Bawˇtsahˬ 14:34 - Akha

³⁴ Naw maꞈ-euˬ iˬ baˇ baˬ da neh pyeuꞈ laˇ-euˬ jeˬ-ahˇ oeˬ tseˇ kʼoꞈ keuˆ ni naw maꞈ ya daˬ tehꞈ-a. Miˇ kʼahˬ kʼoeˇ kʼahˬ-ahˇ pyehˆ tseˇ haw leˇ-euˬ aˇ nah tiˬ nah dah zaˇ tiˬ kʼoꞈ naw maꞈ ya daˬ poˆ tehꞈ-a. Kʼoeˇ ngeh, naw maꞈ-ahˇ ngaˇ nui ma maˬ saˇ ngeh aˬ joˆ-ehˇ gʼeh-eu nya lehˇ naw maꞈ ya siˬ duˬ tehꞈ-a.

Bawˇtsahˬ 14:34 ပူးပေါင်းရင်းမြစ်များ

1 Sahˬpaˬ 8:56

“Saˇ jaˇ dzaˬ taˬ-euˬ jaˆ-eu loꞈ-ehˇ aˬ yawꞈ-euˬ tsawˇ haˬ deuˬ-ahˇ nui saˇ oꞈ-eu jeˬ biꞈ-eu Sahˬpaˬ Miˬyehˇ-ahˇ ja ceuˬ-awˬ. Moˇseˬ-ahˇ gʼoe-awˇ aˬ yawꞈ neh biꞈ taˬ-euˬ saˇ jaˇ dawˬ tawˆ luꞈ-ahˇ aˬ yawꞈ ziꞈ luꞈ meh.

2 Laˬsaˬbaˬ 36:21

Miˬyehˇ gʼaˇ duˬ ngehˬ dah-eu Yeˬlaˬmiˇ-ahˇ gʼoe-awˇ, Sahˬpaˬ Miˬyehˇ neh ehˇ taˬ-euˬ dawˬ deuˬ kʼoeˇ loꞈ-ehˇ byah laˇ-euˬ meh. “Jawˇ nah maˬ tawˬ-euˬ miˇ kʼahˬ kʼoeˇ kʼahˬ, tsawˇ haˬ maˬ jawˇ-ehˇ ciˬ cuˇ ni jaˆ-eu laꞈ kʼoeˇ, shiꞈ tseˇ kʼoꞈ jawˇ nah tawˬ-awˇ gʼaˬ naˬ ya naˬ dehˆ tehꞈ-a” lehˇ ehˇ taˬ-euˬ meh.

Jaceuq 105:42

Aˬ yawꞈ-euˬ zaˬ kʼaˆ Aˬbyaˬhaˬ nehˬ-ehˇ dzaˬ-euˬ, muiˬ-eu shawˇ-eu dawˬ ma saˇ jaˇ-ahˇ, aˬ yawꞈ noeˬ mawˇ-euˬ meh.

Jaceuq 38:4

iˬbaˇmyaˬ-eu uˬduˬpymˬ-awˇ, maˬdaˬcoeˇni kah dui dui nya.

Jaceuq 77:8

Aˬ yawꞈ aˬ dui-ahˇ gaˬ-eu jiˇ shaw taˬ loˇ. Aˬ yawꞈ-euˬ dawˬ ma saˇ jaˇ gaˇ dahˇ maˬ paˇ tsoeˬ meh loˇ.

Jaceuq 95:10

Oeˬ tseˇ kʼoꞈ byah ni kʼoeˇ ziˇ-euˬ tsawˇ haˬ kʼoeˇ deuˬ-ahˇ, ngaˇ nui daˆ daˆ-euˬ ma. Aˬ yawꞈ maꞈ aˇ naˆ ni saˇ jaˇ maˬ ziꞈ-eu tsawˇ haˬ nga. Ngaˬ-euˬ zahˇ dawˬ kʼoꞈ dawˬ-ahˇ aˬ yawꞈ maꞈ maˬ naˇ haˬ geuꞈ-a lehˇ ngaˇ ehˇ-euˬ ma.

