Bawˇtsahˬ 12:7 - Akha

⁷ Ehˇ kʼawꞈ, ngaˬ-euˬ zaˬ kʼaˆ Moˇseˬ-ahˇ ngaˇ dawˬ ngehˬ cawˬ ngeh, kʼoeˇ loꞈ-ehˇ maˬ ngeuˇ. Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ dawˬ tawˆ luꞈ-ahˇ haw-eu pyaˆ-eu gaˇ heu, aˬ yawꞈ-ahˇ ngaˇ a nehˬ taˬ-euˬ ma.

Bawˇtsahˬ 12:7 ပူးပေါင်းရင်းမြစ်များ

Yawˇbaˆ 1:8

Sahˬpaˬ Miˬyehˇ ehˇ-eu, “Ngaˬ-euˬ zaˬ kʼaˆ Yawˇbaˆ-ahˇ nawˇ siˬ nya ma loˇ. Aˬ yawꞈ loꞈ-ehˇ saˇ jaˇ ziꞈ-eu muiˬ-eu jaˬ-eu tsawˇ haˬ miˇ tsaˬ kʼoeˇ taˆ tiˬ gʼaˬ-iˬ maˬ jawˇ-a. Aˬ yawꞈ ngaˬ-ahˇ uˬ duˬ tahˬ-awˇ, yaw lehˬ yaw ca jeˬ maˬ ya mˇ ni yahˇ dui dui-eu laꞈ kʼoeˇ dehꞈ luꞈ meh.”

Jaceuq 105:26

Aˬ yawꞈ neh tseˇ doˆ-euˬ zaˬ kʼaˆ deuˬ pyeuꞈ-eu, Moˇseˬ hawˇ-eu Aˬloˬ-ahˇ aˬ yawꞈ pyehˬ gʼeh-euˬ meh.

Doˆ-iˇ 33:11

Cawˬ nyiˬ gʼaˬ dawˬ ja ja cawˬ-eu loꞈ-ehˇ, Moˇseˬ-ahˇ Sahˬpaˬ Miˬyehˇ myaˆ pyawˬ ciˬ daˬ-awˇ dawˬ ngehˬ cawˬ-eu meh. Kʼoeˇ naˇ, Iˇsaˬleˬlaˆ tsawˇ haˬ deuˬ jawˇ gaˇ, Moˇseˬ gʼoꞈ-iˇ-eu meh.

Maꞈtehˬ 11:11

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Zaˬ miˬ zaˬ-euˬ uˬ maˆ laꞈ kʼoeˇ neh kʼaˇ dehꞈ doˆ le-euˬ tsawˇ haˬ zaˬ dawˬ tawˆ luꞈ laꞈ kʼoeˇ, Iˇ cuꞈ shawˇ-eu Yoˇhaˬ naˆ maˬ tseˇ huiˬ dzehˬ mahˇ dzehˬ-eu tiˬ gʼaˬ-iˬ maˬ jawˇ-a. Ehˇ kʼawꞈ, mˬ taˆ Miˇkʼahˬ laꞈ kʼoeˇ aˬ cawˬ taꞈ-ehˇ teˬ dui dui-eu gʼaˬ kʼawꞈ, Yoˇhaˬ naˆ maˬ tseˇ huiˬ dzehˬ mahˇ dzehˬ-eu meh.

Maꞈtehˬ 11:9

Naw maꞈ aˬ jeˬ-ahˇ haw-iˇ teˬ lehˇ ehˇ sheˇ. Miˬyehˇ gʼaˇ duˬ ngehˬ dah-eu gʼaˬ-ahˇ haw-iˇ-euˬ maˬ ngeuˇ loˇ. Ngeuˇ meh, maˇ maˇ ni Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ naw maꞈ haw-iˇ-euˬ meh. Ehˇ kʼawꞈ, Miˬyehˇ gʼaˇ duˬ ngehˬ dah-eu deuˬ dawˬ tawˆ luꞈ laꞈ kʼoeˇ, aˬ cawˬ naˆ maˬ tseˇ huiˬ dzehˬ-eu gʼaˬ-ahˇ naw maꞈ ya mawˇ-euˬ meh.

