Bawˇtsahˬ 14:16 - Akha

¹⁶ Nawˬ-euˬ tsawˇ haˬ deuˬ-ahˇ biꞈ ma lehˇ nawˬ neh saˇ jaˇ dzaˬ taˬ-euˬ miˇ kʼahˬ-ahˇ, aˬ yawꞈ maꞈ-ahˇ nawˇ maˬ sheuˬ keuˆ gʼeh nya-eu baˬ da neh, bawˇ tsahˬ bawˇ dahˇ laꞈ kʼoeˇ nawˬ-euˬ tsawˇ haˬ deuˬ-ahˇ nawˇ sehꞈ-euˬ ngaˇ lehˇ ehˇ tehꞈ-a.

Bawˇtsahˬ 14:16 ပူးပေါင်းရင်းမြစ်များ

Doˆ-iˇ 32:12

Nawˇ-aˬ, nawˬ-euˬ tsawˇ haˬ deuˬ-ahˇ, gawˬ jawˬ gawˬ duˇ kʼoeˇ taˆ sehꞈ dzeh jiˇ-awˇ, laˆ piˬ laˆ byoˆ jiˇ mawꞈ-eu miˇ neh, Iˇjiˇtuˆ miˇ kʼahˬ laꞈ kʼoeˇ neh sheuˬ doˆ gʼeh-euˬ nga lehˇ Iˇjiˇtuˆ tsawˇ haˬ deuˬ bi ehˇ-eu loˇ. Nui ma pehˇ-eu taˬ leˇ-awˬ. Luˬ-iˇ seˇ-iˇ-eu heu nawˬ-euˬ tsawˇ haˬ deuˬ kʼoeˇ taˆ maˬ ya bi keuˆ le ni, nawˬ-euˬ nui ma noeˬ paˇ-awˬ.

Bawˇtsahˬ 14:17

Kʼoeˇ miˇ neh Sahˬpaˬ Miˬyehˇ-oˇ, nymˬ-mˇ ngaˇ nawˬ-ahˇ heu loꞈ-ehˇ guiˬ lahˬ shaˇ-eu ma. Nawˬ-euˬ baoˬ nga maꞈ-ahˇ bi mawˇ laꞈ-awˇ, nawˬ neh saˇ jaˇ dzaˬ-awˇ ehˇ taˬ-euˬ jaˆ-eu loꞈ-ehˇ mˇ nehˬ laꞈ-awˬ. Nawˇ heu loꞈ-ehˇ ehˇ taˬ-euˬ jaˆ-eu meh.

Dawˬmehˬ 9:28

Kʼoeˇ loꞈ-ehˇ maˬ ngeuˇ naˇ, nawˬ-euˬ tsawˇ haˬ deuˬ-ahˇ, nawˬ neh saˇ jaˇ dzaˬ taˬ-euˬ miˇ kʼahˬ-ahˇ nawˇ maˬ sheuˬ uˇ gʼeh nehˬ nya nga lehˇ, Iˇjiˇtuˆ tsawˇ haˬ deuˬ ehˇ tehꞈ-a. Nawˬ-euˬ tsawˇ haˬ deuˬ-ahˇ nawˇ bye-eu miˇ neh, bawˇ tsahˬ bawˇ dahˇ-ahˇ sheuˬ gʼeh-awˇ sehꞈ-euˬ ngaˇ lehˇ, aˬ yawꞈ maꞈ ehˇ tehꞈ-a.

Yawˇshuˆ 7:7

Yawˇshuˆ Sahˬpaˬ Miˬyehˇ-ahˇ ehˇ-eu, “Dawˬ tawˆ luꞈ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, aˬ jeˬ miˇ neh nawˇ nga maꞈ-ahˇ Yawˇdaˬ lawˇ baˬ sheuˬ tsehˆ nehˬ laꞈ teˬ. Aˬmawˇliˆ tsawˇ haˬ deuˬ-euˬ aˬ laꞈ laꞈ kʼoeˇ nga maꞈ-ahˇ a nehˬ-eu lehˇ gʼeh te loˇ. Nga maꞈ-ahˇ laˆ luˬ laˆ seˇ-eu lehˇ gʼeh te loˇ. Aˬ jeˬ miˇ neh Yawˇ daˬ lawˇ baˬ kʼoeˇ paw baˬ-ahˇ nga maꞈ-ahˇ maˬ bi jawˇ laꞈ teˬ.

Yawˇshuˆ 7:9

Kaˬnaˬ tsawˇ jeuˬ hawˇ-eu miˇ kʼahˬ heu kʼahˬ laꞈ kʼoeˇ kʼaˇ jawˇ-eu tsawˇ jeuˬ yawˬ jeuˬ na luꞈ gaˇ kawˆ heu ya gaˬ tehꞈ-a. Aˬ yawꞈ maꞈ nga maꞈ-ahˇ jawˬ lahˇ-awˇ, nga maꞈ yawˬ gʼaˬ na luꞈ-ahˇ sehꞈ tehꞈ-a. Kʼoeˇ ngeh, nawˬ-euˬ tsawˇ myahˇ maˬ ya cawˆ-iˇ ni nawˇ aˬ joˆ-ehˇ jahˇ nmˇ.”