Bawˇtsahˬ 12:14 - Akha

¹⁴ Sahˬpaˬ Miˬyehˇ ehˇ-eu, “Aˬ yawꞈ-euˬ aˬ da neh aˬ yawꞈ-euˬ myaˆ pyawˬ-ahˇ duˬ kʼaˬ kʼa daˆ nehˬ law nmˇ-aˬ, shiꞈ nah keuˆ ni aˬ yawꞈ ya shaꞈ dawˇ-eu maˬ ngeuˇ-a loˇ. Shiꞈ nah keuˆ ni aˬ yawꞈ-ahˇ pu laꞈ nyiˇ paw teh dzeh-awˇ, shiꞈ nah byah laˆ naˇ paˇ bi gʼoꞈ laˇ nya tehꞈ-a.”

Bawˇtsahˬ 12:14 ပူးပေါင်းရင်းမြစ်များ

2 Sahˬpaˬ 15:5

Sahˬpaˬ Miˬyehˇ neh Awˇziˇ-ahˇ maˬ shiˇ tiˬ ziˇ nyawˬ bi naˇ-awˇ, nymˇ tiˬ nymˇ laꞈ kʼoeˇ aˬ yawꞈ tiˬ gʼaˬ tehꞈ-ehˇ jawˇ-euˬ meh. Aˬ yawꞈ-euˬ aˬ li Yoˇdaˬ gʼaˬ neh miˇ kʼahˬ-ahˇ bi uˆ lahˇ-euˬ meh.

Yawˇbaˆ 17:6

Nymˬ-mˇ aˬ cawˬ dawˬ daˬ kʼoeˇ hmˬ zmˬ-awˇ ngaˬ-ahˇ laꞈ noeˇ toeˬ luꞈ meh. Aˬ yawꞈ maꞈ ngaˬ-euˬ myaˆ kʼahˬ-ahˇ duˬ kʼaˬ kʼa shehˬ laˇ-eu meh.

Yawˇbaˆ 30:10

Aˬ yawꞈ maꞈ ngaˬ-ahˇ nui daˆ daˆ-eu meh. Aˬ yawꞈ maꞈ ngaˇ naˆ maˬ tseˇ muiˬ dzehˬ ma lehˇ noeˬ-awˇ, ngaˬ-euˬ myaˆ pyawˬ-ahˇ duˬ kʼaˬ kʼa shehˬ laˇ-eu meh.

Iˇsaˬyaˇ 50:6

Ngaˬ-ahˇ diˬ-eu deuˬ-ahˇ ngaˇ dahˇ teˇ ciˬ daˬ nehˬ-euˬ ma. Aˬ yawꞈ maꞈ ngaˬ-euˬ mehˬ mahˬ tseuˆ doˆ niˇ gʼa ngeh, ngaˬ-euˬ baˬ ba maˬ gʼawˇ pyawˇ-aˬ. Aˬ yawꞈ maꞈ cehꞈ lehꞈ ka-awˇ duˬ kʼaˬ kʼa daˆ nehˬ laꞈ ngeh, ngaˬ-euˬ myaˆ pyawˬ maˬ ciˬ zaꞈ-aˬ.

Uˬ duˬ 13:4

Ehˇ kʼawꞈ, maˇ naˇ kʼoeˇ yaw pyuˇ pyuˇ-ehˇ gʼeh-awˇ, baˆ kʼoˆ naˆ maˬ tseˇ maˬ naꞈ-ehˇ, kʼoeˇ gaˇ tsoꞈ-eu caꞈ hm yaw pyuˇ maˬ pyuˇ naˇ, piˇ ma gʼaˬ, maˇ naˇ naˇ-eu tsawˇ haˬ kʼoeˇ gʼaˬ-ahˇ shiꞈ nah keuˆ ni ya ha lahˇ taˬ meh.

Uˬ duˬ 14:8

Tsawˇ haˬ kʼoeˇ gʼaˬ yawˬ ha-euˬ mehˬ tsoeˬ lehˬ tsiˬ-awˇ, uˬ jehˆ jehˆ dzeh-awˇ, iˇ cuꞈ ya dzuiꞈ shawˇ meh. Kʼoeˇ naˇ, shawˇ-eu tsawˇ haˬ pyeuꞈ laˇ-eu meh. Pu laꞈ kʼoeˇ aˬ yawꞈ uˇ leˇ nya meh. Ehˇ kʼawꞈ, aˬ yawꞈ-euˬ sehˬ gʼawˆ laˬ nyiˇ, shiꞈ nah keuˆ ni aˬ yawꞈ ya jawˇ meh.

Bawˇtsahˬ 5:1

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh.

Maꞈtehˬ 26:67

Kʼoeˇ naˇ, aˬ yawꞈ maꞈ aˬ yawꞈ-euˬ myaˆ pyawˬ-ahˇ duˬ kʼaˬ kʼa daˆ-awˇ diˬ-euˬ meh. Tiˬ paˆ na deuˬ aˬ yawꞈ-euˬ baˬ ba-ahˇ tehˆ-awˇ heu loꞈ-ehˇ naˬ gʼa nehˬ-euˬ meh.

Dawˬmehˬ 25:9

meuˬ kʼoeˇ taˆ aˬ yuiꞈ aˬ tsu geuꞈ-eu deuˬ mehˬ shi, aˬ tsu gʼaˬ aˬ yawꞈ dawˬ peh le-awˇ, aˬ yawꞈ-euˬ sehˬ nawˆ tiˬ pyawˬ gʼeu lehˆ nehˬ-awˇ, myaˆ pyawˬ-ahˇ duˬ kʼaˬ kʼa shehˬ nehˬ-awˇ, ‘Yawˬ ha-euˬ mehˇ nmˇ-euˬ aˇ jeuˬ aˇ ca maˬ ya byoˆ-iˇ ni maˬ mˇ mawꞈ-eu gʼaˬ-ahˇ heu loꞈ-ehˇ jahˇ nehˬ nyaˇ’ lehˇ ya ehˇ meh.

HeˬByehˇ 12:9

Aˬ dui-euˬ zaˬ baw aˬ da deuˬ kʼawꞈ, aˬ dui-ahˇ diˬ laˇ-eu meh. Ehˇ kʼawꞈ, yawˬ ha-euˬ aˬ da-ahˇ aˬ dui yaw zeu baw-eu ma. Toˆ-ehˇ ngeuˇ naˇ, mˬ kʼoeˇ taˆ jawˇ-eu aˬ dui-euˬ Aˬ da pyeuꞈ-eu Miˬyehˇ-ahˇ aˬ dui aˇ naˆ ni yaw zeu baw-awˇ dehꞈ paˬ nga.