Gʼaˬkʼehˇ 7:31

Kʼoeˇ gaˇ ya mawˇ ngeh, aˬ yawꞈ zahˬ leˇ-awˇ, baw duˆ dawˬ peh le peh-awˇ haw duˬ leˇ-euˬ meh. Kʼoeˇ ngeh, SahˬpaˬMiˬyehˇ-euˬ teˇ saˇ aˬ yawꞈ ya gaˬ-euˬ meh.

1 Gawˇliˬtu 4:2

Zaˬ kʼaˆ tiˬ gʼaˬ-aˬ, yawˬ ha-euˬ baw leˬ-ahˇ saˇ jaˇ maˬ ziꞈ-ehˇ maˬ gʼeh nya-a.

Dawˬmehˬ 18:18

Nawˇ loꞈ-ehˇ gʼeh-eu ngaˬ-euˬ gʼaˇ duˬ ngehˬ dah-eu tsawˇ haˬ tiˬ gʼaˬ, aˬ yawꞈ maꞈ laꞈ kʼoeˇ ngaˇ bi doˆ laˇ ma. Aˬ joˆ-ehˇ ya ngehˬ ya tmˇ-eu gaˇ kawˆ ngaˇ aˬ yawꞈ-ahˇ ehˇ nehˬ-awˇ, ngaˬ neh dawˬ kʼaˇ biꞈ-euˬ yawˬ jeˬ na luꞈ, aˬ yawꞈ maꞈ-ahˇ aˬ yawꞈ ehˇ nehˬ tehꞈ-a.

Dawˬmehˬ 34:5

Kʼoeˇ naˇ, Sahˬpaˬ Miˬyehˇ neh ehˇ taˬ-eu loꞈ-ehˇ, Sahˬpaˬ Miˬyehˇ-euˬ zaˬ kʼaˆ Moˇseˬ-aˬ, Mawˇbaˆ miˇ kʼahˬ-ahˇ shiˇ-euˬ meh.

1 Tiˆmoˇseˬ 3:15

Ehˇ kʼawꞈ, ngaˇ yaw kawˇ-ehˇ maˬ laˇ keuˆ nya lawˬ naˇ, dehꞈ luꞈ-eu Miˬyehˇ-euˬ Ka li zaˬ aˇ muˇ pyeuꞈ-awˇ, yaw tsaˬ yaw dawˇ jeˬ-ahˇ toˆ diˇ taˬ-euˬ kʼawˇ zeuˇ pyeuꞈ-eu Miˬyehˇ-euˬ nymˇ jiˇ-ahˇ aˬ joˆ-ehˇ ya sheuˬ gʼeh-eu gaˇ kawˆ, sahˬ boꞈ heu taꞈ nawˬ-ahˇ mehˬ nehˬ laꞈ tehꞈ-a.

Yawˇshuˆ 1:1

Sahˬpaˬ Miˬyehˇ-euˬ zaˬ kʼaˆ Moˇseˬ shiˇ dzeuˇ ngeh, Moˇseˬ-ahˇ caw ba-eu gʼaˬ pyeuꞈ-eu Nuˬ-euˬ aˬ li Yawˇ shuˆ-ahˇ Sahˬpaˬ Miˬyehˇ dawˬ ngehˬ cawˬ-euˬ meh.

Yawˇshuˆ 1:2

Aˬ yawꞈ ehˇ-eu, “Ngaˬ-euˬ zaˬ kʼaˆ Moˇseˬ shiˇ dzeuˇ gʼaˬ-euˬ meh. Nawˇ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ nymˬ-mˇ lehˬ hmˬ-awˇ, Yawˇdaˬ lawˇ baˬ tsehˆ doˆ-awˇ, aˬ yawꞈ maꞈ-ahˇ ngaˬ neh biꞈ taˬ-euˬ miˇ kʼahˬ-ahˇ uˇ leˇ-awˬ.