Bawˇtsahˬ 12:1 - Akha

¹ Kuˇshaˆ tsawˇ jeuˬ zaˬ miˬ zaˬ-ahˇ Moˇseˬ sheuˬ-euˬ miˇ neh, Miˇliˬyaˬ hawˇ-eu Aˬloˬ aˬ nyaꞈ aˬ yawꞈ-ahˇ iˬ baˇ taˬ-euˬ meh.

Bawˇtsahˬ 12:1 ပူးပေါင်းရင်းမြစ်များ

Aˇ dahˬ 24:3

Kaˬnaˬ miˇ kʼahˬ laꞈ kʼoeˇ jawˇ-eu zaˬ miˬ aˬ buˇ deuˬ laꞈ kʼoeˇ, ngaˬ li gʼaˇ duˬ miˬ zaˬ maˬ poˆ nehˬ lehˇ, mˬ hawˇ-eu miˇ-ahˇ uˆ lahˇ-eu Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi, nawˬ-ahˇ ngaˇ saˇ jaˇ bi dzaˬ mawꞈ-eu ma.

Aˇ dahˬ 24:37

Ngaˬ-euˬ baw leˬ ngaˬ-ahˇ heu loꞈ-ehˇ ehˇ-eu meh. ‘Ngaˇ kʼaˇ ehˇ-eu loꞈ-ehˇ mˇ ma lehˇ saˇ jaˇ dzaˬ-awˬ. Ngaˬ li gʼaˇ duˬ miˬ zaˬ poˆ nehˬ ngeh, Kaˬnaˬ miˇ kʼahˬ laꞈ kʼoeˇ jawˇ-eu zaˬ miˬ aˬ buˇ deuˬ-ahˇ taˬ poˆ.

Aˇ dahˬ 27:46

Iˇtsaˆ-ahˇ Leˬbehˇkaꞈ ehˇ nehˬ-eu, “Aˬ cawˬ tsawˇ jeuˬ pyeuꞈ-eu Iˇsawˇ-euˬ miˬ zaˬ deuˬ baˬ da neh ngaˇ nui ma cawˆ dui dui nya. Yaˬkoˆ gʼaˬ kʼawꞈ, Heˬtaˆ tsawˇ jeuˬ-ahˇ paˇ sheuˬ lawˬ naˇ, ngaˇ shiˇ-eu maˬ ngeuˇ naˇ maˬ paˇ dzeˇ miˇ-a.”

Aˇ dahˬ 41:45

Sahˬ paˬ kʼoeˇ gʼaˬ neh Yoˇsehˆ-ahˇ Iˇjiˇtuˆ tsawˇ myahˇ biꞈ-awˇ, Zaˬpaˬnaˆpaˬnehˇ lehˇ myahˇ nehˬ-euˬ meh. Kʼoeˇ naˇ, Heˬliˬpawˇliˆ meuˬ-ahˇ piˇ ma geuꞈ luꞈ-eu Pawˇtiˇpeˬlaˇ-euˬ aˬ buˇ Aˬseˇnaˆ-ahˇ bi sheuˬ-euˬ meh.

Doˆ-iˇ 2:16

Kʼoeˇ ngeh, Miˇdiˬyaˬ miˇ kʼahˬ-euˬ piˇ ma pyeuꞈ-eu Yeˬdaˬyoˇ-euˬ aˬ buˇ shiꞈ gʼaˬ, aˬ yawꞈ maꞈ-euˬ aˬ da-euˬ yawˇ hawˇ-eu ciꞈ myehꞈ deuˬ-ahˇ iˇ cuꞈ bi dawˇ-eu gʼaˇ duˬ, jeˬ zaˬ-euˬ iˇ cuꞈ kʼawˇ lawˬ-ahˇ iˇ cuꞈ kʼawꞈ ahˇ-eu lehˇ, lah duˬ-ahˇ oe-euˬ meh.

Doˆ-iˇ 2:21

Kʼoeˇ naˇ, aˬ yawꞈ pehˬ nehˬ-ehˇ jawˇ-eu gʼaˇ duˬ, Moˇseˬ nui ma tsaˬ-awˇ, Yeˬdaˬyoˇ neh Moˇseˬ-ahˇ, aˬ yawꞈ-euˬ aˬ buˇ Ziˬpoˇlaˬ-ahˇ bi sheuˬ-euˬ meh.

Doˆ-iˇ 34:16

Naw maꞈ-euˬ zaˬ yo aˬ li deuˬ, lawˇ ciꞈ zaˬ kʼoeˇ deuˬ-euˬ zaˬ miˬ aˬ buˇ deuˬ-ahˇ sheuˬ-awˇ, ngaˬ-ahˇ saˇ jaˇ puiˬ-eu laꞈ kʼoeˇ, lawˇ ciꞈ zaˬ deuˬ-euˬ miˬyehˇ-ahˇ uˬ duˬ tahˬ ni, zaˬ mi aˬ buˇ kʼoeˇ deuˬ aˬ yawꞈ maꞈ-ahˇ sheuˬ gʼeh tehꞈ-a.

