-euˬ mawˇ do naw maꞈ nehˬ-ehˇ jawˇ tehꞈ-a. Aˬ yawꞈ naw maꞈ-ahˇ byehˇ dzeh-awˇ maˬ bi jawˇ nehˬ laꞈ-aˇ.”

Dawˬmehˬ 31:8

Sahˬpaˬ Miˬyehˇ aˬ yawꞈ nawˬ nehˬ-ehˇ jawˇ-awˇ, nawˬ-ahˇ sheuˬ gʼeh tehꞈ-a. Aˬ yawꞈ nawˬ-ahˇ byehˇ dzeh-awˇ maˬ bi jawˇ-aˇ. Teu miˇ neh, gʼaˬ baˬ-awˇ guˆ-eu nui ma taˬ bi ahˇ.”

Dawˬmehˬ 32:42

Ngaˬ-euˬ kaˆ myaˬ shiˬ dawˇ yehꞈ-awˇ, ngaˬ-euˬ mi cehˇ shaˬ jiˇ dzaˬ-ehˇ, ngaˬ-ahˇ guiˇ kʼaˇ deuˆ laˇ-eu deuˬ, tiˬ gʼaˬ-iˬ maˬ bi dzeuˇ-iˇ ma. Deuˆ tahˬ-awˇ nyehꞈ mi-euˬ deuˬ kʼawꞈ, dawˬ tawˆ luꞈ ya shiˇ jiˇ tehꞈ-a.’

Dawˬmehˬ 7:18

Aˬ yawꞈ maꞈ-ahˇ taˬ guˆ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh Iˇjiˇtuˆ sahˬ paˬ hawˇ-eu aˬ yawꞈ-euˬ tsawˇ haˬ deuˬ-ahˇ jahˇ nehˬ-euˬ gaˇ noeˬ keuˆ-awˬ.

Dawˬmehˬ 7:21

Kʼoeˇ miˇ neh, tsawˇ haˬ kʼoeˇ deuˬ-ahˇ naw maꞈ taˬ guˆ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ nehˬ-ehˇ jawˇ meh. Aˬ yawꞈ-aˬ, huiˬ dui dui-eu Miˬyehˇ pyeuꞈ-awˇ, guˆ laˇ paˬ-ehˇ gʼeh-eu meh.

Dawˬmehˬ 9:7

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui ma bi pehˇ ni, bawˇ tsahˬ bawˇ dahˇ laꞈ kʼoeˇ naw maꞈ aˬ joˆ-ehˇ jahˇ-euˬ gaˇ kawˆ-ahˇ tiˬ jawˇ-iˬ taˬ ngehˇ. Iˇjiˇtuˆ miˇ kʼahˬ laꞈ kʼoeˇ neh doˆ le-euˬ tiˬ nah neh aˇ dahˬ beh-awˇ, heu gaˇ laˇ keuˆ ngeh keuˆ ni, Sahˬpaˬ Miˬyehˇ-ahˇ naw maꞈ puiˬ-euˬ meh.

Piˇliˇpiˆ 1:27

Huiˬ-eu tiˬ jeˬ-aˬ, ngaˇ naw maꞈ-ahˇ haw keuˆ laˇ-eu maˬ kaˬ, maˬ haw keuˆ laˇ-eu maˬ kaˬ, naw maꞈ nui ma tiˬ siˬ tehꞈ-ehˇ taˬ-awˇ ziꞈ dah ni jawˇ luꞈ-eu gaˇ kawˆ hawˇ-eu, La kʼaˬ cehˇ-eu Guiˬ lahˬ dawˬ-ahˇ taꞈ-eu jah-eu jeˬ gʼaˇ duˬ naw maꞈ nui ma gm-awˇ deuˆ ceh ceh luꞈ-eu gaˇ kawˆ-ahˇ ngaˇ ya gaˬ ni, Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ tsaˬ ni dehꞈ gʼeh jawˇ gʼeh-awˬ.

Yawˇshuˆ 1:5

Yawˇshuˆ-oˇ, nawˇ yaw dehꞈ kʼaˇ dehꞈ kʼoeˇ keuˆ ni tsawˇ haˬ tiˬ gʼaˬ-iˬ nawˬ-ahˇ maˬ gʼaˬ laˇ-aˇ. Moˇseˬ nehˬ-ehˇ ngaˇ jawˇ-euˬ loꞈ-ehˇ, nawˬ nehˬ-ehˇ ngaˇ jawˇ ma. Aˬ myah luꞈ nawˬ nehˬ-ehˇ ngaˇ jawˇ-awˇ, nawˬ-ahˇ ngaˇ maˬ byehˇ dzeh.

Yawˇshuˆ 14:12

Ngaˇ hawˇ-eu ngaˬ-euˬ tsawˇ haˬ deuˬ kʼoeˬ sho haw leˇ-euˬ gaˇ kawˆ paˇ dzawˇ poˆ nehˬ ngeh nah, Sahˬpaˬ Miˬyehˇ ngaˬ-ahˇ saˇ jaˇ dzaˬ-euˬ loꞈ-ehˇ, gawˬ jawˬ gawˬ duˇ gahˬ kaˬ kʼoeˇ ngaˬ-ahˇ biꞈ nehˬ laꞈ-awˬ. Huiˬ dui goˇ dui dui-eu tsawˇ jeuˬ pyeuꞈ-eu Aˬnaˬkaˆ tsawˇ haˬ deuˬ, goˇ dui dui-eu meuˬ lahˇ laꞈ kʼoeˇ jawˇ luꞈ meh lehˇ naw maꞈ-ahˇ nga maꞈ ehˇ nehˬ-euˬ ma. Sahˬpaˬ Miˬyehˇ neh ehˇ taˬ-euˬ loꞈ-ehˇ, ngaˬ nehˬ-ehˇ Sahˬpaˬ Miˬyehˇ jawˇ-awˇ, aˬ yawꞈ maꞈ-ahˇ ngaˇ teh doˆ nya-eu duˇ.”

Yaˇ kʼaˬ daˇ 1:22

Eˇpaˬleˬ tsawˇ jeuˬ hawˇ-eu Maˬnaˇseˬ tsawˇ jeuˬ deuˬ, kʼoeˇ ngeh jo-ahˇ Luˇzaˆ meuˬ lehˇ kuˇ-eu Beˬdeˬlaˇ meuˬ-ahˇ guiˇ deuˆ-awˇ, aˬ yawꞈ maꞈ-ahˇ Sahˬpaˬ Miˬyehˇ caw ba nehˬ-euˬ meh. Aˬ yawꞈ maꞈ tsawˇ haˬ pyehˬ gʼeh-awˇ, meuˬ kʼoeˇ meuˬ-ahˇ bi kʼoeˬ sho haw-iˇ-euˬ meh.