Bawˇtsahˬ 14:14 - Akha

¹⁴ miˇ kʼahˬ heu kʼahˬ laꞈ kʼoeˇ jawˇ-eu tsawˇ haˬ kʼoeˇ deuˬ-ahˇ, gaˇ kawˆ kʼoeˇ aˬ yawꞈ maꞈ dzawˇ nehˬ tehꞈ-a. Sahˬpaˬ Miˬyehˇ nawˇ nga maꞈ nehˬ-ehˇ jawˇ-eu gaˇ kawˆ maˬ ehˇ, nawˬ-euˬ mˬ dmˇ nga maꞈ kʼoeˇ taˆ naˬ le ngeh nawˬ-ahˇ bya cehˆ ni ya mawˇ-euˬ gaˇ kawˆ maˬ ehˇ, nah gʼahˇ paw mˬ dmˇ kʼawˇ zeuˇ neh nga maꞈ-ahˇ nawˇ sheuˬ gʼeh-euˬ gaˇ kawˆ maˬ ehˇ, uˬ ciꞈ paw miˬ dzaˬ kʼawˇ zeuˇ neh sheuˬ gʼeh-euˬ gaˇ kawˆ maˬ ehˇ, tsawˇ haˬ kʼoeˇ deuˬ ya siˬ ya mawˇ gʼaˬ-euˬ meh.

Bawˇtsahˬ 14:14 ပူးပေါင်းရင်းမြစ်များ

Aˇ dahˬ 32:30

“Ngaˇ Miˬyehˇ-ahˇ myaˆ pyawˬ ciˬ daˬ-awˇ ya mawˇ-euˬ kʼawꞈ, maˬ ya shiˇ-aˬ” lehˇ Yaˬkoˆ ehˇ-awˇ, jawˇ duˬ kʼoeˇ tsahˇ-ahˇ Peˬniˬlaˇ lehˇ myahˇ nehˬ-euˬ meh.

Neˬhaˬmiˇ 9:12

Nah gʼahˇ paw mˬ dmˇ neh gaˇ ma mehˬ-awˇ, uˬ ciꞈ paw miˬ dzaˬ bya nehˬ-eu laꞈ kʼoeˇ, aˬ yawꞈ maꞈ-ahˇ nawˇ sheuˬ gʼeh-euˬ meh.

Neˬhaˬmiˇ 9:19

Ehˇ kʼawꞈ nawˇ gʼawˬ shaˬ gaˬ-eu jeˬ myaˬ-eu miˇ neh, bawˇ tsahˬ bawˇ dahˇ kʼaˇ shuiꞈ deh-ahˇ, aˬ yawꞈ maꞈ-ahˇ nawˇ maˬ byehˇ dzeh-aˬ. Uˬ ciꞈ hawˇ-eu nah gʼahˇ aˬ yawꞈ maꞈ-ahˇ gaˇ ma mehˬ luꞈ-eu, miˬ dzaˬ hawˇ-eu mˬ dmˇ nawˇ maˬ yuˇ dzeh nehˬ-aˬ.

Jaceuq 105:39

Aˬ yawꞈ-euˬ tsawˇ haˬ deuˬ-ahˇ mˬ dmˇ joe shmˇ nehˬ-awˇ, uˬ ciꞈ paw miˬ dzaˬ yaw shehꞈ bya nehˬ-euˬ meh.

Jaceuq 78:14

Nah gʼahˇ paw mˬ dmˇ neh bi sheuˬ gʼeh-euˬ meh.

Doˆ-iˇ 15:14

Gaˇ kawˆ heu aˬ cawˬ tsawˇ jeuˬ deuˬ ya gaˬ-awˇ, aˬ yawꞈ maꞈ guˆ dui dui-eu laꞈ kʼoeˇ yaw dzuˬ dzuˬ-euˬ meh. Piˇliˇtiˆ tsawˇ haˬ deuˬ noeˬ shaˬ dui dui meh.

Doˆ-iˇ 33:11

Cawˬ nyiˬ gʼaˬ dawˬ ja ja cawˬ-eu loꞈ-ehˇ, Moˇseˬ-ahˇ Sahˬpaˬ Miˬyehˇ myaˆ pyawˬ ciˬ daˬ-awˇ dawˬ ngehˬ cawˬ-eu meh. Kʼoeˇ naˇ, Iˇsaˬleˬlaˆ tsawˇ haˬ deuˬ jawˇ gaˇ, Moˇseˬ gʼoꞈ-iˇ-eu meh.