Uˬ duˬ 21:14

Miˬ coeˬ miˬ ma-ahˇ maˬ ehˇ, miˬ kʼoꞈ-ahˇ maˬ ehˇ, meh maˬ laˇ geuꞈ haw-euˬ zaˬ miˬ zaˬ-ahˇ maˬ ehˇ, aˬ yawꞈ maˬ ya sheuˬ-a. Kʼaˬ dzeˇ zaˬ neh maˬ bi toeˬ ciˆ haw-euˬ aˬ yawꞈ-euˬ aˇ jeuˬ aˇ ca pyeuꞈ-eu miˬ daꞈ-ahˇ tehꞈ-ehˇ aˬ yawꞈ ya sheuˬ dahˬ dzaˬ meh.

Bawˇtsahˬ 14:22

tsawˇ haˬ heu deuˬ laꞈ kʼoeˇ tiˬ gʼaˬ-iˬ miˇ kʼahˬ kʼoeˇ kʼahˬ laꞈ kʼoeˇ uˇ keuˆ leˇ ngeh keuˆ ni maˬ ya dehꞈ keuˆ-eu jeˬ kʼawꞈ, yaw duˬ baw tehꞈ-a. Ngaˬ-euˬ yaw shehꞈ kʼahˬ sehˇ laꞈ kʼoeˇ ngaˇ jawˇ luꞈ-eu jeˬ-ahˇ maˬ ehˇ, Iˇjiˇtuˆ miˇ kʼahˬ laꞈ kʼoeˇ hawˇ-eu bawˇ tsahˬ bawˇ dahˇ laꞈ kʼoeˇ ngaˬ neh mˇ-euˬ zahˬ leˇ paˬ-ehˇ gʼeh-eu jeˬ-ahˇ maˬ ehˇ, aˬ yawꞈ maꞈ ya mawˇ gʼaˬ-euˬ kʼawꞈ, ngaˬ-euˬ oˇ oꞈ nya-eu nui ma-ahˇ aˬ yawꞈ maꞈ tiˬ poˆ saˇ-iˬ tiˬ poˆ lawˬ haw-awˇ, ngaˬ-euˬ ehˇ dawˬ-ahˇ maˬ naˇ haˬ geuꞈ-a.

Bawˇtsahˬ 26:59

Aˬmaˬlamˬ-euˬ miˬ zaˬ-euˬ tsawˇ myahˇ-aˬ, Iˇjiˇtuˆ miˇ kʼahˬ-ahˇ dehꞈ le-euˬ Leˬbiˇ-euˬ aˬ buˇ Yawˇjeˬbehˇ pyeuꞈ-eu meh. Aˬ yawꞈ-aˬ, Aˬmaˬlamˬ gʼaˇ duˬ Aˬloˬ hawˇ-eu Moˇseˬ lehˇ myahˇ-euˬ aˬ li nyiˬ li ciˬ-awˇ, Miˇliˬyaˬ lehˇ myahˇ-euˬ aˬ buˇ tiˬ buˇ ciˬ-euˬ meh.

Maꞈtehˬ 10:36

Aˬ cawˬ naˆ maˬ tseˇ yawˬ ha-euˬ nymˇ kʼahˬ zaˬ deuˬ yawˬ ha-ahˇ muiˇ laˇ tehꞈ-a.

Maꞈtehˬ 12:48

“Ngaˬ ma aˬ suˇ gʼaˬ-a. Ngaˬ-euˬ mehˇ nmˇ aˬ suˇ gʼaˬ-a” lehˇ, aˬ yawꞈ-ahˇ ehˇ gaˬ laˇ-euˬ tsawˇ haˬ kʼoeˇ gʼaˬ-ahˇ Yeˬsuˇ ehˇ nehˬ-euˬ meh.

Yoˇhaˬ 15:20

‘Baw leˬ naˆ maˬ tseˇ huiˬ dzehˬ-eu zaˬ kʼaˆ maˬ jawˇ-a’ lehˇ ngaˬ neh naw maꞈ-ahˇ ehˇ nehˬ-euˬ dawˬ-ahˇ taˬ ngehˇ. Aˬ yawꞈ maꞈ ngaˬ-ahˇ kʼehˬ nehˬ kʼaˆ nehˬ laꞈ-euˬ-aˬ, naw maꞈ-ahˇ kʼawꞈ kʼehˬ nehˬ kʼaˆ nehˬ laꞈ tehꞈ-a. Aˬ yawꞈ maꞈ ngaˬ neh mehˬ nehˬ tsoˆ nehˬ-euˬ dawˬ-ahˇ naˇ haˬ geuꞈ naˇ, naw maꞈ neh mehˬ nehˬ tsoˆ nehˬ-euˬ dawˬ-ahˇ kʼawꞈ naˆ haˬ geuꞈ tehꞈ -a.

Yoˇhaˬ 7:5

Aˬ yawꞈ-euˬ uˇ pyehˆ mehˇ nmˇ deuˬ kʼawꞈ aˬ yawꞈ-ahˇ maˬ jah-a.

Gaˬlaˬtiˆ 4:16

Nymˬ-mˇ ngaˇ naw maꞈ-ahˇ yaw tsaˬ yaw dawˇ jeˬ ehˇ nehˬ-euˬ miˇ neh, ngaˇ naw maꞈ-ahˇ muiˇ-eu tsawˇ haˬ pyeuꞈ shaw taˬ loˇ.