Bawˇtsahˬ 13:26 - Akha

²⁶ Paˬlaˬ bawˇ tsahˬ bawˇ dahˇ laꞈ kʼoeˇ, Kaˬdeˬshaˇ lehˇ kuˇ-eu jawˇ duˬ-ahˇ, Moˇseˬ, Aˬloˬ hawˇ-eu Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ jawˇ gaˇ aˬ yawꞈ maꞈ gʼoꞈ keuˆ le-euˬ meh. Aˬ yawꞈ maꞈ neh kʼaˇ ya mawˇ yaꞈ-euˬ jeˬ gaˇ kawˆ dzawˇ mehˬ-awˇ, aˬ yawꞈ maꞈ neh yuˇ kʼoꞈ leꞈ-euˬ aˇ siˬ deuˬ kʼawꞈ, mehˬ nehˬ-euˬ meh.

Bawˇtsahˬ 13:26 ပူးပေါင်းရင်းမြစ်များ

Aˇ dahˬ 14:7

Kʼoeˇ naˇ, aˬ yawꞈ maꞈ naˇ kʼah paw paˇ gʼoꞈ kʼoꞈ laˇ-awˇ, Kaˬdeˬshaˇ meuˬ-ahˇ iˇ-euˬ meh. Kʼoeˇ ngeh yamˬ-ahˇ, Kaˬdeˬshaˇ meuˬ-ahˇ Eˬmiˇshaˬpaˇ meuˬ lehˇ kuˇ-euˬ meh. Aˬ yawꞈ maꞈ-aˬ, Aˬmaˬlehˇ miˇ kʼahˬ kʼahˬ lah ni-ahˇ maˬ ehˇ, Haˬzaˬzoˇdaˬ -maˇ meuˬ-ahˇ jawˇ-eu Aˬmawˇliˆ tsawˇ jeuˬ-ahˇ maˬ ehˇ, deuˆ gʼaˬ-euˬ meh.

Jaceuq 29:8

Yawꞈ-euˬ teˇsaˇkʼaˆ-eu miˇneh, bawˇtsahˬbawˇdahˇ-ahˇsheu nyeh-awˇ, Kaˬdeˬshaˇkʼaˇshuiꞈdeh yaˇkʼoeˇ, yaw dzuˬyui yui-ehˇ jaˆ-eu meh.

Bawˇtsahˬ 13:25

Oeˬ tseˇ nah keuˆ ni miˇ kʼahˬ kʼoeˇ kʼahˬ-ahˇ pyehˆ tseˇ haw gʼaˬ ngeh jawˇ, kʼoeˬ sho leˇ-euˬ tsawˇ haˬ kʼoeˇ deuˬ gʼoꞈ le-euˬ meh.

Bawˇtsahˬ 13:3

Sahˬpaˬ Miˬyehˇ neh dawˬ biꞈ-euˬ loꞈ-ehˇ, tsawˇ haˬ kʼoeˇ deuˬ-ahˇ, Paˬlaˬ bawˇ tsahˬ bawˇ dahˇ laꞈ kʼoeˇ neh Moˇseˬ pyehˬ gʼeh-euˬ meh.

Bawˇtsahˬ 20:1

Ba la yaw beh siˬ-ahˇ, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ, Ziˇnaˆ lehˇ kuˇ-eu bawˇ tsahˬ bawˇ dahˇ laꞈ kʼoeˇ oe keuˆ-awˇ, Kaˬdeˬshaˇ lehˇ kuˇ-eu jawˇ duˬ-ahˇ jawˇ naˬ-euˬ meh. Kʼoeˇ gaˇ Miˇliˬyaˬ shiˇ-awˇ, baꞈ pahˬ nehˬ-euˬ meh.

Bawˇtsahˬ 20:14

Kaˬdeˬshaˇ meuˬ-ahˇ Eˬdoˬ sahˬ paˬ jawˇ gaˇ Moˇseˬ tsawˇ haˬ pyehˬ gʼeh-awˇ, heu loꞈ-ehˇ bi tsaꞈ-iˇ-euˬ meh. “Nawˬ-euˬ aˬ yuiꞈ aˬ nyiˇ pyeuꞈ-eu Iˇsaˬleˬlaˆ tsawˇ haˬ deuˬ heu loꞈ-ehˇ dawˬ tsaꞈ tsaꞈ ahˇ leꞈ-eu ma. Nga maꞈ ya tahˬ puˬ-eu shaˬ-euˬ zahˬ-eu jeˬ dawˬ tawˆ luꞈ-ahˇ nawˇ siˬ nya meh.