Yeˬsaˬgeˬlaˇ 14:10

Miˬyehˇ gʼaˇ duˬ ngehˬ dah-eu gʼaˬ maˬ ehˇ, aˬ yawꞈ-ahˇ ja uˇ leˇ-euˬ gʼaˬ maˬ ehˇ, nyiˬ gʼaˬ luꞈ-ahˇ tiˬ kawˆ loꞈ-ehˇ kʼehˬ nehˬ ma.

Yeˬsaˬgeˬlaˇ 23:35

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nawˇ ngaˬ-ahˇ ngehˇ-awˇ naˇ kʼah ciˬ pyawˇ-euˬ miˇ neh, nawˬ neh kʼaˬ miˬ sheu gaˇ gaˬ-awˇ meh maˬ laˇ geuꞈ-euˬ aˇ poeˬ nawˇ ya shaˬ duˬ tehꞈ-a.

Yeˬsaˬgeˬlaˇ 4:5

Ngaˇ nawˬ-ahˇ smˬ yaˇ gʼoeˬ tseˇ nah keuˆ ni kʼoeˇ loꞈ-ehˇ bi daˬ ma. Iˇsaˬleˬlaˆ miˇ kʼahˬ-aˬ, smˬ yaˇ gʼoeˬ tseˇ kʼoꞈ keuˆ ni kʼehˬ-eu kʼaˆ-eu jeˬ-ahˇ ya daˬ tehꞈ-a. Nawˬ neh tiˬ nah daˬ-eu jeˬ-ahˇ aˬ yawꞈ maꞈ tiˬ kʼoꞈ ya daˬ tehꞈ-a. Iˇsaˬleˬlaˆ miˇ kʼahˬ-ahˇ kʼehˬ nehˬ kʼaˆ nehˬ-eu jeˬ gʼaˇ duˬ, nawˇ kʼoeˇ myah ni ya daˬ tehꞈ-a.

Yeˬsaˬgeˬlaˇ 4:6

Nawˇ kʼoeˇ loꞈ-ehˇ daˬ gʼaˬ ngeh, aˇ maˇ paw paˇ poˆ pyaˆ-awˇ, Yuˇdaˆ miˇ kʼahˬ gʼaˇ duˬ oeˬ tseˇ nah keuˆ ni paˇ daˬ poˆ-awˬ. Nawˬ neh tiˬ nah daˬ-euˬ jeˬ-ahˇ aˬ yawꞈ maꞈ tiˬ kʼoꞈ ya daˬ tehꞈ-a.

Daˬyeˬlaˇ 9:24

“Shiꞈ tseˇ kʼoꞈ, shiꞈ poˆ lehˇ ehˇ-euˬ-aˬ, nawˬ-euˬ tsawˇ jeuˬ hawˇ-eu naw maꞈ-euˬ muiˬ-eu shawˇ-eu meuˬ-ahˇ iˬ baˇ hawˇ-eu yaw haiˬ jeˬ laꞈ kʼoeˇ ka kʼoꞈ nehˬ-eu gʼaˇ duˬ, Miˬyehˇ neh dza taˬ-euˬ aˇ yamˬ-ahˇ ehˇ-eu meh. Yaw sahˇ laꞈ kʼoeˇ kʼaˇ ya siˬ kʼaˇ ya mawˇ-euˬ loꞈ-ehˇ aˬ diˇ aˬ maˇ keuˆ le-awˇ, muiˬ-eu shawˇ-eu Uˬ duˬ tahˬ nymˇ nymˇ ma paˇ ya a nehˬ-eu aˇ nah bi keuˆ le-eu gʼaˇ duˬ, iˬ baˇ mˇ-eu jeˬ aˇ saˬ bi saˬ le-awˇ, mˬ maˬ maˬ byaˆ zaˇ ziˇ ziꞈ-eu yaw tsaˬ yaw dawˇ jeˬ ziꞈ dah ni bi jaˆ le tehꞈ-a.