Doˆ-iˇ 33:16

Nga maꞈ nehˬ-ehˇ nawˇ maˬ le naˇ, ngaˇ hawˇ-eu ngaˬ-euˬ tsawˇ haˬ deuˬ-ahˇ nawˇ nui ma tsaˬ-eu gaˇ kawˆ, aˬ suˇ gʼaˬ aˬ joˆ-ehˇ ya siˬ nmˇ. Nawˇ nga maꞈ nehˬ-ehˇ jawˇ naˇ, miˇ tsaˬ kʼoeˇ taˆ jawˇ-eu tsawˇ jeuˬ aˬ geu jeuˬ nehˬ-ehˇ maˬ kaˬ, nga maꞈ beu gaˇ tehꞈ-a.”

Doˆ-iˇ 40:38

Aˬ yawꞈ maꞈ doe doe-ehˇ jawˇ jawˇ-ehˇ cah-euˬ aˇ nah aˇ yamˬ laꞈ kʼoeˇ, Sahˬpaˬ Miˬyehˇ jawˇ-eu saˇ kiˇ pyeuꞈ-eu mˬ dmˇ kʼoeˇ, nah gʼahˇ paw Sehˬ gʼawˆ kʼoeˇ taˆ jaˆ-awˇ, uˬ ciꞈ paw mˬ dmˇ laꞈ kʼoeˇ miˬ dzaˬ doꞈ luꞈ-eu meh.

Bawˇtsahˬ 10:34

Aˬ yawꞈ poˆ yawꞈ aˬ yawꞈ maꞈ kʼaˇ luˆ-iˇ ngeh, nah gʼahˇ paw Sahˬpaˬ Miˬyehˇ-euˬ mˬ dmˇ aˬ yawꞈ maꞈ kʼoeˇ taˆ jaˆ-eu meh.

Bawˇtsahˬ 12:8

Kʼoeˇ miˇ neh, aˬ yawꞈ-ahˇ ngaˇ dawˬ ngehˬ cawˬ ngeh, myaˆ pyawˬ ciˬ daˬ-awˇ, bya cehˆ ni ngehˬ cawˬ-eu ma. Dawˬ jaw dawˬ yehˆ maˬ zmˬ. Ngaˬ-euˬ seuˆ dzeuꞈ aˇ gʼehˇ kʼawꞈ, aˬ yawꞈ mawˇ haw-euˬ meh. Ngaˬ-euˬ zaˬ kʼaˆ Moˇseˬ-ahˇ iˬ baˇ taˬ-eu dawˬ, naw nyaꞈ aˬ joˆ-ehˇ ngehˬ peuˬ-eu nya.”

Yoˇhaˬ 1:18

Tsawˇ haˬ tiˬ gʼaˬ-iˬ Miˬyehˇ-ahˇ maˬ mawˇ haw-aˬ. Aˬda-euˬ bawˇ kʼahˇ-ahˇ nuiˇ-eu Zaˬmaˇ tiˬ gʼaˬ tehꞈ neh, Miˬyehˇ aˬ suˇ gʼaˬ pyeuꞈ-eu gaˇ kawˆ pah mehˬ le-euˬ meh.

Yoˇhaˬ 14:9

Yeˬsuˇ ehˇ-eu, “Ngaˇ naw maꞈ nehˬ-ehˇ heu myah ni jawˇ keuˆ laꞈ-euˬ kʼawꞈ, Piˇliˇpuˆ nawˇ ngaˬ-ahˇ maˬ siˬ nya nga siˬ laˬ. Ngaˬ-ahˇ kʼaˇ ya mawˇ-euˬ tsawˇ haˬ-aˬ, Aˬda-ahˇ ya mawˇ-euˬ gaˇ duˇ meh. ‘Nga maꞈ-ahˇ Aˬda bi mawˇ laꞈ’ lehˇ aˬ jeˬ miˇ neh ehˇ te.

1 Gawˇliˬtu 13:12

Nymˬ-mˇ aˬ dui ya mawˇ luꞈ-eu heu-aˬ, pyawˬ haw-ahˇ haw-eu loꞈ-ehˇ duˇ-awˇ, maˬ mawˇ shawˇ laˇ-a. Aˇ yamˬ kʼoeˇ keuˆ le ngeh, myaˆ pyawˬ ciˬ daˬ-awˇ ya mawˇ duˬ tehꞈ-a. Nymˬ-mˇ ngaˇ siˬ nya-eu heu-aˬ, maˬ byah maˬ loꞈ-a siˬ. Ehˇ kʼawꞈ, aˇ yamˬ kʼoeˇ keuˆ le ngeh, byah laˇ loꞈ laˇ tehꞈ-a. Miˬyehˇ ngaˬ-ahˇ tiˬ byah tiˬ loꞈ siˬ nya-eu loꞈ-ehˇ byah laˇ loꞈ laˇ tehꞈ-a.