Bawˇtsahˬ 20:16

caw ba le-awˬ lehˇ Sahˬpaˬ Miˬyehˇ-ahˇ nga maꞈ guˇ guˇ-ehˇ shaˇ-euˬ gaˇ kawˆ maˬ ehˇ, nga maꞈ-euˬ shaˇ dawˬ-ahˇ aˬ yawꞈ naˇ haˬ-awˇ, mˬ taˆ gʼaˬ kʼehˇ tiˬ gʼaˬ pyehˬ gʼeh leꞈ-euˬ laꞈ kʼoeˇ nga maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh bi sheuˬ doˆ nehˬ laꞈ-euˬ gaˇ kawˆ maˬ ehˇ, nawˇ siˬ nya jiˇ meh. Nawˬ-euˬ miˇ kʼahˬ laꞈ kʼoeˇ jaˆ-eu Kaˬdeˬshaˇ meuˬ-ahˇ nymˬ-mˇ nga maꞈ jawˇ luꞈ-eu ma.

Bawˇtsahˬ 32:8

Naw maꞈ-euˬ aˬ da deuˬ-ahˇ Kaˬdeˬshaˇbaˬneˬ-ahˇ neh miˇ kʼahˬ kʼoeˇ kʼahˬ-ahˇ ngaˇ bi kʼoeˬ sho haw leˇ ngeh, aˬ yawꞈ maꞈ kʼoeˇ loꞈ-ehˇ jahˇ-euˬ meh.

Bawˇtsahˬ 32:9

Eˇshaˬkawˇlaˆ deh kʼawꞈ-ahˇ keuˆ ni aˬ yawꞈ maꞈ le keuˆ-awˇ, miˇ kʼahˬ kʼoeˇ kʼahˬ-ahˇ haw mawˇ yaꞈ-euˬ meh. Ehˇ kʼawꞈ, aˬ yawꞈ maꞈ gʼoꞈ keuˆ le ngeh, Sahˬpaˬ Miˬyehˇ neh biꞈ-euˬ miˇ kʼahˬ-ahˇ Iˇsaˬleˬlaˆ tsawˇ haˬ deuˬ maˬ le uˇ peuˬ ni aˬ yawꞈ maꞈ jahˇ-euˬ meh.

Dawˬmehˬ 1:19

“Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ neh dawˬ kʼaˇ biꞈ-euˬ loꞈ-ehˇ aˬ dui mˇ-euˬ ma. Siˇnaˆ gawˬ jawˬ-ahˇ neh aˬ dui maꞈ doˆ le-awˇ, Aˬmoˬ miˇ kʼahˬ gawˬ jawˬ gawˬ duˇ-ahˇ keuˆ ni, guˆ laˇ paˬ-ehˇ gʼeh-eu jeˇ dui dui-eu bawˇ tsahˬ bawˇ dahˇ laꞈ kʼoeˇ aˬ dui maꞈ cah-awˇ, Kaˬdeˬshaˇbaˬneˬ-ahˇ aˬ dui maꞈ laˇ keuˆ-euˬ ma.

Dawˬmehˬ 1:2

Siˇnaˆ gawˬ jawˬ-ahˇ neh Eˬdoˬ miˇ kʼahˬ gawˬ jawˬ gawˬ duˇ paw neh Kaˬdeˬshaˇbaˬneˬ meuˬ-ahˇ tseˇ tiꞈ nah ya iˇ-eu meh.

Yawˇshuˆ 14:6

Tiˬ nah-aˬ, Yuˇdaˆ tsawˇ haˬ tiˬ deuˬ Giˇlaˇgaˬlaˇ-ahˇ Yawˇshuˆ jawˇ gaˇ laˇ-euˬ meh. Tsawˇ haˬ kʼoeˇ deuˬ nehˬ-ehˇ laˇ-euˬ Gaˬnaˆ aˇ jeuˬ Yeˬpuˬnehˇ-euˬ aˬ li Gaˬlehˆ gʼaˬ, Yawˇshuˆ-ahˇ ehˇ-eu, “Kaˬdeˬshaˇbaˬneˬ lehˇ kuˇ-eu jawˇ duˬ-ahˇ, aˇ nyaꞈ-euˬ gaˇ kawˆ Moˇseˬ-ahˇ Sahˬpaˬ Miˬyehˇ ehˇ nehˬ-euˬ nawˇ siˬ nya meh.

Yawˇshuˆ 14:7

Miˇ kʼahˬ heu kʼahˬ-ahˇ kʼoeˬ sho haw laˇ-eu gʼaˇ duˬ, Kaˬdeˬshaˇ meuˬ-ahˇ neh, Sahˬpaˬ Miˬyehˇ-euˬ zaˬ kʼaˆ pyeuꞈ-eu Moˇseˬ ngaˬ-ahˇ pyehˬ gʼeh laꞈ ngeh, ngaˇ oeˬ tseˇ kʼoꞈ byah-eu ma. Ya siˬ ya mawˇ-euˬ gaˇ kawˆ dawˬ tawˆ luꞈ, aˬ yawꞈ-ahˇ ngaˇ paˇ dzawˇ poˆ nehˬ-iˇ-euˬ ma.