Bawˇtsahˬ 12:5 - Akha

⁵ Mˬ dmˇ kʼawˇ zeuˇ laꞈ kʼoeˇ Sahˬpaˬ Miˬyehˇ zaꞈ le-awˇ, Sehˬ gʼawˆ-euˬ gʼoˆ kʼehˬ-ahˇ yawꞈ-awˇ, Aˬloˬ hawˇ-eu Miˇliˬyaˬ-ahˇ kuˇ-euˬ meh. Kʼoeˇ ngeh, aˬ yawꞈ nyaꞈ mehˬ hu paw jiˆ doˆ leˇ-euˬ meh.

Bawˇtsahˬ 12:5 ပူးပေါင်းရင်းမြစ်များ

Jaceuq 99:7

Mˬ dmˇ kʼawˇ zeuˇ laꞈ kʼoeˇ aˬ yawꞈ maꞈ-ahˇ dawˬ ngehˬ cawˬ-awˇ, aˬ yawꞈ neh biꞈ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ deuˬ-ahˇ, aˬ yawꞈ maꞈ naˇ haˬ geuꞈ-euˬ meh.

Doˆ-iˇ 19:9

Moˇseˬ-ahˇ Sahˬpaˬ Miˬyehˇ ehˇ nehˬ-eu, “Ngaˇ nawˬ-ahˇ dawˬ ngehˬ cawˬ gaˇ tsawˇ haˬ heu deuˬ ya gaˬ-awˇ, aˬ kaˇ naˇ, aˬ yawꞈ maꞈ nawˬ-ahˇ jah laˇ ni, zahˇ tsui ni gʼeh-eu mˬ dmˇ laꞈ kʼoeˇ nawˇ jawˇ gaˇ ngaˇ oe ma.” Tsawˇ haˬ kʼoeˇ deuˬ neh ehˇ-euˬ dawˬ kʼoeˇ dawˬ, Sahˬpaˬ Miˬyehˇ-ahˇ Moˇseˬ tsaꞈ nehˬ leˇ-euˬ meh.

Doˆ-iˇ 34:5

Mˬ dmˇ laꞈ kʼoeˇ Sahˬpaˬ Miˬyehˇ zaꞈ le-awˇ, Moˇseˬ-euˬ dawˬ peh yawꞈ-awˇ, Sahˬpaˬ Miˬyehˇ lehˇ myahˇ-euˬ aˬ yawꞈ-euˬ muiˬ-eu shawˇ-eu tsawˇ myahˇ kʼoeˇ ehˇ doˆ nehˬ-euˬ meh.

Doˆ-iˇ 40:38

Aˬ yawꞈ maꞈ doe doe-ehˇ jawˇ jawˇ-ehˇ cah-euˬ aˇ nah aˇ yamˬ laꞈ kʼoeˇ, Sahˬpaˬ Miˬyehˇ jawˇ-eu saˇ kiˇ pyeuꞈ-eu mˬ dmˇ kʼoeˇ, nah gʼahˇ paw Sehˬ gʼawˆ kʼoeˇ taˆ jaˆ-awˇ, uˬ ciꞈ paw mˬ dmˇ laꞈ kʼoeˇ miˬ dzaˬ doꞈ luꞈ-eu meh.

Bawˇtsahˬ 11:25

Kʼoeˇ ngeh, mˬ dmˇ laꞈ kʼoeˇ Sahˬpaˬ Miˬyehˇ zaꞈ le-awˇ, aˬ yawꞈ-ahˇ dawˬ ngehˬ cawˬ-euˬ meh. Moˇseˬ-ahˇ biꞈ taˬ-euˬ yaw sahˇ tiˬ paˆ deuˬ aˬ yawꞈ yuˇ-awˇ, aˬ yuiꞈ aˬ tsu kʼoeˇ shiꞈ tseˇ gʼaˬ-ahˇ biꞈ-euˬ meh. Aˬ yawꞈ maꞈ kʼoeˇ taˆ yaw sahˇ keuˆ le ngeh, Miˬyehˇ gʼaˇ duˬ ngehˬ dah-eu deuˬ loꞈ-ehˇ aˬ yawꞈ maꞈ guˇ-eu meh. Ehˇ kʼawꞈ, tiˬ kʼehˬ laˇ kʼehˇ tehꞈ-ehˇ aˬ yawꞈ maꞈ guˇ-euˬ meh.

Bawˇtsahˬ 12:4

“Naw maꞈ smˇ gʼaˬ ngaˇ jawˇ-eu Sehˬ gʼawˆ-ahˇ laˇ-awˬ” lehˇ, Moˇseˬ, Aˬloˬ hawˇ-eu Miˇliˬyaˬ aˬ ha smˇ gʼaˬ-ahˇ Sahˬpaˬ Miˬyehˇ ja pyuˬ ni ehˇ nehˬ-euˬ meh. Kʼoeˇ ngeh, aˬ yawꞈ maꞈ smˇ gʼaˬ kʼoeˇ gaˇ le-euˬ meh.