Hawˇseˬ 9:12

Zaˬ paˇ cu huiˬ law hawˇ kʼawꞈ ni, yaw dehꞈ tiˬ gʼaˬ-iˬ maˬ bi jawˇ. Aˬ yawꞈ maꞈ-ahˇ ngaˇ byehˇ dzeh ngeh, yaw kʼaˆ-ehˇ ya noeˬ shaˬ tehꞈ-a.”

Uˬ duˬ 20:19

Tsawˇ haˬ tiˬ gʼaˬ na, yawˬ ha-euˬ aˬ kʼoˬ nehˬ-ehˇ maˬ ehˇ, yawˬ ha-euˬ aˬ mui nehˬ-ehˇ maˬ ehˇ, bahˬ naˇ, maˬ mˇ kʼmˬ-eu jeˬ mˇ-euˬ miˇ neh, kʼaˇ keuˆ le-eu jeˬ-ahˇ aˬ yawꞈ nyaꞈ ya daˬ tehꞈ-a.

Zaˬkaˬliˇ 11:10

Kʼoeˇ naˇ, Sahˬpaˬ Miˬyehˇ neh miˇ kʼahˬ tsawˇ jeuˬ dawˬ tawˆ luꞈ-ahˇ dzaˬ taˬ-euˬ dawˬ ma saˇ jaˇ bi cawˆ-iˇ-eu gʼaˇ duˬ, “Gʼawˬ shaˬ gaˬ-eu jeˬ” lehˇ kuˇ-eu daˇ cuiˇ kʼoeˇ ngaˇ ngawˬ kʼehꞈ-euˬ ma.

Bawˇtsahˬ 13:25

Oeˬ tseˇ nah keuˆ ni miˇ kʼahˬ kʼoeˇ kʼahˬ-ahˇ pyehˆ tseˇ haw gʼaˬ ngeh jawˇ, kʼoeˬ sho leˇ-euˬ tsawˇ haˬ kʼoeˇ deuˬ gʼoꞈ le-euˬ meh.

Bawˇtsahˬ 18:23

Aˬ kaˇ naˇ, Leˬbiˇ tsawˇ haˬ deuˬ tehꞈ-ehˇ Sehˬ gʼawˆ-ahˇ haw-eu pyaˆ-eu laꞈ kʼoeˇ, sehˬ gʼawˆ laꞈ kʼoeˇ jaˆ-eu gaˇ deuˬ ya mˇ meh. Heu-aˬ, naw maꞈ-euˬ zaˬ deuˬ uˆ deuˬ-ahˇ keuˆ ni taꞈ-eu maˬ poˆ maˬ paˇ laˇ nya-eu zahˇ sahˇ kʼoꞈ pyeuꞈ-eu meh. Iˇsaˬleˬlaˆ miˇ kʼahˬ laꞈ kʼoeˇ, Leˬbiˇ tsawˇ haˬ deuˬ ya geuꞈ tsehˆ tsehˆ-eu jeˬ biˇ maˬ jaˆ-a.

Bawˇtsahˬ 32:13

Sahˬpaˬ Miˬyehˇ nui ma pehˇ-awˇ, aˬ yawꞈ nui ma maˬ saˇ ni mˇ-euˬ tsawˇ haˬ kʼoeˇ shehˆ maˬ shiˇ jiˇ kʼoeˇ keuˆ ni, oeˬ tseˇ kʼoꞈ keuˆ ni bawˇ tsahˬ bawˇ dahˇ doe ni cah cah-ehˇ bi jawˇ-euˬ meh.

Gʼaˬkʼehˇ 13:18

Kʼoeˇ naˇ, oeˬ tseˇ kʼoꞈ keuˆ ni bawˇ tsahˬ bawˇ dahˇ laꞈ kʼoeˇ aˬ yawꞈ maꞈ-ahˇ jeuˬ jeuˬ-ehˇ shaˬ-euˬ meh.