Dawˬmehˬ 1:19

“Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ neh dawˬ kʼaˇ biꞈ-euˬ loꞈ-ehˇ aˬ dui mˇ-euˬ ma. Siˇnaˆ gawˬ jawˬ-ahˇ neh aˬ dui maꞈ doˆ le-awˇ, Aˬmoˬ miˇ kʼahˬ gawˬ jawˬ gawˬ duˇ-ahˇ keuˆ ni, guˆ laˇ paˬ-ehˇ gʼeh-eu jeˇ dui dui-eu bawˇ tsahˬ bawˇ dahˇ laꞈ kʼoeˇ aˬ dui maꞈ cah-awˇ, Kaˬdeˬshaˇbaˬneˬ-ahˇ aˬ dui maꞈ laˇ keuˆ-euˬ ma.

Dawˬmehˬ 34:10

Iˇsaˬleˬlaˆ tsawˇ jeuˬ laꞈ kʼoeˇ, Moˇseˬ-ahˇ duˇ-eu Miˬyehˇ gʼaˇ duˬ ngehˬ dah-eu tiˬ gʼaˬ-iˬ maˬ doˆ laˇ haw-aˬ. Sahˬpaˬ Miˬyehˇ myaˆ pyawˬ ciˬ daˬ-awˇ dawˬ ngehˬ cawˬ-euˬ aˬ yawꞈ loꞈ-ehˇ gʼeh-eu tsawˇ haˬ maˬ jawˇ-a.

Dawˬmehˬ 5:24

Aˬyawꞈ maꞈ ehˇ-eu,‘Miˬ dzaˬ laꞈ kʼoeˇ aˬ yawꞈ dawˬ ngehˬ gaˇ aˬ dui ya gaˬ-eu laꞈ kʼoeˇ, aˬ yawꞈ-euˬ yaw shehꞈ kʼahˬ sehˇ hawˇ-eu aˬ yawꞈ aˇ naˆ ni huiˬ-eu gaˇ kawˆ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ dui-ahˇ bi siˬ bi mawˇ laꞈ-euˬ meh. Tsawˇ haˬ tiˬ gʼaˬ-ahˇ Sahˬpaˬ Miˬyehˇ dawˬ ngehˬ cawˬ-euˬ kʼawꞈ, tsawˇ haˬ kʼoeˇ gʼaˬ maˬ ya shiˇ-ehˇ yaw dehꞈ dehꞈ nya-eu gaˇ kawˆ, iˬ nah aˬ dui maꞈ ya mawˇ-euˬ ma.

Dawˬmehˬ 5:4

Gawˬ jawˬ kʼoeˇ jawˬ kʼoeˇ taˆ, miˬ dzaˬ laꞈ kʼoeˇ Sahˬpaˬ Miˬyehˇ naw maꞈ-ahˇ myaˆ pyawˬ ciˬ daˬ-awˇ dawˬ ngehˬ cawˬ-euˬ meh.

Yawˇshuˆ 5:1

Iˇsaˬleˬlaˆ tsawˇ haˬ deuˬ lawˇ baˬ tsehˆ doˆ gʼaˬ ngeh keuˆ ni, Yawˇdaˬ lawˇ baˬ-ahˇ Sahˬpaˬ Miˬyehˇ bi gui-iˇ-euˬ gaˇ kawˆ, Yawˇdaˬ lawˇ baˬ nahˇ ma ga kʼehˬ paw kʼaˇ jawˇ-eu Aˬmawˇliˆ sahˬ paˬ dawˬ tawˆ luꞈ hawˇ-eu Gʼahˇ ceh-euˬ Iˬ ma laˆ shaˆ caw caw-ehˇ jawˇ-eu Kaˬnaˬ sahˬ paˬ dawˬ tawˆ luꞈ ya gaˬ-euˬ meh. Iˇsaˬleˬlaˆ tsawˇ haˬ deuˬ baˬ da neh, aˬ yawꞈ maꞈ guˆ laˇ-awˇ, nui ma gʼaˬ baˬ dui dui laˇ taˬ-euˬ meh.

1 Yoˇhaˬ 3:2

Ngaˇ gaˬ dui dui-eu cawˬ deuˬ-oˇ, nymˬ-mˇ aˬ dui Miˬyehˇ-euˬ zaˬ ma. Ehˇ kʼawꞈ, aˬ dui mehˬ hu paw aˬ joˆ-ehˇ pyeuꞈ laˇ-eu maˬ duˬ-a siˬ. Ehˇ kʼawꞈ, Yeˬsuˇ Ka li-ahˇ bya cehˆ ni ya mawˇ ngeh, aˬ dui aˬ yawꞈ loꞈ-ehˇ pyeuꞈ laˇ tehꞈ-a lehˇ siˬ duˬ taˬ-euˬ ma. Aˬ jeˬ miˇ neh ehˇ naˇ, aˬ yawꞈ kʼaˇ ngeuˇ-eu loꞈ-ehˇ aˬ dui aˬ yawꞈ-ahˇ ya mawˇ duˬ ma.