Dawˬmehˬ 2:7

“Naw maꞈ neh kʼaˇ mˇ kʼaˇ shaˇ-euˬ jeˬ laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ aˬ joˆ-ehˇ guiˬ lahˬ biꞈ laꞈ-euˬ gaˇ kawˆ-ahˇ noeˬ keuˆ-awˬ. Jeˇ dui dui-eu bawˇ tsahˬ bawˇ dahˇ heu laꞈ kʼoeˇ naw maꞈ cah luꞈ ngeh, naw maꞈ-ahˇ aˬ yawꞈ haw piˇ-euˬ meh. Aˇ yamˬ heu oeˬ tseˇ kʼoꞈ laꞈ kʼoeˇ, aˬ yawꞈ naw maꞈ nehˬ-ehˇ jawˇ-awˇ, kʼaˇ loˬ-eu jeˬ naw maꞈ za-euˬ meh.

HeˬByehˇ 4:1

Nymˬ-mˇ poˆ jawˇ, Miˬyehˇ aˬ yawꞈ neh ehˇ dzeuˇ-euˬ gʼaˬ naˬ naˬ-eu jeˬ-ahˇ aˬ dui za ni saˇ jaˇ dzaˬ mawꞈ-eu meh. Kʼoeˇ miˇ neh, aˬ yawꞈ neh saˇ jaˇ dzaˬ taˬ-euˬ gʼaˬ naˬ naˬ-eu jeˬ kʼoeˇ-ahˇ, naw maꞈ tiˬ gʼaˬ-iˬ ma ya smˬ-iˇ ni yahˇ kaˇ-euˇ.

Yawˇshuˆ 14:10

Ehˇ kʼawꞈ, nymˬ-mˇ haw sheˇ. Moˇseˬ-ahˇ Sahˬpaˬ Miˬyehˇ kʼoeˇ loꞈ-ehˇ ehˇ nehˬ-euˬ oeˬ tseˇ kʼoꞈ byah laˇ-euˬ meh. Iˇsaˬleˬlaˆ tsawˇ haˬ deuˬ bawˇ tsahˬ bawˇ dahˇ-ahˇ cah luꞈ ngeh kʼoeˇ loꞈ-ehˇ ehˇ-euˬ meh. Ehˇ kʼawꞈ, Sahˬpaˬ Miˬyehˇ-aˬ, aˬ yawꞈ neh saˇ jaˇ dzaˬ taˬ-euˬ jaˆ-eu loꞈ-ehˇ, iˬ nah keuˆ ni ngaˬ-ahˇ bi dehꞈ laꞈ-euˬ meh. Ngaˬ-ahˇ haw sheˇ. Ngaˬ-euˬ aˇ kʼoꞈ yehꞈ tseˇ ngaˬ kʼoꞈ byah laˇ-euˬ ma.

Panmaeq 11:3

Guˬ daˇ pehˇ zeuˇ dm luꞈ-eu saˇ kiˇ kamˬ-eu ngaˬ-euˬ tsawˇ haˬ nyiˬ gʼaˬ-ahˇ ngaˇ pyehˬ gʼeh-awˇ, aˇ nah aˇ yamˬ kʼoeˇ tiˬ heˇ nyiˬ yaˇ koꞈ tseˇ nah laꞈ kʼoeˇ, aˬ yawꞈ nyaꞈ Miˬyehˇ dawˬ kawˬ mehˬ tehꞈ-a.”

1 Saˬmeuˬlaˆ 2:30

Ngaˇ-aˬ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ma. Nawˬ-euˬ nymˇ jiˇ hawˇ-eu nawˬ-euˬ aˇ jeuˬ-ahˇ, aˬ myah luꞈ ngaˬ-euˬ gaˇ mˇ-eu piˇ ma deuˬ bi geuꞈ ma lehˇ, dzeuˇ laˇ ngeh ngaˇ saˇ jaˇ dzaˬ taˬ-euˬ ma. Ehˇ kʼawꞈ, nymˬ-mˇ kʼoeˇ loꞈ-ehˇ maˬ paˇ geuꞈ nya meh lehˇ ngaˇ ehˇ-eu ma. Ngaˬ-ahˇ taˬ huiˬ-eu tsawˇ haˬ-ahˇ ngaˇ taˬ huiˬ nehˬ-awˇ, ngaˬ-ahˇ yaw zeu maˬ baw-eu tsawˇ haˬ-ahˇ ngaˇ yaw zeu maˬ baw.